2 Timote 2:25 - A SƐB-SÕW

²⁵ Bàalʋ bàalʋ lɛ n'a a sɛw k'ʋʋ mɩ́ wule a bɛlɩ dem na mɩ́ ŋmɛ a ʋ ƴɛ̀rʋ lɔb a. Ãa bãw, Naaŋmɩn nãà ɩ na bɛ lɩɛbɩ a bɛ ɩb bãw a yel-mɩŋa,

2 Timote 2:25 ပူးပေါင်းရင်းမြစ်များ

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Ezekɩɛl 11:19

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ tɩɛr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Ezekɩɛl 12:3

A na ɩ lɛ a, fʋ̃ʋ nɩsaal bie e, cɔbrɩ nɩ-diw-cena kɔr, ɛ́ yi cere diw-cenu zie a bɛ mimirí. Yi a zie nɛ fʋ na kpɩɛr a tu zi-yũo a bɛ mimirí. Kapaw, bɛ na sàw na kɛ́ bɛ ɩ n nɩ-bʋʋr-gaarɩ.

Ezekɩɛl 36:26

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ vʋʋr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Ezekɩɛl 36:31

A lɛn daar a, nyɩ na lɛb'a bãwnɩ a nyɩ cen-faa nɩ a nyɩ ɩ-ɩrɩ na bɛ tɩ vɩɛl a.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

Matie 11:29

Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Matie 21:32

Bʋ̃ʋ n'ʋ vɛ̃, Zã tɩ dãw na wa a nyɩ zie, wa wul nyɩ a yel-mɩŋa sɔ́r, ɛ́ nyɩ bɛ sàw de a ʋ ƴɛ̀rʋ ɛ. Ɛcɛ a zuru-yar-dierbɛ nɩ a pɔw-yɛmɛ tɩ sàw na de a ʋ ƴɛ̀rʋ. Ɛ́ a nyɩɩm, nyɩ na saa nyɛ̃ à à ŋá a, nyɩ cãà bɛ lɩɛbɩ a nyɩ ɩb a pùorí kɛ́ nyɩ tʋ̃ɔ́ sàw de a ʋ ƴɛ̀rʋ ɛ.»

Markɩ 1:15

«A daar ʋl a Naaŋmɩn na ƴãw a ta na, a Naaŋmɩn Naalʋ dɩb pɩɛl'a: nyɩ lɩɛbɩ a nyɩ ɩb ɛ́ sàw de a Yel-nʋ̃ɔ̀.»

Zã 5:34

Mãa a, ɩ̃ bɛ tɛr nɩsaal dãsɩɛ yel-ɩra ɩ, ɛcɛ ɩ̃ ƴɛ̀rɛ nɩ à à ŋá kɛ́ nyɩ tʋ̃ɔ́ nyɛ̃ a faafʋ.

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 2:38

A Pɩɛr tɩ yel bɛ na: «Nyɩ lɩɛbɩ a nyɩ ɩb, ɛ́ ŋa za mɩ́ de a suob a Yeezu Kɩrɩta yúor ƴãw, a nyɩ yel-bebe suur páwfʋ ƴãw, ɛ́ nyɩ na páw nɩ a Naaŋmɩn maalʋ na ɩ a Vʋʋrʋ Sõw a.

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

Nɩ-toni 5:21

Bɛ tɩ sàw na de a malkɩ ƴɛ̀rʋ, ɛ́ a zie na wa vɩɛrɛ wa báarɛ a, bɛ cen nɩ a Ŋmɩn-yir-kpɛ̃ɛ pʋɔ tɩ be a be kanɛ nɩ a nɩbɛ. A bàwr-maal-kara tɩ ta na. Ʋlɛ nɩ a ʋ nɩbɛ tɩ bʋɔl'ɩ a Zifʋ mɩnɛ ƴɛ̀rʋ-dɩb-lãw nɩbɛ ɓã taa, ɛ́ pãa tõ kɛ́ bɛ cen a gaso pʋɔ tɩ tɛr a nɩ-toni wa n.

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Nɩ-toni 8:22

A na ɩ lɛ a, zawrɩ a fʋ yel-faa ŋa bɛr ɛ́ puori a Sore: a mɩnɛ kãw, ʋ na dɩ n a tɩɛr-faa ŋa na wa a fʋ zie a sãwna suur kʋ̀ b.

Galasi 6:1

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

1 Timote 2:4

ʋl na bɔbr kɛ́ a nɩsaalbɛ za tʋ̃ɔ́ nyɛ̃ a faafʋ, ɛ́ páw a yel-mɩŋa bãw a.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

2 Timote 3:7

A pɔwbɛ bɛ ŋa taabɛ be n a zanʋ zu kʋralɛ, ɛ́ bɛ be za na tʋ̃ɔ́ bãw a yel-mɩŋa ɩ.

Títɩ̀ 1:1

Mãa Pol, na ɩ Naaŋmɩn tõ-tõ-bie nɩ Yeezu Kɩrɩta nɩ-tona a, bɛ ƴãw na k'ɩ̃ɩ ɩ a Naaŋmɩn nɩ-kaa-íri tɛr naaŋmɩn-sàw-deb ɛ́ bãw a yel-mɩŋa na tu a Naaŋmɩn ƴãwfʋ a,

Títɩ̀ 3:2

Kɛ́ bɛ ta tʋʋr nɩr za ɩ, kɛ́ bɛ ciir nɔhaarʋ ɛ́ tɛr su-ɓaarʋ ɩb, ɛ́ ɩ nɩsaal-bàalʋ kʋralɛ a nɩbɛ za zie.

Zakɩ 1:17

bʋ̃-kʋ̀ra za na bɛ tɛr tɔ a, ƴãw-taa bom za na vɩɛl bɛ cɛ a, saa-zu n'a a yire siwr. Naaŋmɩn zie n'a a yire, ʋl na ɩ a salom zu bʋ̃-caalɩ Íre a, ʋl na bɛ bãw lɩɛbʋ, ɛ́ bɛ lɩɛbɛ kɛ̀ ɓaarʋ lɩɛbɛ tuur a.

1 Pɩɛr 3:15

Ɛcɛ nyɩ ƴãwnɛ a Kɩrɩta na ɩ Sore a, a nyɩ socie pʋɔ. Ɛ́ a Naaŋmɩn ƴãw nyɩ na ƴãw a nyɩ tɩɛrʋ a, nyɩ cɔbrɩ gù a tɩɛrʋ ŋa manʋ nɩr za nãà wa sowre nyɩ a pɛr a.

1 Zã 5:16

Nɩr wa nyɛ̃ a ʋ yɛb ʋ maalɛ yel-bier na bɛ kʋrɛ a, ʋ puore, ɛ́ Naaŋmɩn na kʋ̀ n nyɔ-vʋʋrʋ a ʋ yɛb, a yel-bier ʋl wa sɩrɩ bɛ kʋrɛ a. Ɛcɛ, yel-bier kãw be n be kʋrɛ. A ʋl ƴãw bɛ n'a ɩ̃ yel kɛ́ nyɩ puore ɩ.