Amɔsɩ 3:14 - A SƐB-SÕW

¹⁴ A ʋlɩ bibir ɩ̃ nãà wa ìr a Ɩsɩrayɛl nɩbɛ ƴãw a bɛ ɩ-faar zũú a, ɩ̃ na ìr'ɩ a Betɛl tẽw bàwr-maal-kube ƴãw. bɛ na kár'ɩ a bàwr-maal-kube ɩ́lɛ́ bɛr a lo gã tẽw.

Amɔsɩ 3:14 ပူးပေါင်းရင်းမြစ်များ

2 Na-mɩnɛ 23:15

A Zozɩasɩ mɩ̀ tɩ ƴãw na bɛ ŋmɛr a Betɛl bàwr-maal-kuur nɩ a maalʋ-zie bɛr, a al a Nevatɩ bidɛb, Zerobowam, na tɩ mɛ, ƴãw a Ɩsɩrayɛl nɩbɛ maalɩ a yel-bier a. Ʋ tɩ nyɩw nɩ a maalʋ-zie bɛr, ŋmɛr a bàwr-maal-kuur bɛr, lɔb a dà-bara ƴãw vũumí, ɛ́ ɩ a za lɩɛbɩ tãpɛlʋ.

2 Bibie za yel-manɩ 31:1

À á ŋá za na wa baarɩ a, a Ɩsɩrayɛl nɩbɛ za na tɩ be a be a tɩ cen nɩ a Zuda tẽ-bɛrɛ pʋɔ, tɩ ŋmɛr ŋmɛr a kʋsɛ-teli, cɛ cɛ a dà-barɩ lɔb, ɛ́ sãw sãw a maalʋ-ziir nɩ a bàwr-maal-kube bɛr, a Zuda naalʋ-tẽw za pʋɔ, a Bɛ̃zamɛ, a Efarayim nɩ a Manase dɔwlʋ pʋɔ. Al pùorí, ŋa za tɩ lɛb'a kul a ʋ tẽ-kpɛ̃ɛ pʋɔ a ʋ yir.

Eziptɩ tẽw yib 32:34

Ƴɛrɛŋa a, cen tɩ tɛr a nɩbɛ cen nɩ a zie ʋl ɩ̃ na yel kʋ̀ b a. A ɩ̃ malkɩ na de b'ɩ niwn. Mãa ƴãw a, mãa wa wa a bɛ nyɛ́b a ʋlɩ bibir nɛ a, ɩ̃ na dɔwrɩ bɛ nɩ a bɛ yel-bier ƴãw.»

Amɔsɩ 2:8

A bɛ samɛ dem bʋ̃-suuri bɛ na mɩ́ de tɛr ɛ́ gù kɛ́ bɛ wa ya a bɛ samɛ a, bɛ mɩ́ yɛ́r a na gã nɩ bàwr-maal-kuur za pɛr. Bɛ mɩ́ nyúur'ɩ a divɛ̃ bɛ na fa a, a bɛ ŋmɩn yir pʋɔ.

Amɔsɩ 4:4

«Ɩsɩrayɛl nɩbɛ ɛ, nyɩ gaarɛ a ɩ̃ zie cere a Betɛl, nyɩ gaarɛ zuo a lɛ cere a Gilgal. Nyɩ na ta gã dãw bio a, nyɩ maalɩ a nyɩ bagɛ, ɛ́ a deyere daar nyɩ tɩr a nyɩ bʋ̃-kʋ̀rɩ.

Amɔsɩ 7:10

A Betɛl tẽw bàwr-maalɛ Amasɩa tɩ tõ na bɛ tɩ yel a Ɩsɩrayɛl nãà Zerobowam: «A Amɔsɩ bɔbr'a kɛ́ fʋ lo, ta cãà ɩ nãà a Ɩsɩrayɛl tẽw pʋɔ ɩ. A tẽw nɩbɛ kʋ̃ tʋ̃ɔ́ cãà bɛrɛ wone a ʋ ƴɛ̀rʋ ɛ.

Amɔsɩ 7:13

Ɛcɛ, a Betɛl ka a, ta cãà tone a naaŋmɩn-ƴɛ̀r-manɛ tome ɩ, a nãà zi-sõw n'ɩ a ka, a ʋ Naaŋmɩn yir'ʋ!»

Amɔsɩ 7:9

Ɩ̃ na sãw nɩ a Ɩzaakɩ bʋʋrɛ maalʋ-ziir bɛr, ɩ̃ na ŋmɛ n a Ɩsɩrayɛl zi-son lɔb, ɛ́ ìr'ɩ zɛbr a Zerobowam yir dem.»

Amɔsɩ 9:1

Ɩ̃ tɩ nyɛ̃ nɩ a ɩ̃ Sore ʋ àr saaƴẽwn a bàwr-maal-kuur zu, ɛ́ yere: «Ŋmɛ a kpule zuru lɔb, ɛ́ a pɛ́ɛ dam! Ŋmɛ a ŋmɛr a lo a bɛ za zurú, ɛ́ a bɛ ŋmaarɛ na na cɛ a, zɛbr-sɔ-kpɛ̃ɛ n'ʋ ɩ̃ na kʋ n bɛ. Nɩr za kʋ̃ tʋ̃ɔ́ zɔ ɩ, been kʋ̃ be a bɛ pʋɔ cɩ̃ɛ ɩ.