2 Timote 2:7 - A SƐB-SÕW

⁷ Bãw à à ŋá ɩ̃ na ƴɛ̀rɛ a pɛr. Mɔ̃ mɩ̀, a Sore na ɩ na fʋ bãw a za pɛr.

2 Timote 2:7 ပူးပေါင်းရင်းမြစ်များ

1 Bibie za yel-manɩ 22:12

Ʋ kʋ̀ b tɩɛrʋ nɩ yã, a lɛn daar ʋ nãà wa ƴãw fʋ dɩ naalʋ a Ɩsɩrayɛl nɩbɛ zu a, fʋ tuur'ɩ a Sore fʋ Naaŋmɩn wulu.

1 Bibie za yel-manɩ 29:19

Kʋ̀ a ɩ̃ bidɛb Salomɔ̃ soci-dẽdẽ na tuur a fʋ nɛ-ƴãwnɩ, a fʋ wulu nɩ a lɛ za fʋ na mɩ́ yel a, ʋ tʋ̃ɔ́ tu a yele za vla, ɛ́ ŋmãa a nãà yir ɩ̃ na cɔbrɩ a.»

Sɛb-sõw yielu 119:125

Ɩ̃ ɩ n a fʋ tõ-tõ-bie: kʋ̀ m yã, ɩ̃ tʋ̃ɔ́ bãw a lɛ fʋ na yel a vla.

Sɛb-sõw yielu 119:144

A lɛ fʋ na yel a ɩ n yel-mɩŋa kʋralɛ, ɩ k'ɩ̃ bãw a pɛr, ɩ̃ɩ na vʋʋrɛ na.

Sɛb-sõw yielu 119:73

A fʋ nuru n'a maalɩ mɛ̃, ɛ́ mɩ́ nyɔw mɛ̃ ɩ̃ àr. Ɩ k'ɩ̃ tɛr yã, tʋ̃ɔ́ zanɩ a fʋ nɛ-ƴãwnɩ.

Sɛb-sõw yielu 64:9

ʋ ɩ na a bɛ ƴɛ̀rʋ lɛb ŋmɛlɩ nyɔw bɛ. Nɩr za na mɩ́ nyɛ̃ bɛ a, mɩ́ gɔwrɛ nɩ zu.

Zʋkpaɩ 24:32

Ɩ̃ tɩ tɩɛr'ɩ a yel ŋa ɩ̃ na nyɛ̃ a, ɛ́ wulu ŋa n'ʋ ɩ̃ tɩ nyɛ̃ a pʋɔ:

Ɩzayi 1:3

Náab mɩ́ bãw nɩ a sob nɛ na so ʋ a, ɛ́ bõw bãw a dʋ̃-laa ʋl pʋɔ a ʋ sore na ƴãwnɛ ʋ a dɩb a. Ɛcɛ a Ɩsɩrayɛl bɛ bãw bom za ɩ, a ɩ̃ nɩ-bʋʋrɛ bɛ bãw bom za pɛr ɛ.”

Ɩzayi 28:26

A ʋ Naaŋmɩn n'ʋ wul ʋ a tub ŋa, ɛ́ ɩ k'ʋ bãw ʋ.

Ɩzayi 5:12

A pɛ̀nɛ́ nɩ a korijom, a gãgali nɩ a weli kon n'a bɛ mɩ́ bɩɛlɛ nɩ a bɛ dã-nyũ. Ɛcɛ bɛ bɛ mɩ́ nyɛ̃ a ʋlɩ bom nɛ a Sore na ɩrɛ a ɩ, bɛ bɛ mɩ́ jɩ́rɛ a ʋlɩ bom nɛ ʋ na maalɛ a ɩ.

Luka 21:15

Mãa mɩŋa na ƴãw nɩ ƴɛ̀rʋ a nyɩ nʋɔrɩ́, ɛ́ kʋ̀ nyɩ yã-bãwfʋ na na ɩ a nyɩ dɔ̃ dem ƴɛ̀rʋ bɔr a.

Luka 24:45

Lɛ n'a ʋ pãa tɩ yuo a bɛ yã a Sɛb-sõw bãwfʋ ƴãw,

Luka 9:44

«Nyɩ bɛr wõ a ɩ̃ ƴɛ̀r-bie á ŋá vla: bɛ na nyɔw nɩ a Nɩsaal Bie ƴãw a nɩsaalbɛ nuru pʋɔ.»

Zã 14:26

Ɛcɛ a Gùre, a Vʋʋrʋ Sõw, a Sãà na na bɛr k'ʋ wa a nyɩ zie, a ɩ̃ yúor ƴãw a, ʋl na wul nyɩ nɩ a za. Ʋ na lɛb'a sɩ̃w a nyɩ tɩɛrʋ a yele al za ɩ̃ na yel kʋ̀ nyɩ a ƴãw.

Zã 16:13

A yel-mɩŋa Vʋʋrʋ wa wa a, ʋ na wul nyɩ nɩ a yel-mɩŋa za. Ʋlɛ bɛ n'ʋ na nyɛ̃ ʋ tʋɔra ƴɛ̀rɛ ɩ, alɩ bom nɛ za ʋ na na wõ a, alɛ n'a ʋ na yel, ʋʋ na yel'ɩ nɩdaar yele kʋ̀ nyɩ.

Nɩ-toni 7:10

Ʋ tɩ faa ʋ nɩ a ʋ kpɩɛrʋ za pʋɔ, ɛ́ kʋ̀ ʋ maalʋ nɩ yã-bãwfʋ a Eziptɩ nãà Faarawɔ̃ niŋé, ʋ de ʋ ʋ kaarɛ a Eziptɩ tẽw zie, lãwnɩ a nãà yir bome zie.

1 Korɛ̃tɩ 12:8

A kãw a, ƴɛ̀rʋ na tu yã-bãwfʋ a n'ʋ a Vʋʋrʋ Sõw kʋ̀ ʋ, ɛ́ a kãw ƴɛ̀rʋ tu zanʋ ʋ na zanɩ bãw a, ɛ́ a cãà yi a Vʋʋrʋ Sõw been nɛ zie.

Wulu-ayi-sob 32:29

Bɛlɛ tɩ ɩ yã-bãwnbɛ a, bɛ nãá bãw nɩ a pɛr, bɛ nãá bãw nɩ be à á ŋá za na wɩɛr'ɩ bɛ a.

Wulu-ayi-sob 4:39

A na ɩ à ŋá a, nyɩ bãwnɩ a, ɛ́ tɛr a yel ŋa a nyɩ tɩɛrʋ pʋɔ: a Sore yõ n'ɩ a Naaŋmɩn, a saa-zu, a salom zu, nɩ a pile ka a tẽw zu. Ŋmɩn-yoru bɛ be be pʋɔ a ʋ ƴãw ɛ.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

Kɔlɔsɩ 1:9

Alɛ n'a so a ʋlɩ bibir za tɩ na wõ a nyɩ yele wa tɩ tɔ a dɩ̃a a, tɩ mɩ̀ bɛ bɛr a nyɩ puor-kʋ̀b ɛ. Tɩ zɛlɛ na kɛ́ a Naaŋmɩn ɩ nyɩ bãw a ʋ pʋ-tɩɛrʋ za. Al ƴãw n'a a Vʋʋrʋ Sõw kʋ̀rɛ nyɩ a yã-bãwfʋ nɩ a yã.

1 Timote 4:15

Kaarɛ à á ŋá za zie nɩ fʋ pʋɔ za, ɛ́ ƴãw fãw a al ƴãw. Lɛ n'a a nɩbɛ za na nyɛ̃ a fʋ yele na vɩɛl dɔwlɛ a.

2 Timote 2:6

A ka-kʋɔra na tõ hanɩ nɩ a, ʋlɛ n'ʋ a sɛw k'ʋʋ mɩ́ de niwn de a ʋ bʋ̃-dieri.

2 Timote 2:8

Lɛb tɩɛrɩ a Yeezu Kɩrɩta yele, ʋl na ɩ Daviir bʋʋrɛ nɩr a: ʋ lɛb'a yi a kũuni pʋɔ mɛ̃ a lɛ a ɩ̃ Yel-nʋ̃ɔ̀ na yere a.

Ebre 12:3

Nyɩ lɛb tɩɛrɩ a ʋ yele, a lɛ a yel-bebe dem na bɛ tɩ de a ʋ yele towtow, ʋʋ dɩ kanyir a. Lɛ n'a nyɩ kʋ̃ sàw a bàlʋ tʋ̃ɔ́ nyɩ ɛ.

Ebre 13:7

Nyɩ lɛb tɩɛrɩ a nyɩ niw-dierbɛ yele, bɛl na tɩ manɩ a Naaŋmɩn ƴɛ̀rʋ kʋ̀ nyɩ a. Nyɩ nyɛ̃ a lɛ bɛ na vʋʋrɩ tɩ kpi n a, nyɩ cɔwrɛ a bɛ naaŋmɩn-sàw-deb.

Ebre 3:1

Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a.

Ebre 7:4

Nyɩ nyɛ̃ ʋ na ɩ kpɛ̃ɛ sɛw a! Ʋl a sãàkʋm-kʋra Abraham na kʋ̀ a bome ʋ na zɛb de a, a bʋ̃-vɩɛlɩ zie ziir pie sob a!

Zakɩ 1:5

Ɛcɛ a nyɩ kãw bɛ wa tɛr a yã-bãwfʋ a, ʋ zɛlɩ a yã-bãwfʋ a Naaŋmɩn zie, ʋʋ na kʋ̀ ʋ na. Ʋ mɩ́ tɩr'ɩ daadaa, ɛ́ bɛ tɩrɛ yere nɩ a sob ɛ.

Zakɩ 3:15

A yã-bãwfʋ ŋa tɔ bɛ yi Naaŋmɩn zie ɩ, tẽw zu n'a ʋ yi, nɩsaalʋ zie, kɔ̃tɔmɛ zie mɔ̃ mɩ̀.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.