Amɔsɩ 1:2 - A SƐB-SÕW

² A Amɔsɩ tɩ yere na: «A Sore be n Sɩyɔ̃ tẽw ùore a yire, ʋ be n a Zerizalɛm tanɛ. A dʋ̃-cɩ̃ɩnbɛ dʋn mʋ̃ɔ 'wɔbrʋ ziir lɩɛb'ɩ wahala ziir, ɛ́ a Karmɛl tãw nyʋɔr ko ʋ za.»

Amɔsɩ 1:2 ပူးပေါင်းရင်းမြစ်များ

Sɛb-sõw yielu 29:4

A Sore kɔkɔr yire nɩ kpɛ̃w za, a Sore kɔkɔr yire na nɩ dɛpaalʋ.

Sɛb-sõw yielu 46:6

Naaŋmɩn be n a ʋ pʋɔ, ʋ bɛ damnɛ damnʋ ɛ: a zie wa vɩɛrɛ wa báarɛ a, Naaŋmɩn mɩ́ sõw ʋ na.

Zʋkpaɩ 20:2

Nãà a suur na ìr a ŋmɛ̃ na mɛ̃ gbẽw na ùore a. Nɩr wa damnɛ a nãà suur a, ʋ cɩɛr'ɩ kũu-pire.

Ɩzayi 33:9

A tẽw tɛr'ɩ wahala, kpiir. Vĩ nyɔw nɩ a Libã tãw, ʋ kore na. A Saron zi-tɩ̃tal ŋmɛ̃ na taa nɩ wɛja-kpalɛ. A Basan nɩ a Karmɛl tan bɛ cãà tɛr tɩɩr ɛ.

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Ɩzayi 42:13

A Sore waar'a mɛ̃ soja-gãdaa a, mɛ̃ zɛbr-nɩr na tʋlɛ a zɛbr ƴãw a. Ʋ ŋmɩɛr'ɩ a zɛbr cɛl, ʋ ɩrɛ nɩ gɔmɛ, ʋ ɩrɛ nɩ gãda-ɩb a ʋ dɔ̃ dem zie.

Zeremi 12:4

Debor'a a tẽw na be a wahala pʋɔ tɩ ta? Debor'a a póru na ko gã tɩ ta? A dʋn nɩ a lili za kpiir'a, a tẽw dem ɩ-faar zũú. Bɛ yere na: «Zeremi kʋ̃ cãà be nyɛ̃ a lɛ a na ŋmɛ̃ tɩ a ɩ.»

Zeremi 14:2

«A Zuda nɩbɛ be n wahala pʋɔ, a ʋ tẽ-bɛrɛ fãw siwre na. Bɛ be n pʋ-sãwna kpɛ̃ɛ pʋɔ, bɛ zɩ̃ n tẽw, a Zerizalɛm cɛlsɩ dúor'ɩ saa.

Zeremi 25:30

A Sore tɩ cãà na yel mɛ̃: «Yel a yel ŋa kʋ̀ bɛ a ɩ̃ yúor ƴãw, yel ƴãw pʋɔ: A saa-zu za a, a Sore tanɛ na. Ʋ be n a yir ʋ na so a pʋɔ, ɛ́ ŋmɛrɛ kɔkɛɛ. Ʋ tanɛ nɩ a ʋ zi-sóra. Ʋ ŋmɩɛr'ɩ cɛlsɩ càarɛ nɩ a tẽw dem za, mɛ̃ a bɛlɩ dem na mɩ́ nɛbr a divɛ̃ tɩ-wɔmɛ íre a divɛ̃ a.

Zeremi 28:8

A naaŋmɩn-ƴɛ̀r-manbɛ bɛl na de niwn tõ a bɛ tome a mãa nɩ a fʋ̃ʋ ƴãw, a koro kãw za a, bɛ tɩ ƴɛ̀r'ɩ a bɛ ƴɛ̀rʋ kʋ̀ tẽ-yaga nɩ naalʋ-tẽ-bɛrɛ. Zɛbr, kpɩɛrʋ nɩ jɛ̀lmɛ̃ bàalʋ yele n'a bɛ tɩ yel kʋ̀ a.

Zeremi 50:19

Ɩ̃ na tɛr'ɩ a Ɩsɩrayɛl lɛb wa n a ʋ zi-sóra pʋɔ, ʋʋ na páw nɩ a bʋ̃-dɩrɩ a Karmɛl tãw zu nɩ a Basan tã-sɛr zu. Ʋ kʋ̃ mɩ́ bɔ bom gú a Efarayim tãw zu nɩ a Galaadɩ tẽw pʋɔ ɩ.

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

A naaŋmɩn-ƴèr-manɛ Oze sɛbɛ 13:8

Ɩ̃ ìr'ɩ a nyɩ ƴãw mɛ̃ ursɩ mã bɛ na nyɔw a bile a, ɩ̃ na 'hel'ɩ a nyɩ nyarʋ, ɩ̃ na 'wɔb nyɩ na mɛ̃ gbẽw-nyãw a, a wɛ-dʋn na taw nyɩ na ɓɛl ɓɛl.

Zowɛl 1:19

Sore e, fʋ̃ʋ n'ʋ ɩ̃ ŋmɩɛr a cɛlsɩ cɔwr! A vũu dɩrɛ nɩ a dʋn mʋ̃ɔ 'wɔbrʋ zie a dɩlãpʋɔ pʋɔ, a vũu-zɛlɛ báarɛ nɩ a póru tɩɩr za.

Zowɛl 2:11

A Sore be n a ʋ zɛbr-nɩbɛ niŋé ɛ́ ŋmɛrɛ kɔkɛɛ. A ʋ zɛbr-nɩbɛ ʋ na mɩ́ ƴɛ̀r, bɛ tu a lɛ ʋ na yel a yãwmɛ na ɛ́ tɛr fãw bɛ dɩ vuo ɩ. A Sore bibir ɩ n kpɛ̃ɛ, ʋ tɛr'ɩ pʋl-vʋ̃ɔ-yaga, ãa n'ʋ na tʋ̃ɔ́ ʋ?

Amɔsɩ 9:3

Bɛlɛ wa do a Karmɛl tãw nyʋɔrɩ́ tɩ sɔwlɩ a, ɩ̃ na bɔ bɛ na nyɔw a be. Bɛlɛ wa siw a kʋ̃ɔ-kpɛ̃ɛ pʋɔ tɩ sɔwlɩ a ɩ̃ niŋé a, ɩ̃ na ƴãw na a wa-bɩɛ cɛ bɛ.

Nahum 1:4

Ʋ mɩ́ tanɩ nɩ a kʋ̃ɔ-kpɛ̃ɛ ʋ ko, ʋ mɩ́ ɩ n a mamɛ za a sɩr. Lɛ n'a a Basan dʋn mʋ̃ɔ 'wɔbrʋ ziir mʋ̃ɔ̀, nɩ a Karmɛl tãw za mɩ́ mʋ̃ɔ̀ mʋ̃ɔ̀, ɛ́ a Libã tɩ-puuru vàr vàr.

1 Samɩɛl 25:2

Nɩr kãw na tɩ tɛr a yaga za a, tɩ be n a Maon. Ʋ tɩ tɛr'ɩ píir túr ata (3 000) nɩ bʋʋr túr (1 000). Karmɛl'a a ʋ wɛrʋ tɩ be, ʋʋ tɩ cen a be, a ʋ píir kɔblʋ ŋmab ƴãw.