Amɔsɩ 1:13 - A SƐB-SÕW

¹³ À ŋá n'a a Sore yere: «A Amɔ̃ tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na wɛr a Galaadɩ pɔw-pée kɛ́ bɛ tʋ̃ɔ́ ɩ a bɛ tẽw yɛ̀lɩ a zũú,

Amɔsɩ 1:13 ပူးပေါင်းရင်းမြစ်များ

2 Samɩɛl 12:31

A Daviir tɩ diw nɩ a tẽw nɩbɛ cen nɩ tɩ ƴãw bɛ tone tõ-kpɛn: dàar fɔwfʋ, kʋsɛbɛ pɛnʋ, tɩɩr cɛb, birkiri ŋmab. Lɛ n'a ʋ mɩ̀ tɩ ɩ a Amɔ̃ tẽw dem tẽ-bɛrɛ za. Al pùorí, a Daviir nɩ a ʋ zɛbr-nɩbɛ za tɩ lɛb'a kul a Zerizalɛm.

2 Na-mɩnɛ 15:16

A lɛn daar'a a Menahɛm tɩ zɛb'ɩ a Tifɩsa tẽ-kpɛ̃ɛ, kʋ a bɛlɩ dem za na tɩ kpɩɛr a ʋ pʋɔ a, ɛ́ sãw a vuo ʋl za na yi a Tɩrsa tɩ sãá a Tifɩsa a bɛr. Ʋ tɩ zɛb'ɩ nɩ a Tifɩsa tẽ-kpɛ̃ɛ, bɛ na bɛ tɩ yuo a tẽw dɩ̃dɛɛ kʋ̀ ʋ a ƴãw. Ʋ tɩ wɛ̀r'ɩ a pɔw-pée za a be.

2 Na-mɩnɛ 24:2

Lɛ n'a a Sore tɩ ƴãw nɩ-farbɛ, na ɩ Babɩlɔn tẽw dem, Siiri tẽw dem, Mowab tẽw dem nɩ Amɔ̃ tẽw dem a, bɛ wa sãw a Zuda naalʋ-tẽw bɛr, mɛ̃ a lɛ a Sore na tɩ ƴãw a naaŋmɩn-ƴɛ̀r-manbɛ yel a.

2 Na-mɩnɛ 8:12

A Hazayɛl tɩ sowr'a: «Ɩ̃ sore e, bʋ̃ʋ n'ʋ so fʋ kone?» A Elize sɔw: «Ɩ̃ na bãw a dɔwrʋ fʋ na na dɔwrɩ a Ɩsɩrayɛl nɩbɛ a, alɛ n'a so ɩ̃ kone. Fʋ na nyɩw nɩ a bɛ zɛbr-yir-kpɛn kpɛn bɛr, fʋ na kʋ n a bɛ pɔ́lɛ́ a zɛbr zie, fʋ na ƴɛ́r'ɩ a bɛ bibi-pʋrpʋr ŋmɛr, ɛ́ wɛr a bɛ pɔw-pée.»

2 Bibie za yel-manɩ 20:1

A pùorí, a Mowab tẽw dem nɩ a Amɔ̃ tẽw dem nɩ a Maonitɩ mɩnɛ na tɩ sõwne bɛ a tɩ wa na kɛ́ bɛ wa zɛb'ɩ a Zozafatɩ.

2 Bibie za yel-manɩ 20:10

Ƴɛrɛŋa a, jɩ́r nyɛ̃ a: a Amɔ̃ tẽw dem, a Mowab tẽw dem nɩ a Edɔm tẽw nɩbɛ n'ɩ bɛ ŋan ŋmaarɛ nɩ tɩ a zɛbr. A tɩ sãàkʋm-kore na tɩ yi a Eziptɩ a, fʋ bɛ tɩ sàw bɛ tu tɔl a nɩ-bʋʋrɛ bɛ ŋa ten pʋɔ ɩ. Lɛ n'a a tɩ sãàkʋm-kore tɩ dɛ tɔl ɛ́ bɛ kʋ a nɩ-bʋʋrɛ bɛ ŋa pàw pɛr ɛ.

Neemi 2:19

Sanbalatɩ na yi Bɛtɩ-Horon nɩ a ʋ tuure Toviya na yi Amɔ̃ tẽw, nɩ Gɛsɛm na ɩ Arabʋ a tɩ wõ n a yel ŋa. Bɛ tɩ ɩrɛ tɩ na laar ɛ́ nyɛ̃ tɩ bɛ ɩ bom za ɩ. Bɛ tɩ sowri tɩ na: «Bʋ̃ʋ n'ʋ nyɩ ɩrɛ? A nãà n'ʋ nyɩ bɔbr kɛ́ nyɩ zawrɩ bɛr bɩɩ?»

Sɛb-sõw yielu 83:7

Edɔm nɩ Ɩsɩmayɛl nɩbɛ nɛbɛ, Mowab, Agaar nɩ Geval nɩbɛ,

Ɩzayi 5:8

Baw-bio páw nɩ a bɛlɩ dem na mɩ́ tɛr yir ƴãw pʋɔ yir ƴãw a, na mɩ́ de púo ƴãw pʋɔ púo ƴãw a, ɛ́ mɩ́ tɛr tɩ faa a zie za ɛ́ cɛ bɛ tɛwr kpɩɛr a tẽw a.

Zeremi 25:21

- a Edɔm, Mowab nɩ Amɔ̃ ten dem,

Ezekɩɛl 21:28

A bɛlɩ dem na kpɩɛr a Zerizalɛm a tɩɛr'a k'aa ɩb a gbã-bir na wul bɛ a, a bɛ tɛr pɛr ɛ. Bʋ̃ʋ n'ʋ vɛ̃, pɔb pɔ na yel kɛ́ bɛ na gù bɛ na. A Babɩlɔn tẽw nãà lɛb'a kpaalɛ bɛ kɛ́ bɛ bɛ tu a nʋɔr bɛ na ƴãw a ɩ. Ʋʋ yere na kʋ̀rɛ bɛ k'ʋʋ na ɩ na bɛ ɩ gaso nɩbɛ.

Ezekɩɛl 25:1

A Sore tɩ yel mɛ̃ na:

Ezekɩɛl 35:10

Fʋ yel'a: “A Ɩsɩrayɛl nɩ a Zuda naalʋ-ten ayi na ɩ n a ɩ̃ sób, ɩ̃ na de nɩ a ten á ŋá a Sore na kpɩɛr a.”

A naaŋmɩn-ƴèr-manɛ Oze sɛbɛ 14:1

A Samaari tẽw dem na ya n a san, bɛ na gaarɩ zawrɩ a bɛ Naaŋmɩn bɛr a ƴãw. Zɛbr-sɔ-kpɛ̃ɛ na kʋ bɛ na, bɛ na nɛb'ɩ a bɛ bi-pɩɩlɛ kʋ, ɛ́ wɛr a bɛ pɔw-pée.

Amɔsɩ 1:3

À ŋá n'a a Sore yere: «A Damasɩ tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ. Bɛ de nɩ kur-jajaa vu tɔlɩ a Galaadɩ tẽw dem zu.

Wulu-ayi-sob 2:19

Nyɩ na tuor'a tɔ a Amɔ̃ tẽw. Nyɩ taa bɔbr bɛ nɔhaarʋ ɛ, nyɩ taa ŋmaarɛ nɩ bɛ zɛbr ɛ. Ɩ̃ bɛ kʋ̀rɛ nyɩ a bɛ tẽw zie kãw za ɩ. Bʋ̃ʋ n'ʋ vɛ̃, Lɔtɩ bʋʋrɛ nɛbɛ ɩ̃ kʋ̀ a zie ŋa bɛ so ʋ.» —