Amɔsɩ 2:11 - A SƐB-SÕW

¹¹ Ɩ̃ tɩ ɩ na ɩ̃ ƴɛ̀r-manɛ yi a nyɩ bibiir pʋɔ, ɛ́ ɩ naziir mɩnɛ yi a nyɩ nɩ-vɩɛlɩ vɩɛlɩ za pʋɔ. Sɩrɛ bɩɩ ziri Ɩsɩrayɛl nɩbɛ ɛ? A Sore n'ʋ yel.

Amɔsɩ 2:11 ပူးပေါင်းရင်းမြစ်များ

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

1 Na-mɩnɛ 18:4

a lɛn daar a Zezabɛl na tɩ ƴãw bɛ kʋ a Sore ƴɛ̀r-manbɛ a, a Ovadɩa tɩ sɔwl'ɩ nɩbɛ kʋba (100) a bɛ pʋɔ. Ʋ tɩ bʋ́r bɛ nɩ lɩz'a ayiri nɩ piir, ƴãw tãw bɔwrɩ pʋɔ, ɛ́ ƴãw bɛ kʋ̀rɛ bɛ a bʋ̃-dɩrɩ nɩ a kʋ̃ɔ.

1 Na-mɩnɛ 19:16

Al pùorí, fʋ na cir'ɩ a kãá ƴãw Nimisi bidɛb, Yehu, ʋ ɩ a Ɩsɩrayɛl tẽw nãà, ɛ́ cir a kãá ƴãw Safatɩ bidɛb Elize, na yi Avɛl-Mehola a, ʋ ɩ ƴɛ̀r-manɛ lɩɛrɩ fʋ.

1 Na-mɩnɛ 20:13

Lɛ n'a naaŋmɩn-ƴɛ̀r-manɛ kãw tɩ wa páw a Ɩsɩrayɛl nãà, Akab, yel ʋ: «À ŋá n'a a Sore yere: “Fʋ nyɛ̃ nɩ a zɛbr-nɩbɛ bɛ ŋa na yãwmɛ bɛ dɩ vuo a a? Ɩ̃ na ƴãw bɛ nɩ a fʋ nuru pʋɔ a dɩ̃a tɔr za, kɛ̀ fʋ bãw kɛ́ mãa n'ɩ a Sore.”»

1 Na-mɩnɛ 20:35

A ʋlɩ daar nɛ a, a Sore tɩ ƴãw na naaŋmɩn-ƴɛ̀r-manbɛ lãw kãw nɩr yel a ʋ tɔ sob kãw: «Ŋmɛ m!», ɛcɛ à ŋà sob tɩ zawr'a.

1 Na-mɩnɛ 20:41

A nɩr ʋl tɩ ír'ɩ a pɛn daadaalɛ bɛr a ʋ mimie ƴãw, a Ɩsɩrayɛl nãà nyɛ̃ k'ʋʋ pʋɔ nɩ a naaŋmɩn-ƴɛ̀r-manbɛ lãw kãw pʋɔ.

1 Na-mɩnɛ 22:8

A Ɩsɩrayɛl tẽw nãà tɩ sɔw nɩ a Zozafatɩ: «Nɩr cãà nɩ be, bɛ na na tʋ̃ɔ́ mɩ̀ páw sowri a Sore a: Yimɩla bidɛb Mise n'ʋ. Ɛcɛ ɩ̃ bɛ nɔnɛ ʋ towtow ɛ, bʋ̃ʋ n'ʋ vɛ̃, a ʋ naaŋmɩn-ƴɛ̀r-manɛ ƴɛ̀rʋ a ɩ̃ ƴãw bɛ dãw ɩ vla ɩ, faa mɩ́ n'a kʋralɛ.» A Zozafatɩ tɩ yel'ɩ a Akab: «Ta ƴɛ̀rɛ à à ŋa ɩ!»

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

2 Na-mɩnɛ 6:1

Bibir kãw, a naaŋmɩn-ƴɛ̀r-manbɛ lãw nɩbɛ tɩ yel'ɩ a Elize: «Nyɛ̃, a zie ʋl tɩ na mɩ́ ɓã taa a fʋ zie a, ʋ ɩ n pʋrɩ zuo a tɩ ƴãw.

2 Bibie za yel-manɩ 36:15

A Sore, a bɛ sãà mɩnɛ Naaŋmɩn, na tɩ nɔnɛ a ʋ nɩ-bʋʋrɛ nɩ a ʋ zi-sõw a, tɩ tõ n nɩbɛ gb'aa ŋmɩn za a bɛ zie a ʋ yúor ƴãw,

Zeremi 11:21

A na ɩ à ŋá a, à ŋá n'a a Sore yere cáarɛ nɩ a Anatɔtɩ tẽw dem, a bɛl na bɔbr a ɩ̃ kũu ɛ́ yere: «Ta ƴɛ̀rɛ naaŋmɩn-ƴɛ̀r-manɛ ƴɛ̀rʋ a Sore yúor ƴãw ɛ, alɛ bɛ ɩ lɛ, tɩ na kʋ b a nɩ a tɩ nuru.»

Zeremi 2:31

—A nyɩɩm, dɩ̃a nɩbɛ ɛ, nyɩ ƴãw tobr vla a Sore ƴɛ̀rʋ ƴãw!— Ɩsɩrayɛl nɩbɛ ɛ, ɩ̃ lɩɛb'ɩ wɛja-kpalɛ a nyɩ zie bɩɩ tẽw a zie na sɔb kʋralɛ a? Bʋ̃ʋ n'ʋ so a ɩ̃ nɩbɛ yel: “Be tɩ na bɔbr a n'a tɩ cere, tɩ kʋ̃ lɛb wa a fʋ zie ɩ?”

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Zeremi 26:11

A bàwr-maalbɛ nɩ a naaŋmɩn-ƴɛ̀r-manbɛ tɩ yel'ɩ a tẽw nɩ-bɛrɛ nɩ a nɩbɛ za zie: «A nɩr ŋa sɛwnɩ nɩ kũu! Bʋ̃ʋ n'ʋ vɛ̃, ʋ ƴɛ̀r'ɩ a tẽ-kpɛ̃ɛ ŋa sãwfʋ ƴɛ̀rʋ. Nyɩ mɩŋa za wõ a na!»

Zeremi 7:25

A nyɩ sãàkʋm-kore na yi a Eziptɩ tẽw wa tɔ dɩ̃a a, bibir bɛ cɛ ɩ̃ bɛ tõ a ɩ̃ tõ-tõ-biir, a ɩ̃ ƴɛ̀r-manbɛ, a nyɩ zie ɩ.

A Lãw-mʋɔlɛ 4:7

A Naaŋmɩn nɩ-sori tɩ vɩɛl'a zuo sa-pupure, pɛlɩ zuo bʋ̀rʋ. A bɛ ƴã-gamɛ tɩ ɩ n zɩɩr mɛ̃ kʋsɩɛr kãw bɛ na bʋɔlɛ koraɩ a, a bɛ jiile tɩ sɔb'a mɛ̃ kʋsɩɛr kãw bɛ na bʋɔlɛ safɩɩr a.

Mise 2:6

Bɛ mɩnɛ kãw ƴɛ̀rɛ nɩ à ŋá a ɩ̃ zie: «Ta cãà ƴɛ̀rɛ a ƴɛ̀rʋ á ŋá taabɛ ɩ, dãbolu n'a, fʋ na yere k'aa vĩ bɛ tɛr nɩɩr-bɛrʋ a.

Nɩ-toni 4:18

Lɛ n'a bɛ tɩ ƴãw bɛ lɛb bʋɔlɩ bɛ wa n, bɛ wa ƴãw nʋɔr kʋ̀ bɛ kɛ́ bɛ taa lɛb pore a Yeezu yúor towtow ɛ, bɩɩ bɛ taa lɛb kanɛ nɩ nɩr a Yeezu yúor ɛ.

Nɩ-toni 5:28

«Tɩ tɩ diw nyɩ na bɛr lãwnɩ kpãàfʋ kɛ́ nyɩ ta kanɛ nɩ a nɩbɛ a nɩr ŋa yúor ƴãw ɛ! Ɛcɛ nyɩmɛ n'ɩ bɛ ŋan paalɩ a Zerizalɛm za nɩ a nyɩ kanʋ! Nyɩ bɛ yel kɛ́ nyɩ ɩ lɛ a yele a nɩr ŋa kũu na na wa n a lɛb lo tɩ zu u!»

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Wulu-ayi-sob 18:18

Ɩ̃ na tõ n naaŋmɩn-ƴɛ̀r-manɛ ʋ ɩ mɛ̃ a fʋ̃ʋ a, a bɛ zie. Ʋ na ɩ n a bɛ bʋʋrɛ nɩr. Ɩ̃ na ƴãw nɩ a ɩ̃ ƴɛ̀rʋ a ʋ nʋɔrɩ́, ʋʋ na mɩ́ yel'ɩ a alɩ bome nɛ za ɩ̃ na yel k'ʋʋ yel a, kʋ̀ bɛ.

1 Samɩɛl 19:20

Lɛ n'a a Sawul lɛb tɩ tõ nɩbɛ kɛ́ bɛ tɩ nyɔw a Daviir. Bɛ tɩ nyɛ̃ nɩ naaŋmɩn-ƴɛ̀r-manbɛ bɛ ɓã taa a, ɛ́ a naaŋmɩn-ƴɛ̀r-manbɛ ƴã-cɩrʋ tɛr bɛ, ɛ́ a Samɩɛl de bɛ niwn. A Naaŋmɩn Vʋʋrʋ mɩ̀ tɩ siw nɩ a Sawul nɩbɛ zu, a naaŋmɩn-ƴɛ̀r-manbɛ ƴã-cɩrʋ mɩ̀ tɛr bɛ.

1 Samɩɛl 3:20

Lɛ n'a nɩr za tɩ bãwnɩ a, a Ɩsɩrayɛl tẽw za pʋɔ, na tĩ a Dan ɛ́ tɩ sãá a Bɛɛr-Seva a, k'aa Samɩɛl sɩrɩ na ɩ a Sore ƴɛ̀r-manɛ.