Amɔsɩ 5:5 - A SƐB-SÕW

⁵ Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ, nyɩ taa kpɩɛr Gilgal tẽw puoru yir bɔbr mɛ̃ ɩ, nyɩ taa cere Bɛɛr-Seva a ɩ̃ ƴãw ɛ. Bʋ̃ʋ n'ʋ vɛ̃, bɛ na diw nɩ a Gilgal nɩbɛ cen nɩ tẽ-yũo, ɛ́ a Betɛl na ɩ a Naaŋmɩn yir a lɩɛbɩ faalʋ yir.»

Amɔsɩ 5:5 ပူးပေါင်းရင်းမြစ်များ

Yele-za-pɛr-tib 21:31

Alɛ n'a so bɛ por a zie ŋa yúor kɛ́ Bɛɛr-Seva, bɛ za ayi na tɩ pɔ a be a ƴãw.

Yele-za-pɛr-tib 21:33

A Abraham tɩ sɛl'ɩ tamarisɩ tɩɛ a Bɛɛr-Seva, ɛ́ puori a Naaŋmɩn na be kʋralɛ a, bʋɔl'ʋ kɛ́ Sore.

Yele-za-pɛr-tib 26:23

A Ɩzaakɩ tɩ yi n a be cen Bɛɛr-Seva.

Yele-za-pɛr-tib 26:33

A Ɩzaakɩ tɩ por'ɩ a bule ʋl kɛ́ Siveya, a pɛr lɛ kɛ́ Pɔb. Alɛ so bɛ cãà bʋɔlɛ a tẽw a dɩ̃a kɛ́ Bɛɛr-Seva, a pɛr lɛ kɛ́ “Pɔb bule”.

1 Na-mɩnɛ 12:28

A Zerobowam tɩ bɔ n yã maalɩ salm-zɩɛ nadɛli ayi, ɛ́ yel a nɩbɛ à ŋá: «Nyɩ do n a Zerizalɛm a sɛw. Ɩsɩrayɛl nɩbɛ ɛ, a nyɩ Naaŋmɩn n'ɩ ŋa a ka, ʋl na ɩ nyɩ yi a Eziptɩ tẽw pʋɔ a.»

1 Na-mɩnɛ 12:29

A Zerobowam tɩ ƴãw nɩ a nadele kãw Betɛl, ɛ́ ƴãw a ƴen sob Dan.

2 Na-mɩnɛ 23:8

Al pùorí, a Zozɩasɩ tɩ ƴãw na a Zuda tẽw tẽ-bɛrɛ bàwr-maalbɛ za wa a Zerizalɛm. Ʋ tɩ ɩ na a maalʋ-ziir a bàwr-maalbɛ na nyɩw a tɩ-suur-zɔ̃-na-nyùur-vla-vla-a, a sãw, a Geva tɩ sãá nɩ a Bɛɛr-Seva. A Zerizalɛm a, a Zozɩasɩ tɩ ƴãw na bɛ ŋmɛr a bàwr-maal-kube na be a tẽw dɩ̃dɛɛ ƴãw a bɛr, baa zuo a za a ʋl na be a tẽ-kpɛ̃ɛ kaarɛ, Zozue, dɩ̃dɔr ƴãw, fʋ na mɩ́ kpɛ ɛ́ lɩɛbɩ a gʋba lowr a.

A Zɔb sɛbɛ 8:22

A fʋ dɔ̃ dem na nyɛ̃ nɩ vĩ, ɛ́ a nɩ-faar kʋ̃ cãà ɩ.

Sɛb-sõw yielu 33:10

A Sore mɩ́ ŋmɛ n a lɛ a ten na bɔbr k'aa ɩ a lɔb, ʋ bɛ mɩ́ sàw a nɩ-bʋʋrɛ pʋ-tɩɛrʋ maalɩ ɛ.

Ɩzayi 29:20

Bʋ̃ʋ n'ʋ vɛ̃, a na ɩ n a po-to-fãw-ɩb dem baarʋ, ɛ́ a nyɔka dem kʋ̃ cãà be ɩ. A bɛlɩ dem za na mɩ́ ũú gù a yel-faa maalʋ a, bɛ na kʋ bɛ na pàw pɛr,

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

Zeremi 48:13

A Mowab na nyɛ̃ nɩ vĩ a ʋ ŋmɩn Kemɔsɩ ƴãw, mɛ̃ a lɛ a Ɩsɩrayɛl nɩbɛ na tɩ ƴãw a bɛ tɩɛrʋ a Betɛl ŋmɩn ƴãw, wa nyɛ̃ vĩ a.

A naaŋmɩn-ƴèr-manɛ Oze sɛbɛ 10:8

Bɛ sãw nɩ a bɛ maalʋ-ziir za bɛr. Alɛ tɩ n'ɩ a Ɩsɩrayɛl yel-bier. Karnyã nɩ gʋʋr na bul'a do a bàwr-maal-kube zu. Lɛ n'a bɛ na yel a tan: «Nyɩ pàw tɩ!», ɛ́ yel a tãli: «Nyɩ lo gùri pàw tɩ!»

A naaŋmɩn-ƴèr-manɛ Oze sɛbɛ 12:11

Ɩ̃ na ƴɛ̀r'ɩ a ƴɛ̀r-manbɛ zie, ɩ̃ na ɩ na a bʋ̃-nyɛrɩ bɛ na mɩ́ nyɛ̃ a lɛb yãwmɛ dɔwlɩ, ɩ̃ɩ na ƴãw na bɛ mɩ́ lɔb zʋkpaɩ a ɩ̃ yúor ƴãw.

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

A naaŋmɩn-ƴèr-manɛ Oze sɛbɛ 9:15

A Sore yel'a ƴãw pʋɔ: «Gilgal'a a bɛ faalʋ za sãá. Be n'a ɩ̃ tɩ hɩ̃ɛn bɛ. A bɛ faalʋ zũú, ɩ̃ na diw bɛ na bɛr a ɩ̃ yir, ɩ̃ kʋ̃ cãà nɔnɛ bɛ ɩ, a bɛ niw-dierbɛ za gaarɩ na.

Amɔsɩ 1:5

A dàar na jɩ̀r a Damasɩ tẽ-kpɛ̃ɛ dɩ̃dɛɛ a, ɩ̃ na kar a na bɛr, a nãà ʋl na be a faalʋ bà-fʋɔla pʋɔ a, ɩ̃ na ír ʋ na, ɩ̃ na diw nɩ a nãà ʋl na dɩrɛ naalʋ a nʋ̃ɔ̀ tẽw a. Lɛ n'a bɛ na diw a Aram tẽw dem cen nɩ Kɩ́ɩ̀r tẽw.» A Sore n'ʋ yel.

Amɔsɩ 3:14

A ʋlɩ bibir ɩ̃ nãà wa ìr a Ɩsɩrayɛl nɩbɛ ƴãw a bɛ ɩ-faar zũú a, ɩ̃ na ìr'ɩ a Betɛl tẽw bàwr-maal-kube ƴãw. bɛ na kár'ɩ a bàwr-maal-kube ɩ́lɛ́ bɛr a lo gã tẽw.

Amɔsɩ 4:4

«Ɩsɩrayɛl nɩbɛ ɛ, nyɩ gaarɛ a ɩ̃ zie cere a Betɛl, nyɩ gaarɛ zuo a lɛ cere a Gilgal. Nyɩ na ta gã dãw bio a, nyɩ maalɩ a nyɩ bagɛ, ɛ́ a deyere daar nyɩ tɩr a nyɩ bʋ̃-kʋ̀rɩ.

Amɔsɩ 7:10

A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ.

Amɔsɩ 7:13

Ɛcɛ, a Betɛl ka a, ta cãà tone a naaŋmɩn-ƴɛ̀r-manɛ tome ɩ, a nãà zi-sõw n'ɩ a ka, a ʋ Naaŋmɩn yir'ʋ!»

Amɔsɩ 7:17

À ŋá n'a ʋ yere: “A fʋ pɔw na lɩɛb'ɩ pɔw-yɛm a tẽw pʋɔ. Bɛ na kʋ n a fʋ bidɛbr nɩ a fʋ pɔwyaar. Bɛ na tʋ̃ɔ̀ tʋ̃ɔ̀ nɩ a fʋ tẽ-sora põ nɩ mie. A fʋ̃ʋ tɔr za a, nɩ-bʋʋr-yoru tẽw pʋɔ n'a fʋ na kpi, ɛ́ bɛ nyɔw a Ɩsɩrayɛl nɩbɛ za cen nɩ tẽ-yũo zãá nɩ a bɛ tẽw.''»

Amɔsɩ 7:9

Ɩ̃ na sãw nɩ a Ɩzaakɩ bʋʋrɛ maalʋ-ziir bɛr, ɩ̃ na ŋmɛ n a Ɩsɩrayɛl zi-son lɔb, ɛ́ ìr'ɩ zɛbr a Zerobowam yir dem.»

Amɔsɩ 8:14

Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

1 Korɛ̃tɩ 1:28

A alɩ bome nɛ na bɛ tɛr yúor a tẽ-daa zie a, a al bɛ na jewre a, a al na bɛ ɩ bom a, alɛ n'a a Naaŋmɩn kaa ír k'ʋʋ sãw nɩ a al na ɩ bʋ̃-sɩza a bɛr,

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

Wulu-ayi-sob 28:41

Nyɩ na mɩ́ dɔw nɩ bidɛbr nɩ pɔwyaar, ɛ́ bɛ kʋ̃ be a nyɩ zie ɩ, bʋ̃ʋ n'ʋ vɛ̃, bɛ na mɩ́ nyɔw bɛ na cen nɩ tẽ-yũo gbãgbaalʋ pʋɔ.

Zozue 5:9

Al pùorí, a Sore tɩ yel'ɩ a Zozue à ŋá: «Dɩ̃a a, ɩ̃ ír'ɩ a Eziptɩ tẽw vĩ bɛr nyɩ.» Alɛ n'a so bɛ por a zie nɛ kɛ́ Gilgal, a yúor ŋa n'ʋ ʋ cãà tɛr wa tɔ a dɩ̃a.

Yel-wula 18:17

Ɛ́ a wa ɩ tɛm been yõ, ɛ́ a naalʋ á ŋá za baarɩ!» A gbor-bɛrɛ duwrbɛ nɩ a nɩbɛ bɛ na mɩ́ de a, a gbor tõ-tõ-biir nɩ a bɛlɩ dem za a kʋ̃ɔ-kpɛ̃ɛ na guole a, tɩ àr'a zãá,

1 Samɩɛl 11:14

Al pùorí a Samɩɛl tɩ yel'ɩ a Ɩsɩrayɛl nɩbɛ: «Nyɩ wa tɩ cen a Gilgal lɛb tɩ zɩɩlɩ a Sawul naalʋ a be.»

1 Samɩɛl 7:16

Yome za, ʋ mɩ́ tɩ cɔlɩ nɩ a Betɛl, a Gilgal nɩ a Misɩpa, dɩ a ƴɛ̀rʋ a ziir á ŋá za pʋɔ.

1 Samɩɛl 8:2

A ʋ bidɛb-dãw tɩ dɩ na kɛ́ Yowɛl, ɛ́ a ayi sob dɩ kɛ́ Aviya. Bɛɛr-Seva n'a bɛ tɩ ɩ a ƴɛ̀r-dɩrbɛ.