Amɔsɩ 2:7 - A SƐB-SÕW

⁷ Bɛ mɩ́ nɛ̃ nɩ a bãbàalbɛ mɩɩl'ɩ uuru, ɛ́ zawrɩ na bɛr wõ a nã́w sob a ƴɛ̀rʋ-dɩb zie. Sãà nɩ bie mɩ́ ganɛ nɩ nɩ a pɔwli-been lɩɛrɛ taa, à ŋá n'a bɛ mɩ́ ɩ dɛw a ɩ̃ yo-sõw vɩɛlʋ bɛr.

Amɔsɩ 2:7 ပူးပေါင်းရင်းမြစ်များ

2 Samɩɛl 12:14

Ɛcɛ, fʋ na sãw a Sore yaga yaga za a yel ŋa pʋɔ a, a bie fʋ na dɔw a, ʋl na kpi na.»

1 Na-mɩnɛ 21:4

A Akab tɩ lɛb'a kul a ʋ yir, a ʋ pʋɔ sãw, ɛ́ suur ɩrɛ ʋ, a sɔwfʋ ŋa a Nabɔtɩ na tɩ sɔw ʋ a ƴãw: «Ɩ̃ bɛ kʋ̀rɛ fʋ a ɩ̃ sãàkʋm-kore tẽsɔw ɛ.» Ʋ tɩ gã nɩ a ʋ gado zu, lɩɛbɩ a niwn cɔw a dacin, ɛ́ bɛ sàw na dɩ ɛ.

Zʋkpaɩ 28:21

A owru bɛ vɩɛl ɛ. Ɛcɛ nɩbɛ bɛ mɩnɛ na tʋ̃ɔ́ na bɛ mɩ́ tu a yel-mɩnʋ ɛ, bʋ̃-dɩ-cãpile kãw ƴãw.

Ɩzayi 10:1

Baw-bio dem'ɩ a bɛlɩ dem na mɩ́ bin tub na bɛ tu a mɩnʋ a, ɛ́ mɩ́ sɛb ƴãw nɛ́ɛ na waar'ɩ kpɩɛrʋ a!

Ɩzayi 10:2

À à ŋá n'a a ƴɛ̀rʋ bɛ mɩ́ dɩ n mɩnʋ a bãbàalbɛ ƴãw ɛ, ɛ́ a ɩ̃ nɩ-bʋʋrɛ nan dem bɛ mɩ́ nyɛ̃ a lɛ-na-tu-sɔr-a, ʋ maalɩ a bɛ zie ɩ. Bɛ mɩ́ zure nɩ a pɔw-kɔbɛ bome ɛ́ farɛ a bi-kpebe dem.

Ɩzayi 3:14

Ʋ dɩrɛ nɩ nɩ a nɩ-kore nɩ a ʋ nɩ-bʋʋrɛ nɩ-bɛrɛ a ƴɛ̀rʋ à ŋá: “Nyɩmɛ nɛbɛ sãw a ɩ̃ divɛ̃ tɩɩr púo bɛr, ɛ́ paalɩ a nyɩ yie nɩ a nan dem bome nyɩ na zu a.

Ɩzayi 3:15

Ãa n'ʋ kʋ̀ nyɩ a sɔ́r nyɩ kʋrɛ a ɩ̃ nɩ-bʋʋrɛ gúur, ɛ́ ɩrɛ po-to-fãw-ɩb a nan dem zie?” A Sore Naaŋmɩn, a kpɛnʋ-za-sob'ʋ sowre.

Ezekɩɛl 22:11

Bɛ mɩnɛ ganɛ nɩ nɩ a bɛ taabɛ pɔwbɛ, bɛ mɩnɛ mɩ́ fɛr'ɩ a bɛ bie-pɔw bɩɩ a bɛ yeepuule na ɩ a bɛ sãà pɔwyaa a gã nɩ bɛ.

Ezekɩɛl 36:20

A ten al za pʋɔ bɛ na cen a, a nɩbɛ ɩ n a ɩ̃ yo-sõw la a bɛl ƴãw. Bʋ̃ʋ n'ʋ vɛ̃, bɛ tɩ yere na: “A Sore nɩ-bʋʋrɛ tɩ nɛbɛ, a ʋ tẽw n'ʋ bɛ yi kɛ́ bɛr.”

A naaŋmɩn-ƴèr-manɛ Oze sɛbɛ 4:14

Ɛcɛ ɩ̃ kʋ̃ dɔwrɩ a nyɩ pɔwyaar nɩ a nyɩ biir-pɔwbɛ a bɛ ɩ-ɩrɩ ƴãw ɛ. Bʋ̃ʋ n'ʋ vɛ̃, a bàwr-maalbɛ tɛɛ za mɩ́ tɛr'ɩ pɔw-yɛmɛ taw yi n pùor, bɛlɛ nɩ ŋmɩmɛ yir pɔw-yɛmɛ nɛbɛ lãwnɛ a bàwr bʋ̃-dɩrɩ. Mɛ̃ a lɛ a zʋkpar na yel a: “Nɩ-bʋʋrɛ na bɛ bãw yã a wɩɛrɩ bɛ loba zie.''

Levitɩ mɩnɛ 18:15

«Fʋ bɛ ganɛ nɩ a fʋ bie-pɔw ɛ, ʋ na ɩ a fʋ bidɛb pɔw a ƴãw.»

Levitɩ mɩnɛ 18:21

«Fʋ kʋ̃ de a fʋ bie kãw tɩr bɛ nyɩw a ŋmɩn Molɛkɩ ƴãwfʋ ƴãw ɛ, a ɩ̃ yúor'ʋ fʋ na sãw a lɛ. Mãa n'ɩ a Sore, a nyɩ Naaŋmɩn.»

Levitɩ mɩnɛ 18:8

«Fʋ bɛ ganɛ nɩ a fʋ sãà pɔw kãw ɛ, fʋ na ƴãw nɩ a fʋ sãà vĩ.»

Levitɩ mɩnɛ 20:3

bʋ̃ʋ n'ʋ vɛ̃, mãa mɩŋa na ìr'ɩ a nɩr ŋa ƴãw. Ɩ̃ na ír ʋ na bɛr a Ɩsɩrayɛl nɩbɛ pʋɔ, ʋ na de a ʋ bie kʋ̀ a Molɛkɩ a ƴãw, nɩ ʋ na dɛw a ɩ̃ zi-sõw bɛr ɛ́ sãw a ɩ̃ yo-sõw a ƴãw.

Amɔsɩ 4:1

Nyɩɩm pɔwbɛ na be a Samaari tãw zu ɩ zʋ̃zʋlɛ zʋ̃zʋlɛ mɛ̃ Basan tẽw nĩi a, nyɩ bɛrɛ wone a ƴɛ̀rʋ ŋa: nyɩ nɛbr'ɩ a bãbàalbɛ ɛ́ dɔwrɛ a nɩ-kɔmɛ, ɛ́ yere a nyɩ sɩrbɛ: «Nyɩ de a nyub wa n!»

Amɔsɩ 5:11

«Nyɩ na nɛbr a nɩbaal mɩ́ de a ʋ ble a, a kʋsɛbɛ yir-bɛrɛ á ŋá nyɩ na ŋma a, nyɩ kʋ̃ kpɛ a pʋɔ ɩ. A divɛ̃ tɩ-nʋʋr á ŋá nyɩ na sɛl a, nyɩ kʋ̃ nyũ a divɛ̃ ɩ.

Amɔsɩ 5:12

Bʋ̃ʋ n'ʋ vɛ̃, ɩ̃ bãw nɩ a lɛ a nyɩ ɩ-fa-yaga yaga nɩ a lɛ a nyɩ yel-bebe na kpɛ faa sɛw a. Nyɩ dɔwrɛ nɩ a nɩ-mɩn, ɛ́ mɩ́ bɛr bɛ bɛlɩ nyɔw nyɩ nɩ libie. Nyɩ bɛ mɩ́ sàw bɛ na dɩ a ƴɛ̀rʋ kʋ̀ a nã́w sob a ƴɛ̀rʋ-dɩb zie ɩ.»

Amɔsɩ 8:4

Nyɩɩm na dɔwrɛ a nan dem, ɛ́ kʋrɛ a tẽw pʋɔ bãbàalbɛ pàwr pɛr a, nyɩ bɛrɛ wone a ƴɛ̀r-bie á ŋá:

Mise 2:2

Bɛlɛ wa bɔbr wɛ̀rʋ a, bɛ mɩ́ de a na. Bɛlɛ wa nyɛ̃ yie bɔbr a a, bɛ mɩ́ de de a na. Bɛ mɩ́ dɔwr'ɩ a yie dem nɩ a bɛ nɩbɛ, a nɩr nɩ a ʋ bʋ̃-sori.

Mise 2:9

A ɩ̃ nɩ-bʋʋrɛ pɔwbɛ a, nyɩ mɩ́ diw bɛ na bɛr a bɛ yie bɛ na nɔnɛ a pʋɔ, a maalʋ ɩ̃ na mɩ́ kʋ̀ a bɛ bibiir a, nyɩ mɩ́ nyɔw ʋ na faa a nʋɔr kʋ.

Sofoni 3:3

A ʋ nɩ-bɛrɛ ɩ na mɛ̃ gben na ùore a, a ʋ ƴɛ̀r-dɩrbɛ ɩ na mɛ̃ wɛ-baar na mɩ́ bawlɩ a zaanʋɔra, ɛ́ bɛ tɛr bom na 'wɔb a biɓaara a.

Ʋrɔm 2:24

Bʋ̃ʋ n'ʋ vɛ̃, a Sɛb-sõw yel'a: «Nyɩmɛ nɛbɛ so a nɩ-bʋʋr-yoru ɩrɛ a Naaŋmɩn laar.»

1 Korɛ̃tɩ 5:1

A nɩbɛ wone na bɛ yere a ziir za kɛ́ pɩ̃ɔ-ɩb kãw be n a nyɩ zie, ɛ́ a pɩ̃ɔ-ɩb nɛ kpɛ faa tɩ zuo. Nɩ-bʋʋr-yoru nɩbɛ tɛɛ za kʋ̃ sàw maalɩ a yel-bier ŋa tɔ ɩ. Bɛ manɛ na k'aa nyɩ kãw tɛr'ɩ a ʋ sãà pɔw ʋ ɩ a ʋ pɔw.