Amɔsɩ 8:10 - A SƐB-SÕW

¹⁰ Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Amɔsɩ 8:10 ပူးပေါင်းရင်းမြစ်များ

Yele-za-pɛr-tib 21:16

Al pùorí ʋ taw yi pùor man pĩi bɛ na tɛ a tɩ zɩ̃. Bʋ̃ʋ n'ʋ vɛ̃, ʋ tɩ tɩɛrɛ nɩ ʋ pʋɔ: «Ɩ̃ bɛ bɔbr k'ɩ̃ɩ nyɛ̃ a ɩ̃ bie kũu ɛ!» Lɛ n'a ʋ tɩ taw yi zɩ̃, ɛ́ vaa kɔkɔr kone.

A Zɔb sɛbɛ 20:23

A lɛn daar ʋ na su zu dɩrɛ k'ʋʋ paalɩ a púor a, lɛn daar'a a Naaŋmɩn suur na ìr a ʋ ƴãw, lɩɛbɩ a ʋ dɩb.

A Zɔb sɛbɛ 3:5

Liw-varkpara, ʋ so a bibir ŋa, zũzuwr sɛbla malmal, ʋ piw ʋ tɛr, a zie, ʋ sɔb a mʋ̃tɔ̃-tuo.

A Zɔb sɛbɛ 30:31

A ɩ̃ korijom ŋmɩɛr'ɩ kuor zʋkpaɩ tɛwr, ɛ́ a kon-konbɛ kɔkɛɛ nɩ a ɩ̃ wele dem de taa.

Ɩzayi 3:24

Pʋɔrʋ nyũu na lɩɛr'ɩ a parfɛ̃ nyũu, miwr na lɩɛr'ɩ a kpàwr. Zu bɛ na fɔr'a na lɩɛr'ɩ a zu bɛ na pàl tɩ ƴãw kpɛ̃kpɛrsɩ a. Vʋɔra pɛn gãw na lɩɛr'ɩ a dɛpaal bʋ̃-suuri. Ƴã-ganɩ́ bãwfʋ na ɩrɛ vĩ a na lɩɛr'ɩ a vɩɛlʋ bãwfʋ.

Zeremi 2:19

A fʋ ɩ-faa, ʋ dɔwrɩ fʋ! A fʋ pùor-lɛbrʋ ɩ-ɩrɩ, a kpãà fʋ! Lɛ n'a fʋ na nyɛ̃ ɛ́ bãw yel ŋa: a mãa, a Sore fʋ Naaŋmɩn zawr-bɛrʋ sɩrɩ na kpɛ faa ɛ́ buore! Sɩza n'a, fʋ bɛ cãà màwr a ɩ̃ niŋé ɩ. A Sore, a kpɛnʋ-za-sob'ʋ yel.»

Zeremi 48:37

A dɛbr za fɔr'ɩ a bɛ zuru, ɛ́ põ a bɛ tɩ̃ɛmɛ. Bɛ wɛr wɛr'ɩ a bɛ nuru, ɛ́ su vʋɔrɩ kparɩ.

Zeremi 6:26

«Ɩ̃ nɩ-bʋʋrɛ ɛ, nyɩ su vʋɔrɩ kparɩ, nyɩ bile a tanɛ pʋɔ! Nyɩ tĩ a kuor maalʋ mɛ̃ bidɛb-been ƴãw a. Nyɩ kõ lãwnɩ tʋlʋtʋlʋ, bʋ̃ʋ n'ʋ vɛ̃, a dɔ̃ sob na sãwnɛ bom za a, na ùr'a ta a nyɩ ƴãw.»

A Lãw-mʋɔlɛ 5:15

A tɩ su-nʋ̃ɔ̀ baar'a, a tɩ nʋ̃ɔ̀ bɩnɛ lɩɛb'ɩ ko-bɩnɛ.

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

Ezekɩɛl 7:2

«Ɛ́ a fʋ̃ʋ, nɩsaal bie, bɛrɛ wone a lɛ a Sore Naaŋmɩn na yere kʋ̀rɛ a Ɩsɩrayɛl tẽw dem a: A baar'a, a kpɩɛrʋ pɛ-baara ta n a tẽw lõbowe a za anaar.

A naaŋmɩn-ƴèr-manɛ Oze sɛbɛ 2:11

Alɛ so, ɩ̃ na lɛb'a de a ɩ̃ ble a ble cɛb daar, nɩ a divɛ̃-paala a divɛ̃ daar. Ɩ̃ na faa nɩ a ɩ̃ pi-kɔblʋ pɛnɛ nɩ a ɩ̃ lɛ̃ pɛnɛ na tɩ pàw a ʋ faalʋ a.

A naaŋmɩn-ƴèr-manɛ Oze sɛbɛ 2:13

Ɩ̃ na ɩ n a ʋ nʋ̃ɔ̀ za baarɩ, a ʋ cuwr, a ʋ cuw-paalɛ, nɩ a ʋ pɩ̃ɛnʋ-bibie, nɩ a ʋ cuw-bɛrɛ za.

Zowɛl 1:8

Nyɩ tuo nuru zũú kone nɩ, mɛ̃ pɔwsɩrale na su ko-tuolu bome kone nɩ a ʋ sɩr ʋ na kul paalʋ ʋ kpi a.

Levitɩ mɩnɛ 13:40

«Nɩr zukɔbɛ wa kpa lo, ʋʋ ɩ zu-kpalɛ a, ʋ cãà na vɩɛl.

Amɔsɩ 5:21

Ɩ̃ bɛ nɔnɛ a nyɩ zi-sõw cenu ɛ, ɩ̃ jewre nɩ a cenu á ŋá. A nyɩ ɓã-taar bɛ ɩrɛ mɛ̃ nʋ̃ɔ̀ kãw za ɩ.

Amɔsɩ 5:23

Nyɩ ɩ a nyɩ yielu gɔmɛ zãá nɩ mɛ̃, ɩ̃ bɛ bɔbr k'ɩ̃ɩ wõ a nyɩ korijom ŋmɩɛrʋ ɛ.

Amɔsɩ 8:3

A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

Nahum 1:10

Bɛ ŋmɛ̃ na mɛ̃ gʋʋr na mɩl mɩl taa a, a bɛl na mɩ́ nyũ tɩ kuoli a. Bɛ na dɩ n kʋmkʋm, mɛ̃ mɔ̃-kon a.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Wulu-ayi-sob 16:14

Nʋ̃ɔ̀ na mɩ́ ɩrɛ nyɩ nɩ a cuw maalʋ ƴãw, nyɩmɛ nɩ a nyɩ bidɛbr nɩ a nyɩ pɔwyaar, nɩ a nyɩ tõ-tõ-bi-dɛbr nɩ a nyɩ tõ-tõ-pɔwbɛ nɩ a levitɩ mɩnɛ, a nʋʋrɩ na kpɩɛr a nyɩ zie a, a bi-kpebe nɩ a pɔw-kɔbɛ na kpɩɛr a nyɩ sɔgɔ a.