2 Timote 3:17 - A SƐB-SÕW

¹⁷ k'aa Naaŋmɩn nɩr mɩ́ cɔbrɩ ʋ za yel-vla za maalʋ ƴãw.

2 Timote 3:17 ပူးပေါင်းရင်းမြစ်များ

Neemi 2:18

Ɩ̃ tɩ man nɩ a lɛ a Naaŋmɩn na gù m a kʋ̀ bɛ, nɩ a lɛ a nãà na tɩ yel kʋ̀ m a. Lɛ n'a bɛ tɩ yel à ŋá: «Nyɩ ɩ tɩ ìr lɛb mɛ a tẽw!» Ɛ́ bɛ tɩ cɔbr'a gù a tõ-vla ŋa tob ƴãw.

Nɩ-toni 9:36

Pɔw kãw tɩ be n a Zope tẽw ɩ a Sore po-tuure. Ʋ tɩ dɩ na kɛ́ Tabɩta, ɛ́ bɛ bʋɔlɛ Dɔrkasɩ a gɩrɛkɩ kɔkɔr pʋɔ, a pɛr lɛ kɛ́ Wala. A ɩ-vɩɛlɩ maalʋ nɩ a nɩ-kɔmɛ sõwfʋ tɩ n'ɩ a ʋ tome.

2 Korɛ̃tɩ 9:8

Naaŋmɩn tɛr'ɩ fãw na tʋ̃ɔ́ paalɩ nyɩ nɩ maalʋ bʋʋrɛ bʋʋrɛ za, nyɩ mɩ́ tɛr bom za na sɛw a kʋralɛ, ɛ́ tɛr a dɔwlɩ yel-vla za maalʋ ƴãw.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

2 Timote 2:21

Sob nɛ na so a faalʋ á ŋá dɛwr bɛr a na ɩ na mɛ̃ a bibi-bɛrɛ pɔw-bome a, ʋ vɩɛlɩ ʋ za, a Sore tɛrɩ ʋ yel-ɩra, ɛ́ ʋ cɔbrɩ gù yel-vla za maalʋ.

Títɩ̀ 1:16

Bɛ mɩ́ yel'a kɛ́ bɛ bãw nɩ a Naaŋmɩn, ɛcɛ a bɛ ɩ-ɩrɩ wule kɛ́ lɛ bɛ n'a ɩ. Bɛ kpɛ n faa bɛ pɩɛl ɛ, zu-kpɛn dem na kʋ̃ tʋ̃ɔ́ yel-vla kãw za maalɩ a nɛbɛ.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Títɩ̀ 3:1

Lɛb yel kʋ̀ a kɩrɩta-nɩbɛ za, k'aa fɛr'a kɛ́ bɛ sàw a niw-dierbɛ nɩ a tẽw nɩ-bɛrɛ so bɛ. K'aa fɛr'a kɛ́ bɛ sàwr a bɛ nɛ́ɛ, ɛ́ cɔbrɩ bɛ tʋɔra gù yel-vla za maalʋ.

Ebre 10:24

Nyɩ ɩ tɩ kaarɛ taa zie, tʋ̃ɔ́ sɩ̃wnɛ taa tɩɛrʋ a nɔ̃wfʋ ƴãw nɩ a ɩ-vɩɛlɩ maalʋ ƴãw.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.