Amɔsɩ 4:13 - A SƐB-SÕW

¹³ Bʋ̃ʋ n'ʋ vɛ̃, nyɛ̃ a: a Sob nɛ na mɩɛr a tã-bɛrɛ, ɛ́ íre a sɛsɛb, ɛ́ wule a ʋ pʋ-tɩɛrʋ a nɩsaal a, a Sob nɛ na dier a lige maalɛ nɩ a cãà a, a Sob nɛ na cere a tẽw zi-kɛrɩ zu a, a ʋ yúor dɩ na kɛ́ Sore, a Naaŋmɩn kpɛnʋ-za-sob.

Amɔsɩ 4:13 ပူးပေါင်းရင်းမြစ်များ

A Zɔb sɛbɛ 9:7

Ʋ mɩ́ ɩ n a mʋ̃tɔ̃w ʋ bɛ pur ɛ, ɛ́ piw a ŋmar-bie tɛr a bɛ nyɩwrɛ ɩ.

Sɛb-sõw yielu 135:7

Ʋlɛ n'ʋ mɩ́ ɩ a zũzuge yi a tẽw-tʋra ƴãw do, ɛ́ maalɩ a saa-nyɩwrʋ k'aa saa tʋ̃ɔ́ wa, ʋ mɩ́ ɩ n a sɛsɛb ʋ cɛ̀r.

Sɛb-sõw yielu 139:2

Fʋ mɩ́ bãw nɩ a ɩ̃ zɩma daar nɩ a ɩ̃ ìru daar, fʋ mɩ́ de nɩ niwn bãw a ɩ̃ pʋ-tɩɛrʋ a cɛlɩ.

Sɛb-sõw yielu 147:18

Ʋlɛ wa tɩrɛ a nʋɔr wa báarɛ a a mɩ́ nyɩl a. Ʋlɛ wa ɩ a sɛsɛb fure a, a kʋ̃ɔnɩ mɩ́ gbɔlɛ na.

Sɛb-sõw yielu 65:6

Naaŋmɩn tɩ Faarɛ ɛ, fʋ ŋmɛ̃ n fʋ ŋmɛ̃a, fʋ mɩ́ maal'ɩ nɔ-ɓãa-yele sɔw nɩ tɩ, fʋ̃ʋ a tẽw baarʋ zie nɩbɛ, nɩ a kʋ̃ɔ-kpɛ̃ɛ-sɔgɔ-ten na zãá a nɩbɛ na tɩɛrɛ a.

Eziptɩ tẽw yib 10:22

A Moyiir tɩ tùr'ɩ a ʋ nũu cɔw a salom, ɛ́ liw-varkpara pàw a Eziptɩ tẽw za bibie ata.

Eziptɩ tẽw yib 14:20

Ʋ tɩ wa na wa be a Eziptɩ tẽw nɩbɛ nɩ a Ɩsɩrayɛl tẽw nɩbɛ cara pʋɔ. A zũzuwr ŋa tɩ ɩ n lige a lõbowr kãw, ɛ́ a lõbowr kãw caalɛ a tɩ̃ɩsɔw. À ŋá n'a a Ɩsɩrayɛl tẽw nɩbɛ nɩ a Eziptɩ tẽw nɩbɛ bɛ tɩ tʋ̃ɔ́ pɩɛlɩ taa a tɩ̃ɩsɔw za ɩ.

Ɩzayi 40:12

Ãa n'ʋ manɩ a kʋ̃ɔ-kpɛ̃ɛ kʋ̃ɔnɩ a ʋ nũsalɛpʋ̃ɔ́? Ãa n'ʋ dɔl a ʋ nobie man nɩ a salom yɛ̀lʋ? Ɛ́ a tẽsɔw tanɛ, ãa n'ʋ dĩ dĩ a ƴãw gara pʋɔ manɩ a? Ãa n'ʋ dɔwlɩ a tã-bɛrɛ nɩ a tãli tɩbrʋ bʋ̃-mána zu manɩ a?

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Ɩzayi 47:4

A sob nɛ na yarɛ dier tɩ a yúor'ɩ a Sore, a kpɛnʋ-za-sob,» a Ɩsɩrayɛl Naaŋmɩn na ɩ sõw a.

Ɩzayi 48:2

Nyɩɩm bɛ na bʋɔlɛ “Tẽ-kpɛ̃ɛ-sõw nɩbɛ” a, nyɩɩm na de a Ɩsɩrayɛl Naaŋmɩn ʋ ɩ a nyɩ tɩ̀ɛrɛ a, ʋl a yúor na dɩ kɛ́ “A Sore, a kpɛnʋ-za-sob” a, nyɩ bɛrɛ wone:

Ɩzayi 5:30

Ɛcɛ bibir kãw a, a saa na tanɩ nɩ a nɩ-bʋʋrɛ bɛ ŋa ƴãw, mɛ̃ a lɛ a saa-sɛsɛb na mɩ́ wa cɛ̀r a kʋ̃ɔ-kpɛ̃ɛ ɩrɛ gɔmɛ a. Bɛ na mɩ́ jɩ́r'ɩ a tẽw, ɛcɛ lige nɩ kpɩɛrʋ n'a na pili pàw ʋ. Zũzu-sɛblɛ na ɩ na a bibir liw.

Zeremi 10:13

Ʋlɛ wa tanɩ a, a kʋ̃ɔnɩ mɩ́ ɓã n taa a salom zu, a zũzuwr-bɛrɛ mɩ́ yi n a tẽw baarʋ ziir do, ʋ mɩ́ ɩ na saa nyɩwrɩ ƴãw a saa waar. Ʋ mɩ́ ɩ na a sɛsɛb yi a be ʋ na ƴãw ʋ a.

Zeremi 10:16

Ɛcɛ a Naaŋmɩn na ɩ a Ɩsɩrayɛl na-bom a, bɛ ŋmɛ̃ taa nɩ a ɩ. Ʋl a, a bome za íre n'ʋ, ɛ́ ʋlɛ so a Ɩsɩrayɛl dɔwlʋ. A ʋ yúor'ɩ: «A Sore kpɛnʋ-za-sob!»

Zeremi 13:16

Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Zeremi 46:18

A nãà a yúor na dɩ kɛ́: “Sore kpɛnʋ-za-sob” a, yere nɩ à ŋá: “Mãa bɛ wa vʋʋrɛ a na, alɛ bɛ ɩ lɛ, a dɔ̃ sob na wa na. A bɛ tɛr bʋnʋ, mɛ̃ a Tabɔɔr tãw a ɩ, a bɛ tɛr bʋnʋ, mɛ̃ a Karmɛl tãw na do gãw a kʋ̃ɔ-kpɛ̃ɛ a ɩ.”

Zeremi 51:16

Ʋlɛ wa ƴɛ̀rɛ a, a kʋ̃ɔnɩ mɩ́ ɓanɛ nɩ taa a salom zu, zũzu-bɛrɛ mɩ́ yi n saa-pɛrɩ́ dúor, a saa-nyɩwrʋ mɩ́ ɩ na a saa waar, a sɛsɛb mɩ́ yi n a ʋ beba ziir.

Zeremi 51:19

Ɛcɛ a Zakɔb Naaŋmɩn, na ɩ a Ɩsɩrayɛl na-bom a, ʋ bɛ ŋmɛ̃ taa nɩ a ɩ. A ʋl a, ʋlɛ n'ɩ a bome za íre, ɛ́ a Ɩsɩrayɛl'ɩ a dɔwlʋ ʋ na so a. A ʋ yúor'ɩ: «A Sore, a kpɛnʋ-za-sob.»

A naaŋmɩn-ƴèr-manɛ Oze sɛbɛ 12:6

A Sore Naaŋmɩn kpɛnʋ-za-sob, “a Sore”, à ŋá n'a a sɛw kɛ́ bɛ mɩ́ bʋɔlɩ ʋ.

Zowɛl 2:2

Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.

Amɔsɩ 3:13

À ŋá n'a a Sore Naaŋmɩn, a Naaŋmɩn kpɛnʋ-za-sob yere: «Nyɩ bɛrɛ wone ɛ́ lʋɔrɛ kʋ̀rɛ a Zakɔb bʋʋrɛ kɛ́ bɛ gù vla.

Amɔsɩ 5:27

Alɛ so ɩ̃ na ír nyɩ a nyɩ tẽw pʋɔ tɩ zuo nɩ a Damasɩ bɛr.» A Sore n'ʋ yel, a Naaŋmɩn kpɛnʋ-za-sob, a ʋ yúor'ɩ a lɛ.

Amɔsɩ 5:8

A sob nɛ na ír a kɔ̃wmɛ nɩ a baa-nɩ-ŋmãam-nɩ-pɔw-nyãw a, a ʋl na mɩ́ ɩ a lige lɩɛbɩ biɓaara cãà a, a ʋl na mɩ́ ɩ a mʋ̃tɔ̃w lɩɛbɩ tɩ̃ɩsɔw lige a, a ʋl na mɩ́ bʋɔlɩ a man kʋ̃ɔnɩ wa cir waarɩ a tẽw a, a ʋ yúor'ɩ a Sore.

Amɔsɩ 6:8

A Sore, a Naaŋmɩn kpɛnʋ-za-sob pɔ na yel à ŋá: «Mãa wa sɩrɩ n'ɩ a Naaŋmɩn a, ɩ̃ bɛ nɔnɛ a Zakɔb yir pɔ̀lʋ towtow ɛ, ɩ̃ bɛ nɔnɛ a ʋ yir-vɩɛlɩ vɩɛlɩ ɛ. Ɩ̃ na ƴãw na a Samaari tẽw dɔ̃ dem so a Samaari tẽw.»

Amɔsɩ 8:9

À ŋá n'a a Sore ɩ̃ Naaŋmɩn yere: a ʋlɩ bibir a, mʋ̃tɔ̃-tuo n'a ɩ̃ na ɩ a mʋ̃tɔ̃w kpɛ, mʋ̃tɔ̃-tuo, ɩ̃ na ɩ na a tẽw be lige pʋɔ.

Amɔsɩ 9:6

A sob nɛ na mɛ a ʋ bɔwpɩɛ a salom zu a, a ʋl na ŋmãa a ʋ nãà yir a tẽw saa-zu a, a ʋl na mɩ́ bʋɔlɩ a kʋ̃ɔnɩ ɓãá taa ɛ́ cir a waarɩ a tẽw a, a ʋ yúor'ɩ a Sore.

Mise 1:3

A Sore n'ɩ ŋan yire a ʋ kpɛb zie, ʋ siwr'a waar, ʋ cere nɩ a tẽw tan nyɛɛ zu.

Habakukɩ 3:19

A Sore Naaŋmɩn n'ɩ a ɩ̃ fãw: ʋ mɩ́ ɩ na ɩ̃ zɔrɛ fɔ̃w fɔ̃w mɛ̃ wala a, ʋ ɩ na ɩ̃ cere ziir na kɛrɩ a zu. A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bʋ̃-ŋmɩɛrɩ bɛ na maal'ɩ mié a n'a bɛ mɩ́ ŋmɩɛr'ɩ ƴãwn.

Zakari 12:1

Ƴɛ̀rʋ a Sore na ƴɛ̀r a Ɩsɩrayɛl ƴãw a. Nyɛ̃ a lɛ a Sore na yere a, ʋl na dɔl a salom a, ʋl na sʋ̃ɔ́ a tẽsɔw pɛr, ɛ́ kʋ̀ a nyɔ-vʋʋrʋ a nɩsaal a:

Matie 9:4

A Yeezu na tɩ bãw a bɛ tɩɛrʋ a, ʋ sowri bɛ na: «Bʋ̃ʋ n'ʋ so a tɩɛr-faar á ŋá be a nyɩ zie?

Zã 2:25

Ʋ bɛ tɩ gù kɛ́ nɩr wa dɩ a nɩsaal dãsɩɛ a ʋ zie ɩ, ʋl mɩŋa tɩ bãw nɩ ʋlɩ bom nɛ na be a nɩsaal socir pʋɔ a.

Zã 3:8

A sɛsɛb mɩ́ fure nɩ be za ʋ na bɔbr a, fʋ mɩ́ wone nɩ a ʋ damnʋ, ɛcɛ fʋ bɛ mɩ́ bãw be ʋ na yi waar nɩ be ʋ na cere a ɩ. A sob nɛ na lɛb dɔw a Vʋʋrʋ Sõw pʋɔ a, à ŋá n'a a mɩ́ ŋmɛ̃ a ʋ zie.»

Wulu-ayi-sob 32:13

Ʋ ƴãw na bɛ zɩ̃ tan pʋɔ ʋʋ guoli bɛ nɩ a póru bʋ̃-kʋ́ɔrɩ. Ʋ ɩ na bɛ dɩ pìe bɔwrɩ sɩwr, ɛ́ ɩ olivʋ tɩɩr bul zi-kʋsɛbɛ pʋɔ, a bɛ ƴãw.

Wulu-ayi-sob 33:29

Zu-nʋ̃ɔ̀ dem'ɩ nyɩ, Ɩsɩrayɛl nɩbɛ ɛ! A Sore faa nɩ nɩ-bʋʋrɛ kãw mɛ̃ a nyɩɩm a? A Sore ɩ na mɛ̃ zɛbr bom na piw nyɩ tɛr a, zɛbr-sɔ-kpɛ̃ɛ nyɩ na zɛb'ɩ tʋ̃ɔ́ a. A nyɩ dɔ̃ dem na bɔr'ɩ a nyɩ niŋé, ɛ́ a nyɩɩm a, nyɩ na so bɛ na.»