Amɔsɩ 7:4 - A SƐB-SÕW

⁴ Bom ŋa n'ʋ a Sore ɩ̃ Naaŋmɩn tɩ ɩ ɩ̃ nyɛ̃: vũu n'a a Sore ɩ̃ Naaŋmɩn tɩ dɩrɛ nɩ a ƴɛ̀rʋ. A vũu tɩ ɩ n a tẽsɔw pile kʋ̃ɔnɩ sɩr, ɛ́ a vũu do dɩrɛ a tẽw.

Amɔsɩ 7:4 ပူးပေါင်းရင်းမြစ်များ

Ɩzayi 27:4

Ɩ̃ bɛ cãà nyɛ̃ nɩ ʋ suur ɛ. Ɛcɛ mãa wa nyɛ̃ gɔ-tuwr a, ɩ̃ na zɛb'ɩ a na ɛ́ nyɩw a bɛr.

Zeremi 21:12

Daviir yir nɩbɛ ɛ. À ŋá n'a a Sore yere: Biɓaarɛ za a, nyɩ mɩ́ dɩ a ƴɛ̀rʋ a tu mɩnʋ. Nyɩ mɩ́ faa a sob nɛ bɛ na farɛ a, a sob nɛ na nɛbr ʋ a nuru pʋɔ. Alɛ bɛ ɩ lɛ, a ɩ̃ suur na 'le na mɛ̃ vũu a, ʋ na dɩrɛ na ɛ́ nɩr za kʋ̃ be be kpiir ʋ ɛ, a nyɩ faa nyɩ na maalɩ a zũú.

Zeremi 4:4

Bɛ ŋma nyɩ nɩ a yɛɛ, a lɛ pʋɔ a, nyɩ ɩ nɩbɛ na ŋma yɛɛ a mãa Sore ƴãw a. Zuda tẽw dem i, Zerizalɛm nɩbɛ ɛ, nyɩ de a nyɩ nyɔ-vʋʋrʋ kʋ̀ m. Alɛ bɛ ɩ lɛ, a ɩ̃ suur na ìr'ɩ kel mɛ̃ vũu a, ʋ na dɩrɛ na ɛ́ nɩr bɛ be na tʋ̃ɔ́ ʋ kpiiri ɛ, a faa nyɩ na maalɩ a zũú.

Ezekɩɛl 21:3

Fʋ na yel bɛ na kɛ́ bɛ bɛrɛ wone a ƴɛ̀rʋ a mãa Sore Naaŋmɩn na ƴɛ̀rɛ a saa-pɛrɩ́-dʋrʋ-lowr tuw zie a: Ɩ̃ na nyɩw nɩ vũu na na dɩ a tɩ-ɓaar nɩ a tɩ-kon za a. A vũu-zɛlɛ bɛ tɛr nãà kpiiri ɛ, ɛ́ a nɩbɛ za na dɩ na, a saa-pɛrɩ́-dʋrʋ-lowr tɩ tɔ a saa-pɛrɩ́-gʋba-lowr.

Zowɛl 1:19

Sore e, fʋ̃ʋ n'ʋ ɩ̃ ŋmɩɛr a cɛlsɩ cɔwr! A vũu dɩrɛ nɩ a dʋn mʋ̃ɔ 'wɔbrʋ zie a dɩlãpʋɔ pʋɔ, a vũu-zɛlɛ báarɛ nɩ a póru tɩɩr za.

Levitɩ mɩnɛ 10:2

Lɛ n'a vũu-zɛl tɩ ƴaw yi a Sore niŋé, dɩ bɛ, bɛ kpi a be.

Amɔsɩ 1:4

À á ŋá zũú, ɩ̃ na ƴãw na vũu dɩ a nãà Hazayɛl yir, vũu na dɩ n a nãà Bɛn-Hadadɩ yir.

Amɔsɩ 1:7

ɩ̃ na ƴãw nɩ vũu a Gaza tẽw dacine, ʋʋ na dɩ n a ʋ yir-vɩɛlɩ vɩɛlɩ.

Amɔsɩ 2:5

ɩ̃ na nyɩw nɩ a Zuda tẽw bɛr, ɛ́ ƴãw vũu dɩ a Zerizalɛm yir-vɩɛlɩ vɩɛlɩ.»

Amɔsɩ 4:11

«Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 5:6

Nyɩ bɔbr a Sore ɛ́ nyɩ na vʋʋrɛ na. Zuzɛb yir nɩbɛ ɛ, nyɩ gù vla ʋ taa wule a ʋ fãw ɛ, alɛ bɛ ɩ lɛ, a na ɩ na mɛ̃ vũu na dɩrɛ a Betɛl tẽw pʋɔ bome ɛ́ nɩr za kʋ̃ tʋ̃ɔ́ a kpiiri bɛr a.

Amɔsɩ 7:1

Bom ŋa n'ʋ a Sore Naaŋmɩn tɩ ɩ ɩ̃ nyɛ̃: ʋ tɩ ɩ na sãsoge yire a lɛn daar a mʋ̃ɔ na lɛb tɔmnɛ a, a mʋ̃ɔ bɛ na tɩ ŋma a nãà dʋn ƴãw, ɛ́ a lɛb tɔmnɛ a.

Amɔsɩ 7:7

Bom ŋa n'ʋ a ɩ̃ Sore mɩ̀ lɛb tɩ ɩ ɩ̃ nyɛ̃: a Sore tɩ àr'ɩ dacin zu, ɛ́ tɛr dacin miw-máná a nũú.

Mise 1:4

A tan nyɩlɛ nɩ a ʋ gbɛ́ɛ pile, ɛ́ a tan fʋɔlɩ wɛrɛ mɛ̃ sɩ-suur na mɩ́ nyɩl vũumí a, mɛ̃ kʋ̃ɔ na mɩ́ yi gbĩgbin zu gbɔlɛ siwr a.

Nahum 1:6

Ãa n'ʋ na cãà àr a ʋ su-yãyaar daar? Ãa n'ʋ na cɩ̃ɛ a ʋ su-tʋlʋ-kpãkpã daar? A ʋ suur ɩ na mɛ̃ vũu na nyɔw dɩrɛ a, a pìe tɛɛ za pure na yaarɛ a ʋ niŋé.

Sɔr-nɛ́ɛ 16:35

A Sore tɩ ɩ na vũu yi dɩ a nɩbɛ kɔbr ayi dɔwlɩ lɩz'a ayi nɩ pie (250) bɛl na tɩ dier a tɩ-suur-zɔ̃-na-nyùur-vla-vla-a tɩrɛ a.

Wulu-ayi-sob 32:22

Sɩza n'a, a ɩ̃ suur ìr'ɩ kel mɛ̃ vũu a, ʋ dɩ na tɩ sãá a kpɩmɛ tẽw. Ʋ dɩrɛ nɩ a tẽsɔw bʋ̃-bule za, ʋ dɩrɛ nɩ a tan sɩɩr.

Ebre 1:7

A malkɩ mɩnɛ ƴãw a, ʋ yel'ɩ à ŋá: «A Naaŋmɩn mɩ́ ɩ na a ʋ malkɩ mɩnɛ ɩ sɛsɛb, ɛ́ a ʋ tõ-tõ-biir ɩ vũu-zɛlɛ.»

Yel-wula 4:1

À á ŋá pùorí, ɩ̃ tɩ nyɛ̃ nɩ bʋ̃-yũo: ɩ̃ nyɛ̃ nɩ pan na yuo a tẽ-vla pʋɔ a. A kɔkɔr ʋl ɩ̃ na tɩ dãw wõ ʋ yire mɛ̃ a wɩ́ɛ a tɩ yel mɛ̃ na: «Do wa a ka, ɩ̃ɩ na wul fʋ nɩ a ʋlɩ bom nɛ na na wa a pùorí a.»