Amɔsɩ 5:14 - A SƐB-SÕW

¹⁴ Nyɩ bɔbr a vla, nyɩ ta bɔbr a faa ɩ, lɛ n'a nyɩ na vʋʋrɛ, ɛ́ lɛ n'a a Sore, a Naaŋmɩn kpɛnʋ-za-sob na be a nyɩ zie, mɛ̃ a lɛ nyɩ na tɩɛrɛ a.

Amɔsɩ 5:14 ပူးပေါင်းရင်းမြစ်များ

Yele-za-pɛr-tib 39:23

A gaso-gùrbɛ nɩ-kpɛ̃ɛ bɛ tɩ cãà cɛlɛ bom za ʋ na de kʋ̀ a Zuzɛb a zie ɩ. Bʋ̃ʋ n'ʋ vɛ̃, a Sore tɩ be n a Zuzɛb zie, ɛ́ ɩrɛ bom za a Zuzɛb na maalɛ a ʋ tuur vla.

1 Bibie za yel-manɩ 28:20

Ʋ tɩ cãà na yel ƴãw pʋɔ: «Ɩ̃ bie e, dɩ kanyir ɛ́ kpɛmɛ, bɛr dɛ̃bɩ̃ɛ ɛ́ ìr tĩ a tome. Ta sàw bom za vʋ̃ɔ fʋ pʋ̀lá ɩ! A Sore ɩ̃ Naaŋmɩn kʋ̃ zawrɩ fʋ bɛr ɛ. Ʋ be n a fʋ zie, ʋ na tɩɛ fʋ na tɛr ɛ́ gù a ʋ yir tome tɩ tõ baarɩ.

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 97:10

Nyɩɩm na nɔnɛ a Sore a, nyɩ hɩ̃ɛn a faalʋ, ʋ mɩ́ gù n a nɩbɛ na sàw de ʋ a nyɔ-vʋʋrʋ, ʋ mɩ́ faa bɛ nɩ a nɩ-faar nuru pʋɔ.

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Zʋkpaɩ 11:27

Sob nɛ na bɔbr k'ʋʋ ɩrɛ vla a, a nɩbɛ mɩ́ nɔnɛ ʋ na. Sob nɛ na bɔbr a faa a, a faa na páw ʋ na.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Ɩzayi 8:10

Nyɩmɛ nɔ̃w nyɩ tɩɛrɩ yele bin, a na wɛl'a yaarɩ. Nyɩ ŋmɛ a nɔkpɛn bin a lɛ nyɩ na na ɩ a ƴãw, a kʋ̃ nyɔw ɛ. Bʋ̃ʋ n'ʋ vɛ̃, a Naaŋmɩn be n tɩ zie.

Amɔsɩ 3:3

Nɩbɛ ayi dãw na lãw lo sɔ́r ɛ́ bɛ de niwn wõ taa ɩ?

Amɔsɩ 5:6

Nyɩ bɔbr a Sore ɛ́ nyɩ na vʋʋrɛ na. Zuzɛb yir nɩbɛ ɛ, nyɩ gù vla ʋ taa wule a ʋ fãw ɛ, alɛ bɛ ɩ lɛ, a na ɩ na mɛ̃ vũu na dɩrɛ a Betɛl tẽw pʋɔ bome ɛ́ nɩr za kʋ̃ tʋ̃ɔ́ a kpiiri bɛr a.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Mise 6:8

Nɩsaal i, a Sore ɩ na fʋ bãw a ʋlɩ bom nɛ na vɩɛl a, nɩ a ʋlɩ bom nɛ ʋ na bɔbr a fʋ zie a: bom za bɛ n'ʋ, a bɛ ɩ kɛ́ fʋ tuur a yel-mɩnʋ, kɛ́ fʋ tɛr nɔ̃wfʋ ɩ-ɩrɩ, ɛ́ tɛr fʋ tʋɔra-siwru a fʋ Naaŋmɩn zie ɩ.

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Sɔr-nɛ́ɛ 16:3

Bɛ tɩ jil'a pàw a Moyiir nɩ a Aarɔ̃ ɛ́ yel bɛ à ŋá: «A pãa sɛw nɩ lɛ! Nyɩ ƴãw nɩ manʋ! A Ɩsɩrayɛl lãw nɩbɛ za ɩ n son, ɛ́ a Sore be a tɩ za sɔgɔ. Bʋ̃ʋ n'ʋ so nyɩ tɩ́ɛrɛ kɛ́ nyɩ zuo nɩ a Sore nɩbɛ ŋmãa?»

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

2 Timote 4:22

A Sore ʋ be a fʋ zie. A Naaŋmɩn maalʋ, ʋ be a nyɩ zie.

Zozue 1:9

Ɩ̃ bɛ yel kʋ̀ b kɛ́ fʋ kpɛmɛ ɛ́ dɩ kanyir e? Ta màwr ɛ, ta zɔrɛ dɛ̃bɩ̃ɛ ɩ, bʋ̃ʋ n'ʋ vɛ̃, a mãa Sore fʋ Naaŋmɩn, ɩ̃ na be n a fʋ zie, be za fʋ na cere a.»