2 Timote 4:5 - A SƐB-SÕW

⁵ Ɛcɛ a fʋ̃ʋ a, nyɔw fʋ tʋɔra a yele za pʋɔ, sàw de a tuo, tone a Yel-nʋ̃ɔ̀ hieru tome, tone a fʋ Naaŋmɩn tõ-tõ-bie tome za vla.

2 Timote 4:5 ပူးပေါင်းရင်းမြစ်များ

Ɩzayi 62:6

Zerizalɛm i, a fʋ dacĩ-bɛrɛ zu a, ɩ̃ ƴãw nɩ zi-gùrbɛ. Bɛ bɛ be za na ɩ gbili a mʋ̃tɔ̃w nɩ a tɩ̃ɩsɔw ɛ. «Nyɩɩm na lɛb sɩ̃wnɛ a Sore tɩɛrʋ a Zerizalɛm ƴãw a, pɩ̃ɛnʋ bɛ ka a nyɩ zie ɩ!

Zeremi 6:17

Ɩ̃ ƴãw nɩ zi-gùrbɛ kɛ́ bɛ tʋ̃ɔ́ mɩ́ yel à ŋá kʋ̀ bɛ: Nyɩmɛ wa wõ a ɩɩl a, nyɩɩm cɛlɛ be! Ɛcɛ bɛ yel'a: “Tɩ kʋ̃ cɛlɛ be ɩ.”

Ezekɩɛl 3:17

«Fʋ ɩ n nɩsaal tɛwr, ɛcɛ ɩ̃ ƴãw na fʋ ɩ zi-piwre a Ɩsɩrayɛl nɩbɛ ƴãw. Fʋ na bɛrɛ na wone a ɩ̃ ƴɛ̀rʋ, ɛ́ yere a yelu ɩ̃ na yere a Ɩsɩrayɛl nɩbɛ a kʋ̀rɛ bɛ.

Ezekɩɛl 33:2

«A fʋ̃ʋ nɩsaal bie, lɛb kpaalɩ a Ɩsɩrayɛl nɩbɛ bom nɛ na mɩ́ ɩ, mãa wa ɩ zɛbr lo tẽw kãw pʋɔ a. A bɛlɩ dem na kpɩɛr a tẽw nɛ pʋɔ a mɩ́ kaa na ír nɩr a bɛ pʋɔ, ʋ ɩ a bɛ zi-piwre.

Ezekɩɛl 33:7

Ɛcɛ a fʋ̃ʋ nɩsaal bie, fʋ̃ʋ n'ʋ ɩ̃ ƴãw fʋ ɩ a Ɩsɩrayɛl nɩ-bʋʋrɛ zi-piwre. Fʋ na bɛrɛ na wone a ɩ̃ ƴɛ̀rʋ, ɛ́ fʋ na kpaalɛ nɩ a Ɩsɩrayɛl nɩbɛ a ɩ̃ yúor ƴãw.

Matie 25:16

Daadaalɛ, a tõ-tõ-bie ʋl na tɩ páw a salm-zɩɛ libie kɔbr anũu (500) a, tɩ cen na tɩ tõ n, páw kɔbr anũu (500) dɔwlɩ.

Markɩ 13:34

A na ŋmɛ̃ na mɛ̃ nɩr na yire yɔb a: ʋ yi na ɛ́ de a yir kʋ̀ a ʋ tõ-tõ-biir, ɛ́ wul a bɛ za been been a bɛ tome, ɛ́ ƴãw nʋɔr kʋ̀ a dɩ̃dɔ-gùre k'ʋʋ bɛr gʋ̃ɔ.

Markɩ 13:37

À á ŋá ɩ̃ na yere kʋ̀rɛ nyɩ a, ɩ̃ yere na kʋ̀rɛ a nɩbɛ za: nyɩ bɛr gʋ̃ɔ!»

Luka 12:37

Zu-nʋ̃ɔ̀ dem'ɩ a tõ-tõ-biir bɛl, a bɛ zu-sob nãà wa ta nyɛ̃ bɛ bɛr gʋ̃ɔ ɛ́ zɩ̃ gùre ʋ a! Sɩza n'a ɩ̃ yere kʋ̀rɛ nyɩ: ʋl mɩŋa na su n a ʋ tõ-tõ-kparɩ, ɛ́ ƴãw bɛ zɩ̃, ʋ kʋ̀ bɛ a bʋ̃-dɩrɩ.

Nɩ-toni 21:8

A bio daarɩ́, tɩ tɩ duw na tɩ ta Sezaare, cen tɩ kpɩɛr Yel-nʋ̃ɔ̀ hiere Filib yir. A Filib tɩ ɩ n a nɩbɛ ayopõi bɛl kãw bɛ na tɩ kaa ír a Zerizalɛm a.

Ʋrɔm 15:19

nɩ yele na ɩ bãwfʋ sãá a fãw, nɩ yel bãw-guuri nɩ a Naaŋmɩn Vʋʋrʋ Sõw fãw. À ŋá n'a ɩ̃ tĩ a Zerizalɛm ɛ́ yel a Kɩrɩta Yel-nʋ̃ɔ̀ vla za gʋɔr'ɩ tɩ ta n Ɩlɩɩrɩ.

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

Efɛɛzɩ 4:12

k'ʋʋ tʋ̃ɔ́ cɔbrɩ a kɩrɩta-biir vla a bɛ tome ƴãw: a Kɩrɩta ƴã-gan mɛb ƴãw,

Kɔlɔsɩ 1:25

Ɩ̃ lɩɛb'ɩ a Lãw-yir tõ-tõ-bie, a tõ-nʋɔr a Naaŋmɩn na kʋ̀ m a nyɩ ƴãw a zũú. Ɛ́ a tõ-nʋɔr ŋa n'ɩ k'ɩ̃ɩ hieri a Naaŋmɩn ƴɛ̀rʋ ʋ za kʋ̀ nyɩ,

Kɔlɔsɩ 4:17

Nyɩ yel à ŋá kʋ̀ a Arsɩpʋ: «Kaarɛ a Sore ton fʋ na páw a zie vla, ɛ́ ƴãw fãw tone ʋ vla.»

1 Tesalonikɩ 5:6

A na ɩ à ŋá a, tɩ ta gúre mɛ̃ a bɛl na cɛ a ɩ, tɩ bɛr gʋ̃ɔ ɛ́ tɛr maal-ɩrɛ a dɩb nɩ a nyub ƴãw.

1 Timote 4:12

Nɩr za ta ɩrɛ fʋ laar fʋ na ɩ pɔlbile a ƴãw ɩ. Nɩ̃ɛ ɩ a bɛlɩ dem na sàw de a Naaŋmɩn a cɔwrɛ fʋ a fʋ ƴɛ̀rʋ pʋɔ, a fʋ cenu pʋɔ, a fʋ nɔ̃wfʋ pʋɔ, a fʋ naaŋmɩn-sàw-deb pʋɔ, a fʋ vɩɛlʋ pʋɔ.

1 Timote 4:15

Kaarɛ à á ŋá za zie nɩ fʋ pʋɔ za, ɛ́ ƴãw fãw a al ƴãw. Lɛ n'a a nɩbɛ za na nyɛ̃ a fʋ yele na vɩɛl dɔwlɛ a.

2 Timote 1:8

Lɛ so, ta zɔrɛ vĩ a tɩ Sore dãsɩɛ dɩb ƴãw ɛ. A mãa mɩ̀ na be a gaso pʋɔ a ʋ yúor ƴãw a, a ta ɩrɛ fʋ vĩ ɛ. Nɩ̃ɛ vɛ̃ kɛ́ sàw lãw nɩ mɛ̃ wone a tuo nɩ Naaŋmɩn fãw, a Yel-nʋ̃ɔ̀ ƴãw.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

2 Timote 2:3

Lãw nɩ mɛ̃ wone a tuo mɛ̃ Kɩrɩta Yeezu soja-vla a.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Ebre 13:17

Nyɩ sàwr a nyɩ niw-dierbɛ nʋɔr ɛ́ siwre nyɩ tʋɔra a bɛ zie. Bʋ̃ʋ n'ʋ vɛ̃, bɛ kaarɛ nɩ a nyɩ zie kʋralɛ, mɛ̃ Naaŋmɩn nãà wa sowri bɛ na a. Nyɩ ɩrɛ bɛ tʋ̃ɔ́ tone a bɛ tome nɩ nʋ̃ɔ̀, ɛ́ ta tone zɛbr'ɩ ɛ, a kʋ̃ wa n tɔnɛ za a nyɩ zie ɩ.

1 Pɩɛr 1:13

Lɛ so, nyɩ cɔbrɩ gù a tome, nyɩ mɩ́ nyɔw nyɩ tʋɔra a dɩb nɩ a nyub ƴãw, ɛ́ de a nyɩ tɩɛrʋ za ƴãw a maalʋ ʋl ƴãw bɛ na na kʋ̀ nyɩ, a lɛn daar a Yeezu Kɩrɩta nãà wa lɛb wul ʋ tʋɔra a.

Yel-wula 3:2

Cɛlɛ be, ɛ́ a yele al na cɛ ɛ́ bɔbr kũu a, ɩ k'a lɛb kpɛmɛ. Bʋ̃ʋ n'ʋ vɛ̃, ɩ̃ bɛ nyɛ̃ a fʋ ɩ-ɩrɩ a vɩɛl a za a ɩ̃ Naaŋmɩn niŋé ɩ.