Amɔsɩ 4:7 - A SƐB-SÕW

⁷ «Mãa n'ʋ sɩb nyɩ a saa a nyɩ bʋ̃-kʋ́ɔrɩ deb na tɩ cɛ cuwr ata a. Ɩ̃ ƴãw na a saa wa tẽw ŋa, ɛ́ bɛr tẽw ŋa. Púo ŋa tɩ páw nɩ a saa ɓaarʋ, ɛ́ púo ŋa na bɛ páw a saa ɓaarʋ a ko gã.

Amɔsɩ 4:7 ပူးပေါင်းရင်းမြစ်များ

Eziptɩ tẽw yib 10:22

A Moyiir tɩ tùr'ɩ a ʋ nũu cɔw a salom, ɛ́ liw-varkpara pàw a Eziptɩ tẽw za bibie ata.

Eziptɩ tẽw yib 10:23

Bibie ata a, nɩr bɛ nyɛ̃ ʋ tɔ ɩ, nɩr bɛ cen zie ɩ. Ɛcɛ a zie tɩ nyɛrɛ nɩ a be a Ɩsɩrayɛl nɩbɛ na kpɩɛr a.

Eziptɩ tẽw yib 8:22

A Moyiir tɩ sɔw na: «Aɩ, tɩ kʋ̃ tʋ̃ɔ́ ɩ à à ŋá ɩ. Bʋ̃ʋ n'ʋ vɛ̃, a Eziptɩ tẽw dem bɛ nɔnɛ a tɩ bàwr tɩ na mɩ́ maalɩ kʋ̀ a Sore tɩ Naaŋmɩn a ɩ. Bɛlɛ ɩ mɛ̃ bɛ nyɛ̃ tɩ na tɩ maalɛ a bagɛ á ŋá taabɛ a, bɛ kʋ̃ lɔb'ɩ tɩ kʋsɛbɛ ɩ?

Eziptɩ tẽw yib 9:26

Gosɛn vuo yõ pʋɔ n'a a sa-bi-kube bɛ tɩ lo ɩ, a be a Ɩsɩrayɛl nɩbɛ na tɩ kpɩɛr a.

Eziptɩ tẽw yib 9:4

Ɛcɛ a mãa Sore a, ɩ̃ na owr'ɩ a Ɩsɩrayɛl nɩbɛ dʋn nɩ a Eziptɩ nɩbɛ dʋn. A Ɩsɩrayɛl nɩbɛ dʋ̃w been kãw za bɛ kpiir ɛ!”»

Ɩzayi 5:6

Ɩ̃ na ɩ na ʋ lɩɛbɩ kár: nɩr bɛ ɓɛlɛ a wuli-ɓɛrmɛ bɛrɛ ɩ, nɩr bɛ dɔrɛ ʋ ɛ. Gɔ-tuwr'a na búle a be, ɩ̃ɩ na yel'ɩ a zũzuwe à ta ɩ saa wa ƴãw ʋ ɛ.»

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Zeremi 14:3

A nɩ-bɛrɛ tone nɩ a bɛ tõ-tõ-biir kɛ́ bɛ tɩ bɔ a kʋ̃ɔ. Bɛ mɩ́ ta n a sa-bie-kʋ̃ɔ-bɔwrɩ pɛr, bɛ nyɛ̃ kʋ̃ɔ-bir za ɩ, bɛ mɩ́ lɛb'a wa n bʋ̃-zawlɛ, a bɛ tɩɛrʋ sãw, pʋ-sãwna tɛr bɛ, bɛ su zuru.

Zeremi 14:4

A saa na bɛ wa, ɛ́ a tẽsɔw pur pur a zũú a, a ka-kʋ́ɔrbɛ tɩɛrʋ sãw na, bɛ su n zuru.

Zeremi 3:3

Lɛ n'a ɩ̃ bɛ tɩ bɛr a saa kʋ̀ b ɛ, ɛ́ a saa bɛ wa a sɩ̃ɔ ɛ. Ɛcɛ fʋ cãà na kpãa tobr tone a fʋ pɔw-yɛm tome, fʋ bɛ sàw a fʋ sãwna ɩ.

Zowɛl 2:23

Nyɩɩm Sɩyɔ̃ tẽw dem i, nyɩ cɩlɛ ƴawr'ɩ a Sore nyɩ Naaŋmɩn ƴãw. Ʋ kʋ̀rɛ nyɩ nɩ a kpãcãan saa, a nyɩ faafʋ ƴãw. Ʋ mɩ́ ɩ n a kpãcãan saa nɩ a sɩ̃ɛ-kpɛ-paala saa a wa, a wa mɛ̃ a dãwdãw a.

Zakari 14:17

A tẽw zu dɔwlʋ ƴen sob kãw bɛ wa cen a Zerizalɛm, k'ʋʋ tɩ puori a Nãà, a Sore, a Kpɛnʋ-za-sob a, saa kʋ̃ wa a ʋ tẽw pʋɔ ɛ.

Zã 4:35

A nyɩɩm tɛɛ za, nyɩ bɛ tʋ̃ɔ́ mɩ́ yel: “Cuwr anaar'a cɛ, ɛ́ a na ɩ a bʋ̃-dieri deb ɛ?” Ɛcɛ mãa yere na kʋ̀rɛ nyɩ: nyɩ dʋɔ zu jɩ́r nyɛ̃: a póru maal'a baarɩ gù a cɛb.

1 Korɛ̃tɩ 4:7

Ãa n'ʋ ɩ fʋ zuo a fʋ taabɛ? Bʋ̃ʋ n'a fʋ tɛr ɛ́ a bɛ ɩ kʋ̀b'a bɛ kʋ̀ b? Ɛ́ alɛ wa ɩ kʋ̀b a bɛ kʋ̀ b a, bʋnʋ ƴãw n'a fʋ na zɛwr'ɩ fʋ tʋɔra mɛ̃ kʋ̀b bɛ n'a bɛ kʋ̀ b a?

Wulu-ayi-sob 11:17

A na ɩ na a Sore suur ìr a nyɩ ƴãw, ʋ na pàw nɩ a salom a saa bɛ cãà waar ɛ, a tẽsɔw kʋ̃ lɛb tɩr bom za ɩ, ɛ́ nyɩ baarɩ fɔ̃wlɛ a tẽ-vla a Sore na kʋ̀rɛ nyɩ a pʋɔ.

Zakɩ 5:17

A naaŋmɩn-ƴɛ̀r-manɛ Eli tɩ ɩ n nɩsaal mɛ̃ a tɩɩm a, ɛcɛ ʋ tɩ puor'a nɩ ʋ pʋɔ za k'aa saa ta wa ɩ, ɛ́ a saa bɛ tɩ wa a tẽw zu ɛ, tɩ maalɩ yome ata nɩ cuwr ayʋɔb.

Yel-wula 11:6

Bɛ tɛr'ɩ fãw na tʋ̃ɔ́ nyɔw a saa tɛr ʋ ta wa ɩ, a bibie al bɛ na manɛ a Naaŋmɩn ƴɛ̀rʋ a. Bɛ mɩ̀ tɛr'ɩ fãw na tʋ̃ɔ́ ɩ a kʋ̃ɔ a lɩɛbɩ zɩ̃ɩ, ɛ́ ɩ bʋ̃-faar bʋʋrɛ za a páw a tẽw, sɛw lɛ za bɛ na bɔbr a.