Amɔsɩ 5:16 - A SƐB-SÕW

¹⁶ À ŋá n'a a Sore, a Naaŋmɩn kpɛnʋ-za-sob, a ɩ̃ Sore, à ŋá n'a ʋ yere: «A nɩbɛ tuor-taa ziir za a, koe na be n be, a soli za pʋɔ bɛ na kone na: 'Woi! 'Woi! Bɛ na yel'ɩ a kuor kʋ̀ ka-kʋ́ɔrbɛ, bɛ na tõ na bʋɔlɩ a lãw-konbɛ kɛ́ bɛ wa a kuor.

Amɔsɩ 5:16 ပူးပေါင်းရင်းမြစ်များ

2 Bibie za yel-manɩ 35:25

A naaŋmɩn-ƴɛ̀r-manɛ Zeremi tɩ kõ n lãw-mʋɔlɛ a Zozɩasɩ ƴãw. A lɛn daar za wa tɩ tɔ a dɩ̃a a, a yiel-yielbɛ dɛbr nɩ pɔwbɛ za, ƴɛ̀rɛ nɩ a Zozɩasɩ ƴɛ̀rʋ a bɛ lãw-mʋɔlɛ pʋɔ. Bʋ̃ʋ n'ʋ vɛ̃, a tɛr'ɩ lɛɛɛ, tɩ ɩ ɩb ɩrɛ a Ɩsɩrayɛl tẽw. A lãw-mʋɔlɛ á ŋá ƴɛ̀r-bie be n a lãw-mʋɔlɛ sɛbɛ pʋɔ.

Ɩzayi 15:8

A cɛlsɩ lɔb'a viiri koli a Mowab tẽw za, a kpɩɛrʋ kon yi na tɩ ta Egilayim, a yi na tɩ ta Elim bulé.

Ɩzayi 22:12

A ʋlɩ bibir nɛ a, a Sore, a Naaŋmɩn kpɛnʋ-za-sob, tɩ bʋɔlɛ nyɩ nɩ kon nɩ cɛlsɩ ŋmɛb ƴãw, a nyɩ zuru fɔrʋ nɩ vʋɔrɩ kparɩ sub ƴãw.

Zeremi 4:31

Ɩ̃ wone nɩ cɛlsɩ na ɩ mɛ̃ pɔw na dɔwr a cɛlsɩ a, cɛlsɩ na ɩ mɛ̃ pɔwsɩrale na zanɩ dɔwr a cɛlsɩ a. A Sɩyɔ̃ tẽw na kone ture nɩ nuru a cɛlsɩ n'a. «'Woi, mãa a! Ɩ̃ kpiir'ɩ nɩ-kʋrbɛ nuru pʋɔ!»

Zeremi 9:10

A Sore yere na: «Ɩ̃ na ɩ na a Zerizalɛm lɩɛbɩ kʋsɛbɛ na gbõ taa a, gbõgbo-cili gaa zie, ɛ́ ɩ a Zuda tẽ-bɛrɛ a lɩɛbɩ zie bom za na bɛ cãà be a, zie nɩr za na bɛ cãà kpɩɛr a.»

Zeremi 9:16

À ŋá n'a a Sore, a kpɛnʋ-za-sob yere. «Nyɩ bãwnɩ a pɔw-kõ-konbɛ bʋɔlʋ, nyɩ ƴãw bɛ wa! Nyɩ tõ bɛ tɩ bʋɔlɩ a bɛl na bãw kon vla vla a bɛ wa!

A naaŋmɩn-ƴèr-manɛ Oze sɛbɛ 4:3

Alɛ n'a so a tẽw ko ʋ za, ɛ́ a ʋ nɩbɛ kõwne tɩ lãwnɩ a wɛ-dʋn nɩ a saa-zu lili. A kʋ̃ɔ-kpɛ̃ɛ zʋ́mɛ́ tɛɛ za kʋ̃ cãà ɩ.»

Zowɛl 1:11

A ka-kʋ́ɔrbɛ bɛ bãw lɛ n za n'a na ɩ, a divɛ̃ tɩɩr po-kʋ́ɔrbɛ kone nɩ a bɛ loba, a ble nɩ a ɔɔzʋ za sãw na, a bʋ̃-kʋ́ɔrɩ za wɛ na.

Zowɛl 1:14

Nyɩ ƴãw mʋta-tuo be be, nyɩ tɛr kpaa-ta-sõw, nyɩ bʋɔlɩ a nɩ-kore nɩ a tẽw nɩbɛ za ɓã taa a Sore tɩ Naaŋmɩn yir pʋɔ, ɛ́ zɛlɛ ʋ yãayãa.

Zowɛl 1:15

'Woi! Nyɛ̃ bibir na ŋmɛ̃ a! A Sore bibir pɩɛl'a. A zie sãwfʋ a Naaŋmɩn kpɛnʋ-za-sob na yel a, lãw nɩ nɩ a bibir ŋa waar.

Zowɛl 1:8

Nyɩ tuo nuru zũú kone nɩ, mɛ̃ pɔwsɩrale na su ko-tuolu bome kone nɩ a ʋ sɩr ʋ na kul paalʋ ʋ kpi a.

Amɔsɩ 3:13

À ŋá n'a a Sore Naaŋmɩn, a Naaŋmɩn kpɛnʋ-za-sob yere: «Nyɩ bɛrɛ wone ɛ́ lʋɔrɛ kʋ̀rɛ a Zakɔb bʋʋrɛ kɛ́ bɛ gù vla.

Amɔsɩ 5:27

Alɛ so ɩ̃ na ír nyɩ a nyɩ tẽw pʋɔ tɩ zuo nɩ a Damasɩ bɛr.» A Sore n'ʋ yel, a Naaŋmɩn kpɛnʋ-za-sob, a ʋ yúor'ɩ a lɛ.

Amɔsɩ 8:10

Ɩ̃ na ɩ na a nyɩ cuwr lɩɛbɩ kuor, a nyɩ yielu za na lɩɛb'ɩ wahala cɛlsɩ. Ɩ̃ na ƴãw na a nɩbɛ za sɛ vʋɔrɩ a sɩɛmɩ́, ɛ́ fɔr a bɛ zuru mɛ̃ bi-been kuor daar a. À á ŋá za baarʋ na ɩ na mɛ̃ kpɩɛrʋ bibir a.

Amɔsɩ 8:3

A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

Mise 1:8

A mãa Mise a, ɩ̃ na kone na ŋmɩɛr'ɩ cɛlsɩ, ɩ̃ na cere nɩ nɩ gbɛ-zawlɛ, ɛ́ tɛr ƴã-gã-kpãkpol. Ɩ̃ na ùore na mɛ̃ a gbõgbo-cili a. Ɩ̃ na kone nɩ a ɩ̃ kpɩɛrʋ kon mɛ̃ kʋlãdisowli a.

Mise 2:4

A lɛn daar a, bɛ na ƴãw nɩ nyɩ nɩ yielu ŋa, bɛ na ŋmaarɛ nɩ lãw-mʋɔlɛ yere nɩ: «Tɩ bɛ cãà tɛr bom za towtow ɛ, a tɩ nɩ-bʋʋrɛ bɛ cãà tɛr a ʋ tẽsɔw ɛ, a bɛlɩ dem na farɛ tɩ a, põ nɩ taa a tɩ póru. Bʋ̃ʋ n'ʋ so bɛ fárɛ a tɩ bome za?»

Yel-wula 18:10

Bɛ na àr'a zãá, a ʋ dɔwrʋ na ɩrɛ dɛ̃bɩ̃ɛ a ƴãw, ɛ́ yere: «Zu-bio wɛ! Zu-bio wɛ, Babɩlɔn i! Tẽ-kpɛ̃ɛ na tɛr fãw a! A wa ɩ n tɛm been yõ ɛ́ a fʋ ƴɛ̀rʋ dɩ!»

Yel-wula 18:19

Bɛ tɩ 'wɔ̃wnɛ nɩ tanɛ ƴãwnɛ a bɛ zũú, bɛ tɩ tuore nɩ nuru zũú kone cɩɩrɛ yere nɩ: «Zu-bio! Nyɛ̃ zu-bio na páw a tẽ-kpɛ̃ɛ a! A ʋ naalʋ n'a tɩ ƴãw a bɛlɩ dem za na tɛr gbee a kʋ̃ɔ-kpɛ̃ɛ zu a, bɛ kpɛ naalʋ. Ɛ́ a wa ɩ tɛm been yõ, ɛ́ a ʋ yele baarɩ!»