Amɔsɩ 4:8 - A SƐB-SÕW

⁸ Nɩbɛ mɩ́ yi n ten ayi bɩɩ ata pʋɔ kɔ̃kɔlɩ cen tẽ-yũo pʋɔ kɛ́ bɛ tɩ nyũ kʋ̃ɔ, ɛ́ bɛ mɩ́ tɩ nyũ sɛw ɛ. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:8 ပူးပေါင်းရင်းမြစ်များ

1 Na-mɩnɛ 18:5

A Akab tɩ yel'ɩ a Ovadɩa à ŋá: «Wa tɩ cɔlɩ a tẽw, bɛl a bul-nɛ́ɛ ƴãw nɩ a fʋɔlɩ pʋɔ nyɛ̃, kapaw tɩ na nyɛ̃ nɩ mʋ̃ɔ guol'ɩ a wie nɩ a mílɛ̀, ɛ́ à ŋá n'a a kʋ̃ fɛr tɩ kʋ a dʋn a mɩnɛ ɩ.»

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zeremi 3:7

Ɩ̃ tɩ tɩɛr'ɩ ɩ̃ pʋɔ à ŋá: “À á ŋá za pùorí a, ʋ na lɛb'a wa a ɩ̃ zie.” Ɛcɛ a ʋ yɛb, a Zuda na bɛ tu a Sore a, nyɛ̃ a na.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

A naaŋmɩn-ƴèr-manɛ Oze sɛbɛ 7:10

A Ɩsɩrayɛl nyʋ̀ʋ́r, alɛ n'a yere a ʋ sãwna. Ɛcɛ bɛ bɛ lɛbr waar a Sore bɛ Naaŋmɩn zie ɩ. À á ŋá za na saa ta bɛ a, bɛ bɛ bɔbr a Sore ɩ.

Amɔsɩ 4:6

«A mãa, mãa n'ʋ ɩ kɔ̃ nyɔw nyɩ a ten za pʋɔ, mãa n'ʋ ɩ a dipɛ̃ dɩ nã́w a be za nyɩ na be a, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Mise 6:14

Nyɩ na mɩ́ dɩ na, ɛ́ kʋ̃ tɩw ɛ, a nɩbɛ na kone nɩ kɔ̃ a nyɩ tẽw! A al nyɩ na mɩ́ gbab bin a kʋ̃ mɩ́ gã ɩ, ɛ́ nyɩmɛ wa maal bin bom a, ɩ̃ na ɩ na zɛbr ìr sãw ʋ bɛr.

A naaŋmɩn-ƴɛ̀r-manɛ Aaze sɛbɛ 1:6

Nyɩ bʋ̀r'ɩ yaga, ɛ́ wa cɛ blãlɛ. Nyɩ mɩ́ dɩ na, ɛ́ bɛ tɩw ɛ. Nyɩ mɩ́ nyũ na, ɛ́ bɛ sɛw ɛ. Nyɩ mɩ́ su n kparɩ, ɛ́ a nyɩ ƴã-gamɛ bɛ mɩ́ tʋl ɛ, ɛ́ a sã-ya-diere sã-ya libie mɩ́ baarɩ fɔ̃w, mɛ̃ wɛr-wɔ-puo pʋɔ n'a ʋ de ƴãw a!

A naaŋmɩn-ƴɛ̀r-manɛ Aaze sɛbɛ 2:17

A alɩ bome nɛ za nyɩ na tõ páw a, ɩ̃ sãw a na bɛr: ɩ̃ ɩ n a nyɩ bʋ̃-bie ko bɩɩ pɔ̃ a dàar zu, ɩ̃ ɩ na sa-bi-kube lo, ɛ́ nyɩ bɛ lɛb wa a mãa Sore zie ɩ.