2 Timote 2:2 - A SƐB-SÕW

² A bom nɛ fʋ na wõ a ɩ̃ zie, dãsɩɛ dem yaga niŋé a, man ʋ kʋ̀ nɩbɛ bɛl ƴãw fʋ na bɛr tɩɛrʋ, ɛ́ bɛ mɩ̀ na tʋ̃ɔ́ wul ʋ nɩ-yoru a.

2 Timote 2:2 ပူးပေါင်းရင်းမြစ်များ

Ɛsɩdɩrasɩ 7:10

Bʋ̃ʋ n'ʋ vɛ̃, a Ɛsɩdɩrasɩ tɩ zanɛ nɩ a Sore wulu nɩ a ʋ pʋɔ za, ɛ́ tuur ʋ, ɛ́ zanɛ nɩ a Ɩsɩrayɛl nɩbɛ a wulu ŋa nɛ-ƴãwnɩ nɩ a ʋ tub a na fɛr kɛ́ bɛ tuur a.

Ɛsɩdɩrasɩ 7:25

Ɛ́ a fʋ̃ʋ Ɛsɩdɩrasɩ a, ƴãw ƴɛ̀r-dɩrbɛ nɩ nɩ-bɛrɛ tu n a Naaŋmɩn wulu yã-bãwfʋ na be a sɛbɛ fʋ na tɛr cere nɩ a pʋɔ a. Bɛ mɩ́ dɩ a ƴɛ̀rʋ kʋ̀ a bɛlɩ dem za na bãw a Naaŋmɩn nɛ́ɛ a Efaratɩ gãwn nɩbɛ pʋɔ a. Nyɩ mɩ̀ na wul a nɩ a bɛlɩ dem na bɛ bãw a a.

Neemi 7:2

Ɩ̃ tɩ kaa na ír a ɩ̃ yɛb Hanani k'ʋʋ kaarɛ a Zerizalɛm zie, ʋlɛ nɩ Hananɩa na ɩ a zɛbr-yir-kpɛ̃w sojarɩ nɩ-kpɛ̃ɛ a, nɩr bɛ na kʋ̃ tʋ̃ɔ́ bʋ́nɛ nɩ, ʋʋ zɔrɛ a Naaŋmɩn zuo nɩbɛ yaga a.

Sɛb-sõw yielu 101:6

A nɩ-sɩza mɩnɛ a tẽw pʋɔ, bɛlɛ nɛbɛ ɩ̃ na jɩ́rɛ, bɛ tʋ̃ɔ́ mɩ́ lãw nɩ mɛ̃ kaarɛ a yele zie. Sob nɛ ɩb na vɩɛl a, ʋlɛ n'ʋ na ɩ a ɩ̃ tõ-tone.

Zʋkpaɩ 13:17

Nɩ-faa bɛ na tõ a na lo n kpɩɛrʋ pʋɔ, ɛ́ nɩ-tona na bɛ yire fʋ pùor a ɩ tɩ̃ɩ.

Zeremi 23:28

Naaŋmɩn-ƴɛ̀r-manɛ wa zánɩ zánʋ a, ʋ manɩ a ʋ zánʋ! Ɛcɛ ʋlɛ wa tɛr a ɩ̃ ƴɛ̀rʋ na ƴɛ̀r a, ʋ ƴɛ̀r a tori!» A Sore yere na: «Ùr nɩ bʋ̃-bie na tʋ̃ɔ́ na ɩ been bɩɩ?

Levitɩ mɩnɛ 14:42

Al pùorí, bɛ na de nɩ kʋsɛ-yoru lɩɛr'ɩ a dãw-niwn dem, ɛ́ lɛb bãw fɔl a dacine nɩ tan-paala.»

Malasɩ 2:7

Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Sɔr-nɛ́ɛ 12:7

A bɛ ɩ a lɛ a ɩ̃ tõ-tõ-bie Moyiir na kaarɛ a ɩ̃ yir za zie a ƴãw ɛ.

Matie 13:52

Ʋ lɛb yel bɛ: «A na ŋmɛ̃ à ŋá a, Naaŋmɩn wulu sɛ-sɛbrɛ za na bãw a tẽ-vla Naalʋ yele a, ŋmɛ̃ na taa nɩ yir sob na mɩ́ ír bʋ̃-paalɛ nɩ bʋ̃-kore a ʋ na-bome pʋɔ a.»

Matie 24:25

Nyɩ nyɛ̃, ɩ̃ de nɩ niwn yel kʋ̀ nyɩ.

Luka 12:42

A Sore tɩ sɔw na: «Bʋ̃-kaarɛ vla buor sob'ʋ, bãw yã, a zu-sob na ƴãw k'ʋ dɩ nɩ-kpɛ̃ɛnʋ a ʋ yir nɩbɛ zu, kɛ́ a daar mɩ́ wa ta a, ʋ̃ʋ manɩ a ble kʋ̀ bɛ?

1 Korɛ̃tɩ 4:2

Ɛcɛ bom nɛ bɛ na mɩ́ bɔbr a bʋ̃-kaarbɛ zie a, ʋlɛ n'ɩ kɛ́ bɛ tone a bɛ tome vla taa lɛbr pùor ɛ.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

2 Korɛ̃tɩ 3:5

A bɛ kaar mɛ̃ tɩ na tʋ̃ɔ́ na tõ a ton ŋa tɔ nɩ a tɩɩm mɩŋa fãw, a ɩ mɛ̃ tɩɩm zie n'a a yi ɛ. Tɩmɛ wa tɛr fãw a, a tɩ fãw yi n Naaŋmɩn zie.

Kɔlɔsɩ 1:7

A tɩ bá Epafarasɩ, na ɩ a tɩ lãw-tõ-tɔ a, ʋlɛ n'ʋ wul nyɩ à á ŋá. Ʋ lɩɛrɩ tɩ na tone a nyɩ ƴãw, mɛ̃ Kɩrɩta tõ-tone na bɛ lɛbr pùor towtow a.

1 Timote 1:12

Barka yaga za n'a ɩ̃ puore a sob ŋa na kʋ̀ m a fãw a, a tɩ Sore Kɩrɩta Yeezu: ʋ bɛr'ɩ tɩɛrʋ a ɩ̃ ƴãw, ɛ́ de m ɩ̃ tone a ʋ tome,

1 Timote 1:18

Ɩ̃ bie Timote e, a wulu n'ɩ à ŋà ɩ̃ na kʋ̀rɛ fʋ tu n a naaŋmɩn-ƴɛ̀r-manbɛ ƴɛ̀r-bie bɛ na tɩ dãw ƴɛ̀r a fʋ ƴãw a. A ƴɛ̀r-bie á ŋá a, a ɩ fʋ kpɛmɛ tʋ̃ɔ́ zɛb a zɛb-vla

1 Timote 4:14

Maal tɛr a Vʋʋrʋ Sõw maalʋ fʋ na páw a, naaŋmɩn-ƴɛ̀r-manbɛ ƴɛ̀r-bie n'a ɩ fʋ páw ʋ, nɩ a nɩ-kore lãw nɩbɛ na tɩ ír nuru dɔwlɩ a fʋ zu a.

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

1 Timote 5:22

Ta zɛ̃zɛ̃ ír nuru dɔwlɩ nɩr kãw za zu kʋ̀ ʋ tõ-nʋɔr kãw a Lãw-yir pʋɔ ɩ, ta pʋɔ fʋ tɔ yel-bebe pʋɔ ɩ. Ɛ́ a fʋ̃ʋ mɩŋa a, ƴãw fãw tɛr a fʋ vɩɛlʋ.

1 Timote 6:12

Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.

2 Timote 3:10

Ɛcɛ a fʋ̃ʋ a, fʋ tu mɛ̃ nɩ vla a ɩ̃ wulu pʋɔ, nɩ a ɩ̃ cenu pʋɔ, a lɛ ɩ̃ na mɩ́ tɩɛr k'ɩ̃ɩ ɩ a, nɩ a ɩ̃ naaŋmɩn-sàw-deb pʋɔ, a ɩ̃ tʋɔra-nyɔwfʋ pʋɔ nɩ a nɔ̃wfʋ pʋɔ, a kanyir pʋɔ,

2 Timote 3:14

Ɛcɛ a fʋ̃ʋ a, a yele al fʋ na zànɩ ɛ́ nyɛ̃ a ɩ sɩza a, maal tɛr a kpɛ̃w za. Fʋ bãw nɩ a bɛlɩ dem zie fʋ na zànɩ a yele á ŋá a.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

1 Samɩɛl 2:35

Al pùorí, ɩ̃ na kaa na ír bàwr-maalɛ na bɛ lɛbr pùor a, a ɩ̃ ƴãw. Ʋ na ɩrɛ nɩ lɛ za ɩ̃ na bɔbr a. Ɩ̃ na kʋ̀ ʋ nɩ nɩbɛ na ɩrɛ bàwr-maalbɛ lɩɛrɛ taa bɛ tɛr bɛ́rʋ a, bɛ pɩɛlɩ a ɩ̃ nɩ-kabra.