Amɔsɩ 7:10 - A SƐB-SÕW

¹⁰ A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ.

Amɔsɩ 7:10 ပူးပေါင်းရင်းမြစ်များ

Yele-za-pɛr-tib 37:8

A ʋ yɛbr tɩ sowr'ʋ na: «Fʋ bɔbr'a kɛ́ fʋ wa ɩ a tɩ nãà dɩrɛ naalʋ a tɩ zu bɩɩ?» Bɛ tɩ lɛb'a bãw hɩ̃ɛn ʋ, a ʋ zánʋ nɩ a manʋ ʋ na mɩ́ tɩ manɛ kʋ̀rɛ bɛ a ƴãw.

1 Na-mɩnɛ 13:33

A na saa tɩ ɩ à à ŋá a, a Zerobowam bɛ tɩ lɩɛbɩ a ʋ ɩb na bɛ vɩɛl a ɩ. Ʋ tɩ cãà na kaarɛ íre bàwr-maalbɛ a nɩbɛ pʋɔ, a maalʋ-ziir ƴãw. Nɩr wa bɔbr k'ʋʋ ɩ bàwr-maalɛ a, bɛ mɩ́ cir'ɩ a kãá ƴãw ʋ a zũú, ʋ lɩɛbɩ a maalʋ-ziir bàwr-maalɛ.

1 Na-mɩnɛ 18:17

ʋʋ na wa nyɛrɛ ʋ wa báarɛ a, ʋ yel ʋ na: «Fʋ̃ʋ n'ɩ ŋan i, fʋ̃ʋ na n'ʋ so a Ɩsɩrayɛl nɩbɛ wʋ̀ʋr a?»

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 36:16

Bɛ na wa wõ a ƴɛ̀rʋ á ŋá za a, pʋ̀lá tɩ vʋ̃ɔ nɩ bɛ za, bɛ jɩ́rɛ taa, ɛ́ wa yel a Barukɩ: «A fɛr'a kɛ́ tɩ manɩ a ƴɛ̀rʋ á ŋá kʋ̀ a nãà.»

Zeremi 38:4

A pùorí a, a tõ-tõ-bi-bɛrɛ tɩ yel'ɩ a nãà Sedesɩasɩ: «Bɛ kʋ a Zeremi! Bʋ̃ʋ n'ʋ vɛ̃, a ʋ ƴɛ̀rʋ pʋɔ a, ʋ ɩrɛ nɩ a zɛbr-nɩbɛ na cãà be a tẽ-kpɛ̃ɛ pʋɔ, nɩ a tẽw nɩbɛ za kanyir báarɛ. A bɛ ɩ a tẽw nɩbɛ vla n'a ʋ bɔbr ɛ, a bɛ faa n'a.»

Amɔsɩ 1:1

A Amɔsɩ na tɩ ɩ Tekowa tẽw guo-guole kãw a ƴɛ̀r-bie n'a be a sɛbɛ ŋa pʋɔ. A na tɩ cɛ yome ayi a tẽsɔw-kɔbr na na dam a, a Sore tɩ ɩ na a Amɔsɩ nyɛ̃ bom a Ɩsɩrayɛl tẽw ƴãw. A tɩ ɩ n a Zuda tẽw nãà Ozɩasɩ daar, nɩ a Ɩsɩrayɛl tẽw nãà Zerobowam na ɩ Zowasɩ bidɛb a daar.

Amɔsɩ 3:14

A ʋlɩ bibir ɩ̃ nãà wa ìr a Ɩsɩrayɛl nɩbɛ ƴãw a bɛ ɩ-faar zũú a, ɩ̃ na ìr'ɩ a Betɛl tẽw bàwr-maal-kube ƴãw. bɛ na kár'ɩ a bàwr-maal-kube ɩ́lɛ́ bɛr a lo gã tẽw.

Amɔsɩ 5:10

A sob nɛ na mɩ́ yere kʋ̀rɛ nyɩ a ƴɛ̀rʋ-dɩb zie kɛ́ nyɩ tu a lɛ-na-tu-sɔr-a, nyɩ mɩ́ hɩ̃ɛn nɩ a ʋ sob. Ɛ́ a sob ʋl na mɩ́ dɩ a yel-mɩŋa dãsɩɛ a, nyɩ bɛ mɩ́ nɔ̃w ʋ paalɩ nũsalɛ̃pʋɔ ɩ.

Amɔsɩ 5:5

Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ, nyɩ taa kpɩɛr Gilgal tẽw puoru yir bɔbr mɛ̃ ɩ, nyɩ taa cere Bɛɛr-Seva a ɩ̃ ƴãw ɛ. Bʋ̃ʋ n'ʋ vɛ̃, bɛ na diw nɩ a Gilgal nɩbɛ cen nɩ tẽ-yũo, ɛ́ a Betɛl na ɩ a Naaŋmɩn yir a lɩɛbɩ faalʋ yir.»

Amɔsɩ 7:11

Bʋ̃ʋ n'ʋ vɛ̃, à ŋá n'a a Amɔsɩ ƴɛ̀rɛ: “A Zerobowam na kpi n zɛbr-sɔ-kpɛ̃ɛ kũu, ɛ́ bɛ na tɛr'ɩ a Ɩsɩrayɛl nɩbɛ za cen nɩ tẽ-yũo, zãá nɩ a bɛ tẽw.''»

Matie 21:23

A Yeezu na tɩ kpɛ a Ŋmɩn-yir-kpɛ̃ɛ pʋɔ kanɛ nɩ a nɩbɛ a, a bàwr-maal-nɩ-bɛrɛ nɩ a Zifʋ mɩnɛ nɩ-kore tɩ taw na ta a ʋ zie sowr'ʋ: «Nyɩnɛ n'a fʋ páw a sɔ́r ɩrɛ à à ŋá? Ɛ́ ãa n'ʋ kʋ̀ fʋ a sɔ́r kɛ́ fʋ ɩrɛ à à ŋá?»

Luka 23:2

Bɛ tɩ nyɔw nɩ a ʋ sãwna manʋ yere nɩ: «Tɩ nyɛ̃ nɩ a nɩr ŋa ʋ ƴãwnɛ damnʋ a tɩ bʋʋrɛ pʋɔ, ɛ́ diwr a nɩbɛ bɛrɛ kɛ́ bɛ ta yarɛ a zuru-yar kʋ̀rɛ a Sezaar ɛ, ɛ́ yere kɛ́ ʋlɛ n'ɩ a Kɩrɩta, a Nãà.»

Nɩ-toni 24:5

Tɩ nyɛ̃ na kɛ́ a dɛb ŋa ɩ n zi-sãwnɛ mɩŋa: ʋ na ɩ a Nazarɛtɩ tẽw nɩbɛ lãw nɩ-kpɛ̃ɛ a, ʋ ƴãwnɛ nɩ damnʋ a Zifʋ mɩnɛ za sɔgɔ a tẽ-daa za zu.

Nɩ-toni 5:28

«Tɩ tɩ diw nyɩ na bɛr lãwnɩ kpãàfʋ kɛ́ nyɩ ta kanɛ nɩ a nɩbɛ a nɩr ŋa yúor ƴãw ɛ! Ɛcɛ nyɩmɛ n'ɩ bɛ ŋan paalɩ a Zerizalɛm za nɩ a nyɩ kanʋ! Nyɩ bɛ yel kɛ́ nyɩ ɩ lɛ a yele a nɩr ŋa kũu na na wa n a lɛb lo tɩ zu u!»

Nɩ-toni 7:54

A Zifʋ mɩnɛ ƴɛ̀rʋ-dɩb-lãw nɩbɛ tɩ pi n kɔkɛɛ dʋnɛ nɩ nyɩmɛ a Ɩtɩɛn ƴãw, a ʋ ƴɛ̀r-bie á ŋá zũú.