Abɩdɩasɩ 1:17 - A SƐB-SÕW

¹⁷ Lɛ n'a a nɩbɛ na cɩ̃ɛ a na nyɛ̃ sɔwlʋ zie a Sɩyɔ̃ tãw na na lɛb lɩɛbɩ tã-sõw a zu. A Zakɔb bʋʋrɛ na lɛb'a de a bɛ tẽw, a bɛlɩ dem na tɩ faa ʋ a zie.

Abɩdɩasɩ 1:17 ပူးပေါင်းရင်းမြစ်များ

Sɛb-sõw yielu 69:35

Ɛ́ nyɩɩm, salom nɩ tẽw, nyɩ danɛ ʋ, lãwnɩ a kʋ̃ɔ-bɛrɛ nɩ bom za na damnɛ a pʋɔ a!

Ɩzayi 1:27

A Sɩyɔ̃ tẽw wa ɩrɛ a lɛ-na-tu-sɔr-a, ʋ na nyɛ̃ nɩ a faafʋ, ɛ́ a mɩnʋ pùor tub'a na faa a ʋ nɩbɛ na na lɩɛbɩ a bɛ ɩb a.

Ɩzayi 4:2

A ʋlɩ bibir nɛ a, a ʋlɩ bom nɛ a Sore na na ɩ ʋ bul a, na ɩ n a ƴãwfʋ nɩ a yúor-vɩɛlʋ-danʋ. Ɛ́ a ʋlɩ bom nɛ a tẽw na na tɩr a, ɩ a Ɩsɩrayɛl nɩbɛ na cɛ a nyʋ̀ʋ́r nɩ a bɛ yúor.

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ɩzayi 60:21

A fʋ nɩbɛ za na ɩ n nɩ-mɩn, bɛ na so nɩ a tẽw ŋa kʋralɛ. Ɩ̃ ír bɛ na nɩ a ɩ̃ nuru kɛ́ bɛ wule a ɩ̃ yúor-vɩɛlʋ-danʋ. Bɛ ɩ na mɛ̃ tɩɩr mãa mɩŋa na sɛl a.

Ɩzayi 65:9

Ɩ̃ na kʋ̀ n bʋʋrɛ a Zakɔb nɩbɛ, a Zuda dɔwlʋ nɩbɛ. Bɛ na so nɩ a ɩ̃ tan. A bɛlɩ dem ɩ̃ na kaa ír a na so a na, a bɛlɩ dem na tone a ɩ̃ tome a na kpɩɛr'ɩ a be.

Zeremi 31:23

À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: «Mãa wa lɛb maalɩ a Zuda tẽw nɩ a ʋ tẽ-bɛrɛ ƴãw a lɛn daar a, a nɩbɛ na lɛb'a yere a ƴɛ̀r-bie á ŋá: “A Sore, ʋ maalɩ fʋ, Sɩyɔ̃ tãli-sõw i, fʋ na ɩ zie a faafʋ na kpɩɛr a!”

Zeremi 44:14

A Zuda tẽw nɩbɛ bɛl na cɛ, ɛ́ zɔ wa kpɩɛr a naayir a Eziptɩ tẽw ka a, nɩr kʋ̃ tʋ̃ɔ́ zɔ a bɛ pʋɔ ɩ, nɩr bɛ cɩ̃ɛnɛ ɩ, nɩr bɛ lɛb waar a Zuda tẽw bɛ na bɔbr kɛ́ bɛ lɛb wa kpɩɛr a ɩ. Bɛ bɛ lɛbr waar ɛ, alɛ bɛ ɩ nɩbɛ blãlɛ tɛwr nãà wa cɩ̃ɛ a ɩ.”»

Zeremi 44:28

Nɩbɛ blãlɛ tɛwr'a na tʋ̃ɔ́ cɩ̃ɛ a zɛbr pʋɔ, ɛ́ bɛ na yi n a Eziptɩ lɛb wa a Zuda tẽw. A lɛ pʋɔ a, a nɩbɛ bɛl na cɛ yi a Zuda tẽw wa wa kpɩɛr a Eziptɩ tẽw a, na bãw nɩ sob nɛ ƴɛ̀rʋ na tu a: a mãa dem'a bɩɩ a nyɩɩm dem'a a.

Zeremi 46:28

Fʋ̃ʋ Ɩsɩrayɛl, ɩ̃ tõ-tõ-bie e, ta zɔrɛ dɛ̃bɩ̃ɛ ɩ, ɩ̃ lãw nɩ fʋ na k'ɩ̃ɩ tʋ̃ɔ́ faa fʋ, a Sore n'ʋ yel. Ɩ̃ na kʋ n a nɩ-bʋʋr-yoru bɛl pʋɔ ɩ̃ na diw fʋ cen nɩ a, pàw pɛr. Ɛcɛ, fʋ̃ʋ a, ɩ̃ kʋ̃ kʋ fʋ pàw pɛr ɛ. Sɩza n'a, ɩ̃ kpãa fʋ na mɛ̃ a lɛ a na sɛw a. Bʋ̃ʋ n'ʋ vɛ̃, ɩ̃ k'ʋʋ tʋ̃ɔ́ ɩrɛ a fʋ zie mɛ̃ fʋ bɛ tɛr sãwna a ɩ!»

Ezekɩɛl 36:12

Ɩsɩrayɛl nɩbɛ, ɩ̃ nɩ-bʋʋrɛ ɛ, ɩ̃ na ɩ na nyɩ cere a ziir za a tẽw pʋɔ. Nyɩ na so ʋ na, ʋ na ɩ n a nyɩ sób, ʋʋ kʋ̃ lɛb kʋ a nyɩ bibiir towtow ɛ.

Ezekɩɛl 7:16

A bɛl na na cãà vʋʋrɛ a na zɔ na kpɛ a tan pʋɔ. Bɛ na kone nɩ a bɛ yel-bebe ƴãw mɛ̃ naŋmamɛ na kone nɩbaal-kon a.

Zowɛl 3:5

Lɛ n'a nɩr za na bʋɔlɛ a Sore yúor a na nyɛ̃ a faafʋ. Mɛ̃ a lɛ a Sore na yel a: a Sɩyɔ̃ tãw zu, a Zerizalɛm a, nɩbɛ bɛ mɩnɛ na cɩ̃ɛ na, a na ɩ n a bɛlɩ dem a Sore na bʋɔlɛ a nyɔ-vʋʋrʋ ƴãw a.

Amɔsɩ 9:8

A Sore ɩ̃ Naaŋmɩn mimir be n a naalʋ-tẽw ʋl na sãw a ƴãw. Ɛ́ à ŋá n'a a Sore yere: «Ɩ̃ na kʋ n a naalʋ-tẽw ʋl nɩbɛ pàw pɛr a tẽw zu. Ɛcɛ ɩ̃ kʋ̃ kʋ a Zakɔb yir nɩbɛ za pàw pɛr ɛ.

Zakari 8:12

Ɩ̃ na ƴãw nɩ ƴã-ɓaarʋ a tẽw zu: a divɛ̃ tɩɩr na mɩ́ wɔ̃ na, a tẽsɔw bʋ̃-kʋ́ɔrɩ na mɩ́ maal'a, sa-bɛrɛ na yi n a salom zu lo. Ɩ̃ na kʋ̀ n a maalʋ á ŋá za, a ɩ̃ nɩ-bʋʋrɛ nɩbɛ bɛl na cɛ a.

Zakari 8:3

Alɛ n'a so, mãa n'ʋ yere: ɩ̃ lɛbr'a waar a Zerizalɛm, ɩ̃ lɛb'a kpɩɛr a Sɩyɔ̃ tẽw. Bɛ na bʋɔlɛ nɩ a Zerizalɛm kɛ́ “Tẽ-kpɛ̃ɛ na bɛ lɛb pùor a”, ɛ́ a Sɩyɔ̃ tãw ɩ̃ na so a, yúor na dɩ na kɛ́ “Tãw-sõw”.

Yel-wula 21:27

Ɛcɛ, dɛwr za bɛ kpɩɛr a tẽw pʋɔ ɩ, nɩr za na ɩrɛ ɩ-faar na bɛ maal'ɩ wob a, ɛ́ ŋmarɛ ziri a mɩ̀ bɛ kpɩɛr a ʋ pʋɔ ɩ. Bɛlɩ dem a yée na sɛb ƴãw a Pele nyɔ-vʋʋrʋ sɛbɛ pʋɔ a, bɛl tɛwr nɛbɛ na kpɛ a ʋ pʋɔ.