Abɩdɩasɩ 1:16 - A SƐB-SÕW

¹⁶ «A nyɩɩm Ɩsɩrayɛl nɩbɛ, nyɩ nyũ n a ɩ̃ suur koli-nyúura a ɩ̃ tã-sõw zu. Lɛ n'a a nɩ-bʋʋr-yoru na nyuur ʋ kʋralɛ, bɛ na nyũ ʋ na tɩ kuoli, al pùorí, bɛ na ɩ na mɛ̃ bɛ bɛ tɩ dãw be a.

Abɩdɩasɩ 1:16 ပူးပေါင်းရင်းမြစ်များ

Ɩzayi 42:14

A Sore yere na: Koro za n'a ɩ̃ ɩ a gbili, ɩ̃ bɛ tɩ ƴɛ̀rɛ ƴɛ̀rʋ ɛ, ɩ̃ tɩ nyɔw nɩ ɩ̃ tʋɔra. Ƴɛrɛŋa a, ɩ̃ na cɩɩrɛ na. Ɩ̃ kone na, ɩ̃ vʋʋrɛ na guur, ɩ̃ vʋʋrɛ na zarɛ mɛ̃ pɔw a dɔwfʋ na ta a.

Zeremi 49:12

Nyɛ̃ a lɛ a Sore na yere a: «Nyɩ bɛrɛ wone: A bɛlɩ dem a na bɛ tɩ tɛr sɔ́r kɛ́ bɛ nyũ a ɩ̃ suur koli-nyúura a, a fɛr'a kɛ́ bɛ cãà nyũ ʋ. Ɛ́ a fʋ̃ʋ, Edɔm tẽw, bɛ na bɛr fʋ ʋ? Aɩ, bɛ kʋ̃ bɛr fʋ ɛ: fʋ na nyũ ʋ na, bʋnʋ bɛ ka be ɩ!

A Lãw-mʋɔlɛ 4:21

Edɔm tẽw dem i, nyɩ na tʋ̃ɔ́ na cɩlɛ ƴawr'ɩ, nyɩɩm na kpɩɛr a Usɩ tẽw a! Ɛcɛ, a Naaŋmɩn suur koli-nyúura mɩ̀ na ta nyɩ na, nyɩ na nyũ ʋ na tɩ kuoli, yaarɩ a bʋ̃-suuri bɛr ɛ́ cɛ ƴã-gã-kpãkpole.

Habakukɩ 1:9

Bɛ waar'ɩ bɛ za a po-to-fãw-ɩb ƴãw, a bɛ niŋe tori nɩ nidaa, bɛ nyɔwr'ɩ a nɩ-pàwrɩ ɓanɛ taa, bɛ́ yãwmɛ mɛ̃ biire a.

1 Pɩɛr 4:17

Sɩza n'a, a ƴɛ̀rʋ-maalʋ na tine a daar ta na. Ɛ́ a Naaŋmɩn nɩ-bʋʋrɛ nɛbɛ bɛ de niwn maal'ɩ a ƴɛ̀rʋ. Ɛcɛ alɛ wa tine a tɩ zie a, ŋmɩŋmɩn n'a a baarʋ daar a na ŋmɛ̃ a bɛlɩ dem na zawrɩ na sàw de a Naaŋmɩn Yel-nʋ̃ɔ̀ a zie?