Amɔsɩ 4:1 - A SƐB-SÕW

¹ Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Amɔsɩ 4:1 ပူးပေါင်းရင်းမြစ်များ

1 Na-mɩnɛ 16:24

Al pùorí ʋ cen tɩ páw Semɛɛr, dà a Samaari tãw a ʋ zie, salm-pla libie túr ayʋɔb (6 000). Ʋ tɩ ŋmãa nɩ tẽ-kpɛ̃ɛ a be, por a yúor Samaari, ʋ tu a Semɛɛr, na dãw so a tãw a, yúor.

A Zɔb sɛbɛ 20:19

Bʋ̃ʋ n'ʋ vɛ̃, ʋ dɔwr'ɩ a nan dem, ʋ bɛ kaa bɛ zie ɩ, ʋ nãá ŋmãa yir, ʋ̃ʋ bɛr ɛ́ de a bɛ dem.

A Zɔb sɛbɛ 24:4

Bɛ mɩ́ dáa nɩ a bãbàalbɛ bɛr a sɔ́r zu, sɔwlʋ tɛwr'a cɛ a tẽw nan dem za.

Sɛb-sõw yielu 12:5

nɩ a bɛlɩ dem na mɩ́ yere: «Tɩ na ƴɛ̀r'a tʋ̃ɔ́, tɩ bãw nɩ ƴɛ̀rʋ, ãa n'ʋ na tʋ̃ɔ́ tɩ?»

Sɛb-sõw yielu 140:12

A gɛgɛrɩ kʋ̃ kpɛ a tẽw ɛ, ɛ́ a faa na tuur'ɩ a po-to-fãw sob kʋralɛ!

Sɛb-sõw yielu 22:12

Ƴɛrɛŋa a yel-faa na pɩɛlɩ, ɛ́ sõwfʋ bɛ ka be a, ta zãá nɩ mɛ̃ ɩ.

Zʋkpaɩ 22:7

A nãà mɩ́ so nɩ a nan dem. Bɛlɩ dem na tɛr samɛ a mɩ́ ɩ n a bɛlɩ dem na pɛ̃w bɛ a gbãgbaar.

Ekilezɩasɩ 4:1

Ɩ̃ nyɛ̃ nɩ a dɔwr-taa za na be a tẽw zu ka a. A bɛlɩ dem bɛ na dɔwrɛ a ŋmɩɛr'ɩ cɛlsɩ, ɛ́ nɩr bɛ mɔwlɛ bɛ ɩ. A bɛ dɔwr-dɔwrbɛ nɛbɛ tɛr a fãw, lɛ so mɔwl-mɔwlɛ bɛ ka be ɩ.

Ekilezɩasɩ 5:8

A nɩbɛ za so a tẽsɔw tɔnɛ. A nãà tɔr za tɛr'ɩ a póru tome yel-ɩra.

Ɩzayi 28:1

Baw-bio wɛ Samaari tẽw i! A Efarayim tẽw dã-kuolbɛ nyʋʋr'ɩ nɩ a tẽ-kpɛ̃ɛ ŋa na ɩ mɛ̃ nãà-kpawʋɔ a. Ʋ ƴãw nɩ pɩ̃ɛmɛ vla vla za àr'ɩ a tãw zu, a tãw na jɩ́rɛ a fʋɔla na pʋ̃ɔ ʋ za a. Ɛcɛ ʋ ŋmɛ̃ na mɛ̃ tɩ-puuru na vàr vàr nɩbɛ a divɛ̃ na tʋ̃ɔ́ a zurú a.

Ɩzayi 5:8

Baw-bio páw nɩ a bɛlɩ dem na mɩ́ tɛr yir ƴãw pʋɔ yir ƴãw a, na mɩ́ de púo ƴãw pʋɔ púo ƴãw a, ɛ́ mɩ́ tɛr tɩ faa a zie za ɛ́ cɛ bɛ tɛwr kpɩɛr a tẽw a.

Ɩzayi 56:12

Bɛ yere na: «Nyɩ wa, tɩ na wa n nɩ divɛ̃. Tɩ na nyũ n dã-kpɛn. A bio bibir na ŋmɛ̃ na mɛ̃ a dɩ̃a a: a divɛ̃ na gúu a yãwmɛ na.»

Ɩzayi 58:6

A mʋta-tuo ɩ̃ na nɔnɛ a n'ɩ ŋa: bɛ mɩ́ ír a bamɛ bɛr bɛ na ƴãw a nɩbɛ ɛ́ a bɛ tu sɔ́r a, bɛ mɩ́ ír a fɛrʋ na be a nɩbɛ zu a bɛr, bɛ mɩ́ ɩ a nɩbɛ bɛ na dɔwrɛ a bɛ lɛb so bɛ tʋɔra, bɛ mɩ́ ír bom za na ɩ bɛ ɩ gbãgbaar a bɛr.

Zeremi 50:11

Nyɩ cɩlɛ, nyɩ cɩlɛ ƴawr'ɩ, nyɩɩm na sãw a ɩ̃ zi-sóra bɛr a! Nyɩ ƴawr dúor saa mɛ̃ náli-pɔlɛ mɔ̃-ɓaar pʋɔ a! Nyɩ kone mɛ̃ wur-daar a!

Zeremi 50:27

Nyɩ kʋ a bɛ soja-vɩɛlɩ vɩɛlɩ za, nyɩ tɛr bɛ cen nɩ a kʋb zie! Nyɛ̃ kpɩɛrʋ na ta bɛ a, bʋ̃ʋ n'ʋ vɛ̃, a bibir vɩɛ na a Sore na na ìr a bɛ ƴãw a.

Zeremi 51:34

«A Babɩlɔn tẽw nãà, Nabikodonozɔɔr, za mɛ̃ na vɔl, ʋ ŋmɔwrɩ mɛ̃ na ɛ́ bɛr mɛ̃, mɛ̃ la-zawla a. Ʋ vɔl mɛ̃ na mɛ̃ wa-bɩɛ a. Ʋ paal'ɩ a ʋ púor nɩ a ɩ̃ bʋ̃-vɩɛlɩ vɩɛlɩ zie, ɛ́ diw mɛ̃ bɛr.

Zeremi 6:6

À ŋá n'a a Sore, a kpɛnʋ-za-sob, yere: «Nyɩ cɛ tɩɩr lɔb, nyɩ maalɩ gbĩgbin a Zerizalɛm zɛb-deb ƴãw.» Po-to-fãw-ɩb tɛwr'a be a ʋ pʋɔ, a sãá n'a.

Zeremi 7:6

Nyɩ ta nɛbr a nʋʋra, a bi-kpieb, a pɔw-kʋɔr ɛ. Nyɩ bɛr a nɩbɛ na bɛ tɛr sãwna a kʋb a ka. Nyɩ ta tuur ŋmɩn-yoru a nyɩ faa ƴãw ɛ.

Ezekɩɛl 18:12

Ʋ nɛbr'ɩ a nan dem nɩ a bãbàalbɛ, ɛ́ zure a nɩbɛ. Ʋ bɛ lɛbr tɩrɛ a san-bãwfʋ bome a ʋ samɛ dem na mɩ́ kʋ̀ ʋ a ɩ. Ʋ puore nɩ a ŋmɩn-bɛlɛbɛlɛ ɛ́ ɩrɛ ɩb na bɛ maal'ɩ wob a.

Ezekɩɛl 22:12

A fʋ pʋɔ a, Zerizalɛm i, nɩbɛ sàwr'ɩ bʋ̃-kʋ̀rɩ nɩbɛ kʋb ƴãw. Bɛ mɩ́ pɛ̃w nɩ libie gùre nɩ tɔnɛ yaga, bɛ mɩ́ nɛb'ɩ a bɛ tẽ-bi-taabɛ kpɛ naalʋ. Ɛ́ mãa a, bɛ yiiri mɛ̃ na bɛr a nʋɔr kʋ, a mãa Sore Naaŋmɩn n'ʋ yere.

Ezekɩɛl 22:27

A nɩbɛ nɩ-bɛrɛ ɩ na mɛ̃ wɛ-baar na tawr a dʋ̃w a na nyɔw a ɓɛlɛ a. Bɛ kʋrɛ nɩ a nɩbɛ a bɛ tɛra zub ƴãw.

Ezekɩɛl 22:29

A tẽw pʋɔ a ziir za a, fãw nɩ po-to-fãw-ɩb'a a nɩbɛ ɩrɛ. Bɛ zure na, bɛ nɛbr'ɩ a nan dem nɩ a bãbàalbɛ, bɛ dɔwrɛ nɩ a nʋʋrɩ ɛ́ bɛ tuur a mɩnʋ ɛ.

Ezekɩɛl 22:7

A fʋ pʋɔ a, nɩbɛ ɩrɛ nɩ a bɛ sãà nɩ a bɛ mã laar, bɛ dɔwrɛ nɩ a nʋʋrɩ, bɛ nɛbr'ɩ a bi-kpebe nɩ a pɔw-kɔbɛ.

Ezekɩɛl 34:16

A pɛ́rʋ na bɔr a, ɩ̃ na cen na tɩ bɔ ʋ, a ʋl na cen zãá a, ɩ̃ na lɛb'a ŋmãa ʋ wa n. A ʋl na tɛr gbɛ-kaba a, ɩ̃ na sanɩ ʋ na. A ʋl na ɩ bàal a, ɩ̃ na lɛb'a kʋ̀ ʋ fãw. Ɛcɛ a ʋl na 'wɔr ɛ́ kpɛmɛ a, ɩ̃ na kʋ ʋ na. Ɩ̃ na kaarɛ nɩ a ɩ̃ dʋn zie tu n a mɩnʋ nɛ́ɛ.»

Ezekɩɛl 39:18

Nyɩ na 'wɔb'ɩ a soja-gãdaar ƴã-gamɛ ɛ́ nyũ a tẽw ŋa nɩ-bɛrɛ bɛ na lɩɛr'ɩ a Basan tẽw pʋrɩ, péli, bʋrali nɩ nadeli-'wɔɩ maal'ɩ a bàwr a zɩ̃ɩ.

Zowɛl 3:3

Ɩ̃ na maal'ɩ nɔ-ɓãa-yele a salom zu nɩ a tẽw zu: zɩ̃ɩ, vũu nɩ zʋ̀ʋ́r na ŋmɛlɛ dúor a.

Amɔsɩ 3:1

Ɩsɩrayɛl nɩbɛ ɛ, nyɩ bɛr wõ a ƴɛ̀rʋ ŋa a Sore na ƴɛ̀rɛ cáarɛ nɩ nyɩ a, nyɩɩm na ɩ a yir ʋl ʋ na tɛr yi n a Eziptɩ tẽw pʋɔ a:

Amɔsɩ 3:3

Nɩbɛ ayi dãw na lãw lo sɔ́r ɛ́ bɛ de niwn wõ taa ɩ?

Amɔsɩ 5:11

«Nyɩ na nɛbr a nɩbaal mɩ́ de a ʋ ble a, a kʋsɛbɛ yir-bɛrɛ á ŋá nyɩ na ŋma a, nyɩ kʋ̃ kpɛ a pʋɔ ɩ. A divɛ̃ tɩ-nʋʋr á ŋá nyɩ na sɛl a, nyɩ kʋ̃ nyũ a divɛ̃ ɩ.

Amɔsɩ 6:1

Baw-bio dem'ɩ nyɩ, nyɩɩm na be a Sɩyɔ̃ bom za bɛ damnɛ nyɩ a. Nyɩɩm na ɓãá ƴãw kpɩɛr a Samaari tãw zu a. Nyɩɩm na ɩ a ten za pʋɔ tẽ-dãw-niwn sob niw-dierbɛ a, nyɩɩm zie n'a a Ɩsɩrayɛl yir nɩbɛ cere.

Amɔsɩ 6:6

Dãa koli-nyúuri bɛrɛ n'a nyɩ tɛr nyúur'ɩ a divɛ̃, ɛ́ zɩɛr kãá-nyũu vla vla, ɛcɛ a Zuzɛb yir na lore a, al bɛ ɩrɛ nyɩ bom ɛ.

Malasɩ 3:5

A Sore, a kpɛnʋ-za-sob, yere nɩ à ŋá: “Ɩ̃ na wa n a nyɩ sɔgɔ, wa dɩ n nyɩ a ƴɛ̀rʋ. Ɩ̃ na yel'ɩ a sɔbr sãwna fɔ̃wlɛ, nɩ a pɩ̃ɔ-yel-maalbɛ, nɩ a pɔ-ziri dem, nɩ a bɛlɩ dem na nɛbr a bɛ tõ-tõ-biir, a pɔw-kɔbɛ nɩ a bi-kpebe a, a bɛlɩ dem na ɩrɛ a kpɩɛr a nʋʋrɩ a, a bɛlɩ dem za na bɛ ƴãwnɛ mɛ̃ a.”»

Sɔr-nɛ́ɛ 21:33

Bɛ tɩ lɩɛb'a tu zi-yoru a pùorí, lo Basan sɔ́r. A Basan tẽw nãà, Ɔgɩ, tɩ yi n daadaalɛ, ʋlɛ nɩ a ʋ zɛbr-nɩbɛ za, tuori a Ɩsɩrayɛl nɩbɛ, k'ʋʋ zɛb'ɩ bɛ Edɩrɛyɩ.

Wulu-ayi-sob 24:14

Nyɩ taa nɛbr tõ-tõ-bie na ɩ bãbàal ɛ́ ɩ nã́w sob a ɩ, a nyɩ Ɩsɩrayɛl nɩ-tɔ n'ʋ bɩɩ nʋʋra na kpɩɛr a nyɩ tẽw tẽ-kpɛ̃ɛ kãw pʋɔ a saa n'ʋ a.

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.