2 Timote 4:3 - A SƐB-SÕW

³ Daar kãw sɩrɩ na waar na ta, bɛ mɩnɛ kʋ̃ cãà sàwr a wul-vla ɩ, ɛcɛ mɛ̃ a lɛ bɛ na bɔbr a, bɛ na tɛr'ɩ wul-wulbɛ yaga yaga bɛ manɛ yele na nʋmɛ a bɛ tobe wob ƴãw a.

2 Timote 4:3 ပူးပေါင်းရင်းမြစ်များ

1 Na-mɩnɛ 18:22

A Eli tɩ lɛb'a yel: «Ɩ̃ cɛ nɩ ɩ̃ yõ ɩ a Sore ƴɛ̀r-manɛ, ɛ́ a Báàl ƴɛ̀r-manbɛ ɩ kɔbr anaar dɔwlɩ lɩz'a ayi nɩ pie (450).

1 Na-mɩnɛ 22:18

A Ɩsɩrayɛl tẽw nãà tɩ yel'ɩ a Zozafatɩ: «Ɩ̃ bɛ tɩ yel kʋ̀ b ɛ? A ʋ naaŋmɩn-ƴɛ̀r-manɛ ƴɛ̀rʋ a ɩ̃ zie bɛ mɩ́ ɩ vla ɩ, faa mɩ̀ n'a kʋralɛ.»

1 Na-mɩnɛ 22:8

A Ɩsɩrayɛl tẽw nãà tɩ sɔw nɩ a Zozafatɩ: «Nɩr cãà nɩ be, bɛ na na tʋ̃ɔ́ mɩ̀ páw sowri a Sore a: Yimɩla bidɛb Mise n'ʋ. Ɛcɛ ɩ̃ bɛ nɔnɛ ʋ towtow ɛ, bʋ̃ʋ n'ʋ vɛ̃, a ʋ naaŋmɩn-ƴɛ̀r-manɛ ƴɛ̀rʋ a ɩ̃ ƴãw bɛ dãw ɩ vla ɩ, faa mɩ́ n'a kʋralɛ.» A Zozafatɩ tɩ yel'ɩ a Akab: «Ta ƴɛ̀rɛ à à ŋa ɩ!»

Eziptɩ tẽw yib 32:33

A Sore tɩ sɔw na: «A bɛlɩ dem na maalɩ a yel-bier sãw mɛ̃ a, bɛl yée n'a ɩ̃ na sãw bɛr a ɩ̃ sɛbɛ pʋɔ.

Ɩzayi 28:12

Ɛcɛ ʋ nɩ̃ɛ na tɩ yel bɛ à ŋá: «A ka a, nyɩ na nyɛ̃ nɩ pɩ̃ɛnʋ. Nyɩ bɛr a sob nɛ na bàl a ʋ pɩ̃ɛnɩ. Zie na ɩ zoom a n'ɩ a zie ŋa.» Ɛcɛ bɛ bɛ sàw bɛr wõ ɩ.

Ɩzayi 30:10

Bɛ yere nɩ a naaŋmɩn-ƴɛ̀r-manbɛ zie: «Nyɩ taa nyɛrɛ bʋ̃-nyɛrɩ ɛ! Nyɩ taa yere bom na ɩ sɩza a kʋ̀rɛ tɩ ɛ! Nyɩ manɛ yele na nʋmɛ a kʋ̀rɛ tɩ. Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 27:9

A na ɩ lɛ a, a nyɩɩm, nyɩ ta bɛrɛ wone a nyɩ naaŋmɩn-ƴɛ̀r-manbɛ ɩ, a bɛlɩ dem na mɩ́ lɔb a gbã-bie bãw nɩ a nɩdaar yele a ɩ, a bɛlɩ dem na íre a zánʋ pɛ́ɛ a ɩ, a bɛlɩ dem na mɩ́ manɛ a salom ŋmɛ̃a a ɩ, nɩ a nyɩ tɩtɩlbɛ ɩ. Bɛ za yere na kʋ̀rɛ nyɩ kɛ́ nyɩ kʋ̃ lo a Babɩlɔn tẽw nãà nuru pʋɔ ɩ.

Zeremi 29:8

A Sore, a kpɛnʋ-za-sob, a Ɩsɩrayɛl Naaŋmɩn, cãà na yere à ŋá: “Nyɩ ta sàw a naaŋmɩn-ƴɛ̀r-manbɛ bɛl na be a nyɩ sɔgɔ nɩ a bɛl na mɩ́ bãwnɛ a nɩdaar yele a, bɛ̀lɛ nyɩ ɛ. Nyɩ ta cɛlɛ a bɛlɩ dem na íre a nyɩ zánʋ pɛ́ɛ kʋ̀rɛ nyɩ a zie ɩ.

Zeremi 5:31

A naaŋmɩn-ƴɛ̀r-manbɛ ƴɛ̀rɛ nɩ ŋmɩn-bɛlɛbɛlɛ yúor ƴãw, a bàwr-maalbɛ bɔbr'ɩ a bɛl yõ tɔnɛ, ɛ́ a ɩ̃ nɩbɛ nɔ̃w a lɛ. Ɛcɛ a yele baarʋ daar a, bʋ̃ʋ n'ʋ nyɩ na ɩ?»

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Luka 20:19

A Naaŋmɩn wulu sɛ-sɛbrbɛ nɩ a bàwr-maal-nɩ-bɛrɛ tɩ bɔbr'ɩ a Yeezu nyɔwfʋ a pɛr nɛ pʋɔ, ɛcɛ bɛ tɩ zɔ n a nɩbɛ dɛ̃bɩ̃ɛ. Bɛ tɩ bãwnɩ a na bɛlɛ na nɛbɛ ʋ lɔb a zʋkpar jɩɛr'ɩ a.

Luka 6:26

Baw-bio dem n'ɩ nyɩ, a lɛn daar a nɩbɛ za nãà wa mʋʋrɛ nyɩ a, à ŋá tɔr za n'a a bɛ sãàkʋm-kore tɩ ɩrɛ a naaŋmɩn-ƴɛ̀r-man-bɛlɛbɛlɛ mɩnɛ!»

Zã 8:45

A mãa a, ɩ̃ na yere a yel-mɩŋa a n'a so nyɩ bɛ sàwr dier mɛ̃ ɩ.

Nɩ-toni 17:21

A Atɛn tẽw dem za, nɩ a nɩ-sãanbɛ na kpɩɛr a Atɛn a, mɩ́ tɩ nɔnɛ nɩ a yel-paalɛ al na bɩɛrɩ yi a manʋ nɩ a bɛr-wob.

1 Korɛ̃tɩ 2:1

Yɛbr i, a mãa mɩŋa na tɩ wa a nyɩ zie a, ƴɛ̀r-bãw bɩɩ yã-bãw bɛ n'a ɩ̃ tɩ manɩ nɩ a Naaŋmɩn pʋ-tɩɛr-sɔwla kʋ̀ nyɩ ɛ.

1 Korɛ̃tɩ 2:4

A ɩ̃ ƴɛ̀rʋ nɩ a ɩ̃ Yel-nʋ̃ɔ̀ hieru bɛ tɩ tu nɩsaal yã-bãwfʋ ƴɛ̀r-bie k'ɩ̃ɩ ƴɛ̀r tʋ̃ɔ́ nɩ nyɩ ɛ, a tɩ ɩ n wulu a Vʋʋrʋ Sõw na mɩ́ tɩ wul a sãá a,

Galasi 4:16

Ƴɛrɛŋa ɩ̃ na yel a yel-mɩŋa kʋ̀ nyɩ a, ɩ̃ lɩɛb'ɩ a nyɩ dɔ̃ sob bɩɩ?

1 Timote 1:10

pɩ̃ɔ-yel-maalbɛ, dɛb-bɛrɛ na gánɛ nɩ dɛbli a, nɩbɛ na kʋɔrɛ gbãgbaar a, zir-ŋmarbɛ ƴãw n'a, nɩbɛ na mɩ́ pɔ ɛ́ bɛ ír a bɛ pɔɛ a ƴãw n'a, nɩ bom za na bɛ tu a wul-vla a.

2 Timote 1:13

Tuur a yel-mɩŋa ƴɛ̀r-bie al ɩ̃ na ƴɛ̀r kʋ̀ b a Kɩrɩta Yeezu sàw-deb nɩ a ʋ nɔ̃wfʋ pʋɔ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:18

Bɛ tɩ yere nɩ à ŋá kʋ́rɛ nyɩ: «A yele za baarʋ daar a, nɩbɛ na ɩrɛ nyɩ na laar ɛ́ tuur a bɛ ɩ-faar vʋla.»