Amɔsɩ 1:1 - A SƐB-SÕW

¹ A Amɔsɩ na tɩ ɩ Tekowa tẽw guo-guole kãw a ƴɛ̀r-bie n'a be a sɛbɛ ŋa pʋɔ. A na tɩ cɛ yome ayi a tẽsɔw-kɔbr na na dam a, a Sore tɩ ɩ na a Amɔsɩ nyɛ̃ bom a Ɩsɩrayɛl tẽw ƴãw. A tɩ ɩ n a Zuda tẽw nãà Ozɩasɩ daar, nɩ a Ɩsɩrayɛl tẽw nãà Zerobowam na ɩ Zowasɩ bidɛb a daar.

Amɔsɩ 1:1 ပူးပေါင်းရင်းမြစ်များ

2 Samɩɛl 14:2

Ʋ tɩ tõ na bɛ tɩ bʋɔlɩ Tekowa tẽw pɔw kãw na bãw yã a, wa n, ʋ wa yel ʋ à ŋá: «Bãw kɛ́ ɩ wahala nɩr, su ko-tuolu bome, ta zɛ kãá-nyũu ɛ, ɛ́ ɩ mɛ̃ pɔw na kone a ʋ nɩr koro za a.

1 Na-mɩnɛ 19:19

A Eli tɩ yi n a be cen tɩ nyɛ̃ a Safatɩ bidɛb, Elize, ʋ kʋɔr. Nɛ́ɛ pie nɩ ayi n'a ʋ tɩ tɛr na kɔ, ɛ́ tɩ be a pie nɩ ayi sob zu. A Eli na tɩ tɔlɛ pɩɛlɩ a Elize a, ʋ lɔb'ɩ a ʋ kpar-kpɛ̃ɛ dɔwlɩ a ʋ zu.

2 Na-mɩnɛ 14:21

A Amazɩasɩ bidɛb, Azarɩasɩ, tɩ tɛr'ɩ yome pie nɩ ayʋɔb, a lɛn daar a Zuda nɩbɛ za na tɩ de ʋ k'ʋʋ ɩ a nãà lɩɛrɩ a ʋ sãà a.

2 Na-mɩnɛ 14:23

A Zuda tẽw nãà, Zowasɩ, bidɛb, Amazɩasɩ, naalʋ-dɩb yome pie nɩ anũu sob daar'a a Zowasɩ bidɛb, Zerobowam, tɩ dɩ a naalʋ a Ɩsɩrayɛl tẽw, a Samaari. Ʋ tɩ dɩ n a naalʋ yome lɩz'a ayi nɩ been.

2 Bibie za yel-manɩ 11:6

Bɛtɩlɛm, Etam, Tekowa,

2 Bibie za yel-manɩ 20:20

A bio daarɩ́ biɓaar-pipi, bɛ za tɩ ìr'a lo a Tekowa wɛja-kpalɛ sɔ́r. Bɛ na na tɩ yi lo a sɔ́r a, a Zozafatɩ tɩ yel bɛ na: «Zuda nɩbɛ nɩ Zerizalɛm nɩbɛ ɛ, nyɩ bɛr wõ a ɩ̃ ƴɛ̀rʋ! Nyɩ ƴãw a nyɩ tɩɛrʋ za a Sore nyɩ Naaŋmɩn ƴãw, ɛ́ nɩr kʋ̃ tʋ̃ɔ́ nyɩ ɛ. Nyɩ ƴãw a nyɩ tɩɛrʋ a ʋ ƴɛ̀r-manbɛ ƴãw, ɛ́ nyɩ na zɛb'a tʋ̃ɔ́!»

Eziptɩ tẽw yib 3:1

A Moyiir tɩ àrɛ nɩ nɩ a ʋ dɩɛm-sãà Zetoro na ɩ a Madian tẽw bàwr-maalɛ a píir nɩ bʋʋr. Bibir kãw, ʋ tɩ kpa n a dʋn tɩ zuo nɩ a wɛja-kpalɛ bɛr ɛ́ tɩ ta n a Naaŋmɩn tãgɛ̃́, a Orɛb.

Ɩzayi 1:1

Amɔtɩsɩ bidɛb, Ɩzayi, yel-nyɛra ʋ na nyɛ̃ càar'ɩ Zuda naalʋ-tẽw nɩ Zerizalɛm tẽ-kpɛ̃ɛ, a Zuda tẽw na-mɩnɛ Ozɩasɩ, Yotam, Akaazɩ nɩ Ezekɩasɩ daar a.

Zeremi 1:1

A sɛbɛ ŋa manɛ nɩ a lɛ Hɩlkɩahu bidɛb, Zeremi, na yel ɛ́ ɩ a. A Zeremi tɩ yi n bàwr-maalbɛ na kpɩɛr Anatɔtɩ a yir pʋɔ, Bɛ̃zamɛ tẽw pʋɔ.

Zeremi 28:8

A naaŋmɩn-ƴɛ̀r-manbɛ bɛl na de niwn tõ a bɛ tome a mãa nɩ a fʋ̃ʋ ƴãw, a koro kãw za a, bɛ tɩ ƴɛ̀r'ɩ a bɛ ƴɛ̀rʋ kʋ̀ tẽ-yaga nɩ naalʋ-tẽ-bɛrɛ. Zɛbr, kpɩɛrʋ nɩ jɛ̀lmɛ̃ bàalʋ yele n'a bɛ tɩ yel kʋ̀ a.

Zeremi 6:1

Bɛ̃zamɛ dɔwlʋ nɩbɛ ɛ, nyɩ yi a Zerizalɛm tẽw pʋɔ, nyɩ cen tɩ bɔ sɔwlʋ zie zi-yoru. Nyɩ pɛblɩ a ɩɩl a Tekowa tẽw pʋɔ, nyɩ zɛw bãwfʋ a Bɛtɩ-kerɛm, bʋ̃ʋ n'ʋ vɛ̃, faa yi n a saa-pɛrɩ́-gʋba-lowr jɩɛrɛ nyɩ, Ʋ na ɩ n kpɩɛrʋ kpɛ̃ɛ.

Zeremi 7:27

A fʋ̃ʋ Zeremi, fʋ na tɩ yel'ɩ à á ŋá za kʋ̀ bɛ, ɛ́ bɛ kʋ̃ bɛr wõ ɩ. Fʋ na tɩ bʋɔlɩ bɛ na, ɛ́ bɛ kʋ̃ sàw ɛ.

A naaŋmɩn-ƴèr-manɛ Oze sɛbɛ 1:1

Ƴɛ̀rʋ ŋa n'ʋ a Sore ƴɛ̀r kʋ̀ a Beeri bidɛb Oze. A Zuda tẽw na-mɩnɛ Ozɩasɩ, Yotam, Akaazɩ nɩ Ezekɩasɩ daar tɩ n'a, ɛ́ a Ɩsɩrayɛl tẽw, a tɩ ɩ a Zowasɩ bidɛb, Zerobowam, naalʋ daar.

Amɔsɩ 7:14

A Amɔsɩ tɩ sɔw na yel a Amasɩa: «Ɩ̃ bɛ tɩ ɩ naaŋmɩn-ƴɛ̀r-manɛ ɩ, mɩ̀ bɛ lɛb tɩ ɩ naaŋmɩn-ƴɛ̀r-manɛ bie ɩ. Ɩ̃ tɩ ɩ n na-cɩ̃ɩnɛ ɛ́ kaarɛ sɩkomɔɔr tɩɩr zie.

Mise 1:1

Ƴɛ̀rʋ á ŋá n'a a Sore tɩ ƴɛ̀r kʋ̀ a Moresɛtɩ tẽw Mise, a Zuda tẽw na-mɩnɛ Yotam, Akaazɩ nɩ Ezekɩasɩ daar. A bʋ̃-nyɛrɩ ʋ na nyɛ̃ a, a càar'ɩ a Samaari nɩ a Zerizalɛm ten.

Zakari 14:5

Nyɩ na tu n a fʋɔla ŋa na be a tan cara pʋɔ a zɔ. Bʋ̃ʋ n'ʋ vɛ̃, a fʋɔla na cen na tɩ ta a Asal tẽw. Nyɩ na zɔ na mɛ̃ a nyɩ sãàkʋm-kore na tɩ zɔ, a Zuda tẽw nãà Ozɩasɩ daar, a tẽsɔw-kɔbr damnʋ bibir a. Lɛ n'a a Sore ɩ̃ Naaŋmɩn na ta, ʋlɛ nɩ a malkɩ mɩnɛ na tone a ʋ tome a.

Matie 4:18

A Yeezu na tɩ cere lanɛ a Galile kʋ̃ɔ-kpɛ̃ɛ a, ʋ nyɛ̃ nɩ yɛbr ayi, Sɩmʋ̃ bɛ na bʋɔlɛ Pɩɛr a, nɩ a ʋ yɛb Ãdere bɛ lɔbr mɩ̃ɛ a kʋ̃ɔ-kpɛ̃ɛ pʋɔ, zʋm-nyɔwrbɛ tɩ nɛbɛ.

1 Korɛ̃tɩ 1:27

Ɛcɛ a al na ɩ gẽgemi a tẽ-daa zie a, alɛ n'a a Naaŋmɩn kaa ír k'ʋʋ ƴãw nɩ a yã-bãwnbɛ vĩ. A alɩ bome nɛ na bɛ tɛr fãw a tẽ-daa zie a, alɛ n'a a Naaŋmɩn kaa ír k'ʋʋ ƴãw nɩ a al na tɛr fãw a vĩ.