Amɔsɩ 2:4 - A SƐB-SÕW

⁴ À ŋá n'a a Sore yere: «A Zuda tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na zawrɩ a ɩ̃ wulu bɛr, ɛ́ bɛ sàw de a ɩ̃ nɛ-ƴãwnɩ a, bɛ na ɩ a ŋmɩn-bɛlɛbɛlɛ a bɛ sãàkʋm mɩnɛ na tɩ tuur a bɔr bɛ bɛr a,

Amɔsɩ 2:4 ပူးပေါင်းရင်းမြစ်များ

2 Na-mɩnɛ 17:19

Ɛcɛ a Zuda tẽw nɩbɛ mɩ̀ bɛ tɩ tu a Sore bɛ Naaŋmɩn nɛ-ƴãwnɩ ɛ. A Ɩsɩrayɛl naalʋ-tẽw nɩbɛ tub'a bɛ tɩ de.

2 Bibie za yel-manɩ 25:14

A Amazɩasɩ na tɩ zɛb tʋ̃ɔ́ a Edɔm tẽw nɩbɛ ɛ́ lɛb waar a, ʋ tɩ wob'ɩ a Edɔm tẽw ŋmɩmɛ dasuli wa n wa ɩ a lɩɛbɩ a ʋ ŋmɩmɛ. Ʋ mɩ́ tɩ gbĩ n dume gũu tɩ tɔ tẽw a niŋé, ɛ́ maalɛ bagɛ kʋ̀rɛ a.

2 Bibie za yel-manɩ 30:7

Nyɩ ta ɩ mɛ̃ a nyɩ sãà mɩnɛ nɩ a nyɩ yɛbr a ɩ, bɛ zawr'ɩ a Sore, a bɛ sãà mɩnɛ Naaŋmɩn, bɛr, ʋ bɛr bɛ bɛ lo mɛ̃ à ŋá nyɩ na nyɛ̃ a.

Neemi 1:7

tɩ sãw fʋ na, tɩ na bɛ sàw a nɛ́ɛ, a wulu nɩ a tub fʋ na tɩ ƴãw a fʋ tõ-tõ-bie Moyiir kʋ̀ tɩ a.

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Ɩzayi 28:15

«Nyɩ yere na: Tɩmɛ nɩ a kũu maal'ɩ wõ-taa, tɩmɛ nɩ a kpɩmɛ tẽw lãw nɩ nʋɔr. A bʋ̃-faa wa waar a, ʋ bɛ páwr tɩ ɛ. Bʋ̃ʋ n'ʋ vɛ̃, a ziri n'ɩ a tɩ pib zie, a libelibe n'ɩ a tɩ sɔwlʋ zie.»

Ɩzayi 44:20

A nɩbɛ bɛ ŋa tu n bom na ɩ tãpɛlʋ tɛwr a. A bɛ tɩɛrʋ be n tulu pʋɔ, ɛ́ bɛ tɩ́ɛrɛ a bɛ tore ɩ. Bɛ kʋ̃ faa a bɛ nyɔ-vʋʋrʋ ɛ. A bɛ kãw za kʋ̃ yel: «A bom ɩ̃ na tɛr a nũú a ɩ n ŋmɩn-bɛlɛbɛlɛ, a sãá na» ɩ.

Zeremi 16:11

A lɛ pʋɔ a, fʋ na sɔw bɛ nɩ à ŋá: “À ŋá n'a a Sore yere: A nyɩ sãàkʋm-kore na zawrɩ mɛ̃ bɛr ɛ́ tu ŋmɩn-yoru pùor, maalɩ a ɛ́ gbĩ dume gũu tɩ tɔ tẽw a niŋé a n'a so. Mãa a, bɛ zawrɩ mɛ̃ na bɛr, bɛ bɛ sàw tu a ɩ̃ wulu ɛ.

Zeremi 16:12

Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

Zeremi 17:27

Ɛcɛ nyɩmɛ bɛ wa bɛr wõ m a, nyɩmɛ bɛ wa sàw de a pɩ̃ɛnʋ-bibir kʋ̀ m ʋ ɩ a ɩ̃ bibir a, nyɩmɛ wa tuore tuor yire nɩ a Zerizalɛm dɩ̃dɛɛ ƴãw a pɩ̃ɛnʋ-bibir a, ɩ̃ na ƴãw nɩ vũu a tẽ-kpɛ̃ɛ ŋa. A vũu na dɩ n a ʋ yir-vɩɛlɩ vɩɛlɩ ɛ́ kʋ̃ kpiiri ɛ.»

Zeremi 6:19

Tẽ-daa za nɩbɛ ɛ, nyɩ bɛrɛ wone: A mãa a, ɩ̃ na ɩ na a faa páw a nɩbɛ bɛ ŋa. A lɛ bɛl mɩŋa na tɩɛrɩ a yele bin a bʋ̃-páwra n'ʋ. Ɩ̃ ƴɛ̀r'ɩ a bɛ zie bɛ bɛ cɛlɩ be ɩ, bɛ zawr'ɩ a ɩ̃ wulu bɛr.

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

Zeremi 8:9

Vĩ n'a a yã-bãwnbɛ zie. Bɛ bɛ bãw ŋmɩŋmɩn za n'a ɩ, bɛlɛ n'ɩ bɛ ŋa lo bɛra pʋɔ. Bɛ na bɛ bɔbr a Sore ƴɛ̀rʋ a, bʋ̃ʋ yel-ɩra n'ʋ a bɛ yã-bãwfʋ na tɛr a bɛ zie?

Zeremi 9:14

A na ɩ à ŋá a, à ŋá n'a a mãa, a Sore, a kpɛnʋ-za-sob, a Ɩsɩrayɛl Naaŋmɩn, yere: Ɩ̃ na ɩ na a nɩbɛ bɛ ŋa 'wɔb tɩ-va-tuo, ɛ́ nyũ kʋ̃ɔ na tɛr lɔw a.

Ezekɩɛl 13:22

A nyɩ ziri zũú, nyɩ ɩ na nɩ-mɩn kanyir baarɩ, bɛl ɩ̃ na bɛ tɩ bɔbr k'ɩ̃ɩ maalɩ faa a. Nyɩ mʋʋrɩ nɩ nɩ-faar ƴãw bɛ be a bɛ ɩ-faar pʋɔ, ɛ́ à à ŋá n'a nyɩ ɩ kũu jɩɛrɛ a bɛ nyɔ-vʋʋrʋ.

Ezekɩɛl 20:13

Ɛcɛ a Ɩsɩrayɛl nɩbɛ tɩ ìr'ɩ a ɩ̃ ƴãw a wɛja-kpalɛ pʋɔ. Bɛ bɛ sàw a ɩ̃ wulu ɛ, bɛ zawr'ɩ a ɩ̃ nɛ́ɛ bɛr. Ɛcɛ a kʋ̀rɛ nɩ nyɔ-vʋʋrʋ a bɛlɩ dem na sàwr a a. Gb'aa yaga za a, bɛ tɩ ɩ n a pɩ̃ɛnʋ-bibir la. Tɩɛrʋ tɩ lɛb'a wa m k'ɩ̃ɩ bɛr a ɩ̃ su-yãyaar ʋ ìr a bɛ ƴãw ɛ́ kʋ bɛ.

Ezekɩɛl 20:16

Alɛ n'a so ɩ̃ kõ a nʋɔr ŋa: bɛ bɛ ŋmɛlɩ kaa a ɩ̃ nɛ́ɛ ɩ, bɛ bɛ tu a ɩ̃ wulu ɛ, bɛ ɩ n a pɩ̃ɛnʋ-bibir la. Bʋ̃ʋ n'ʋ vɛ̃, a bɛ socie tɩ cãà na tu a ŋmɩn-bɛlɛbɛlɛ bɛ lɛb pùor ɛ.

Ezekɩɛl 20:18

«A wɛja-kpalɛ pʋɔ a, ɩ̃ tɩ yel'ɩ a nyɩ sãàkʋm-kore bibiir: “Nyɩ ta sàwr a nyɩ sãà mɩnɛ wulu ɛ, nyɩ ta tuur a bɛ tub ɛ, nyɩ ta ƴãw nyɩ tʋɔra dɛwr pʋɔ a bɛ ŋmɩn-bɛlɛbɛlɛ maalʋ zũú ɛ.

Ezekɩɛl 20:24

Bʋ̃ʋ n'ʋ vɛ̃, bɛ bɛ tɩ tu a ɩ̃ nɛ́ɛ ɩ, bɛ bɛ tɩ ŋmɛlɩ kaa a ɩ̃ wulu ɛ, bɛ tɩ jewr'ɩ a pɩ̃ɛnʋ-bibir, bɛ tɩ bɛr'ɩ a bɛ sãàkʋm-kore ŋmɩn-bɛlɛbɛlɛ bɛlɩ nyɔw bɛ.

Ezekɩɛl 20:30

A na ɩ lɛ a, yel kʋ̀ a Ɩsɩrayɛl nɩbɛ a bom nɛ a mãa Sore Naaŋmɩn na yere a: Ŋmɩŋmɩn za n'a! Nyɩ ɩrɛ na mɛ̃ a nyɩ sãàkʋm-kore a, nyɩ ƴãwnɛ nɩ nyɩ tʋɔra dɛwr ɛ́ ɩrɛ pɔw-yɛm ɩb maalɛ nɩ a bɛ tɩb-faar faar.

Ezekɩɛl 22:28

A bɛ naaŋmɩn-ƴɛ̀r-manbɛ bʋl'ɩ à á ŋá za pàw. Bɛ mɩ́ tɩɛr'ɩ bʋ̃-nyɛrɩ yel, ɛ́ manɩ yele na bɛ ɩ sɩza a. Bɛ mɩ́ yel'a: “À ŋá n'a a Sore Naaŋmɩn yere”. Ɛcɛ ɩ̃ bɛ ƴɛ̀r bɛ zie ɩ.

Ezekɩɛl 22:8

Bɛ jewre nɩ a ɩ̃ bʋ̃-son, bɛ ɩ n a ɩ̃ pɩ̃ɛnʋ-bibie tɛr dɛwr.

A naaŋmɩn-ƴèr-manɛ Oze sɛbɛ 12:2

Sɛsɛb'ʋ a Efarayim nyúur zawla, saa-pɛrɩ́ sɛsɛb'ʋ ʋ mɩ́ diwr tuur a bibi-ɓil za. Ʋ ŋmarɛ nɩ ziri dɔwlɛ taa, ɛ́ ɩrɛ po-to-fãw-ɩb. Ʋ maal'ɩ wõ-taa nɩ a Asiiri, ɛ́ tɩr kãá kʋ̀ a Eziptɩ tẽw.

A naaŋmɩn-ƴèr-manɛ Oze sɛbɛ 12:3

A Sore maalɛ nɩ nɩ a Zuda nɩbɛ ƴɛ̀rʋ. Ʋ na ƴãw na a Zakɔb manɩ a ʋ cenu pɛr, ʋ na dɔwr'ʋ na sɛw nɩ a ʋ ɩ-ɩrɩ.

A naaŋmɩn-ƴèr-manɛ Oze sɛbɛ 6:11

«Zuda a, a fʋ̃ʋ ƴãw mɩ̀ a, ɩ̃ cɔbrɛ nɩ a ci-cɛb. A na ɩ n a lɛn daar ɩ̃ nãà wa lɛb maalɩ a ɩ̃ nɩ-bʋʋrɛ bɛ ŋmɛ̃ mɛ̃ a bɛ dãwdãw a.»

Amɔsɩ 1:3

À ŋá n'a a Sore yere: «A Damasɩ tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ. Bɛ de nɩ kur-jajaa vu tɔlɩ a Galaadɩ tẽw dem zu.

Amɔsɩ 3:2

«A tẽ-daa zu yie za pʋɔ a, nyɩɩm tɛwr zie n'a ɩ̃ kaa. Alɛ so ɩ̃ na ƴãw nyɩ manɩ a nyɩ ɩ-faar za pɛr.»

Mise 6:12

A tẽw ŋa tɛra dem tɛr'ɩ po-to-fãw-ɩb yaga za, a ʋ nɩbɛ ŋmarɛ nɩ ziri bɛ̀lɛ nɩ a bɛ taabɛ.

Habakukɩ 2:18

A tɩbɛ yel-ɩra n'ɩ bo a tɩɩb-maalɛ na mɩ́ maal'a bin a? Kure bʋ̃-maalɩ na mɩ́ ŋmarɛ ziri bɛ mɩ́ sàw de a tɛwr'a. Bʋ̃ʋ ƴãw n'a a nɩsaalɛ na mɩ́ ƴãw a ʋ tɩɛrʋ, a tɩbɛ á ŋá ƴãw na bɛ tɛr nʋɔr ƴɛ̀rɛ, ɛ́ ɩ ʋl mɩŋa n'ʋ maal'a a?

Ʋrɔm 1:25

Bɛ de nɩ a yel-mɩŋa na càarɩ a Naaŋmɩn a, tɛw nɩ a ziri. Bɛ ƴãw na ɛ́ maalɩ a bʋ̃-íra, ɛ́ bɛr a Íre, ʋl na sɛwnɩ puoru yome yome za a! Amɛn.

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.

1 Pɩɛr 1:18

Nyɩ bãwnɩ a vla, bom na ɩ bʋ̃-wɛra mɛ̃ a salm-pla nɩ a salm-zɩɛ a, alɛ bɛ n'a bɛ ya ír'ɩ nyɩ bɛr a ɩ-ɩrɩ na bɛ tɛr tɔnɛ a pʋɔ a nyɩ sãàkʋm-kore mɩnɛ na lʋɔrɩ kʋ̀ nyɩ a ɩ.

Ƴɛ̀r-dɩrbɛ 10:6

A Ɩsɩrayɛl nɩbɛ tɩ lɛb'a maal tĩ ɩrɛ a bɛ pɛlɛ a Sore pʋɔ ɩ: bɛ tɩ puor'ɩ a Báàl mɩnɛ nɩ a Asɩtarte mɩnɛ, lãwnɩ a Siiri tẽw dem, nɩ a Sɩdɔ̃ tẽw dem, nɩ Mowab tẽw dem, nɩ a Amɔ̃ tẽw dem, nɩ a Filisɩtɛ̃ mɩnɛ ŋmɩmɛ. Bɛ tɩ zawr'ɩ a Sore bɛr, bɛ cãà puore ʋ ɛ.