2 Timote 3:8 - A SƐB-SÕW

⁸ Mɛ̃ a lɛ a Zanɛsɩ nɩ a Zãbɩrɛsɩ na bɛ tɩ sàw de a Moyiir ƴɛ̀rʋ a, lɛ n'a a nɩbɛ bɛ ŋa mɩ̀ bɛ sàw de a yel-mɩŋa ɩ. Yã-faar nɩbɛ nɛbɛ, a bɛ naaŋmɩn-sàw-deb bɛ tɛr bir ɛ.

2 Timote 3:8 ပူးပေါင်းရင်းမြစ်များ

Eziptɩ tẽw yib 7:11

A nãà mɩ̀ tɩ bʋɔl'ɩ a Eziptɩ yã-bãwnbɛ nɩ a tɩtɩlbɛ wa n bɛ wa ɩ a bɛ tɩtɩblʋ mɩ̀ maal'ɩ a lɛ tɔr za.

Eziptɩ tẽw yib 7:22

Ɛcɛ a Eziptɩ tɩtɩlbɛ mɩ̀ tɩ ɩ n a bɛ tɩtɩblʋ, maalɩ a ʋlɩ bʋ̃-been nɛ. Lɛ n'a a Faarawɔ̃ tɩ cãà kpãa tobr, bɛ bɛr wõ a Moyiir nɩ a Aarɔ̃ ƴɛ̀rʋ ɛ, mɛ̃ a lɛ a Sore na tɩ yel a.

Eziptɩ tẽw yib 8:18

Ɛcɛ a ʋlɩ bibir nɛ a, a na ɩ n a tʋɔra a Gosɛn vuo ƴãw, a be a ɩ̃ nɩbɛ na kpɩɛr a: bɛ kʋ̃ nyɛ̃ nakpõw been kãw za a be ɩ. À ŋá n'a fʋ na bãw k'aa mãa, a Sore, ɩ̃ be n a fʋ tẽw pʋɔ.

Eziptɩ tẽw yib 8:7

A lɔn na cen na kɛ́ bɛr fʋ, ɛ́ bɛr a fʋ yie, a fʋ tõ-tõ-nɩ-bɛrɛ nɩ a fʋ nɩbɛ. A Nɩl yõ pʋɔ n'a a na cãà be.»

Nɩ-toni 15:24

Tɩ wõ na k'aa tɩ nɩbɛ bɛ mɩnɛ, tɩ na bɛ tõ a, wa na wa ƴãw bʋnʋ a nyɩ zie, ɛ́ dam a nyɩ tɩɛrʋ nɩ a bɛ ƴɛ̀rʋ.

Ʋrɔm 1:28

Bɛ na zawrɩ na bãw a Naaŋmɩn a, ʋ bɛr bɛ na kʋ̀ a bɛ dãbolu, à ŋá n'a bɛ ɩrɛ a lɛ a na bɛ tɩ sɛw kɛ́ bɛ ɩrɛ a.

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Efɛɛzɩ 4:14

Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

1 Timote 1:19

nɩ naaŋmɩn-sàw-deb nɩ tɩɛr-vla. Bɛ mɩnɛ zawr'ɩ a bɛ tɩɛr-vla ŋa tub, a bɛ naaŋmɩn-sàw-deb tu kʋ̃ɔ.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

1 Timote 6:5

a nɔkpɛn-faa na bɛ tɛr baarʋ daar a yã-faar dem zie na bɛ bãw a yel-mɩŋa, ɛ́ tɩɛr kɛ́ a Naaŋmɩn ƴãwfʋ ɩ n tɔnɛ bɔb zie a.

2 Timote 4:15

A fʋ̃ʋ mɩ̀, gù fʋ tʋɔra a ʋ ƴãw. Ʋ bɛ sàw de a tɩ ƴɛ̀rʋ towtow ɛ.

Títɩ̀ 1:10

Bɛ-wonbɛ sɩrɩ bɛ dɩ vuo ɩ, baa zuo a za a Zifʋ mɩnɛ bɛl na lɩɛbɩ a kɩrɩta-nɩbɛ a pʋɔ. Bɛ nɔnɛ nɩ ƴɛ̀r-zawlɛ tule nɩ a nɩbɛ.

Títɩ̀ 1:16

Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

1 Zã 2:18

Ɩ̃ bibiir i, a yele za baarʋ pɩɛl'a. Nyɩ wõ na bɛ yel kɛ́ Kɩrɩta dɔ̃ sob waar'a. Ɛcɛ ƴɛrɛŋa a, Kɩrɩta dɔ̃ dem yaga be n ka. À ŋá n'a tɩ bãw k'aa yele za baarʋ daar ta na.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

Yel-wula 2:20

Ɛcɛ, yel ŋa ƴãw n'a ɩ̃ yere fʋ: fʋ bɛr'ɩ a Zezabɛl, a pɔw ŋa na yel k'ʋʋ ɩ n naaŋmɩn-ƴɛ̀r-manɛ ɛ́ tule a ɩ̃ tõ-tõ-biir, ɛ́ wule bɛ bɛ maalɛ a pɩ̃ɔ-yele ɛ́ 'wɔbr a tɩbɛ bàwr-maal-nɛnɛ a.

Yel-wula 2:6

Ɛcɛ yel-vla ŋa n'ʋ fʋ tɛr: fʋ bɛ nɔnɛ a Nɩkolayitɩ mɩnɛ tome mɛ̃ a mãa mɩ̀ na bɛ nɔnɛ a a ɩ.