2 Timote 4:8 - A SƐB-SÕW

⁸ Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

2 Timote 4:8 ပူးပေါင်းရင်းမြစ်များ

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

Sɛb-sõw yielu 31:19

A zir-ŋmarbɛ bɛ ŋa, na mɩ́ ƴɛ̀rɛ nyɔka-ƴɛ̀rʋ nɩ pɔ̀l-ƴɛ̀rʋ a, na mɩ́ ɩrɛ a nɩ-mɩŋa laar a, pàw bɛ a nɛ́ɛ.

Sɛb-sõw yielu 7:11

A Naaŋmɩn n'ɩ a ɩ̃ zɛbr-kur-pãgala na piw mɛ̃ a, a soci-dẽdẽ dem faarɛ.

Zʋkpaɩ 4:9

A fʋ zie a, ʋ na ɩ na mɛ̃ pɩ̃ɛmɛ na vɩɛl vɩɛl a, mɛ̃ nãà-kpawɔ-yúor a.»

Malasɩ 3:17

Al pùorí, a Sore kpɛnʋ-za-sob tɩ yel: «A bibir ʋl ɩ̃ na cɔbrɛ a vɩɛfʋ daar a, bɛ na ɩ n a ɩ̃ nɩ-sori, a ɩ̃ nɩ-bʋʋrɛ ɩ̃ na so a. Ɩ̃ na zɔ n bɛ nɩbaalʋ, mɛ̃ sãà na zɔrɛ a ʋ bie, na tone a ʋ tome a, nɩbaalʋ a.

Matie 24:36

«Ɛcɛ nɩr za bɛ bãw a ʋlɩ bibir nɩ a ʋlɩ tɛm nɛ a yele á ŋá za na na ta a ɩ: a salom zu malkɩ mɩnɛ tɛɛ za bɛ bãw ɛ, a Naaŋmɩn Bie tɔr za bɛ bãw ɛ, nɩsaal za bɛ bãw ɛ, ʋ bɛ ɩ a Naaŋmɩn Sãà yõ ɩ.

Matie 7:22

A ƴɛ̀rʋ-maalʋ bibir a, nɩ-yaga na yere nɩ a ɩ̃ zie: “Sore e, a fʋ yúor ƴãw bɛ tʋ̃ɔ́ n'a tɩ tɩ ƴɛ̀r naaŋmɩn-ƴɛ̀r-manbɛ ƴɛ̀rʋ ɛ? A fʋ yúor ƴãw bɛ tʋ̃ɔ́ n'a tɩ tɩ diw kɔ̃tɔmɛ ɩ? A fʋ yúor ƴãw bɛ tʋ̃ɔ́ n'a tɩ tɩ maalɩ nɔ-ɓãa-yele yaga ɩ?”

Luka 10:12

Mãa n'ʋ yere kʋ̀rɛ nyɩ, a ƴɛ̀rʋ-maalʋ bibir wa vɩɛ a, a Sodɔm tẽw dem dɔwrʋ na siwr'a gãw a tẽw nɛ dem.»

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Ʋrɔm 8:23

Ɛcɛ al tɛwr bɛ n'a ɩ: a tɩɩm tɛɛ za na páw a Naaŋmɩn maal-dãw na ɩ a Vʋʋrʋ Sõw a, tɩ mɩ̀ waalɛ na kone gùre nɩ k'aa Naaŋmɩn wa de tɩ, tɩ lɩɛbɩ a ʋ bibiir, ʋʋ faa tɩ tɩ ɓɩɩlɩ.

1 Korɛ̃tɩ 2:9

Ɛcɛ, mɛ̃ a lɛ bɛ na sɛb a: «Bom nɛ mimir na bɛ nyɛ̃ a, bom nɛ tobr na bɛ wõ a, bom nɛ a tɩɛrʋ na bɛ tɔ a nɩsaal a, ʋlɛ n'ʋ a Naaŋmɩn cɔbrɩ a bɛlɩ dem na nɔnɛ ʋ a ƴãw.»

1 Korɛ̃tɩ 3:13

ŋa za tome nãà sãá nɩ cãàmɩlɛ. A ƴɛ̀rʋ-maalʋ bibir na ɩ na bɛ bãw à ŋà za tome, vũu na n'a mɩ́ ɩ a bibir ŋa ʋ sãá a ƴãw, ɛ́ a vũu na ɩ n ŋa za tome kaa, bãw a ŋmɛ̃a.

1 Korɛ̃tɩ 9:25

A dɩ̃ɛ-dɩ̃ɛnbɛ za mɩ́ ƴãw nɩ a bɛ ƴã-gan dɔwrʋ yaga, dɛpaal-kpawʋɔ na mɩ́ wɛ a ƴãw n'a bɛ mɩ́ ɩrɛ a lɛ, ɛcɛ tɩɩm a, dɛpaal-kpawʋɔ na bɛ tɛr nãà wɛ a ƴãw n'a.

2 Korɛ̃tɩ 5:2

Ɛ́ tɩ kone na bɔbr'ɩ tuotuo kɛ́ tɩ ta a tẽ-vla pʋɔ kpɛb zie, a ɩ mɛ̃ kparʋ tɩ na su dɔwlɩ a tẽw zu ka kpɛb zie zu a.

Filib 3:11

kɛ̀ alɛ wa tʋ̃ɔ́ a, mãa mɩ̀ lɛb yi a kũu pʋɔ.

Kɔlɔsɩ 1:5

ɛ́ a ɩ nyɩ na tɩɛrɛ a ʋlɩ bom nɛ na gùre nyɩ a tẽ-vla pʋɔ a ƴãw n'a a. A Yel-nʋ̃ɔ̀ na ɩ yel-mɩŋa ƴɛ̀rʋ a, ʋl na lʋɔrɩ wa ta nyɩ a, ʋl pʋɔ n'a nyɩ páw a tɩɛrʋ ŋa.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

1 Tesalonikɩ 5:4

Ɛcɛ nyɩɩm a, yɛbr i, nyɩ bɛ be lige pʋɔ a bibir ŋa nãà wa ùr nyɩ mɛ̃ nyãnyuge a ɩ.

2 Tesalonikɩ 2:8

Lɛ n'a a Faalʋ nɩr na sãá, a Sore Yeezu pɛbl'ʋ kʋ, ɛ́ ɩ ʋ bɔr nɩ a ʋ waa cãà.

1 Timote 6:19

Lɛ n'a bɛ na páw na-bʋ̃-vɩɛlɩ na kʋ̃ sãw a gbõ taa, a bɛl mɩŋa ƴãw a nɩdaar ƴãw, kɛ́ bɛ wa tʋ̃ɔ́ páw a nyɔ-vʋʋrʋ tɔr za.

2 Timote 1:10

Ƴɛrɛŋa a, a maalʋ ŋa pãa sãá na, a tɩ Faarɛ Kɩrɩta Yeezu na wul ʋ tʋɔra a zũú. Ʋlɛ n'ʋ ɩ a kũu kpɛnʋ baarɩ, ɛ́ ɩ a nyɔ-vʋʋrʋ na bɛ tɛr kũu a, ʋ sãá a Yel-nʋ̃ɔ̀ manʋ pʋɔ.

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

2 Timote 1:18

A Sore, ʋ ɩ ʋ páw su-ɓaarʋ a Naaŋmɩn zie a ƴɛ̀rʋ-maalʋ bibir. Ɛ́ a tome al za ʋ na tõ kʋ̀ m a Efɛɛzɩ tẽw a, fʋ bãw a nɩ vla zuo nɩr za.

2 Timote 2:5

Ɛ́ lɛ mɩ̀ n'a a dɩ̃ɛnʋ mɔb pʋɔ. A sob nɛ na mʋɔr a mɩ́ páw nɩ a mɔ̃-tʋ̃ɔ́fʋ bom, ʋlɛ wa mɔ̃ mɛ̃ a lɛ a nɛ́ɛ na bin a.

2 Timote 4:1

Ɩ̃ zɛlɛ na kpaalɛ nɩ fʋ, a Naaŋmɩn niŋé nɩ a Kɩrɩta Yeezu niŋé, ʋl na na lɛb wa wa maal'ɩ a nɩ-vʋʋrɩ nɩ a nɩ-kũuni ƴɛ̀rʋ a, a ʋ lɛb-waa nɩ a ʋ naalʋ zũú,

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

Ebre 12:11

Kpãàfʋ za a ʋlɩ pɛr nɛ pʋɔ bɛ mɩ́ sãá ɩ nʋ̃ɔ̀ yel ɛ, pʋ-sãwna mɩ́ n'a. Ɛcɛ a pùorí a, a mɩ́ ɩ n ƴã-ɓaarʋ nɩ mɩnʋ a bɛlɩ dem na nyɛ̃ a kpãàfʋ a zie.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

1 Pɩɛr 1:4

Ʋ ɩ na tɩ lɛb dɔw na páw a gbã-dɩ-bom ʋl na kʋ̃ pʋ̃ɔ a, na bɛ tɛr dɛwr ɛ́ a vɩɛlʋ mɩ̀ bɛ tɛr nãà siwri a. A gbã-dɩ-bom ŋa gùre nyɩ nɩ a tẽ-vla pʋɔ,

1 Pɩɛr 5:4

A Pi-cɩ̃ɩn-kara wa sãá a lɛn daar a, nyɩ na páw nɩ a yúor-vɩɛlʋ-danʋ dɛpaal-kpawʋɔ na bɛ tɛr sãwfʋ a.

Yel-wula 1:7

Nyɛ̃, ʋ be n a zũzuge pʋɔ waar, nɩsaal za na nyɛ̃ ʋ na, lãwnɩ a bɛlɩ dem na cɔ̀r ʋ col a. A tẽw zu yie dɔwlʋ za na kone nɩ a ʋ kuor. Sɩza n'a. Amɛn.

Yel-wula 19:11

Al pùorí, ɩ̃ tɩ nyɛ̃ nɩ a salom ʋ yuo, ɛ́ wur-pla sãá. A ʋ zɔmnɛ dɩ na kɛ́ Pùor-bɛ-lɛbrɛ nɩ Mɩŋa sob. Ʋ maalɛ nɩ a ƴɛ̀rʋ ɛ́ zɛbr a zɛbr nɩ mɩnʋ.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Yel-wula 22:20

A sob nɛ na dɩrɛ a yele á ŋá dãsɩɛ a yere na: «Ʋ̃ʋ, ɩ̃ kʋ̃ yaa kɛ́ wa ɩ!» Amɛn! Sore Yeezu u, wa!

Yel-wula 4:10

a nɩ-kore lɩzɛr'ɩ anaar mɩ́ gbĩ n dume a sob nɛ na zɩ̃ a naalʋ-dà-kɔw zu a niŋé, bɛ mɩ́ puor'ɩ a sob nɛ na vʋʋrɛ kʋralɛ a, nɩ bɛ tʋɔra-siwru. Bɛ mɩ́ lɔb'ɩ a bɛ nãà-kpawʋʋr bin a naalʋ-dà-kɔw niŋé ɛ́ yere:

Yel-wula 4:4

Naalʋ dà-kɔwr lɩzɛr'ɩ anaar tɩ viir'a koli a naalʋ-dà-kɔw, ɛ́ nɩ-kore lɩzɛr'ɩ anaar na su kpar-pɛlɛ ɛ́ vɔblɩ nãà-kpawʋʋr na ɩ salm-zɩɛ a tɩ zɩ̃ a dà-kɔwr al zu.