2 Timote 3:3 - A SƐB-SÕW

³ Bɛ kʋ̃ tɛr nɔ̃wfʋ ɛ, ɛ́ bɛ tɛr nɩbaal-zɔba ɩ. Bɛ na ɩ n gɛgɛrɩ, ɛ́ kʋ̃ tuur nʋɔr kãw za ɩ, po-to-faar nɩbɛ na ciir yel vla a.

2 Timote 3:3 ပူးပေါင်းရင်းမြစ်များ

Yele-za-pɛr-tib 49:7

Ɩ̃ ŋmɩɛr'a ƴãwn a bɛ su-faa faa nɩ a bɛ su-yãyaar na bɛ zɔrɛ nɩbaalʋ a! Ɩ̃ na põ nɩ a bɛ bʋʋrɛ yàarɩ a Ɩsɩrayɛl tẽw pʋɔ, ɩ̃ na diw bɛ na yàarɩ a tẽw za pʋɔ.

Sɛb-sõw yielu 15:4

Ʋ bɛ ŋmɛlɛ kaar bɛlɩ dem Naaŋmɩn na bɛ de a bɛ yele a ɩ, ɛcɛ ʋ mɩ́ ƴãwnɛ nɩ a bɛlɩ dem na ƴãwnɛ a Sore a. Ʋlɛ wa pɔ, a lɛb wa fɛrɛ ʋ a, ʋ bɛ mɩ́ lɩɛbɩ a nʋɔr bɛr ɛ.

Sɛb-sõw yielu 22:6

Bɛ mɩ́ tɩ lɔbr'ɩ cɛlsɩ cɔwr fʋ, ɛ́ bɛ mɩ́ tɩ cɩ̃ɛ na. Bɛ mɩ́ tɩ ƴãw nɩ a bɛ tɩɛrʋ a fʋ ƴãw, ɛ́ bɛ bɛ mɩ́ tɩ nyɛ̃ vĩ ɛ.

Ɩzayi 53:3

A nɩbɛ za tɩ jewr'ʋ na ɛ́ zawr'ʋ bɛr. Nɩr na wone tuo a tɩ n'ʋ, nɩr na mili nɩ a 'wɔbrʋ a. Ʋ tɩ ɩ na mɛ̃ nɩr nɩr za na bɛ bɔbr k'ʋʋ jɩ́r kaa a. Tɩ tɩ jewr'ʋ na, tɩ tɩ nyɛ̃ ʋ na ʋ bɛ ɩ bom za ɩ.

Ɩzayi 60:14

A bɛlɩ dem na tɩ dɔwrɛ fʋ a na su n zuru taw pɩɛl'ɩ fʋ, a bɛlɩ dem za na tɩ ɩ b la a na lo na vɔblɩ muru a fʋ pile. Bɛ na bʋɔlɛ fʋ nɩ “A Sore tẽ-kpɛ̃ɛ”, “A Ɩsɩrayɛl Naaŋmɩn na ɩ sõw a Sɩyɔ̃”.

Matie 10:21

Yɛb na mɩ́ nyɔw nɩ a ʋ yɛb tɩr bɛ kʋ, sãà na mɩ́ nyɔw nɩ a ʋ bie tɩr, bibiir na mɩ́ ír'a àr a bɛ sãà mɩnɛ zu, ɛ́ ƴãw bɛ kʋ bɛ.

Matie 4:1

Al pùorí, a Naaŋmɩn Vʋʋrʋ tɩ tɛr'ɩ a Yeezu cen nɩ a wɛja-kpalɛ pʋɔ, k'aa Gɛgɛra tɩ bɛlɩ ʋ.

Luka 10:16

A Yeezu tɩ cãà na lɛb yel a ʋ po-tuurbɛ: «Sob nɛ na bɛrɛ wone a nyɩ ƴɛ̀rʋ a, a ɩ̃ ƴɛ̀rʋ n'a ʋ bɛrɛ wone, ɛ́ sob nɛ na zawrɩ nyɩ bɛr a, mãa n'ʋ ʋ zawrɩ bɛr. Ɛcɛ sob nɛ na zawrɩ mɛ̃ bɛr a, a sob nɛ na tõ m a n'ʋ ʋ zawrɩ bɛr.»

Luka 16:14

A Faarizɩ̃ɛ mɩnɛ na nɔnɛ a libie, ɛ́ tɩ bɛr wõ a Yeezu ƴɛ̀rʋ á ŋá za a, tɩ ɩrɛ ʋ na laar.

Zã 6:70

A Yeezu tɩ sɔw bɛ na: «Mãa bɛ n'ʋ kaa ír a nyɩɩm Pie-nɩ-ayi ɛ? Ɛcɛ a nyɩ ƴen sob ɩ n gɛgɛra.»

Ʋrɔm 1:29

Ɩ-bʋʋrɛ za na bɛ tu sɔ́r a, nɩ faalʋ, nɩ tɛra vʋla, nɩ po-tuolu nɩbɛ nɛbɛ. Bɛ ɩ n nyuur tɛwr, nɩ nɩ-kʋrbɛ, nɩ nɔhaarʋ, nɩ nyãnyu-yã, nɩ nɩ-fa-ɩb tɛwr. Bɛ mɩ́ sãwnɛ nɩ a bɛ taabɛ yee,

Ʋrɔm 1:31

Nɩbɛ na bɛ tɛr yã a nɛbɛ, nɩbɛ na mɩ́ ƴɛ̀r ɛ́ bɛ tu a, nɩbɛ na bɛ tɛr nɔ̃wfʋ a, na bɛ zɔrɛ nɩbaalʋ a.

1 Korɛ̃tɩ 7:5

Nyɩ ta sɩbr taa a lãw-taa, ɛ́ a bɛ ɩ kɛ́ nyɩ wõ n taa ŋmãa bɛr blãlɛ ƴãw kɛ́ nyɩ tʋ̃ɔ́ puori ɛ. Al pùorí, nyɩ lɛb lãwnɛ taa, alɛ bɛ ɩ lɛ, nyɩ nãà tɛrɛ nɩ nyɩ tʋɔra guur lo a Sɩtaana bɛ̀lʋ pʋɔ.

1 Korɛ̃tɩ 7:9

Ɛcɛ bɛlɛ na kʋ̃ tʋ̃ɔ́ nyɔw bɛ tʋɔra a, bɛ kul pɔwbɛ bɩɩ sɩrbɛ. Bʋ̃ʋ n'ʋ vɛ̃, a pɔw kulu bɩɩ a sɩr kulu sa, a pɔw vʋla bɩɩ a dɛb vʋla na na dɩrɛ fʋ a.

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

Títɩ̀ 1:8

A fɛr'a k'ʋʋ nɔnɛ a sãanbɛ nyɔwfʋ, ʋ nɔnɛ a vla, ʋ bãw yã, ɛ́ ɩ nɩ-mɩŋa nɩ nɩ-sõw, bãw ʋ tʋɔra tɛrʋ.

Títɩ̀ 2:3

Lɛ mɩ̀ n'a, yel kʋ̀ a pɔw-nyamɛ kɛ́ bɛ vʋʋrɛ mɛ̃ nɩ-son a. Bɛ ta ɩ gɛgɛrɩ ɛ, ɛ́ ta ɩ dã-nyúurbɛ ɩ. Kɛ́ bɛ wule a vla,

Zakɩ 2:6

Ɛcɛ a nyɩɩm a, nyɩ bɛ tɛr a nã́w sob ƴãwfʋ ɛ. A tɛra dem bɛ nɛbɛ mɩ́ dɔwrɛ nyɩ ɛ́ nyɔwr nyɩ cere nɩ a ƴɛ̀rʋ-dɩb ziir ɛ?

2 Pɩɛr 2:14

Pɔw-gaa yele jɩ́rʋ n'a a bɛ mimie nɔnɛ yaga za, ɛ́ bɛ bɛ dãw sɛw a yel-bier maalʋ ɛ. Lɛ n'a bɛ ɩrɛ bɛ̀lɛ nyɔwr a bɛlɩ dem na bɛ tɛr fãw a. Nɩr bɛ nɔ̃w a tɛra man bɛ ɩ, nɩ-ŋmɛ-ƴãwnɩ nɛbɛ.

2 Pɩɛr 2:19

Bɛ mɩ́ yel'a kɛ́ bɛ na ɩ na bɛ so bɛ tʋɔra, zɩ̃ kɛ́ bɛl tɛɛ za ɩ n a ɩ-faar bɛ na mili nɩ a gbãgbaar. Bʋ̃ʋ n'ʋ vɛ̃, bom na tʋ̃ɔ́ a nɩsaal a, a nɩsaal ɩ n a bom ʋl gbãgbaa.

2 Pɩɛr 3:3

Nyɩ páw bãwnɩ a, a bibi-pɛ-baarɩ pʋɔ a, nɩbɛ na ɩrɛ bɛ taabɛ laar a na yi na, vʋʋrɛ mɛ̃ a lɛ bɛl mɩŋa na bɔbr a,

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:16

A nɩbɛ bɛ ŋa mɩ́ zɛbr'ɩ kʋralɛ, ɛ́ a bɛ suur bɛ nʋmɛ bɛ a bɛ nyɔ-vʋʋrʋ ƴãw ɛ. Bɛ mɩ́ tɩɛrɛ nɩ a bɛ bʋ̃-bɔbrɩ tɛwr. Pɔ̀l-ƴɛ̀rʋ n'a bɛ mɩ́ ƴɛ̀rɛ, ɛ́ bɛlɛ wa mʋʋrɛ nɩr a, bɛl mɩŋa tɔnɛ ƴãw n'a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:18

Bɛ tɩ yere nɩ à ŋá kʋ́rɛ nyɩ: «A yele za baarʋ daar a, nɩbɛ na ɩrɛ nyɩ na laar ɛ́ tuur a bɛ ɩ-faar vʋla.»

Yel-wula 13:15

Bɛ tɩ kʋ̀ n a dʋn ayi sob fãw, ʋ na tʋ̃ɔ́ ɩ a dʋ̃-dãw-niwn sob dasule ʋ vʋʋrɛ, k'aa dasule ŋa tʋɔr ƴɛ̀rɛ ɛ́ ƴãw bɛ kʋ a bɛlɩ dem za na bɛ gbine dume puore ʋ a.

Yel-wula 13:17

Nɩr bɛ tɩ tɛr sɔ́r na da bom bɩɩ kʋɔrɩ bom, ʋlɛ bɛ wa tɛr a bãwfʋ ŋa a ɩ, a pɛr lɛ k'aa dʋ̃w yúor bɩɩ a ʋ yúor sɔr-nʋɔr.

Yel-wula 16:6

Bɛ na cir a fʋ nɩbɛ nɩ a fʋ ƴɛ̀r-manbɛ zɩ̃ɩ a, zɩ̃ɩ n'a fʋ mɩ̀ kʋ̀ bɛ kɛ́ bɛ nyúur. Bɛ tɛr'ɩ!»

Yel-wula 17:6

Ɩ̃ tɩ nyɛ̃ nɩ a pɔw ŋa ʋ nyũ a Naaŋmɩn nɩbɛ nɩ a Yeezu dãsɩɛ dɩrbɛ zɩ̃ɩ kuoli. Ɩ̃ na tɩ nyɛ̃ ʋ a, nʋɔr tɩ ɓãá mɛ̃ nɩ yaga.