Amɔsɩ 7:3 - A SƐB-SÕW

³ A Sore tɩ lɩɛb'a bɛr ɛ́ yel: «A bɛ ɩrɛ ɩ.»

Amɔsɩ 7:3 ပူးပေါင်းရင်းမြစ်များ

Yele-za-pɛr-tib 6:7

Ʋ tɩ tɩɛr'ɩ ʋ pʋɔ: «A nɩsaalbɛ ɩ̃ na ír a, ɩ̃ na ɩ na bɛ ta cãà a tẽw zu ɛ, lãwnɩ a dʋn, a bɛrɛ nɩ a pʋrmɛ, tɩ lãwnɩ a lili za, bʋ̃ʋ n'ʋ vɛ̃, a kpɛ m'a ɩ̃ na maal'a a.»

1 Bibie za yel-manɩ 21:15

A Naaŋmɩn tɩ tõ n malkɩ k'ʋʋ tɩ sãw a Zerizalɛm bɛr. Ɛcɛ ʋ na wa nyɛ̃ a malkɩ zi-sãwnɛ ʋ tone a ʋ ton a, a dɔwrʋ ŋa tɩ ɩ ʋ nɩ kpɩɛrʋ, ʋ yel a malkɩ: «A sɛw nɩ lɛ! Bɛr lɛ!» Zɩ̃ k'aa Sore malkɩ tɩ pɩɛl'ɩ a zie ʋl a Ɔrnan na yi Zebi tẽw a na mɩ̀ vàrɛ a ʋ ble a.

Sɛb-sõw yielu 106:45

Ʋ tɩ lɛb'a tɩɛrɩ a wõ-taa ʋ na maal'ɩ bɛ a, ʋ tɩ zɔ n bɛ nɩbaalʋ, a ʋ nɔ̃wfʋ na ɩ kpɛ̃ɛ a zũú.

Sɛb-sõw yielu 78:38

Ɛcɛ ʋl na ɩ su-ɓaarʋ sob a, ʋ mɩ́ tɩ dɩ n a bɛ sãwna suur kʋ̀ bɛ, ɛ́ bɛ ɩ bɛ kpi ɛ. Kʋralɛ, ʋ mɩ́ tɩ vɔl'ɩ suur, ʋ bɛ mɩ́ tɩ sàw bɛr a ʋ suur ʋ ìr ɛ,

Sɛb-sõw yielu 90:13

Sore e, debor'a fʋ na nyɛ̃ a suur tɩ ta? Lɛb wa, zɔ a fʋ tõ-tõ-biir nɩbaalʋ.

Eziptɩ tẽw yib 32:14

Lɛ n'a a Sore tɩ lɛb bɛr a faa ʋ na tɩ bɔbr k'ʋʋ ɩ a ʋ nɩbɛ a.

Zeremi 26:19

A Zuda tẽw nãà Ezekɩasɩ nɩ a ʋ nɩbɛ tɩ kʋ n a Mise bɩɩ? Bɛ nɩ̃ɛ bɛ tɩ tɛr ƴãwfʋ a Sore zie, ɛ́ bɔbr kɛ́ bɛ ɩrɛ a pɛlɩ a ʋ pʋɔ ɩ? Lɛ n'a a Sore tɩ lɛb bɛr a kpɩɛrʋ ʋ na tɩ yel a bɛ ƴãw a. Ɛcɛ a tɩɩm a, tɩmɛ wa ƴãw a nɩr ŋa a kũu dɔwrʋ a, tɩmɛ nɛbɛ na mal tɩ mɩŋa yaga za.»

Zeremi 42:10

“Nyɩmɛ wa sàw na cãà kpɩɛr a tẽw ŋa pʋɔ a, ɩ̃ na lɛb'a mɛ nyɩ, ɩ̃ kʋ̃ lɛb sãw nyɩ bɛr towtow ɛ. Ɩ̃ na sɛl nyɩ na, ɛ́ kʋ̃ lɛb vʋ̃ɔ nyɩ bɛr towtow ɛ. A faa ɩ̃ na maalɩ nyɩ a na ɩ mɛ̃ nɩ kpɩɛrʋ.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

Zowɛl 2:13

A nyɩ kparɩ bɛ n'a nyɩ na taw cɩɛrɩ ɛ, a nyɩ socie n'a a fɛr kɛ́ nyɩ lɩɛbɩ.» Nyɩ lɛb wa a Sore nyɩ Naaŋmɩn zie: nɩ-vla n'ʋ ɛ́ zɔrɛ nɩbaalʋ, a ʋ suur bɛ pawr ɛ, ɛ́ ʋ ɩ nɔ̃wfʋ tɛwr, a nɩr dɔwrʋ mɩ́ ɩ ʋ nɩ kpɩɛrʋ.

Zowɛl 2:14

Ãa bãw? Kapaw ʋ nãà lɛb'a bɛr a lɛ ʋ na tɩ tɩɛrɛ k'ʋʋ ɩ a, ɛ́ maalɩ nyɩ yaga za. Lɛ n'a nyɩ na wa n kukur de-kʋ̀b nɩ divɛ̃ de-kʋ̀b bome wa kʋ̀ ʋ.

Amɔsɩ 5:15

Nyɩ hɩ̃ɛn a faa, nyɩ nɔnɛ a vla, nyɩ ɩ a yel-na-tu-sɔr-a lɛb be a ƴɛ̀rʋ-dɩb zie, a mɩnɛ kãw, a Sore, a Naaŋmɩn kpɛnʋ-za-sob, nãà zɔ n a Zuzɛb bʋʋrɛ bɛl na cɛ a nɩbaalʋ.

Amɔsɩ 7:6

A Sore ɩ̃ Naaŋmɩn tɩ lɩɛb'a bɛr ɛ́ yel: «A mɩ̀ bɛ ɩrɛ ɩ!»

Zonasɩ 3:10

A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.

Wulu-ayi-sob 32:36

A Sore na sɩrɩ na dɩ a ƴɛ̀rʋ nɩ mɩnʋ kʋ̀ a ʋ nɩ-bʋʋrɛ, ʋ na zɔ n a ʋ tõ-tõ-biir nɩbaalʋ, ʋlɛ wa nyɛ̃ a bɛ fãw za baarɩ a, ʋlɛ wa nyɛ̃ tɩ̀ɛrɛ nɩ sõwne za bɛ ka be a.

Zakɩ 5:16

A na ɩ lɛ a, nyɩ wore a nyɩ yel-bebe kʋ̀rɛ taa ɛ́ puore kʋ̀rɛ taa, kɛ́ nyɩ tʋ̃ɔ́ sanɩ. A nɩ-mɩŋa zɛlʋ puoru tɛr'ɩ fãw yaga.