Amɔsɩ 1:5 - A SƐB-SÕW

⁵ A dàar na jɩ̀r a Damasɩ tẽ-kpɛ̃ɛ dɩ̃dɛɛ a, ɩ̃ na kar a na bɛr, a nãà ʋl na be a faalʋ bà-fʋɔla pʋɔ a, ɩ̃ na ír ʋ na, ɩ̃ na diw nɩ a nãà ʋl na dɩrɛ naalʋ a nʋ̃ɔ̀ tẽw a. Lɛ n'a bɛ na diw a Aram tẽw dem cen nɩ Kɩ́ɩ̀r tẽw.» A Sore n'ʋ yel.

Amɔsɩ 1:5 ပူးပေါင်းရင်းမြစ်များ

2 Na-mɩnɛ 14:28

A Zerobowam yele al na cɛ a, a alɩ bome nɛ za ʋ na ɩ a, a ʋ gãda-tome, a zɛbr ʋ na zɛb a, a lɛ ʋ na ɩ a Ɩsɩrayɛl lɛb so a Damasɩ nɩ a Hamatɩ, a Daviir naalʋ-tẽw na tɩ dãw so a, a sɛb'ɩ a «Ɩsɩrayɛl tẽw na-mɩnɛ ɩ-ɩrɩ sɛbɛ» pʋɔ.

2 Na-mɩnɛ 16:9

A Asiiri tẽw nãà tɩ ɩ n a lɛ a Akaazɩ na zɛlɩ ʋ a. Ʋ tɩ cen na tɩ zɛb'ɩ a Damasɩ tẽw, zɛb de ʋ, ír a ʋ nɩbɛ cen nɩ Kɩ́ɩ̀r, ɛ́ ƴãw bɛ kʋ a Eresin.

Ɩzayi 22:6

A Elam tẽw zɛbr-nɩbɛ tɛr'ɩ tamɛ nɩ lɔwr. Nɩbɛ be n a zɛbr-torkori zu, wi-zɔmnbɛ be n be. A Kɩ́ɩ̀r tẽw sojarɩ cɔbrɛ nɩ a bɛ zɛbr-kur-pãgalɩ.

Ɩzayi 43:14

À ŋá n'a a Sore yere, ʋl na ɩ a nyɩ ya-diere a, a Ɩsɩrayɛl Naaŋmɩn na ɩ sõw a: «A nyɩɩm ƴãw a, ɩ̃ tone nɩ nɩr a Babɩlɔn. Ɩ̃ na ír'ɩ a dàar na jɩ̀r a pamɛ a bɛr. Lɛ n'a a nʋ̃ɔ̀ cɛlsɩ na lɩɛbɩ kon a Babɩlɔn tẽw dem zie.

Ɩzayi 8:4

Bʋ̃ʋ n'ʋ vɛ̃, a bie kʋ̃ bãw “Ɩ̃ sãà” bɩɩ “Ɩ̃ mã” bʋɔlʋ sɛr ɛ, ɛ́ bɛ tuo a Damasɩ tẽw na-bome nɩ a Samaari tẽw zɛbr-na-bome cen nɩ a Asiiri tẽw nãà niŋé.»

Zeremi 50:36

Zɛbr, a lo a bɛ bàwr-bʋwrbɛ zu, ɩ bɛ bʋnɩ ƴɛ̀rɛ! Zɛbr, a lo a ʋ sojarɩ zu, ɩ a bɛ kanyir baarɩ!

Zeremi 51:30

A Babɩlɔn tẽw soja-gãdaar bɛr'ɩ a zɛbr, bɛ sɔwlɛ nɩ a gõgone pʋɔ. A bɛ gãdaalʋ baar'a, bɛ lɩɛb'ɩ pɔwbɛ! A tẽ-kpɛ̃ɛ dɩ̃dɛɛ yuori na, a ʋ yie dɩrɛ nɩ vũu.

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

Ezekɩɛl 27:23

A Haran, a Kane nɩ a Edɛn tẽ-bɛrɛ, a Saba tẽw yɛ-yɛrbɛ, a Asuur nɩ a Kilimadɩ tẽ-bɛrɛ kʋɔrɛ nɩ fʋ nɩ bome.

Ezekɩɛl 30:17

Bɛ na kʋ n a On nɩ a Pi-Bɛsɛtɩ ten pɔ́lɛ́ a zɛbr zie, ɛ́ diw a nɩbɛ bɛl na cɛ a cen nɩ.

A naaŋmɩn-ƴèr-manɛ Oze sɛbɛ 10:8

Bɛ sãw nɩ a bɛ maalʋ-ziir za bɛr. Alɛ tɩ n'ɩ a Ɩsɩrayɛl yel-bier. Karnyã nɩ gʋʋr na bul'a do a bàwr-maal-kube zu. Lɛ n'a bɛ na yel a tan: «Nyɩ pàw tɩ!», ɛ́ yel a tãli: «Nyɩ lo gùri pàw tɩ!»

Amɔsɩ 5:5

Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ, nyɩ taa kpɩɛr Gilgal tẽw puoru yir bɔbr mɛ̃ ɩ, nyɩ taa cere Bɛɛr-Seva a ɩ̃ ƴãw ɛ. Bʋ̃ʋ n'ʋ vɛ̃, bɛ na diw nɩ a Gilgal nɩbɛ cen nɩ tẽ-yũo, ɛ́ a Betɛl na ɩ a Naaŋmɩn yir a lɩɛbɩ faalʋ yir.»

Amɔsɩ 9:7

À ŋá n'a a Sore yere: «Ɩsɩrayɛl nɩbɛ ɛ, nyɩ tɩɛr kɛ́ nyɩ zuo nɩ a Etiopi tẽw nɩbɛ a ɩ̃ niŋé e? Sɩza n'a, mãa bɛ n'ʋ tɛr nyɩ yi n a Eziptɩ tẽw, ɛ́ mɩ̀ tɛr a Filisɩtɛ̃ mɩnɛ yi n a Kafɩtɔɔr tẽw e? Mãa mɩ̀ bɛ n'ʋ lɛb tɛr a Aram tẽw dem yi n a Kɩ́ɩ̀r tẽw e?»

Nahum 3:13

A fʋ zɛbr-nɩbɛ ɩ na mɛ̃ pɔwbɛ na bɛ tɛr fãw a, a fʋ tẽw dɩ̃dɛɛ yuo nɩ 'he'hee a fʋ dɔ̃ dem niŋé: vũu dɩ n a fʋ dà-jɩ̀rɩ́.