Amɔsɩ 4:10 - A SƐB-SÕW

¹⁰ «Ɩ̃ ƴãw nɩ bàal-faa nyɔw nyɩ mɛ̃ a ʋl na tɩ kʋ a dʋn a koro za a Eziptɩ tẽw a. Ɩ̃ kʋ n a nyɩ pɔ́lɛ́ nɩ zɛbr-sɔ-kpɛ̃ɛ ɛ́ fa a nyɩ wie, ɩ̃ ɩ n a nyɩ laɩ pʋɔ kũuni nyũu paalɩ a nyɩ nyɔbɔgɛ, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 4:10 ပူးပေါင်းရင်းမြစ်များ

2 Na-mɩnɛ 10:32

A ʋlɩ daar nɛ a, a Sore tɩ tĩ na gbɛnɛ a Ɩsɩrayɛl naalʋ-tẽw. Ʋ tɩ sàw na a Siiri tẽw nãà, Hazayɛl, zɛb tʋ̃ɔ́ a Ɩsɩrayɛl nɩbɛ a bɛ tẽw tʋr-bɔwrɩ za ƴãw.

2 Na-mɩnɛ 13:3

Lɛ n'a a Sore tɩ nyɛ̃ nɩ a Ɩsɩrayɛl nɩbɛ suur, ɛ́ bɛr bɛ kʋ̀ a Siiri tẽw nãà, Hazayɛl, nɩ a ʋ bidɛb, Bɛn-Hadadɩ, a tɩ cɛlɩ.

2 Na-mɩnɛ 13:7

Wi-zɔmnbɛ lɩz'a ayi nɩ pie, zɛbr-torkori pie nɩ soja-gbɛ́ɛ dem tùr-pie (10 000) nɛbɛ wa tɩ cɛ a Yoakaazɩ. Bʋ̃ʋ n'ʋ vɛ̃, a Siiri tẽw nãà tɩ kʋ n a bɛl na cɛ a, ʋ tɩ ɩ bɛ na mɛ̃ tanɛ bɛ na nɛbr a.

2 Na-mɩnɛ 8:12

A Hazayɛl tɩ sowr'a: «Ɩ̃ sore e, bʋ̃ʋ n'ʋ so fʋ kone?» A Elize sɔw: «Ɩ̃ na bãw a dɔwrʋ fʋ na na dɔwrɩ a Ɩsɩrayɛl nɩbɛ a, alɛ n'a so ɩ̃ kone. Fʋ na nyɩw nɩ a bɛ zɛbr-yir-kpɛn kpɛn bɛr, fʋ na kʋ n a bɛ pɔ́lɛ́ a zɛbr zie, fʋ na ƴɛ́r'ɩ a bɛ bibi-pʋrpʋr ŋmɛr, ɛ́ wɛr a bɛ pɔw-pée.»

Eziptɩ tẽw yib 10:27

Ɛcɛ a Sore tɩ ɩ na a Faarawɔ̃ kpãa tobr bɛ sàw a Ɩsɩrayɛl nɩbɛ na cen ɛ.

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Eziptɩ tẽw yib 14:4

Ɩ̃ na ɩ na a Faarawɔ̃ kpãa tobr diwr bɩ́ɛrɛ nyɩ. Lɛ n'a ɩ̃ na tʋ̃ɔ́ ʋ pẽlẽpẽlẽ, ʋlɛ nɩ a ʋ zɛbr-nɩbɛ za. À ŋá n'a ɩ̃ na ɩ a ɩ̃ yúor-vɩɛlʋ-danʋ ʋ sãá, ɛ́ a Eziptɩ tẽw dem bãw kɛ́ mãa n'ɩ a Sore.» A Ɩsɩrayɛl nɩbɛ tɩ ɩ n a lɛ.

Eziptɩ tẽw yib 15:26

Ʋ tɩ yel bɛ na: «Nyɩmɛ wa sɩrɩ sàwr a mãa Sore nyɩ Naaŋmɩn nʋɔr, maalɛ a lɛ ɩ̃ na mɩ́ nyɛ̃ a tu sɔ́r a, nyɩmɛ wa bɛrɛ wone a ɩ̃ nɛ-ƴãwnɩ, ɛ́ tuur a ɩ̃ wulu za a, a bàalʋ ɩ̃ na ƴãw a Eziptɩ tẽw nɩbɛ a, ɩ̃ bɛ ƴãwnɛ nyɩ a bàalʋ á ŋá been kãw za ɩ. Bʋ̃ʋ n'ʋ vɛ̃, mãa n'ɩ a Sore na sanɛ nyɩ a.»

Eziptɩ tẽw yib 8:19

Ɩ̃ na tu n faafʋ tub kãw, bʋ́r a ɩ̃ nɩbɛ nɩ a fʋ nɩbɛ. Bio n'a a nɔ-ɓãa-yel ŋa na maalɩ.”»

Eziptɩ tẽw yib 9:12

Ɛcɛ a Sore tɩ ɩ na a Faarawɔ̃ kpãa tobr, bɛ bɛr wõ a Moyiir nɩ a Aarɔ̃ ƴɛ̀rʋ ɛ, mɛ̃ a lɛ a Sore na tɩ yel kʋ̀ a Moyiir a.

Eziptɩ tẽw yib 9:17

Fʋ nyɛ̃ a na, ɛ́ cãà bɛ sàw na bɛr a ɩ̃ nɩbɛ bɛ cen ɛ.

Ɩzayi 34:3

A bɛ kũuni pàw nɩ a tẽsɔw, a bɛ ƴã-gamɛ nyùur'a, a bɛ zɩ̃ɩ gbɔlɛ nɩ a tan zu.

Ɩzayi 50:11

Ɛcɛ nyɩɩm za na gbɔwr vũu a, nyɩɩm na ƴãw vũu-zɛlɛ pime viiri koli nyɩ tʋɔra a, nyɩ cen a nyɩ vũu vũu-zɛlɛ pʋɔ, a vũu-zɛlɛ pime nyɩ na gbɔw a sɔwlɩsɔw. A Sore n'ʋ na ɩ nyɩ kpi kpɩɛrʋ kpɛ̃ɛ pʋɔ.

Ɩzayi 9:12

A na ɩ lɛ a, a Sore ŋmɛ n a ʋ nɩ-bʋʋrɛ, ɛcɛ a Ɩsɩrayɛl nɩbɛ bɛ lɛb wa a sob nɛ na ŋmɩɛr bɛ a zie ɩ, bɛ bɛ bɔ a Sore, a kpɛnʋ-za-sob ɛ.

Ɩzayi 9:13

Lɛ n'a a Sore tɩ ŋmãa a zú nɩ a zʋʋr, a kpãkparmɛ tɩɛ wule nɩ a bàa-kɛkɛr a Ɩsɩrayɛl tẽw pʋɔ, bibi-been.

Ɩzayi 9:17

A po-tuolu 'lere na mɛ̃ vũu na dɩrɛ a gɔ̀-pɛ-bʋʋrɛ za a. A nyɔw nɩ a tuw pʋɔ va-pɔrɛ, ɛ́ ɩ zʋ̀ʋ́r ŋmɛlɛ dúor a salom zu.

Zeremi 11:22

Nyɛ̃ a lɛ a Sore, a kpɛnʋ-za-sob, na yere a: «Ɩ̃ na dɔwr'ɩ a nɩbɛ bɛ ŋa faa faa: a bɛ pɔlbili na kpi n a zɛbr zie, ɛ́ kɔ̃ kʋ a bɛ bidɛbr nɩ a bɛ pɔwyaar.

Zeremi 15:3

A Sore yere na: Ɩ̃ na ìr'ɩ a bɛ ƴãw nɩ tub anaar: a zɛbr-sɔ-kpɛ̃ɛ na kʋrɛ bɛ na, a baar tawr bɛ tɔlɛ nɩ nidaa, a sidume nɩ a gbõgbo-cili na gɔr gɔr bɛ na ɛ́ ɩ bɛ bɔr.

Zeremi 16:4

Bɛ na kpi n kũu-tuo. Nɩr kʋ̃ kõ a bɛ kuor ɛ, nɩr kʋ̃ ũù bɛ ɩ. Bɛ na lɩɛb'ɩ pʋɔrʋ a tẽw zu. Bɛ na kpi n zɛbr nɩ kɔ̃ kũu: a bɛ kũuni na lɩɛb'ɩ sidume nɩ gbõgbo-cili dɩb.»

Zeremi 18:21

A na ɩ lɛ a, ɩ kɛ̀ kɔ̃ lo a bɛ bibiir zu, a zɛbr-sɔ-kpɛ̃ɛ, ʋ kʋ bɛ fɔ̃w fɔ̃w. A bɛ pɔwbɛ, bɛ ta cãà tɛr a bɛ bibiir ɛ, bɛ lɩɛbɩ pɔw-kɔbɛ. Jɛ̀lmɛ̃ bàalʋ, ʋ kʋ a bɛ sɩrbɛ! A pɔlbili, bɛ kpi a zɛbr zie!

Zeremi 48:15

Bɛ sãw nɩ a Mowab tẽw bɛr, bɛ cere na kɛ́ bɛ tɩ zɛb'ɩ a ʋ tẽ-bɛrɛ. Bɛ nyɔw nɩ a soja-pɔlɛ vɩɛlɩ vɩɛlɩ zie cere nɩ a kʋb zie.» À ŋá n'a a Na-kpɛ̃ɛ, a yúor na dɩ kɛ́ “Sore kpɛnʋ-za-sob” a, yere:

Zeremi 49:26

A Sore kpɛnʋ-za-sob yere na: Alɛ n'a so a ʋlɩ bibir nɛ, a ʋ pɔ́lɛ́ na lo a nɩbɛ tuor-taa ziir ɛ́ a ʋ sojarɩ kpi bɛ za.

Zeremi 5:3

Sore e, a yel-mɩŋa bɛ n'a fʋ bɔbr ɛ? Fʋ ŋmɛ bɛ na, ɛ́ a bɛ ɩ bɛ bom ɛ, fʋ tɩ bɔbr'a kɛ́ fʋ kʋ bɛ pàw pɛr, ɛcɛ bɛ bɛ sàw a kpãàfʋ ɛ. Bɛ nyar'ɩ a bɛ niŋe a kpɛmɛ zuo kʋsɩɛr, bɛ zawr'ɩ a fʋ zie lɛb-waa.

Zeremi 6:11

A Sore suur paalɩ mɛ̃ na, ɩ̃ kʋ̃ tʋ̃ɔ́ cãà nyɔw ʋ tɛr ɛ. «Lɩɛb ʋ ƴãw a bibiir a sɛ́ɛ zu nɩ a pɔlbili za zu. Bɛ na nyɔw nɩ bɛ za cen nɩ, dɛbr nɩ pɔwbɛ, nɩbɛ na kòr nɩ nɩbɛ na kòr tɩ kòr a.

Zeremi 9:22

À ŋá n'a a Sore yere: «A yã-bãwnɛ, ʋ ta pɔrɛ nɩ a ʋ yã-bãwfʋ ɛ! A fãw sob, ʋ ta zɛwr ʋ tʋɔra nɩ a ʋ fãw ɛ! A nãà, ʋ ta zɛwr ʋ tʋɔra nɩ a ʋ naalʋ ɛ!

A naaŋmɩn-ƴèr-manɛ Oze sɛbɛ 11:5

«A Ɩsɩrayɛl nɩ-bʋʋrɛ kʋ̃ lɛb wa a Eziptɩ ɛ, Asiiri tẽw n'ʋ na so bɛ, bɛ na zawrɩ a ɩ̃ zie lɛb-waa a ƴãw.

Zowɛl 2:20

A nyɩ dɔ̃ dem na yi a Saa-pɛrɩ́-gʋba-lowr waar a, ɩ̃ na diw bɛ na bɛr, ɩ̃ na diw bɛ na bɛr tẽ-kpalɛ kon pʋɔ bɛ zãá, ɩ̃ na diw nɩ a bɛ zɛbr-nɩbɛ na de niwn a ƴãw Kʋ̃ɔ-kpɛ̃ɛ-kũu pʋɔ, ɛ́ diw a pùor dem ƴãw a Mediterane kʋ̃ɔ-kpɛ̃ɛ pʋɔ. A bɛ kũuni na nyuur'ɩ faa faa pàw a zie za. A Sore maal'ɩ yel-bɛrɛ.

Levitɩ mɩnɛ 26:16

nyɩ nyɛ̃ a lɛ ɩ̃ na na ɩ nyɩ a: Ɩ̃ na ƴãw na a pʋl-vʋ̃ɔ, a kõwfʋ nɩ a ƴã-tʋlʋ wa a nyɩ ƴãw wa ɩ nyɩ lo mimie ɛ́ sɩrɛ cere. Nyɩ na mɩ́ bʋ̀r'ɩ a nyɩ póru zawla, bʋ̃ʋ n'ʋ vɛ̃, a nyɩ dɔ̃ dem nɛbɛ na mɩ́ cɛ̀ a.

Levitɩ mɩnɛ 26:25

Ɩ̃ na ɩ na zɛbr lo a nyɩ zu a ɩ̃ wõ-taa nyɩ na ɩ k'ʋ sãw a ƴãw. Nyɩ na zɔ na kpɛ a nyɩ tẽ-bɛrɛ pʋɔ. Ɩ̃ na ɩ na a jɛ̀lmɛ̃ bàalʋ páw nyɩ, ɛ́ a nyɩ dɔ̃ dem na so nyɩ na.

Amɔsɩ 4:6

«A mãa, mãa n'ʋ ɩ kɔ̃ nyɔw nyɩ a ten za pʋɔ, mãa n'ʋ ɩ a dipɛ̃ dɩ nã́w a be za nyɩ na be a, ɛcɛ nyɩ bɛ lɛb wa a ɩ̃ zie ɩ.» A Sore n'ʋ yel.

Amɔsɩ 8:3

A ʋlɩ bibir a, a nãà yir pʋɔ yielu na lɩɛb'ɩ kuor cɛlsɩ. A Sore ɩ̃ Naaŋmɩn n'ʋ yel. A kũuni na vãvɩrɩ nɩ taa, ɛ́ a zie za ɩ cɩ̃ɩɩ.»

A naaŋmɩn-ƴɛ̀r-manɛ Aaze sɛbɛ 2:17

A alɩ bome nɛ za nyɩ na tõ páw a, ɩ̃ sãw a na bɛr: ɩ̃ ɩ n a nyɩ bʋ̃-bie ko bɩɩ pɔ̃ a dàar zu, ɩ̃ ɩ na sa-bi-kube lo, ɛ́ nyɩ bɛ lɛb wa a mãa Sore zie ɩ.

Wulu-ayi-sob 28:21

Ʋ na ɩ na bàal-faa kãw bɛ na bʋɔlɛ jɛ̀lmɛ̃ a, ʋ nyɔw nyɩ ɛ́ gù nyɩ tɩ baarɩ a tẽw ʋl nyɩ na na so a pʋɔ.

Wulu-ayi-sob 28:22

A Sore na ɩ na a nyɩ ƴã-gamɛ sɩrɛ, zi-ɓori ɓore nyɩ, ƴã-tʋlɛ tɛr nyɩ. Ʋ na ɩ na wɛr nyɔw. Ʋ na ɩ na a bʋ̃-kʋ́ɔrɩ al na mɩ́ tɛr bie a, a ko a dàar zu bɩɩ pɔ̃. A bʋ̃-faar á ŋá na tɛr'ɩ lɛɛɛ tɩ baarɩ nyɩ.

Wulu-ayi-sob 28:60

A bʋ̃-faar al za dɛ̃bɩ̃ɛ nyɩ na tɩ zɔrɛ a Eziptɩ a, ʋ na ɩ na a páw nyɩ, ɛ́ tɛr nyɩ.

Wulu-ayi-sob 7:15

A Sore na piw nyɩ na tɛr a bàalʋ za ƴãw, nɩ a bʋ̃-faar faar na tɩ páw a Eziptɩ a ƴãw, mɛ̃ nyɩ na bãw a. Ʋ kʋ̃ ɩ a páw nyɩ ɛ, ʋ na bɛr a na gùre nɩ a bɛlɩ dem na hɩ̃ɛn nyɩ a.