Amɔsɩ 6:14 - A SƐB-SÕW

¹⁴ Ɛcɛ ƴɛrɛŋa a, a Sore, a Naaŋmɩn kpɛnʋ-za-sob, yere na: ɩ̃ na ɩ na tẽw ìr a nyɩ ƴãw, Ɩsɩrayɛl yir i, ʋ na dɔwrɩ fʋ na a Lebo-Hamatɩ tẽw tɩ tɔ n a Araba bàa.

Amɔsɩ 6:14 ပူးပေါင်းရင်းမြစ်များ

1 Na-mɩnɛ 8:65

A ʋlɩ daar nɛ mɩ̀ a, a Salomɔ̃ tɩ maal'ɩ a Sɛwr cuw, ʋlɛ nɩ a Ɩsɩrayɛl nɩbɛ. Bɛ tɩ yi n a tẽw za pʋɔ wa bɛ dɩ vuo ɩ, a Lebo-Hamatɩ, a saa-pɛrɩ́-gʋba-lowr tɩ tɔ a Eziptɩ fʋɔla, a saa-pɛrɩ́-dʋrʋ-lowr. Bɛ tɩ maal'ɩ a cuw a Sore Naaŋmɩn niŋé bibie pie nɩ anaar: bibie ayopõi, lɛ nɩ bibie ayopõi.

2 Na-mɩnɛ 14:25

Ʋ tɩ lɛb'a zɛb de a ziir al za a Ɩsɩrayɛl na tɩ dãw so a, a Lebo-Hamatɩ, na be a saa-pɛrɩ́-gʋba-lowr a, tɩ tɔ a kʋ̃ɔ-kpɛ̃ɛ-kũu na be a saa-pɛrɩ́-dʋrʋ-lowr a. À ŋá n'a a tu mɛ̃ a lɛ a Sore, a Ɩsɩrayɛl Naaŋmɩn, na tɩ ƴãw a ʋ ƴɛ̀r-manɛ, Amitaɩ bidɛb, Zonasɩ, na yi Gatɩ-Hefɛɛr a, ʋ yel a.

2 Na-mɩnɛ 15:29

A Ɩsɩrayɛl tẽw nãà Peka daar, a Asiiri tẽw nãà, Tɩgɩlatɩ-Pilesɛɛr, tɩ zɛb'a de a tẽ-bɛrɛ á ŋá: Iyon, Avɛl-Bɛtɩ-Maaka, Yanoa, Kedɛsɩ nɩ Hasɔɔr. Ʋ tɩ de nɩ a Galaadɩ tẽw, a Galile tẽw nɩ a Nɛfɩtali tẽw za. Ʋ tɩ ír'ɩ a ziir á ŋá nɩbɛ cen nɩ a Asiiri.

2 Na-mɩnɛ 17:6

A Oze naalʋ-dɩb yome piwaɩ sob'a a Asiiri tẽw nãà de a Samaari tẽw. Ʋ tɩ ír'ɩ a Ɩsɩrayɛl nɩbɛ cen nɩ a Asiiri, tɩ ƴãw bɛ zɩ̃ Hala vuo pʋɔ, Gozan vuo pʋɔ a Habɔɔr man na tɔlɛ a, nɩ a Medi tẽ-bɛrɛ pʋɔ.

Ɩzayi 7:20

A ʋlɩ bibir a, a Sore na ya n bʋra ʋ na na tõ n ɛ́ lɛb tɩr a Efaratɩ man gãwn a —a Asiiri tẽw nãà n'ʋ—, ʋ na fɔr'ɩ nɩ a nyɩ zuru, ɛ́ põ a nyɩ ƴã-gamɛ kɔblʋ za, tɩ lãwnɩ a nyɩ tɩ̃ɛmɛ.

Ezekɩɛl 47:20

A mʋ̃tɔ̃w-kpɛb-lowr a, a Mediterane kʋ̃ɔ-kpɛ̃ɛ n'ʋ na ɩ a tʋr-bɔw na yi a saa-pɛrɩ́-dʋrʋ-lowr ɛ́ tɩ tɔ Lebo-Hamatɩ tẽw na be a saa-pɛrɩ́-gʋba-lowr a. A mʋ̃tɔ̃w-kpɛb-lowr tʋr-bɔw n'ɩ à à ŋá.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

Amɔsɩ 3:11

Alɛ n'a so a Sore Naaŋmɩn yere kʋ̀rɛ a Samaari tẽw à ŋá: «A dɔ̃ sob na jil'a koli a tẽw, ʋ na tʋ̃ɔ́ nɩ a fʋ kpɛnʋ, kpɛ fa a fʋ yir-vɩɛlɩ vɩɛlɩ pʋɔ bome.»