Amɔsɩ 4:11 - A SƐB-SÕW

¹¹ «Ɩ̃ ŋmɛ n bom za nyaw taa a nyɩ zie, mɛ̃ a lɛ ɩ̃ na tɩ dãw ɩ a Sodɔm nɩ a Gomɔɔr ten a. Nyɩ ŋmɛ̃ na mɛ̃ dà-ŋmãa bɛ na ír vũumí bɛr a. Ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:11 ပူးပေါင်းရင်းမြစ်များ

Ɩzayi 13:19

A Babɩlɔn tẽw, a naalʋ-tẽw tẽ-kpɛ̃ɛ na vɩɛl zuo a za a, a Babɩlɔn tẽw dem pɩ̃ɛmɛ na tɛr yúor a, na ɩ na mɛ̃ a Sodɔm nɩ a Gomɔɔr ten a Naaŋmɩn na sãw bɛr a.

Ɩzayi 7:4

Fʋ na tɩ yel ʋ na: “Cɛlɛ be! Ta damnɛ ɩ, ta zɔrɛ dɛ̃bɩ̃ɛ ɩ. A fʋ socir, ʋ ta màwr a Siiri tẽw Eresin nɩ a Eremalyahu bidɛb su-tʋlʋ kpãkpã ƴãw ɛ. Da-ŋmaarɛ ayi na ɩrɛ zʋ̀ʋ́r a tɛwr nɛbɛ.

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Zeremi 23:14

Ɛcɛ a Zerizalɛm naaŋmɩn-ƴɛ̀r-manbɛ zie, ɩ̃ nyɛ̃ nɩ yele na kpɛ faa ɩrɛ dɛ̃bɩ̃ɛ a: bɛ maalɛ nɩ pɩ̃ɔ-yele, bɛ vʋʋrɛ nɩ a gɛgɛrʋ pʋɔ, ziri n'ɩ a bɛ bom, bɛ mɩ́ tɩ̀ɛ nɩ a bɛlɩ dem na maalɛ a faa a. A na ɩ à ŋá a, nɩr za kʋ̃ tʋ̃ɔ́ lɛb bɛr a faa maalʋ ɛ. Mãa zie a, bɛ za ŋmɛ̃ na mɛ̃ a Sodɔm tẽw dem a. A Zerizalɛm tẽw dem ŋmɛ̃ na mɛ̃ a Gomɔɔr tẽw dem a.»

Zeremi 49:18

A Sore yere na: A na ɩ na mɛ̃ a lɛ a Sodɔm, a Gomɔɔr, nɩ a tẽ-bɛrɛ na pɩɛlɩ a a, na tɩ dam nyaw taa a. Nɩr za kʋ̃ cãà kpɩɛr a be towtow ɛ, nɩsaal za kʋ̃ lɛb vʋʋrɩ a be ɩ.»

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 50:40

A Sore yere na: Ɩ̃ na sãw ʋ na bɛr, mɛ̃ a lɛ ɩ̃ na tɩ sãw a Sodɔm, a Gomɔɔr nɩ a tẽli-kpɔwlɩ bɛr a. Nɩr kʋ̃ cãà kpɩɛr a be ɩ, nɩsaal kãw za kʋ̃ lɛb vʋʋrɩ a be ɩ.

Ezekɩɛl 24:13

Zerizalɛm i, fʋ ɩ n dɛwr sob fʋ na bʋnɩ vʋʋrɩ sãsaralɛ a ƴãw. Ɩ̃ tɩ bɔbr'a k'ɩ̃ɩ ɩ fʋ vɩɛl, ɛcɛ fʋ bɛ sàw ɛ. A na ɩ lɛ a, fʋ kʋ̃ lɛb tʋ̃ɔ́ vɩɛl ɛ, ɛ́ gù a ɩ̃ su-tʋlʋ kpãkpã tɩ ìr a fʋ ƴãw.

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

A naaŋmɩn-ƴèr-manɛ Oze sɛbɛ 11:8

«Ɛcɛ Efarayim i, ŋmɩŋmɩn za n'a ɩ̃ na sàw zawrɩ fʋ bɛr? Ɩsɩrayɛl ɩ, ŋmɩŋmɩn za n'a ɩ̃ na sàw de fʋ tɩr? Ŋmɩŋmɩn za n'a ɩ̃ na sàw ɩ fʋ, mɛ̃ ɩ̃ na ɩ a Adima tẽw a? Ɩ̃ na sàw na ɩ fʋ, fʋ ŋmɛ̃ mɛ̃ a Sevoyim tẽw a? A ɩ̃ tɩɛrʋ za dam'a, ɛ́ a ɩ̃ nɩbaal-zɔba ìr.

Amɔsɩ 4:6

«A mãa, mãa n'ʋ ɩ kɔ̃ nyɔw nyɩ a ten za pʋɔ, mãa n'ʋ ɩ a dipɛ̃ dɩ nã́w a be za nyɩ na be a, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

A naaŋmɩn-ƴɛ̀r-manɛ Aaze sɛbɛ 2:17

A alɩ bome nɛ za nyɩ na tõ páw a, ɩ̃ sãw a na bɛr: ɩ̃ ɩ n a nyɩ bʋ̃-bie ko bɩɩ pɔ̃ a dàar zu, ɩ̃ ɩ na sa-bi-kube lo, ɛ́ nyɩ bɛ lɛb wa a mãa Sore zie ɩ.

Zakari 3:2

A malkɩ tɩ yel'ɩ a Sɩtaana: «A Sore, ʋ pàw fʋ a nʋɔr, Sɩtaana a, ʋ pàw fʋ a nʋɔr, ʋl na kaa ír a Zerizalɛm a! A Zozue bɛ sɩrɩ ɩ mɛ̃ da-ŋmãa bɛ na ír vũumí a ɩ?»

Ʋrɔm 9:29

A Ɩzayi n'ʋ mɩ̀ tɩ cãà dãw yel: «A tẽ-daa za Sore bɛ tɩ cɛ bʋʋrɛ blã bɛr tɩ a, tɩ nãá tɩ ɩ na mɛ̃ Sodɔm tẽw a, tɩ nãá ŋmɛ̃ na taa nɩ Gomɔɔr tẽw.»

1 Korɛ̃tɩ 3:15

Ɛ́ sob nɛ mɩɛrʋ ton wa dɩ vũu a, ʋ kʋ̃ páw sã-ya ɩ. A ʋl tɔr za na páw nɩ a faafʋ, ɛcɛ a na ɩ na mɛ̃ a lɛ bɛ na mɩ́ tu tɔl a vũu pʋɔ páw a faafʋ a.

Wulu-ayi-sob 28:24

Saa bɛ n'ʋ a Sore na mɩ́ ƴãw ʋ wa a nyɩ póru pʋɔ ɩ, uuru nɩ biire n'a ʋ na mɩ́ ƴãw a waar, ɛ́ gù nyɩ tɩ kpi pàw pɛr.

Wulu-ayi-sob 29:23

Lɛ n'a a nɩ-bʋʋrɛ za na sowre: «Bʋ̃ʋ n'ʋ so a Sore dɔwrɩ a tẽw ŋa à à ŋá? Bʋ̃ʋ n'ʋ so a su-kpɛ̃ɛ kẽkẽ ŋa tɔ?»

2 Pɩɛr 2:6

A pùorí, ʋ ƴãw nɩ dɔwrʋ a Sodɔm nɩ a Gomɔɔr ten. Ʋ ƴãw na vũu dɩ a kʋmkʋm, k'aa wul k'aa ŋa n'a a nãà ŋmɛ̃ a nɩ-faar za zie.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:23

Nyɩ mɩ́ faa bɛ a vũu pʋɔ, ɛ́ a bɛ mɩnɛ a, nyɩ tɛr a bɛ nɩbaal-zɔba lãwnɩ dɛ̃bɩ̃ɛ. Nyɩ hɩ̃ɛn a bɛ ɩ-faar tɩ lãwnɩ a bɛ bʋ̃-suuri dɛwr a bɛ nɩsaal ɩ-dɛgɛ na mɩ́ wa n a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Yel-wula 9:20

A nɩsaalbɛ bɛl na tɩ cɛ a, a bɛl a bʋ̃-faar ata al na bɛ tɩ kʋ a, bɛ tɩ bɛr a bɛ tõ-faar ɛ, bɛ tɩ cãà na puore a kɔ̃tɔmɛ nɩ a tɩbɛ bɛ na maalɩ nɩ salm-zɩɛ nɩ salm-pla a, bɛ na maalɩ nɩ kure nɩ kʋsɛbɛ nɩ dàar a, tɩbɛ na kʋ̃ tʋ̃ɔ́ nyɛ̃ bom, kʋ̃ tʋ̃ɔ́ wõ bom ɛ́ kʋ̃ tʋ̃ɔ́ cen a.