Amɔsɩ 7:15 - A SƐB-SÕW

¹⁵ A Sore n'ʋ wa nyɔw mɛ̃ a na-cɩ̃ɩnʋ zu yel mɛ̃: “Cen tɩ ƴɛ̀r a ɩ̃ ƴɛ̀rʋ kʋ̀ a ɩ̃ nɩ-bʋʋrɛ Ɩsɩrayɛl.”

Amɔsɩ 7:15 ပူးပေါင်းရင်းမြစ်များ

2 Samɩɛl 7:8

Lɛ so, tɩ yel à ŋá ƴãw pʋɔ kʋ̀ a ɩ̃ tõ-tõ-bie Daviir: à ŋá n'a a Sore, a Kpɛnʋ-za-sob, yere: “Mãa n'ʋ nyɔw fʋ a dʋn àrʋ zie, a dʋn pùorí, kɛ́ fʋ wa ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.

1 Na-mɩnɛ 19:19

A Eli tɩ yi n a be cen tɩ nyɛ̃ a Safatɩ bidɛb, Elize, ʋ kʋɔr. Nɛ́ɛ pie nɩ ayi n'a ʋ tɩ tɛr na kɔ, ɛ́ tɩ be a pie nɩ ayi sob zu. A Eli na tɩ tɔlɛ pɩɛlɩ a Elize a, ʋ lɔb'ɩ a ʋ kpar-kpɛ̃ɛ dɔwlɩ a ʋ zu.

Zeremi 1:7

Ɛcɛ a Sore tɩ yel mɛ̃ na: «Ta yel kɛ́: “Ɩ̃ ɩ n pɔlbil-vɛlvɛl lɛ” ɩ. Zie nɛ za ɩ̃ na tone fʋ a, fʋ na cen nɩ a be. Fʋ na tɩ yel'ɩ bom nɛ za ɩ̃ na yel kɛ́ fʋ yel a.

Zeremi 26:12

Ɛcɛ a Zeremi tɩ yel'ɩ a tẽw tõ-tõ-bi-bɛrɛ nɩ a nɩbɛ za zie: «A Sore n'ʋ tõ m k'ɩ̃ɩ wa ƴɛ̀r a Ŋmɩn-yir-kpɛ̃ɛ ŋa ƴãw nɩ a tẽ-kpɛ̃ɛ ŋa ƴãw à á ŋá za nyɩ na wõ a.

Amɔsɩ 3:8

Gbẽw ùor'a, ãa n'ʋ kʋ̃ zɔ dɛ̃bɩ̃ɛ? A Sore Naaŋmɩn ƴɛ̀r'a, ãa n'ʋ na vɛ̃ a ʋ ƴɛ̀rʋ manʋ?

Matie 9:9

A Yeezu na tɩ yi a be cere tɔlɛ a, ʋ tɩ nyɛ̃ nɩ dɛb kãw, a yúor na dɩ kɛ́ Matie a, ʋ zɩ̃ a ʋ tome zie, a zuru-yar deb zie. Ʋ tɩ yel ʋ na: «Tuur mɛ̃!» A Matie tɩ ìr'a tu ʋ.

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 4:20

Tɩɩm ƴãw a, tɩ kʋ̃ tʋ̃ɔ́ bɛ manɛ a alɩ bome nɛ tɩ na nyɛ̃ ɛ́ wõ a ɩ.»

Nɩ-toni 5:20

«Nyɩ cen a Ŋmɩn-yir-kpɛ̃ɛ pʋɔ tɩ be a be hiere a nyɔ-vʋʋrʋ ƴɛ̀r-bie á ŋá za kʋ̀rɛ a nɩbɛ!»

1 Samɩɛl 10:11

A bɛlɩ dem za na tɩ dãw bãw ʋ, ɛ́ nyɛ̃ ʋ be a naaŋmɩn-ƴɛ̀r-manbɛ pʋɔ a naaŋmɩn-ƴɛ̀r-manɛ ƴã-cɩrʋ nyɔw ʋ a, tɩ sowre nɩ taa: «Bʋ̃ʋ n'ʋ tɛr a Kisɩ bidɛb? A Sawul mɩ̀ lɩɛb'ɩ naaŋmɩn-ƴɛ̀r-manɛ bɩɩ?»