2 Timote 3:15 - A SƐB-SÕW

¹⁵ A fʋ bibile daarɩ́ za n'a fʋ bãw a Sɛb-son. A tɛr'ɩ fãw na kʋ̀ b a yã-bãwfʋ na na ɩ fʋ páw a faafʋ a Kɩrɩta Yeezu sàw-deb pʋɔ a.

2 Timote 3:15 ပူးပေါင်းရင်းမြစ်များ

2 Bibie za yel-manɩ 34:3

A ʋ naalʋ-dɩb yome ani sob daar, ʋ na saa tɩ cãà ɩ pɔlbile a, ʋ tɩ tĩ na bɔbr a ʋ sãàkʋm-kʋra Daviir Naaŋmɩn pʋ-tɩɛrʋ. A ʋ naalʋ-dɩb yome pie nɩ ayi sob, ʋ tɩ tĩ na íre a Zuda nɩ a Zerizalɛm dɛwr bɛrɛ: ʋ tɩ sãw nɩ a maalʋ-ziir bɛr, cɛ a dà-barɩ nɩ a ŋmɩn-bɛlɛbɛlɛ dasuli lɔb.

Sɛb-sõw yielu 19:7

Ʋ mɩ́ pur'ɩ tẽw-tʋra ŋa ƴãw, ɛ́ zɔ tɩ sãá tẽw-tʋra ŋa ƴãw, ɛ́ a ʋ tʋlʋ bɛ jɩɩrɛ bom za bɛrɛ ɩ.

Sɛb-sõw yielu 71:17

Naaŋmɩn i, a ɩ̃ pɔ̀lʋ daar za n'a fʋ wul mɛ̃, ɛ́ wa tɩ tɔ ka a, ɩ̃ manɛ nɩ a fʋ nɔ-ɓãa-yele.

Zʋkpaɩ 22:6

Ɩ a bibile tɛr mil-vɩɛlɩ a pɛr-tib daar. Ʋ na tɩ kor'a ɛ́ cãà tɛr a.

Zʋkpaɩ 8:17

A mãa a, ɩ̃ nɔnɛ nɩ a bɛlɩ dem na nɔnɛ mɛ̃ a, ɛ́ a bɛlɩ dem na bɔbr mɛ̃ a na mɩ́ nyɛ̃ m'a.

Ekilezɩasɩ 12:1

Fʋ na ɩ pɔlbile a, ta yiiri a fʋ Íre bɛr ɛ. Lɛb tɩɛrɩ a ʋ yele, ɛ́ a bibi-faar nɩ a yome al fʋ na na yel: «A nyɔ-vʋʋrʋ bɛ ɩrɛ mɛ nʋ̃ɔ̀ a», wa bãw vɩɛ.

Matie 22:29

A Yeezu tɩ sɔw bɛ na: «Nyɩ be n tulu pʋɔ, nyɩ na bɛ bãw a Sɛb-son nɩ a Naaŋmɩn fãw a ƴãw.

Luka 1:15

Ʋ na ɩ n kpɛ̃ɛ a Sore niŋé, ʋ kʋ̃ nyúur divɛ̃ nɩ dã-bɩ̃ɩ kãw za ɩ. Ʋ na cãà nɩ a ʋ mã púorí ɛ́ a Vʋʋrʋ Sõw paalɩ ʋ.

Luka 2:40

A bie ʋl tɩ kɛrɛ na ɛ́ bɩrɛ nɩr, yã-bãwfʋ tɩ be n a ʋ zie yaga, ɛ́ a Naaŋmɩn maalʋ tu ʋ.

Luka 24:27

Ʋ tɩ tĩ nɩ a Moyiir sɛbr pʋɔ nɩ a naaŋmɩn-ƴɛ̀r-manbɛ za sɛbr pʋɔ, ɛ́ manɩ a yele za na càarɩ ʋ a Sɛb-Son pʋɔ a kʋ̀ bɛ.

Luka 24:32

Bɛ tɩ yere na kʋ̀rɛ taa: «A tɩ tɩɛrʋ bɛ tɩ damnɛ tɩ a sɔ́r zu, a lɛ ʋ na tɩ ƴɛ̀rɛ nɩ tɩ, ɛ́ íre a Sɛb-Son ƴɛ̀r-bie pɛ́ɛ kʋ̀rɛ tɩ a ɩ?»

Luka 24:45

Lɛ n'a ʋ pãa tɩ yuo a bɛ yã a Sɛb-sõw bãwfʋ ƴãw,

Zã 5:47

Ɛcɛ nyɩ na bɛ sàw de a lɛ a Moyiir na sɛb a, ŋmɩŋmɩn n'a nyɩ pãa na sàw de a ɩ̃ ƴɛ̀rʋ?»

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

Nɩ-toni 13:29

Bɛ na tɩ tu a yele al za na sɛb a ʋ ƴãw a baarɩ a, bɛ yaw ʋ nɩ a da-gara zu tɩ ũù.

Nɩ-toni 16:1

A Pol tɩ ta n Dɛrbe, al pùorí ʋ ta Lɩsɩtɩr. Po-tuure kãw na dɩ Timote a tɩ be n be. A mã tɩ ɩ n Zifʋ na sàw de a Yeezu yele a, ɛ́ a sãà ɩ Gɩrɛkɩ.

Nɩ-toni 17:2

Mɛ̃ a lɛ ʋ na mɩ́ tu a kʋralɛ a, a Pol tɩ cen na tɩ páw bɛ hieri a ƴɛ̀rʋ kʋ̀ bɛ pɩ̃ɛnʋ bibie ata tu taa. A Sɛb-sõw ƴɛ̀r-bie n'a

Nɩ-toni 26:24

A ka n'a a Pol tɩ manɩ a ʋ yele wa ta, ɛ́ a Fɛsɩtɩsɩ ŋmãa de tanɩ yel: «Pol i, fʋ yarɛ na! Fʋ zànɩ nɩ a yele a tɩ ƴãw fʋ yãyaar!»

Ʋrɔm 1:2

A Yel-nʋ̃ɔ̀ ŋa a, a Naaŋmɩn tɩ dãw na yel a ʋ ƴɛ̀r-manbɛ zie, a Sɛb-son pʋɔ k'ʋʋ na yel'a.

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

Ʋrɔm 2:27

Ɛ́ a nɩr ʋl na bɛ ŋmãa a ƴã-gan ŋmãafʋ a, ɛ́ mɩ́ tu a Naaŋmɩn wulu tɩ ɓɩɩlɩ a, ʋ na wul'ɩ a fʋ sãwna, fʋ̃ʋ na bãw a Naaŋmɩn wulu na sɛb, ɛ́ ŋmãa a yʋ̀ɔr, ɛ́ zawrɛ a Wulu a.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

Efɛɛzɩ 6:4

Nyɩɩm dɔwrbɛ ɛ, nyɩ ta gaarɛ a nyɩ bibiir bɛrɛ ɩ, nyɩ guole bɛ nɩ wulu nɩ kpaalʋ na yi a Sore zie a.

Wulu-ayi-sob 4:6

Nyɩmɛ wa tɛr a tuur a, a nɩ-bʋʋrɛ na cɛ a, na nyɛ̃ na nyɩ ɩ yã-bãwnbɛ nɩ yã dem. Bʋ̃ʋ n'ʋ vɛ̃, bɛlɛ wa bãw a wulu á ŋá za a, bɛ na yere na: «Yã-bãwfʋ nɩ yã bɛ n'a be a nɩ-bʋʋr-kpɛ̃ɛ ŋa zie ɩ!»

1 Timote 4:13

Tori niwn kanɛ a Sɛb-sõw kʋ̀rɛ a nɩbɛ, kpaalɛ bɛ, wule bɛ gùre nɩ a ɩ̃ waa daar.

2 Timote 1:1

A mãa Pol Naaŋmɩn na nɔ̃w yã ƴãw ɩ̃ ɩ a Kɩrɩta Yeezu nɩ-tona a, a tu a lɛ ʋ na yel k'ʋʋ na kʋ̀ tɩ nɩ a nyɔ-vʋʋrʋ a Kɩrɩta Yeezu ƴãw a,

2 Timote 1:5

Ɩ̃ lɛb'a bãwnɩ a naaŋmɩn-sàw-deb mɩŋa fʋ na tɛr a. A fʋ mãkʋm Loyisɩ nɩ a fʋ mã Enisɩ nɛbɛ de niwn tɛr a naaŋmɩn-sàw-deb ŋa ɩ̃ na bãwnɩ fʋ mɩ̀ tɛr a.

2 Pɩɛr 3:16

Lɛ n'a ʋ mɩ̀ cãà lɛb yere a sɛbr al za pʋɔ ʋ na ƴɛ̀r a yel ŋa ƴɛ̀rʋ a. Ƴɛ̀r-bie be n a sɛbr á ŋá pʋɔ a pɛr bãwfʋ kpɛmɛ. Nɩbɛ na bɛ bãw bom za ɛ́ a tɩɛrʋ bɛ mɩ́ yaa kɛ́ lɩɛbɩ a mɩ́ nyɔw nɩ a ƴɛ̀r-bie á ŋá pɛ́ɛ lɩɛbɩ, ɛ́ lɛ n'a bɛ mɩ̀ ɩrɛ a Sɛb-sõw sɛbr ŋmãa al na cɛ a ƴãw. Bɛl mɩŋa loba ƴãw n'a bɛ mɩ́ ɩrɛ a lɛ.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

1 Samɩɛl 2:18

A Samɩɛl na tɩ cãà ɩ pɔlbile a tɩ tone nɩ a ʋ tome a Sore niŋé. Lɛ̃ pɛn kparʋ n'ʋ ʋ mɩ́ tɩ su.