2 Timote 2:26 - A SƐB-SÕW

²⁶ ɛ́ lɛb bãw yã yi zaa a Gɛgɛra bɛrɩ pʋɔ, ʋl na tɩ nyɔw bɛ ƴãw bɛ maalɛ a ʋ pʋ-tɩɛrʋ a.

2 Timote 2:26 ပူးပေါင်းရင်းမြစ်များ

A Zɔb sɛbɛ 1:12

Lɛ n'a a Sore tɩ yel a Sɩtaana: «Ɩ̃ sàw na, fʋ̃ʋ so a ʋ bʋ̃-tɛrɩ za. Ɛcɛ taa wa nanɩ tʋɔr a ʋl tɔr za ɩ.» A Sɩtaana tɩ lɛb'a yi a Sore zie be tɔl cen.

A Zɔb sɛbɛ 2:6

Lɛ n'a a Sore tɩ yel a sɩtaana: «Ɩ̃ sàw na, fʋ̃ʋ so ʋ, ɛcɛ taa tʋɔr a ʋ nyɔ-vʋʋrʋ ɛ.»

Sɛb-sõw yielu 124:7

Tɩ faa na yi, mɛ̃ lile a, a lili-nyɔwrɛ bɛra pʋɔ: a bɛra ŋmãa na tɩ faa yi.

Ɩzayi 28:13

Alɛ so a Sore ƴɛ̀rʋ a bɛ zie mɩ̀ na ɩ: “B-a-ba-ba, b-o-bo-bo, g-a-ga-ga, g-o-go-go.” Lɛ n'a bɛ na mɩ́ cere tɩ 'law lo, wɛl sɩɩr. Bɛ na kpɛ n bɛrɩ pʋɔ bɛ nyɔw bɛ.

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 8:15

Ʋ na mɩ́ ɩ na nɩ-yaga kàwr tɩ lo kar. A bɛra na mɩ́ nyɔw bɛ na bɛ kʋ̃ tʋ̃ɔ́ faa ɩ.

Luka 11:21

Nɩr na kpɛmɛ tɛr zɛbr bome gù n a ʋ yir a, bom bɛ ɩrɛ a ʋ bʋ̃-tɛrɩ ɛ.

Luka 15:17

Lɛ n'a ʋ tɩ tɩɛr ʋ pʋɔ ɛ́ yel ʋ tʋɔra: “Ɩ̃ sãà tõ-tõ-biir'ɩ bɛ ŋa yãwmɛ, ɛ́ mɩ́ dɩ bʋ̃-dɩrɩ guu bɛr, ɛ́ mãa wa zɩ̃ ka kɔ̃ kʋ̀rɛ mɛ̃ ɛ!

Luka 5:10

Lɛ n'a a mɩ̀ tɩ ŋmɛ̃ a Sɩmʋ̃ zʋm-nyɔw-taabɛ zie, a Zebede bibiir, Zakɩ nɩ Zã. Ɛcɛ a Yeezu tɩ yel'ɩ a Sɩmʋ̃: «Ta zɔrɛ dɛ̃bɩ̃ɛ ɩ, dɩ̃a na ta a, nɩbɛ nɛbɛ fʋ na nyɔwr.»

Zã 13:2

A zaanʋɔra dɩb daar, a Gɛgɛra na tɩ ƴãw a Sɩmʋ̃ bidɛb Zuda Ɩsɩkarɩɔtɩ a tɩɛrʋ k'ʋʋ mɩl a Yeezu nyɔw tɩr a,

Zã 13:27

A pɛr nɛ pʋɔ a Yeezu na kʋ̀ ʋ a dipɛ̃ a n'a a Sɩtaana kpɛ a Zuda pʋɔ. A lɛ n'a a Yeezu tɩ yel ʋ: «A ton ʋl a na fɛr kɛ́ fʋ tõ a, tõ ʋ fɔ̃w.»

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Nɩ-toni 5:3

Lɛ n'a a Pɩɛr tɩ yel ʋ: «Ananɩasɩ i, bʋ̃ʋ n'ʋ so a Sɩtaana só fʋ tɩ zɛ̃ à ŋá, kɛ̀ fʋ ŋmãa ziri kʋ̀ a Vʋʋrʋ Sõw? Fʋ gbab'ɩ a púo libie ŋmãa tɛr.

1 Korɛ̃tɩ 15:34

Nyɩ ƴãw fãw lɛb bãw yã ɛ́ bɛr a yel-bier maalʋ. Ɩ̃ yel ƴãw nyɩ vĩ: nyɩ mɩnɛ bɛ bãw a Naaŋmɩn ɛ.

2 Korɛ̃tɩ 2:11

k'aa Sɩtaana ta bɛ̀lɩ tɩ nyɔw ɛ, bʋ̃ʋ n'ʋ vɛ̃, tɩ bɛ ɩ zɔn a ʋ pʋ-tɩɛrʋ ƴãw ɛ.

Efɛɛzɩ 5:14

Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel: «Ìr, fʋ̃ʋ na gúre a, lɛb ìr a kũuni pʋɔ, ɛ́ a Kɩrɩta na caalɩ fʋ na.»

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

1 Timote 1:20

Imene nɩ Alɛsãdɩr pʋɔ nɩ a nɩbɛ bɛ ŋa pʋɔ. Ɩ̃ de bɛ na ƴãw Sɩtaana nuru pʋɔ kɛ́ bɛ zànɩ yã, taa lɛb tʋʋr Naaŋmɩn zʋm ɛ.

1 Timote 3:7

Ɛ́ lɛb waar mɩ̀, a fɛr'a kɛ́ a yẽw dem dɩrɛ dãsɩ-vla a ʋ ƴãw, lɛ n'a a nɩbɛ kʋ̃ ɩrɛ ʋ laar ɛ, ʋʋ kʋ̃ kpɛ a Gɛgɛra bɛrɩ pʋɔ ɩ.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.