Amɔsɩ 6:6 - A SƐB-SÕW

⁶ Dãa koli-nyúuri bɛrɛ n'a nyɩ tɛr nyúur'ɩ a divɛ̃, ɛ́ zɩɛr kãá-nyũu vla vla, ɛcɛ a Zuzɛb yir na lore a, al bɛ ɩrɛ nyɩ bom ɛ.

Amɔsɩ 6:6 ပူးပေါင်းရင်းမြစ်များ

Yele-za-pɛr-tib 49:22

Zuzɛb ɩ n tɩ-wɔna na bul pɩɛlɩ zie kʋ̃ɔ na bule yire a. A ʋ wuli vo na do gãw a dacin bɛr.

2 Na-mɩnɛ 15:29

A Ɩsɩrayɛl tẽw nãà Peka daar, a Asiiri tẽw nãà, Tɩgɩlatɩ-Pilesɛɛr, tɩ zɛb'a de a tẽ-bɛrɛ á ŋá: Iyon, Avɛl-Bɛtɩ-Maaka, Yanoa, Kedɛsɩ nɩ Hasɔɔr. Ʋ tɩ de nɩ a Galaadɩ tẽw, a Galile tẽw nɩ a Nɛfɩtali tẽw za. Ʋ tɩ ír'ɩ a ziir á ŋá nɩbɛ cen nɩ a Asiiri.

Ɩzayi 28:1

Baw-bio wɛ Samaari tẽw i! A Efarayim tẽw dã-kuolbɛ nyʋʋr'ɩ nɩ a tẽ-kpɛ̃ɛ ŋa na ɩ mɛ̃ nãà-kpawʋɔ a. Ʋ ƴãw nɩ pɩ̃ɛmɛ vla vla za àr'ɩ a tãw zu, a tãw na jɩ́rɛ a fʋɔla na pʋ̃ɔ ʋ za a. Ɛcɛ ʋ ŋmɛ̃ na mɛ̃ tɩ-puuru na vàr vàr nɩbɛ a divɛ̃ na tʋ̃ɔ́ a zurú a.

Ɩzayi 5:12

A pɛ̀nɛ́ nɩ a korijom, a gãgali nɩ a weli kon n'a bɛ mɩ́ bɩɛlɛ nɩ a bɛ dã-nyũ. Ɛcɛ bɛ bɛ mɩ́ nyɛ̃ a ʋlɩ bom nɛ a Sore na ɩrɛ a ɩ, bɛ bɛ mɩ́ jɩ́rɛ a ʋlɩ bom nɛ ʋ na maalɛ a ɩ.

Zeremi 30:7

Nyɛ̃ baw-bio a! Bibir na bɛ tɛr dɩ̃ɛnʋ a n'ʋ. Bibir kãw za bɛ ŋmɛ̃ taa nɩ ʋ ɛ. Kpɩɛrʋ daar'ʋ a Zakɔb bʋʋrɛ ƴãw, ɛcɛ bɛ na nyɛ̃ nɩ faafʋ.»

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

A naaŋmɩn-ƴèr-manɛ Oze sɛbɛ 3:1

A Sore tɩ yel mɛ̃ na: «Lɛb maal nɔ̃w a pɔw ŋa na nɔnɛ dɛb-yũo, ɛ́ tone pɩ̃ɔ tome a. Nɔ̃w ʋ mɛ̃ a lɛ a mãa Sore na nɔ̃w a Ɩsɩrayɛl bibiir, ɛ́ bɛ ŋmɛlɛ kpaar cɔwr mɛ̃, ɛ́ tuur ŋmɩn yoru a. Bɛ ŋmɛlɛ nɩ kpaar cɔwr mɛ̃, ɛ́ bɛ nyɛrɛ a divɛ̃ tɩ-wɔmɛ sɛ̃sɛ̃ zie ɩ.»

Amɔsɩ 2:8

A bɛ samɛ dem bʋ̃-suuri bɛ na mɩ́ de tɛr ɛ́ gù kɛ́ bɛ wa ya a bɛ samɛ a, bɛ mɩ́ yɛ́r a na gã nɩ bàwr-maal-kuur za pɛr. Bɛ mɩ́ nyúur'ɩ a divɛ̃ bɛ na fa a, a bɛ ŋmɩn yir pʋɔ.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Zã 12:3

A Marya tɩ de nɩ litɩr ŋmãa kãa-nyũu kãw bɛ na maal'ɩ náàr mɩŋa a, ɛ́ a daarʋ bɛ gbʋ́r a, cir ƴãw a Yeezu gbɛ́ɛ ƴãw ɛ́ fɩɛlɩ a nɩ a ʋ zukɔbɛ. A nyũu tɩ ìr'a paalɩ a yir za.

Ʋrɔm 12:15

Nyɩ cɩlɛ lãwnɩ a bɛlɩ dem na cɩlɛ a, ɛ́ kone lãwnɩ a bɛlɩ dem na kone a.

1 Korɛ̃tɩ 12:26

A ƴã-gã-ɓɛrmɛ kãw wa wone tuo a, a ƴã-gã-ɓɛrmɛ za lãw nɩ ʋ na wone a tuo. A ƴã-gã-ɓɛrmɛ kãw wa nyɛrɛ ƴãwfʋ a, a ƴã-gã-ɓɛrmɛ za pʋɔ nɩ a ʋ nʋ̃ɔ̀ pʋɔ.

1 Timote 5:23

Ta cãà nyúur kʋ̃ɔ tɛwr ɛ. Mɩ́ nyũ divɛ̃ blã, a fʋ pʋ-'wɔbɛ nɩ fʋ na bɛ mɩ́ yaa kɛ́ lo bàalʋ a ƴãw.