2 Timote 3:16 - A SƐB-SÕW

¹⁶ Sɛb-sõw za a, Naaŋmɩn Vʋʋrʋ n'ʋ mɩ́ ƴãw bɛ sɛb ʋ, ʋ tɛr yel-ɩra a wulu ƴãw, a ziri gɔ́b ƴãw, a yele lɛb dɛnʋ ƴãw, a mɩnʋ sɔ́r wulu ƴãw,

2 Timote 3:16 ပူးပေါင်းရင်းမြစ်များ

2 Samɩɛl 23:2

Mãa zie n'a a Sore Vʋʋrʋ mɩ́ tu ƴɛ̀rɛ, a ʋ ƴɛ̀rʋ be n a ɩ̃ nʋɔrɩ́.

Neemi 9:20

A fʋ nɔ̃wfʋ pʋɔ, fʋ kʋ̀ bɛ nɩ a fʋ vʋʋrʋ kɛ́ bɛ tɛr yã. Fʋ kʋ̀ bɛ nɩ a mãan a bɛ dɩb ƴãw, nɩ kʋ̃ɔ a bɛ kʋ̃ɔ-nyúur ɓãafʋ ƴãw.

Sɛb-sõw yielu 119:11

Ɩ̃ maal'a tɛr a fʋ wulu a ɩ̃ socir pʋɔ, k'ɩ̃ɩ taa wa sãwnɛ fʋ ɛ.

Sɛb-sõw yielu 119:130

A fʋ ƴɛ̀rʋ bãwfʋ waar'ɩ nɩ cãà, ʋ mɩ́ kʋ̀ n yã a nɩbɛ na bɛ tɛr a mɩnɛ kãw a.

Sɛb-sõw yielu 119:9

Ŋmɩŋmɩn n'a pɔlbile na ɩrɛ a ʋ cenu vɩɛl? — Ʋlɛ wa sàwr a fʋ ƴɛ̀rʋ a n'a, Sore e.

Zʋkpaɩ 15:10

Sob nɛ na mɩ́ bɛr a sɔr-vla a na nyɛ̃ nɩ kpãàfʋ na ta kpãàfʋ a. Sob nɛ na bɛ sàwr bɛ yere ʋ a na kpi na.

Zʋkpaɩ 15:31

Nɩr na bɛrɛ wone kpãàfʋ ƴɛ̀rʋ na tɩrɛ faafʋ a na pʋɔ nɩ a yã-bãwnbɛ pʋɔ.

Zʋkpaɩ 6:23

Bʋ̃ʋ n'ʋ vɛ̃, a nɔ-ƴãwna ɩ na mɛ̃ fɩ̃tɩlɛ a, ɛ́ a wulu ɩ mɛ̃ cãà a. A kpãàfʋ nɩ a yelu n'a mɩ́ ɩ kɛ̀ tɩ àr a nyɔ-vʋʋrʋ sɔ́r zu.

Mise 2:7

Bɛ ŋmɛ na ƴãw a Ɩsɩrayɛl bʋʋrɛ bɩɩ? A Sore nyɔw nɩ a ʋ suur gù bɩɩ? A ʋ ɩb n'ɩ à à ŋá a?» Mãa ƴãw a, a bɛlɩ dem na ɩrɛ vla a, bɛl tɛwr zie n'a a ɩ̃ ƴɛ̀rʋ mɩ́ nʋmɛ.

Sofoni 3:2

Ʋ bɛ bɛr wõ a Sore bʋɔlʋ ɛ, ʋ bɛ sàw ʋ wul ʋ ɛ! Ʋ bɛ ƴãw a ʋ tɩɛrʋ a ʋ ƴãw ɛ, ʋ bɛ lɛb taw pɩɛlɩ a ʋ Naaŋmɩn ɛ.

Matie 13:52

Ʋ lɛb yel bɛ: «A na ŋmɛ̃ à ŋá a, Naaŋmɩn wulu sɛ-sɛbrɛ za na bãw a tẽ-vla Naalʋ yele a, ŋmɛ̃ na taa nɩ yir sob na mɩ́ ír bʋ̃-paalɛ nɩ bʋ̃-kore a ʋ na-bome pʋɔ a.»

Matie 21:42

A Yeezu lɛb yel bɛ: «Nyɩ bɛ dãw kanɩ a ƴɛ̀r-bie á ŋá a Sɛb-sõw pʋɔ ɩ? “A kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr, a Sore n'ʋ tõ à à ŋá: nɔ-ɓãa-yel ʋ a tɩ zie.”

Matie 22:43

A Yeezu tɩ yel bɛ na: «Ɛ́ ŋmɩŋmɩn za n'a a Vʋʋrʋ Sõw na tɩ ƴãw a Daviir ʋ ƴɛ̀r a, tɩ bʋɔlɛ a Naaŋmɩn Nɩ-kabra: Sore? Ɛ́ tɩ yel a ƴɛ̀r-bie á ŋá:

Matie 26:54

Ɛcɛ ŋmɩŋmɩn n'a a Sɛb-sõw ƴɛ̀r-bie nãá tɩ tu? A yel'a k'aa ŋa n'a a fɛr k'aa yele tu.»

Matie 26:56

Ɛcɛ à á ŋá za ɩ na, k'aa naaŋmɩn-ƴɛ̀r-manbɛ ƴɛ̀r-bie na be a Sɛb-sõw pʋɔ a, tʋ̃ɔ́ tu.» Lɛ n'a a ʋ po-tuurbɛ za tɩ zawr'ʋ bɛr ɛ́ zɔ.

Markɩ 12:24

A Yeezu sɔw bɛ: «Nyɩ na bɛ bãw a Sɛb-son nɩ a Naaŋmɩn fãw a, al ƴãw bɛ n'a nyɩ be tulu pʋɔ ɩ?

Markɩ 12:36

A Vʋʋrʋ Sõw tɩ waal'a kʋ̀ a Daviir tɔr za ʋ yel: “A Sore Naaŋmɩn yel'ɩ a ɩ̃ Sore: zɩ̃ a ɩ̃ dʋrʋ lowr, ɛ́ gù ɩ̃ wa tɩ nɛb a fʋ dɔ̃ dem bin a fʋ pile.”

Zã 10:35

A na ɩ à ŋá a, a bɛlɩ dem na bɛrɛ wone a Naaŋmɩn ƴɛ̀rʋ a, a Naaŋmɩn wulu mɩ́ tʋ̃ɔ́ na bʋɔlɛ bɛ ŋmɩmɛ. Ɛcɛ nɩr kʋ̃ tʋ̃ɔ́ lɩɛbɩ a Sɛb-sõw ƴɛ̀rʋ bɛr ɛ.

Zã 3:20

Yel-mɩŋa n'a, sob nɛ za na ɩrɛ faa a, ʋ bɛ nɔnɛ a cãà ɩ, ɛ́ bɛ yire cãà pʋɔ ɩ, kɛ́ a ʋ ɩ-ɩrɩ taa wa mab sãá ɩ.

Nɩ-toni 1:16

«Yɛbr i, a Sɛb-sõw ƴɛ̀r-bie a Vʋʋrʋ Sõw na tɩ dãw yel'ɩ a Daviir nʋɔr a Zuda ƴãw a, a tɩ fɛr'a k'aa tu. A Zuda ŋa n'ʋ tɩ tɛr a nɩbɛ wa n bɛ wa nyɔw a Yeezu.

Nɩ-toni 18:25

Ʋ tɩ bãw nɩ a Sore sɔ́r yele ɛ́ tʋlɛ a ƴãw, hiere wule a nɩbɛ a Yeezu yele. A ʋ wulu tɩ tori na, ɛcɛ, a Zã suob yõ n'ʋ ʋ tɩ bãw.

Nɩ-toni 20:20

Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie.

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Nɩ-toni 28:25

Bɛ na tɩ lɛbr kule a, bɛ cãà bɛ tɩ wõ taa a ɩ. A lɛ n'a a Pol tɩ yel à ŋá tɛwr kʋ̀ bɛ: «A Vʋʋrʋ Sõw tɛr'ɩ yel-mɩŋa, a lɛn daar ʋ na tɩ ƴɛ̀r a nyɩ sãàkʋm-kore zie nɩ a naaŋmɩn-ƴɛ̀r-manɛ Ɩzayi nʋɔr a. Ʋ tɩ yel a:

Ʋrɔm 15:4

A yele al za na sɛb a Sɛb-sõw pʋɔ a koro za a, tɩɩm wulu ƴãw n'a a sɛb, k'aa su-nyɔwra nɩ a mɔwlʋ a na kʋ̀rɛ tɩ a zũú, tɩ tʋ̃ɔ́ tɛr a tɩɛrʋ a Naaŋmɩn ƴãw.

Ʋrɔm 2:20

a bɛlɩ dem na bɛ bãw bom za a wul-wule, a bɛlɩ dem na bɛ bãw bom sɛr a wul-wule, fʋ na bãw k'aa Naaŋmɩn wulu ɩ n a bãwfʋ nɩ a yel-mɩŋa ŋmɛ̃a tɔr za a ƴãw.

Ʋrɔm 3:2

A tɔnɛ bɛ dɩ vuo ɩ, a za lɛ pʋɔ. A dãw-niwn sob a, Zifʋ mɩnɛ nɛbɛ a Naaŋmɩn ƴɛ̀r a ʋ ƴɛ̀rʋ kʋ̀ kɛ́ bɛ maal tɛr.

Ʋrɔm 4:23

Ɛcɛ ʋl yõ ƴãw bɛ n'a a ƴɛ̀r-bie á ŋá sɛb k'aa «Naaŋmɩn sàw na kʋ̀ ʋ k'ʋʋ ɩ n nɩ-mɩŋa ɩ.»

1 Korɛ̃tɩ 12:7

A Vʋʋrʋ Sõw maalʋ mɩ́ sãá nɩ ŋa za zie a bɛ za vla ƴãw.

Galasi 3:8

A Sɛb-sõw na tɩ bãw kɛ́ Naaŋmɩn na ɩ n a nɩ-bʋʋr-yoru bɛ ɩ nɩ-mɩn a bɛ naaŋmɩn-sàw-deb zũú a, ʋ tɩ de nɩ niwn yel a yel-vla ŋa kʋ̀ a Abraham: «A nɩ-bʋʋrɛ za na páw nɩ maalʋ a fʋ zũú.»

Wulu-ayi-sob 4:36

Ʋ tɩ be n a salom zu ɛ́ ɩ nyɩ wõ a ʋ kɔkɔr a nyɩ wulu ƴãw. A tẽw zu a, ʋ tɩ ɩ na nyɩ nyɛ̃ a ʋ vũu-kpɛ̃ɛ, ɛ́ nyɩ wõ ʋ ƴɛ̀r a vũu sɔwlɩsɔw.

2 Timote 2:25

Bàalʋ bàalʋ lɛ n'a a sɛw k'ʋʋ mɩ́ wule a bɛlɩ dem na mɩ́ ŋmɛ a ʋ ƴɛ̀rʋ lɔb a. Ãa bãw, Naaŋmɩn nãà ɩ na bɛ lɩɛbɩ a bɛ ɩb bãw a yel-mɩŋa,

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

Ebre 11:1

A naaŋmɩn-sàw-deb n'ɩ fʋ na bɛ bʋ́nɛ kɛ́ fʋ na páw nɩ a bom ʋl fʋ na tɩɛrɛ a, ʋ mɩ́ wul'a kɛ́ a yele fʋ na bɛ mɩ́ nyɛ̃ a be na.

Ebre 3:7

Lɛ so, mɛ̃ a lɛ a Vʋʋrʋ Sõw na yel a: «A dɩ̃a bibir a, nyɩmɛ wa wõ a Naaŋmɩn kɔkɔr a,

Ebre 4:12

Bʋ̃ʋ n'ʋ vɛ̃, a Naaŋmɩn ƴɛ̀rʋ ɩ n bʋ̃-vʋʋra na tone a, ɛ́ dɩrɛ gãw zɛbr-sɔ-kpɛ̃ɛ za na dɩrɛ a loge a za ayi a. Ʋ mɩ́ cɔr'a kpɛ tɩ põ a sɩ́ɛ nɩ a tɩɛrʋ, a kɔbɛ tuor-taa ziir nɩ a kɔbɛ buge. Ʋ mɩ́ jɛl'ɩ a nɩsaal socir bʋ̃-bɔbrɩ nɩ a nɩsaal socir tɩɛrʋ.