Abɩdɩasɩ 1:10 - A SƐB-SÕW

¹⁰ «A Zakɔb bʋʋrɛ na ɩ a nyɩ yɛbr a, nyɩ fa n a bɛ bome ɛ́ kʋ bɛ. A na ɩ à ŋá a, vĩ nyɔw nyɩ na, ɛ́ bɛ na kʋ nyɩ na pàw pɛr a nʋɔr kʋ.

Abɩdɩasɩ 1:10 ပူးပေါင်းရင်းမြစ်များ

Yele-za-pɛr-tib 27:11

A Zakɔb tɩ sɔw nɩ a ʋ mã: «A ɩ̃ yɛb Ezawu tɛr'ɩ kɔblʋ, ɛ́ mãa bɛ tɛr kɔblʋ ɛ.

Yele-za-pɛr-tib 27:41

A Ezawu tɩ hɩ̃ɛn nɩ a Zakɔb a bɛ sãà nɔ-vla ʋ na tɩ páw a ƴãw. A Ezawu tɩ tɩɛr'ɩ ʋ pʋɔ: «A ɩ̃ sãà kʋ̃ yaa kɛ́ kpi ɛ, a lɛn daar a, ɩ̃ na kʋ n a ɩ̃ yɛb Zakɔb.»

2 Bibie za yel-manɩ 28:17

Bʋ̃ʋ n'ʋ vɛ̃, a Edɔm tẽw nɩbɛ tɩ lɛb'a wa wa zɛb tʋ̃ɔ́ a Zuda naalʋ-tẽw, ɛ́ nyɔw nɩ-pàwrɩ.

Sɛb-sõw yielu 109:29

A nɩbɛ na yere k'ɩ̃ɩ sãw na a, a bɛ yúor, ʋ́ sãw, a vĩ, ʋ́ pili pàw bɛ mɛ̃ kparʋ a!

Sɛb-sõw yielu 132:18

Ɩ̃ na ƴãw nɩ a ʋ dɔ̃ dem vĩ, ɛcɛ, a naalʋ-kpawʋɔ na nyɩwrɛ nɩ a ʋ zũú.»

Sɛb-sõw yielu 137:7

Sore e, taa yiire a lɛ a Edɔm tẽw dem na tɩ ɩ a Zerizalɛm loba bibir a ɩ: bɛ tɩ cɩɩrɛ na yere: «Nyɩ da ʋ lɔb, nyɩ da ʋ lɔb tɩ tɔ a dacĩ-pɛ́ɛ!»

Sɛb-sõw yielu 69:7

Sore, Naaŋmɩn-kpɛnʋ-za-sob i, a bɛlɩ dem na ƴãw a bɛ tɩɛrʋ a fʋ ƴãw a, ɩ̃ bɛ bɔbr kɛ́ bɛ nyɛ̃ vĩ a mãa ƴãw ɛ. Ɩsɩrayɛl Naaŋmɩn i, ta sàw a nɩbɛ na bɔbr fʋ a nyɛ̃ zʋmɛ a mãa ƴãw ɛ.

Sɛb-sõw yielu 89:45

Fʋ ɩ na a ʋ vɩɛlʋ baarɩ, ɛ́ dáa a ʋ naalʋ-dà-kɔw lɔb.

Zʋkpaɩ 10:6

A nɩ-mɩŋa mɩ́ nyɛrɛ nɩ maalʋ. Ɛcɛ po-to-fãw-ɩb'a mɩ́ sɔwlɩ a nɩ-faar ƴɛ̀rʋ pʋɔ.

Zʋkpaɩ 17:5

Nɩr na ɩrɛ nã́w sob laar a tʋʋr'ɩ a ʋ Íre. Nɩr na laar a ʋ tɔ kpɩɛrʋ a na nyɛ̃ nɩ dɔwrʋ.

Zeremi 12:14

À ŋá n'a a Sore yere cáarɛ nɩ a ɩ̃ nɩ-bʋʋrɛ kpɛ-pɩɛl dem na kpɛ faa a: «Bɛ tɔ n a bom ɩ̃ na so a, a zie ɩ̃ na kʋ̀ a ɩ̃ nɩ-bʋʋrɛ Ɩsɩrayɛl a. Ɩ̃ na ír bɛ nɩ a bɛ tẽsɔw zu, ɛcɛ ɩ̃ mɩ̀ na ír'ɩ a Zuda tẽw nɩbɛ a bɛ sɔgɔ.

Zeremi 3:25

Tɩ gã nɩ a tɩ vĩ, tɩ sàw a tɩ yúor na sãw a. Bʋ̃ʋ n'ʋ vɛ̃, tɩɩm nɩ a tɩ sãàkʋm-kore mɩnɛ maal'ɩ yel-bier sãw nɩ a Sore tɩ Naaŋmɩn, a tɩ pɔ̀lʋ daarɩ́ za wa tɔ a dɩ̃a. Tɩ bɛ bɛr wõ a lɛ a Sore tɩ Naaŋmɩn na tɩ yere kʋ̀rɛ tɩ a ɩ.»

Zeremi 49:13

Mãa mɩŋa n'ʋ ɩ̃ pɔrɛ nɩ, a fʋ tẽ-kpɛ̃ɛ, Bɔsɩra, na lɩɛb'ɩ zi-faa faa, deboru. Bɛlɛ wa ŋmɩɛr ƴãwn, bɩɩ bɛlɛ wa bɔbr kɛ́ bɛ ƴãw nɩr vĩ a, ʋlɛ n'ʋ bɛ na mɩ́ de man nɩ. A tẽ-bɛrɛ za na lɩɛb'ɩ deboru gã kʋralɛ.» À à ŋá n'a a Sore yel.

Zeremi 51:51

«Nʋ̃ɔ̀ bɛ mɩ́ tɩ ɩrɛ tɩ a zʋmɛ tɩ na mɩ́ tɩ wone a ƴãw ɛ. Vĩ tɩ nyɔw tɩ na a lɛn daar a nɩ-sãanbɛ na tɩ kpɛ a Sore zi-sõw pʋɔ a.»

A Lãw-mʋɔlɛ 4:21

Edɔm tẽw dem i, nyɩ na tʋ̃ɔ́ na cɩlɛ ƴawr'ɩ, nyɩɩm na kpɩɛr a Usɩ tẽw a! Ɛcɛ, a Naaŋmɩn suur koli-nyúura mɩ̀ na ta nyɩ na, nyɩ na nyũ ʋ na tɩ kuoli, yaarɩ a bʋ̃-suuri bɛr ɛ́ cɛ ƴã-gã-kpãkpole.

A Lãw-mʋɔlɛ 4:22

Sɩyɔ̃ tẽ-kpɛ̃ɛ ɛ, a fʋ dɔwrʋ pãa baar'a. Bɛ bɛ lɛb diwr fʋ cere nɩ zie ɩ. Ɛcɛ a fʋ̃ʋ Edɔm, a Sore na dɔwrɩ fʋ nɩ a fʋ sãwna zũú, ʋ na ɩ n a fʋ yel-bebe a yi cãamɩ́.

Ezekɩɛl 35:9

Ɩ̃ na ɩ na a fʋ tẽw lɩɛbɩ wɛja-kpalɛ kʋralɛ, nɩbɛ kʋ̃ cãà kpɩɛr a fʋ tẽ-bɛrɛ pʋɔ ɩ. Lɛ n'a fʋ na baw kɛ́ mãa n'ɩ a Sore.

Ezekɩɛl 7:18

Bɛ na su n vʋɔrɩ kparɩ, ɛ́ màwr dɛ̃bɩ̃-mawfʋ. A bɛ niŋe na ɩ n vĩ tɛwr, bɛ na fɔr'ɩ a zuru za.

Amɔsɩ 1:11

À ŋá n'a a Sore yere: «A Edɔm tẽw dem na gaarɩ a ɩ̃ zu gb'a ayi gb'a ata a, alɛ so ɩ̃ kʋ̃ lɩɛbɩ a dɔwrʋ ɩ̃ na yel k'ɩ̃ɩ na ƴãw bɛ na a bɛr ɛ: bɛ na vʋ̃ɔ zɛbr-sɔ-kpɛ̃ɛ diwr'ɩ a Ɩsɩrayɛl nɩbɛ na ɩ a bɛ yɛbr, ɛ́ bɛ sàw nɩbaalʋ kãw kpɛ bɛ a bɛ ƴãw a. A bɛ suur nɩ a bɛ pʋ-bier na bɛ tɛr baarʋ daar a zũú,

Mise 7:10

A tɩ dɔ̃ dem wa nyɛ̃ à ŋá a, vĩ na kpɛ bɛ na bɛ dɩ vuo ɩ, bɛl na mɩ́ tɩ sowre tɩ à ŋá a: «Bʋ̃ʋ n'ʋ a Sore nyɩ Naaŋmɩn ɩrɛ mɔ̃?» A bɛ dɔ̃ dem na nɛb'ɩ bɛ nɩ gbɛ́ɛ, mɛ̃ sɔ́r zu mɛ̃mɛrɛ a, ɛ́ tɩ na jɩ́r bɛ na wõ nʋ̃ɔ̀!

Wulu-ayi-sob 23:7

Lɛn daar za nyɩ na na cãà vʋʋrɛ a, nyɩ taa bɔbr a nɩ-bʋʋrɛ bɛ ŋa ayi tɛra nɩ a bɛ vla towtow ɛ.

Wulu-ayi-sob 23:8

Nyɩ kʋ̃ de a Edɔm tẽw nɩbɛ bʋɔlɛ nɩ-faar ɛ, nyɩ yɛbr nɛbɛ. Nyɩ mɩ̀ kʋ̃ de a Eziptɩ tẽw dem bʋɔlɛ nɩ-faar ɛ, bʋ̃ʋ n'ʋ vɛ̃, nyɩ tɩ ɩ n nʋʋrɩ a bɛ tẽw.