Amɔsɩ 8:11 - A SƐB-SÕW

¹¹ À ŋá n'a a Sore ɩ̃ Naaŋmɩn yere: bibie waar'a na vɩɛ, ɩ̃ na ɩ kɔ̃ lo a tẽw. Bʋ̃-dɩrɩ kɔ̃ bɩɩ kʋ̃ɔ kʋ̃ɔ-nyúur bɛ n'a na kpɩɛr a nɩbɛ ɩ, a Sore ƴɛ̀rʋ bɛr-wob kɔ̃ nɩ a kʋ̃ɔ-nyúur'a na kpɩɛr bɛ.

Amɔsɩ 8:11 ပူးပေါင်းရင်းမြစ်များ

2 Bibie za yel-manɩ 15:3

A daar bɛ gbʋ́r ɛ, a Ɩsɩrayɛl nɩbɛ na bɛ tɛr a Naaŋmɩn-sɩza a ɩ, bɛ tɛr bàwr-maalbɛ bɛ na wul bɛ ɩ, bɛ tɛr a Wulu ɛ.

Sɛb-sõw yielu 74:9

Tɩ bɛ mɩ́ cãà nyɛ̃ a bãwfʋ na wul kɛ́ fʋ be n ka a ɩ, ƴɛ̀r-manbɛ bɛ cãà be ɩ, ɛ́ nɩr za a tɩ pʋɔ bɛ bãw debor'a a na cɛlɩ tɩ ta a ɩ.

Zʋkpaɩ 29:18

A nɩdaar yele bɛ wa cãà nyɛrɛ a, a nɩbɛ mɩ́ bʋ̀nɛ na ɩrɛ. Ɛcɛ zu-nʋ̃ɔ̀ sob'ɩ a sob nɛ na tuur a wulu a.

Ɩzayi 5:6

Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

A naaŋmɩn-ƴèr-manɛ Oze sɛbɛ 2:3

Nyɩ yere a nyɩ yɛbr kɛ́: «Ɩ̃ nɩ-bʋʋrɛ!», ɛ́ a nyɩ yeepuuli kɛ́: «Pɔw-nɔna nɔna.»

Mise 3:6

A na ɩ à ŋá a, a bʋ̃-nyɛrɩ nʋɔr kʋ na! Zie na sɔb'a pàw nyɩ, naaŋmɩn-ƴɛ̀r-manbɛ ɛ. Nɩdaar yele yelu baar'a! Lige na pili na pàw nyɩ mɛ̃ a lɛ mʋ̃tɔ̃w na mɩ́ wa kpɛ baar'a, ɛ́ nyɩ na be n lige pʋɔ.»

Matie 9:36

Ʋ na tɩ nyɛ̃ a zu-sɛbla a, nɩbaalʋ tɩ kpɛ ʋ nɩ a bɛ ƴãw. Bɛ tɩ bàl bàl'a gã mɛ̃ píir na bɛ tɛr cɩ̃ɩnɛ a.

1 Samɩɛl 28:15

A Samɩɛl tɩ sowr'ɩ a Sawul: «Bʋ̃ʋ n'ʋ so fʋ sãw a ɩ̃ pɩ̃ɛnʋ bɛr? Bʋnʋ ƴãw n'a fʋ ƴãw bɛ bʋɔlɩ mɛ̃?» A Sawul sɔw: «Kpɩɛrʋ nyɔw mɛ̃ nɩ yaga za. A Filisɩtɛ̃ mɩnɛ zɛbr'ɩ mɛ̃ na, ɛ́ a Naaŋmɩn zawrɩ mɛ̃ bɛr. A naaŋmɩn-ƴɛ̀r-manbɛ zie n'a ɩ̃ sowre ʋ bɩɩ, ʋ bɛ sɔwr ɛ, zánʋ pʋɔ n'a bɩɩ, ʋ bɛ sɔwr ɛ. Alɛ n'a so ɩ̃ bʋɔlɩ fʋ kɛ́ fʋ wul mɛ̃ bom nɛ a na fɛr k'ɩ̃ɩ ɩ a.»

1 Samɩɛl 28:6

Lɛ n'a ʋ tɩ sowri a Sore, ɛcɛ a Sore bɛ tɩ sɔw ʋ ɛ: a ɩ n a zánʋ pʋɔ bɩɩ, ʋ bɛ tɩ sɔw ʋ ɛ, a bàwr-maalbɛ kpan-bie n'a ʋ tɩ gba bɩɩ, a Sore cãà bɛ tɩ sɔw ʋ ɛ, a naaŋmɩn-ƴɛ̀r-manbɛ zie n'a bɩɩ, a Sore bɛ tɩ sɔw ʋ bom za ɩ.

1 Samɩɛl 3:1

A Samɩɛl ʋl na tɩ cãà ɩ pɔlbile a tɩ tone nɩ a Sore tome a Eli niŋé. A lɛn daar, a Sore bɛ tɩ ƴɛ̀rɛ cãcã a nɩbɛ zie ɩ, ɛ́ a ʋ nyɛ́b bɛ tɩ ɩ cãcã ɩ.