Amɔsɩ 3:12 - A SƐB-SÕW

¹² À ŋá n'a a Sore yere: «Mɛ̃ a lɛ a dʋ̃-cɩ̃ɩnɛ na mɩ́ faa a dʋ̃w gbɛ́ɛ ayi bɩɩ a dʋ̃w to-ŋmãa a gbẽw nʋɔrɩ́ a, lɛ n'a bɛ mɩ́ na faa a Ɩsɩrayɛl bibiir na kpɩɛr a Samaari a, bɛl na gã dà-kɔw-vɩɛlɩ pʋɔ nɩ gado-nʋmnʋm zu a.»

Amɔsɩ 3:12 ပူးပေါင်းရင်းမြစ်များ

1 Na-mɩnɛ 20:30

A zɛbr-nɩbɛ tùr-lɩzɛr'ɩ ayopõi (27 000) na tɩ cɛ a, tɩ zɔ na kpɛ a Afɛkɩ tẽ-kpɛ̃ɛ pʋɔ, ɛcɛ a tẽw dacĩ-kpɛ̃ɛ tɩ lo na dĩ bɛ. Ɛcɛ a Bɛn-Hadadɩ na tɩ tʋ̃ɔ́ zɔ a, ʋ tɩ kpɛ n a tẽ-kpɛ̃ɛ pʋɔ, tɩ kpɛ yir kãw pʋɔ tɩ sɔwlɩ a di-pɛ-baara pʋɔ.

1 Na-mɩnɛ 20:34

A Bɛn-Hadadɩ tɩ yel'ɩ a Akab: «Ɩ̃ na lɛb'a kʋ̀ b a tẽ-bɛrɛ a ɩ̃ sãà na tɩ zɛb de a fʋ sãà zie a. Fʋ mɩ̀ na tʋ̃ɔ́ na maalɛ yɛ̀rʋ́ a Damasɩ, mɛ̃ a lɛ a ɩ̃ sãà na tɩ maalɛ a Samaari a.» A Akab tɩ sɔw na: «Ɛ́ mãa a, ɩ̃ na maal'ɩ fʋ nɩ wõ-taa, ɛ́ bɛr fʋ, fʋ so fʋ tʋɔra.» A Akab tɩ maal'ɩ ʋ nɩ a wõ-taa, ɛ́ bɛr ʋ ʋ so ʋ tʋɔra.

1 Na-mɩnɛ 22:25

A Mise sɔw: «Fʋ na nyɛ̃ a na, a ʋlɩ bibir a na na fɛr fʋ kpɛ a fʋ di-pɛ-baara za pʋɔ tɩ sɔwlɩ a.»

2 Na-mɩnɛ 16:9

A Asiiri tẽw nãà tɩ ɩ n a lɛ a Akaazɩ na zɛlɩ ʋ a. Ʋ tɩ cen na tɩ zɛb'ɩ a Damasɩ tẽw, zɛb de ʋ, ír a ʋ nɩbɛ cen nɩ Kɩ́ɩ̀r, ɛ́ ƴãw bɛ kʋ a Eresin.

Sɛb-sõw yielu 132:3

«Ɩ̃ kʋ̃ lɛb kpɛ a pɛn-sɛw ɩ̃ na kpɩɛr a pʋɔ ɩ, ɩ̃ kʋ̃ lɛb gã a ɩ̃ gado zu ɛ,

Ɩzayi 17:7

A ʋlɩ bibir nɛ a, a nɩsaal na jɩ́rɛ nɩ a ʋ Íre, a ʋ mimie na nyɛ̃ nɩ a Ɩsɩrayɛl Naaŋmɩn na ɩ sõw a.

Ɩzayi 31:4

À ŋá n'a a Sore ƴɛ̀r a ɩ̃ zie: «A gbẽw bɩɩ a gbẽw-bile wa kone bɛ sàwr'ɩ a bom ʋ na nyɔw a ƴãw a, bɛlɛ saa bʋɔlɩ dʋ̃-cɩ̃ɩnbɛ yaga yaga ɓã taa a ʋ ƴãw a, a bɛ cɛlsɩ bɛ ɩrɛ ʋ dɛ̃bɩ̃ɛ ɩ, a bɛ gɔmɛ bɛ damnɛ ʋ ɛ. À ŋá n'a a na ŋmɛ̃ a lɛn daar a mãa, a Sore kpɛnʋ-za-sob, nãà wa siw a Sɩyɔ̃ tãw zu k'ɩ̃ɩ tɩ zɛb a zɛbr a.»

Ɩzayi 8:4

Bʋ̃ʋ n'ʋ vɛ̃, a bie kʋ̃ bãw “Ɩ̃ sãà” bɩɩ “Ɩ̃ mã” bʋɔlʋ sɛr ɛ, ɛ́ bɛ tuo a Damasɩ tẽw na-bome nɩ a Samaari tẽw zɛbr-na-bome cen nɩ a Asiiri tẽw nãà niŋé.»

Amɔsɩ 6:4

Nyɩ gã gã nɩ wɔ́br nyɩmɛ gadori zu, nyɩ duo duo na gã a nyɩ gado nʋmnʋm zu, ɛ́ 'wɔbr a péli nɩ a náli-'wɔɛ!

Amɔsɩ 9:8

A Sore ɩ̃ Naaŋmɩn mimir be n a naalʋ-tẽw ʋl na sãw a ƴãw. Ɛ́ à ŋá n'a a Sore yere: «Ɩ̃ na kʋ n a naalʋ-tẽw ʋl nɩbɛ pàw pɛr a tẽw zu. Ɛcɛ ɩ̃ kʋ̃ kʋ a Zakɔb yir nɩbɛ za pàw pɛr ɛ.