Amɔsɩ 5:2 - A SƐB-SÕW

² Ʋ lo na, a Ɩsɩrayɛl na ɩ mɛ̃ pɔwsɩrale a lo na ɛ́ kʋ̃ lɛb ìr ɛ. Ʋlɛ n'ɩ ŋan gã a ʋl mɩŋa tẽsɔw zu ɛ́ nɩr bɛ ka be na nyɔw ʋ ʋ ìr ɛ.

Amɔsɩ 5:2 ပူးပေါင်းရင်းမြစ်များ

2 Na-mɩnɛ 15:29

A Ɩsɩrayɛl tẽw nãà Peka daar, a Asiiri tẽw nãà, Tɩgɩlatɩ-Pilesɛɛr, tɩ zɛb'a de a tẽ-bɛrɛ á ŋá: Iyon, Avɛl-Bɛtɩ-Maaka, Yanoa, Kedɛsɩ nɩ Hasɔɔr. Ʋ tɩ de nɩ a Galaadɩ tẽw, a Galile tẽw nɩ a Nɛfɩtali tẽw za. Ʋ tɩ ír'ɩ a ziir á ŋá nɩbɛ cen nɩ a Asiiri.

2 Na-mɩnɛ 17:16

Bɛ zawr'ɩ a Sore bɛ Naaŋmɩn nɛ-ƴãwnɩ za bɛr, bɛ nyɩl'ɩ kure maal'ɩ náli ayi, bɛ bà n dà-bara, bɛ puor'ɩ a salom zu bʋ̃-nyɩwrɩ za, ɛ́ maalɩ a Báàl.

Ɩzayi 14:21

Nyɩ cɔbrɩ a bidɛbr kʋb a bɛ sãà mɩnɛ sãwna ƴãw, bɛ taa wa mab ìr lɛb zɛb de a tẽw, ɛ́ mɛ tẽ-bɛrɛ paalɩ a tẽ-daa ɩ.

Ɩzayi 24:20

Ʋ dẽdere na mɛ̃ dã-kuole a, ʋ damnɛ na mɛ̃ sɛw sɛsɛb na fure damnɛ a. A ʋ yel-bier tɩbrɛ nɩ a ʋ zu, ʋ lo ɛ kʋ̃ lɛb tʋ̃ɔ́ ìr ɛ.

Ɩzayi 3:8

Zerizalɛm kaw na lo, Zuda naalʋ-tẽw gã nɩ tẽw. A bɛ ƴɛ̀rʋ nɩ a bɛ ɩ-ɩrɩ a Sore zie ɩ n gaarʋ tɛwr a ʋ yúor-vɩɛlʋ-danʋ niŋé.

Ɩzayi 37:22

Wone a ƴɛ̀rʋ a Sore na ƴɛ̀rɛ cáarɛ nɩ ʋ a: A Sɩyɔ̃ tẽw tobr bɛ ka fʋ ƴãw ɛ, ʋ ɩrɛ fʋ na laar. A Zerizalɛm tẽw na vɩɛl a kpɔwrɛ fʋ na, ŋmɩwrɛ nɩ ƴãwn.

Ɩzayi 43:17

Ʋ tɩ ɩ na zɛbr-torkori nɩ wie yi, zɛbr-nɩbɛ nɩ a gãdaar. Bɛ lo na ɛ́ kʋ̃ lɛb ìr ɛ. Bɛ kpi na, bɛ baar'a mɛ̃ fɩ̃tɩlɛ pɛn a.

Zeremi 14:17

«Fʋ na ƴɛ̀r'ɩ a ƴɛ̀rʋ ŋa kʋ̀ bɛ: Ɩ̃ bɔbr'a k'aa ɩ̃ mʋta-kʋ̃ɔ nãá gbɔlɛ ta tɛr ŋmãafʋ ɛ, mʋ̃tɔ̃w nɩ tɩ̃ɩsɔw! Bʋ̃ʋ n'ʋ vɛ̃, kpɩɛrʋ kpɛ̃ɛ páw nɩ a ɩ̃ nɩ-bʋʋrɛ na ɩrɛ nɩbaalʋ a, a ʋ natɩr sɩrɩ bɛ tɛr sanʋ ɛ.

Zeremi 18:13

A lɛ pʋɔ a, à ŋá n'a a Sore yere: «Nyɩ sowri a nɩ-bʋʋr-yoru za pʋɔ nyɛ̃: nyɩ dãw na wõ a yele á ŋá taabɛ ɛ? A Ɩsɩrayɛl sɩrɩ na ɩ ɩ-faa na bɛ maal'ɩ wob a.

Zeremi 2:27

Nyɩ mɩ́ yel'ɩ dàa tɩɩb: “Fʋ̃ʋ n'ɩ a ɩ̃ sãà!” ɛ́ yel kʋsɩɛr tɩɩb: “Fʋ̃ʋ n'ʋ dɔw mɛ̃.” Nyɩ bɛr'ɩ a ɩ jɩ́rʋ ɛ́ lɩɛbɩ zikur cɔw mɛ̃. Ɛcɛ, a kpɩɛrʋ dɛ wa páwr nyɩ a, nyɩ na yere nɩ a ɩ̃ zie: “Ìr! Faa tɩ!”

Zeremi 31:4

Ɩ̃ na lɛb'a maalɩ fʋ ƴãw, ɩ̃ nɩ-nɔna Ɩsɩrayɛl i, ɩ̃ na lɛb'a mɛ b. Fʋ na lɛb'a de a fʋ gãgali-vɩɛlɩ tɩ lãw nɩ a bɩn-ƴawrbɛ na maalɛ cuw a.

Zeremi 4:20

Bɛ cɩɩrɛ na: «Yel-sãwnɩ n'a dɔwlɩ dɔwlɩ taa wɛ!» Sɩza, a tẽw za sãw na. Bɛ ùr'a wɩl a tɩ pɛnɛ-sɛwr, a tɩ sɔwlʋ ziir ŋmʋr'a bɔr.

Zeremi 50:32

A pɔ̀lʋ sob na kaw na lo, nɩr bɛ ka be na nyɔw ʋ, ʋ ìr ɛ. Ɩ̃ ƴãwnɛ nɩ vũu a ʋ tẽ-bɛrɛ, ʋ na dɩ n bom za na jil koli a a.»

Zeremi 51:64

ɛ́ yel à ŋá: “À ŋá n'a a Babɩlɔn mɩ̀ na bɔr. Ʋ kʋ̃ lɛb ìr a kpɩɛrʋ a Sore na na ɩ a páw ʋ a pùorí ɛ.”» «A nɩ-bʋʋrɛ bàlɛ nɩ bɛ tʋɔra»: a Zeremi ƴɛ̀rʋ nʋɔr kʋb zie n'ɩ a ka.

Zeremi 8:4

«Fʋ na tɩ yel bɛ na: “À ŋá n'a a Sore yere: Nɩr wa lo a, ʋ bɛ mɩ́ lɛb ìr bɩɩ? Nɩr wa tuli a sɔ́r a, ʋ bɛ mɩ́ lɛb lɩɛb wa pùor bɩɩ?

Zeremi 9:21

«A fʋ̃ʋ Zeremi a, cãà lɛb yel a lɛ a mãa, a Sore, na yere a: “A kũuni na gã gã nɩ a tẽsɔw mɛ̃ pʋɔrʋ na gã póru pʋɔ a, mɛ̃ ka-zuru na gã a ka-ŋmarɛ pùorí, ɛ́ nɩr za bɛ wobr a a.”»

Zeremi 9:9

Ɩ̃ kone na ƴɛ̀rɛ nɩ a tan zu, ɩ̃ kone nɩ lãw-mʋɔlɛ a dʋn mʋ̃ɔ 'wɔbrʋ ziir ƴãw. Bʋ̃ʋ n'ʋ vɛ̃, a za dɩ n vũu, nɩr za bɛ cãà tɔlɛ a be ɩ. Bɛ bɛ cãà wone a dʋn kon a be ɩ. A lili nɩ a dʋn za zɔ na zãá, bom za bɛ cãà be ɩ.

A Lãw-mʋɔlɛ 2:13

Zerizalɛm i, ɩ̃ bɛ bãw bom nɛ ɩ̃ na na yel kʋ b a ɩ. A fʋ yele bɛ ŋmɛ̃ taa nɩ yel kãw za ɩ. Ɩ̃ de fʋ man nɩ anʋ, tʋ̃ɔ́ mɔwlɩ fʋ, Sɩyɔ̃ tẽ-kpɛ̃ɛ-vla a? A fʋ dɔwrʋ ɩ n kpɛ̃ɛ sɛw a kʋ̃ɔ-kpɛ̃ɛ. Ãa n'ʋ na tʋ̃ɔ́ sanɩ fʋ?

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

A naaŋmɩn-ƴèr-manɛ Oze sɛbɛ 6:2

ɛ́ lɛb kʋ̀ tɩ a nyɔ-vʋʋrʋ. Bibie ayi, bibie ata ƴãw, ʋ na ɩ na tɩ lɛb ìr, be a ʋ zie vʋʋrɛ.

Amɔsɩ 8:14

Ɛ́ a bɛlɩ dem za na kõ nʋɔr a Samaari ŋmɩn-bɛlɛbɛlɛ zie a, bɛ na lo na. A bɛlɩ dem na mɩ́ pɔ yel: “Ɩ̃ pɔ n nɩ a fʋ ŋmɩn, Dan i!” Bɩɩ a bɛl na mɩ́ pɔ yel: “Ɩ̃ pɔ n nɩ a sɔr-sõw na cere a Bɛɛr-Seva a!” Bɛ za na lo na, ɛ́ kʋ̃ lɛb ìr ɛ.»

Amɔsɩ 9:11

«A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.