Abɩdɩasɩ 1:3 - A SƐB-SÕW

³ A fʋ pɔ̀l-ɩb na bɛ dɩ vuo a, bɔrɛ nɩ fʋ na. Fʋ kpɩɛr'ɩ pìe pʋɔ nɩ ziir bɛ na kʋ̃ tʋ̃ɔ́ páw fʋ nyɔw a, ɛ́ tɩɛrɛ nɩ fʋ pʋɔ: “Ãa n'ʋ na tʋ̃ɔ́ ír mɛ̃ a ka?”

Abɩdɩasɩ 1:3 ပူးပေါင်းရင်းမြစ်များ

Yele-za-pɛr-tib 36:8

À ŋá n'a a Ezawu bɛ mɩ́ na bʋɔlɛ Edɔm a tɩ cen tɩ zɩ̃ a Seyiir tãw zu.

2 Na-mɩnɛ 14:7

A Amazɩasɩ mɩ̀ n'ʋ tɩ zɛb tʋ̃ɔ́ Edɔm tẽw nɩbɛ tùr-pie (10 000) a Nyaarʋ fʋɔla pʋɔ. Ʋ tɩ zɛb'a de Sɛla tẽw a zɛbr ŋa pʋɔ, por ʋ Yɔkɩteyɛl, a yúor ŋa n'ʋ ʋ cãà tɛr a dɩ̃a.

2 Bibie za yel-manɩ 25:11

A Amazɩasɩ na wa kpɛmɛ a sɛw a, ʋ tɩ tɛr'ɩ a ʋ nɩbɛ cen nɩ a Nyaarʋ fʋɔla pʋɔ tɩ kʋ Edɔm tẽw sojarɩ tùr-pie (10 000).

2 Bibie za yel-manɩ 25:12

A Zuda sojarɩ mɩ̀ tɩ nyɔw nɩ a Edɔm tẽw sojarɩ tùr-pie (10 000) bɛ ɩ nɩ-pàwrɩ. Bɛ tɩ tɛr bɛ na do n pìir na kɛrɩ a nyʋɔrɩ́, ɛ́ dá bɛ bɛr a vuo pʋɔ bɛ tɩ lo a tẽw kpi bɛ za.

A Zɔb sɛbɛ 20:6

Ʋlɛ saa kɛrɩ tɩ tɔ a salom, ɛ́ a ʋ zu tɔ zũzuwe a,

Zʋkpaɩ 16:18

A pɔ̀lʋ waar'ɩ nɩ a yele sãwfʋ, ɛ́ a ɩrɛ mɛ̃ fʋ zuo nɩ za a waar'ɩ a loba.

Zʋkpaɩ 18:12

A nɩsaal pɔ̀lʋ mɩ́ wɩɛr'ɩ ʋ nɩ a ʋ loba zie. A tʋɔra-siwru pùorí n'a fʋ mɩ́ nyɛ̃ ƴãwfʋ.

Zʋkpaɩ 29:23

A nɩsaal pɔ̀lʋ na siwr'ʋ na, ɛcɛ su-siwra sob na nyɛ̃ nɩ ƴãwfʋ.

Ɩzayi 16:6

Tɩ wõ n a Mowab pɔ̀lʋ yele, a ʋ pɔ̀l-ɩb na bɛ dɩ vuo a, a ʋ nyɔka-ɩb, ʋ na manɛ kɛ́ ʋlɛ n'ʋ bɛ wõ a, a ʋ pɔ-zawlɛ.

Zeremi 21:13

A Sore yere na: Mãa nɩ nyɩɩm nɛbɛ ƴɛrɛŋa, nyɩɩm na kpɩɛr a fʋɔla pʋɔ, a pìir zi-pãgala zu a. Bʋ̃ʋ n'ʋ vɛ̃, nyɩ mɩ́ yere na: “Ãa n'ʋ na siw wa zɛb'ɩ tɩ, ãa n'ʋ na kpɛ a tɩ sɔwlʋ ziir?”

Zeremi 37:9

À ŋá n'a a mãa, a Sore, ɩ̃ yere: Nyɩ ta bɛ̀lɛ nyɩ tʋɔra, tɩɛrɛ nɩ k'aa Babɩlɔn tẽw dem sɩrɩ na kul ɛ. Bɛ kʋ̃ kul ɛ!

Zeremi 48:28

Mowab tẽw dem i, nyɩ yi a tẽ-bɛrɛ pʋɔ, nyɩ cen tɩ kpɩɛr pìe pʋɔ. Nyɩ cɔwrɩ a naŋmamɛ na wob a cowr ziir na bɛ tɛr tab, fʋɔl-zulu nʋɔr a.

Zeremi 49:16

Fʋ tɩ ƴãwnɛ nɩ a nɩbɛ za dɛ̃bɩ̃ɛ, fʋ tɩ tɩɛr'a kɛ́ fʋ zuo nɩ a fʋ taabɛ za, ɛcɛ fʋ tɩ bɛlɛ nɩ fʋ tʋɔra. Fʋ̃ʋ na kpɩɛr a pìe bɔwrɩ pʋɔ a, fʋ̃ʋ na mɩ́ go mɛr a zi-kɛrɩ a, fʋ̃ʋ saa ƴãw a fʋ cow ʋ do man a sidum dem a, ɩ̃ na caabɩ fʋ na bɛr fʋ siw tɩ lo.» À à ŋá n'a a Sore yel.

Zeremi 49:4

Araba na ɩ pɔwli-gaara a, fʋ tɩ pɔrɛ nɩ nɩ a fʋ fʋɔla, a fʋ fʋɔla na ɩ váar váar a. Fʋ tɩ ƴãw nɩ a fʋ tɩɛrʋ a fʋ na-bome ƴãw, fʋ tɩ sowre na: «Ãa n'ʋ na sàw zɛb'ɩ mɛ̃?»

Ezekɩɛl 28:16

A fʋ yɛ̀rʋ́ do n saa. A ƴãw fʋ nɩ po-to-fãw-ɩb ƴãw, ɛ́ fʋ maalɩ faa. Lɛ so, ɩ̃ diwr fʋ nɩ a ɩ̃ tãw zu, ɛ́ siwre fʋ manɛ taa nɩ a nɩbɛ za. A seribɛ̃ na gùre fʋ a diwr fʋ na zãánɛ nɩ a vũu-bi-cõcole sɔgɔ.

Malasɩ 1:4

Kapaw a Edɔm tẽw dem na yere na: “Bɛ tʋ̃ɔ́ tɩ nɩ pẽlẽpẽlẽ, ɛcɛ tɩ na lɛb'a mɛ a tɩ ten bɛ na ŋmɛr bɛr a.” À ŋá n'a, a mãa, a Sore kpɛnʋ-za-sob, yere: Bɛ lɛb mɛ, ɛcɛ mãa na da a na lɔb. A nɩbɛ na bʋɔlɛ bɛ na kɛ́: “Faalʋ tẽw”, nɩ kɛ́: “Nɩ-bʋʋrɛ a Sore na nyɛ̃ nɩ suur kʋralɛ a”.