2 Timote 2:19 - A SƐB-SÕW

¹⁹ Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

2 Timote 2:19 ပူးပေါင်းရင်းမြစ်များ

A Zɔb sɛbɛ 28:28

Al pùorí, ʋ tɩ yel'ɩ a nɩsaal: «A zɔrɛ-a-Sore n'ɩ a Yã-bãwfʋ! A ta-pɩɛlɛ-yel-faa n'ɩ a yã!»

Sɛb-sõw yielu 1:6

A Sore bãw nɩ a nɩ-mɩn sɔ́r, ɛcɛ a nɩ-faar sɔ́r wɩɛr'ɩ bɛ nɩ kũu zie.

Sɛb-sõw yielu 112:6

A nɩ-mɩŋa bɛ be za na lo ɩ, a nɩbɛ na tɛr'ɩ a ʋ tɩɛrʋ kʋralɛ.

Sɛb-sõw yielu 34:14

Ʋ gùre ʋ tʋɔra a ƴɛ̀r-faar ƴãw, nɩ a ziri ƴãw.

Sɛb-sõw yielu 37:18

A bɛlɩ dem na bɛ tɛr sãwna a, a Sore mɩ́ kaarɛ nɩ a bɛ nyɔ-vʋʋrʋ zie, ɛ́ a tẽw na ɩ a bɛ gbã-dɩ-bom a, bɛ na so ʋ nɩ kʋralɛ.

Sɛb-sõw yielu 97:10

Nyɩɩm na nɔnɛ a Sore a, nyɩ hɩ̃ɛn a faalʋ, ʋ mɩ́ gù n a nɩbɛ na sàw de ʋ a nyɔ-vʋʋrʋ, ʋ mɩ́ faa bɛ nɩ a nɩ-faar nuru pʋɔ.

Zʋkpaɩ 10:25

A saa-sɛsɛb wa fu tɔl a, a nɩ-faa bɛ mɩ́ cãà be ɩ! Ɛcɛ a nɩ-mɩŋa ʋl mɩ́ àr'ɩ kʋralɛ.

Zʋkpaɩ 3:7

Ta tɩ́ɛrɛ kɛ́ fʋ ɩ n yã-bãwnɛ ɩ, nɩ̃ɛ zɔrɛ a Sore, ɛ́ gùr pùor cɔw a yel-faa.

Ɩzayi 14:32

Bɛ sɔw kɛ́ bʋnʋ kʋ̀ a nɩbɛ a Filisɩtɛ̃ mɩnɛ na tõ a? K'aa Sore mɩŋa n'ʋ mɛ a Sɩyɔ̃ tẽw. Be n'a a ʋ nɩ-bʋʋrɛ bãbàalbɛ kʋ̃ bãw damnʋ ɛ.

Ɩzayi 28:16

Ɛcɛ à ŋá n'a a Sore Naaŋmɩn yere: Ɩ̃ ƴãwnɛ nɩ yir pɛr kʋsɩɛr na kpɛmɛ kpɛmɛ a, a Sɩyɔ̃ tẽw pʋɔ, dacĩ-goraa kʋsɩɛr na vɩɛl vɩɛl a, kʋsɩɛr na be be a yir pɛr binu ƴãw a. Sob nɛ na tɩɛ a kʋsɩɛr ŋa ƴãw a bɛ lore ɩ.

Ɩzayi 63:19

A cɛlɩ nɩ yaga tɩ na bɛ cãà ɩ a nɩ-bʋʋrɛ bɛl zu fʋ na dɩrɛ a naalʋ a, a nɩ-bʋʋrɛ bɛl na bɛ cãà dɩ a fʋ yúor a! Áa! fʋ̃ʋ tori ɩ mɛ̃ fʋ cɩɛr'ɩ a salom ɛ́ siw a! A tan nãá dam'ɩ a fʋ niŋé!

Ɩzayi 65:15

A bɛlɩ dem ɩ̃ na kaa ír a, na mɩ́ de nɩ a nyɩ yúor, ɛ́ a ɩ ŋmɛ-ƴãw tɛwr ƴãw, bɛ mɩ́ yel: “A Sore Naaŋmɩn, ʋ ɩ fʋ kpi mɛ̃ bón bɩɩ bón a!” Ɛcɛ a ɩ̃ tõ-tõ-biir ƴãw a, yo-yũo n'ʋ bɛ na mɩ́ de.

Ezekɩɛl 9:4

Ʋ tɩ yel ʋ na: «Cen a Zerizalɛm sɛ́ɛ zu. Fʋ na tɩ nyɛ̃ nɩ a bɛl a na wone bɛ kone, a ɩb na bɛ maal'ɩ wob a nɩbɛ na ɩrɛ a tẽ-kpɛ̃ɛ ŋa pʋɔ a ƴãw. Fʋ na tɩ ƴãw bɛ nɩ bãwfʋ a gbẽé.»

Nahum 1:7

A Sore ɩ n nɩ-vla, ʋ ɩ n taw-lanʋ zie a kpɩɛrʋ daar. Ʋ mɩ́ kaa nɩ a bɛlɩ dem na zɔrɛ kpɩɛr a ʋ naayir a zie,

A naaŋmɩn-ƴɛ̀r-manɛ Aaze sɛbɛ 2:23

Ɛcɛ a ʋlɩ bibir nɛ a, ɩ̃ na kʋ̀ b'ɩ tõ-nʋɔr, Saltɩɛl bidɛb Zorobabɛl ɩ, fʋ̃ʋ na ɩ a ɩ̃ tõ-tone a, ɩ̃ na ɩ na fʋ ɩ mɛ̃ a nũ-tʋʋr bɛ na mɩ́ ƴãw nɩ bãwfʋ a, a fʋ̃ʋ na n'ʋ ɩ̃ kaa ír a ƴãw. À à ŋá n'a a mãa Sore, a kpɛnʋ-za-sob, yere.»

Zakari 3:9

Ɩ̃ bine nɩ kʋsɩɛr a Zozue niŋé, kʋsɛ-been yõ na tɛr zi-nyɩwrɩ ayopõi a. Mãa mɩŋa na wi n sɛbrʋ ƴãw a ʋ zu, ɛ́ bibi-been yõ, ɩ̃ ír a tẽw ŋa yel-bier bɛr. Mãa n'ʋ yere, a mãa Sore Kpɛnʋ-za-sob.

Sɔr-nɛ́ɛ 16:5

Al pùorí ʋ yel a Koore nɩ a ʋ nɩbɛ: «Bio biɓaara a, a Sore na ɩ na bɛ bãw sob nɛ ʋ na so a, sob nɛ na ɩ sõw ɛ́ na tʋ̃ɔ́ taw pɩɛl ʋ a. A sob nɛ ʋ na kaa ír a n'ʋ, ʋ na bɛr ʋ taw pɩɛl ʋ.

Sɔr-nɛ́ɛ 6:27

A bàwr-maalbɛ mɩ́ wa bʋɔlɩ a ɩ̃ yúor à à ŋá kɛ́ bɛ ƴɛ̀r nɔ-vla kʋ̀ a Ɩsɩrayɛl nɩbɛ a, mãa mɩŋa na mɩ́ maalɩ bɛ na.»

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Matie 7:23

Lɛ n'a ɩ̃ na yel kʋ̀ bɛ: “Ɩ̃ bɛ dãw bãw nyɩ towtow ɛ, nyɩ cen taw zaa a ɩ̃ zie, nyɩɩm na ɩrɛ ɩ-faar a!”»

Matie 7:25

A saa mĩ na, a kʋ̃ɔnɩ da taa siw, sɛsɛb-bɛrɛ fu na ŋmɛ a yir ŋa, ʋʋ bɛ lo ɩ: bɛ sʋ̃ɔ́ nɩ a ʋ pɛr kʋsɩɛr zu.

Markɩ 12:16

Bɛ tɩ de nɩ kãw wa n, a Yeezu wa sowri bɛ: «Ãa niwn nɩ ãa yúor'ɩ à á ŋá na wi a libir zu a?» Bɛ sɔw: «Sezaar dem'a!»

Markɩ 13:22

A lɛn daar, Naaŋmɩn nɩ-kabr-bɛlɛbɛlɛ nɩ naaŋmɩn-ƴɛ̀r-man-bɛlɛbɛlɛ na yi na, mɩ́ maalɩ nɔ-ɓãa-yele nɩ yel-bãw-guuri, kɛ́ alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri.

Luka 13:27

Ʋ na sɔw nyɩ na: “Ɩ̃ bɛ bãw nyɩ yib zie ɩ, nyɩ taw zaa a ɩ̃ zie, nyɩɩm na maalɛ yel-faar a.”

Luka 6:48

Ʋ ŋmɛ̃ na taa nɩ nɩr na ŋmaarɛ yir a: ʋ tuw nɩ bɔw-zulu kʋsɛ-pan zu ɛ́ sʋ̃ɔ́ a yir pɛr. A kʋ̃ɔ-paal na wa wa a, a bà-fʋɔla kʋ̃ɔnɩ da n taa wa ŋmɛ a yir ŋa, ɛ́ bɛ dam ʋ ɛ, ʋ na mɛ vla a ƴãw.

Zã 10:14

Mãa n'ɩ a pi-cɩ̃ɩn-vla. Ɩ̃ bãw nɩ a ɩ̃ píir ɛ́ a ɩ̃ píir bãw mɛ̃,

Zã 13:18

Nyɩ za ƴãw bɛ n'a ɩ̃ ƴɛ̀rɛ ɩ. Ɩ̃ bãw nɩ a bɛlɩ dem ɩ̃ na kaa ír a. Ɛcɛ a fɛr'a kɛ́ a Sɛb-sõw ƴɛ̀r-bie á ŋá tu: “A sob nɛ na tɩ lãwnɩ mɛ̃ dɩrɛ a, lɩɛb'ɩ a ɩ̃ dɔ̃ sob.”

Zã 3:33

Nɩr na sàw de a ʋ dãsɩɛ a, wul'a kɛ́ Naaŋmɩn ɩ n yel-mɩŋa sob.

Nɩ-toni 11:26

Ʋ tɩ nyɛ̃ ʋ nɩ a be, tɛr ʋ wa n a Ãtɩɔsɩ, bɛ wa lãw tõ yũon-ɓil a Ãtɩɔsɩ Lãw-yir pʋɔ, kanɩ nɩ nɩ-yaga. A Ãtɩɔsɩ n'a bɛ tɩ zànɩ bʋɔlɩ a po-tuurbɛ kɛ́ kɩrɩta-nɩbɛ.

Nɩ-toni 15:17

Lɛ n'a a nɩsaalbɛ bɛl na cɛ a na bɔbr a Sore, a nɩ-bʋʋrɛ bɛl za ɩ̃ na bʋɔlɩ kɛ́ bɛ wa ɩ a ɩ̃ nɩ-sori a. À ŋá n'a a Sore yere,

Nɩ-toni 9:14

A bàwr-maal-nɩ-bɛrɛ kʋ̀ ʋ nɩ sɔ́r ʋ wa a ka, k'ʋʋ wa nyɔw a bɛlɩ dem za na bʋɔlɛ a fʋ yúor a ƴãw bamɛ.»

Ʋrɔm 11:2

Naaŋmɩn bɛ jɛ a ʋ nɩbɛ ʋ na tɩ dãw kaa ír a bɛr ɛ. Mɛ̃ nyɩ taa bãw a lɛ a Sɛb-sõw na yel a ʋ zie kãw, a lɛ a naaŋmɩn-ƴɛ̀r-manɛ Eli na tɩ manɛ a Ɩsɩrayɛl nɩbɛ sãwna a Naaŋmɩn zie a?

Ʋrɔm 12:9

Nyɩ nɔnɛ taa sɩza. Nyɩ hɩ̃ɛn a yel-faa ɛ́ tu a yel-vla pùor.

Ʋrɔm 15:20

Ɛcɛ ɩ̃ bɛ sàw yel a Yel-nʋ̃ɔ̀ be nɩbɛ na wõ a Kɩrɩta yele a ɩ, k'ɩ̃ɩ taa wa mɩɛr a dacine dɔwlɛ yir pɛr zu nɩ-yũo na lɔb a ɩ.

Ʋrɔm 15:9

A bɛl na bɛ ɩ Zifʋ mɩnɛ a, a Naaŋmɩn nɩ-bàal-zɔba zũú n'a bɛ danɛ ʋ, a tu mɛ̃ a lɛ a Sɛb-sõw na yel a: «Alɛ n'a so ɩ̃ na danɛ fʋ nɩ-bʋʋr-yoru sɔgɔ, ɩ̃ na yiele na ƴãwnɛ nɩ a fʋ yúor.»

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

Ʋrɔm 9:11

Ɛcɛ Naaŋmɩn mɩ́ kaa na ír a nɩbɛ tu n a lɛ ʋ na cɔbrɩ a yele bin a: a ʋ kaa-íru mɩ́ tu n a bʋɔlʋ ʋ na bʋɔlɛ bɛ a, ʋ bɛ mɩ́ tu a bɛ ɩ-ɩrɩ ɛ. A Naaŋmɩn na bɔbr k'ʋʋ wul k'aa lɛ ʋ na cɔbrɩ a yele bin a, a gã nɩ kʋralɛ a, ʋ tɩ yel'ɩ a Erebeka, a lɛn daar a ʋ yɩbr na bɛ tɩ dɔw sɛr, ɛ́ mɩ̀ bɛ tɩ maalɩ vla bɩɩ faa sɛr a: «A kpɛ̃ɛ na ɩ n a bile tõ-tone.»

1 Korɛ̃tɩ 1:2

Nyɩɩm na ɩ a Naaŋmɩn Lãw-yir be a Korɛ̃tɩ a, nyɩɩm na páw a sonu lãwnɩ a Kɩrɩta Yeezu a, nyɩɩm bɛ na bʋɔlɛ nɩ-son lãwnɩ a bɛlɩ dem za na bʋɔlɛ a tɩ Sore Yeezu Kɩrɩta yúor zie nɛ za bɛ na be a, ʋl na ɩ a tɩɩm nɩ a bɛl za Sore a, nyɩ za nɛbɛ ɩ̃ sɛbr.

1 Korɛ̃tɩ 8:3

Ɛcɛ nɩr wa nɔnɛ Naaŋmɩn a, a Naaŋmɩn mɩ́ bãw ʋ na.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Galasi 4:9

Ɛcɛ ƴɛrɛŋa nyɩ na bãw a Naaŋmɩn a, bɩɩ a Naaŋmɩn na nɩ̃ɛ n'ʋ bãw nyɩ a, ŋmɩŋmɩn za n'a nyɩ lɛb cere a bome á ŋá na bɛ tɛr fãw, bɛ tɛr bom za a zie, bɔbr kɛ́ nyɩ ɩ a gbãgbaar?

Efɛɛzɩ 2:20

Bɛ de nyɩ na ƴãw a yir mɩɛrʋ pʋɔ, a ʋl bɛ na sʋ̃ɔ́ a pɛr a nɩ-toni nɩ a naaŋmɩn-ƴɛ̀r-manbɛ zu, ɛ́ a Yeezu Kɩrɩta mɩŋa ɩ a yir pɛr kʋsɩɛr a.

Efɛɛzɩ 3:15

ʋl zie dɔwlʋ za na yi, a salom zu nɩ a tẽw zu ka a.

Efɛɛzɩ 4:30

Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

1 Timote 3:15

Ɛcɛ, mãa wa ɩ mɛ̃ ɩ̃ kɔwrɛ na a, fʋ na bãw nɩ a lɛ a na sɛw kɛ́ fʋ ɩrɛ a Naaŋmɩn yir pʋɔ na ɩ a Naaŋmɩn na vʋʋrɛ a Lãw-yir a, a Lãw-yir ŋa na ɩ a yel-mɩŋa kpul ɛ́ tɩɛ a yel-mɩŋa tɛr a.

1 Timote 6:19

Lɛ n'a bɛ na páw na-bʋ̃-vɩɛlɩ na kʋ̃ sãw a gbõ taa, a bɛl mɩŋa ƴãw a nɩdaar ƴãw, kɛ́ bɛ wa tʋ̃ɔ́ páw a nyɔ-vʋʋrʋ tɔr za.

Ebre 11:10

Bʋ̃ʋ n'ʋ vɛ̃, a Abraham tɩ gùre nɩ tẽ-kpɛ̃ɛ bɛ na sʋ̃ɔ́ a pɛr ʋ kpɛmɛ a, ɛ́ a Naaŋmɩn ɩ a sob nɛ na tɩɛrɩ a mɩɛrʋ, ɛ́ lɛb ɩ a mɩɛrɛ a.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

1 Zã 2:19

A nɩbɛ bɛ ŋa yi n a tɩ zie, ɛcɛ bɛ bɛ tɩ ɩ a tɩ nɩbɛ ɩ. Bɛlɛ tɩ sɩrɩ ɩ a tɩ nɩbɛ a, bɛ nãá tɩ cãà na be a tɩ zie. Ɛcɛ bɛ yi na zaa a tɩ pʋɔ, k'aa ɩ cãà kɛ́ bɛ been kãw za bɛ tɩ ɩ a tɩ nɩr ɛ.

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

Yel-wula 21:14

A tẽw dacin tɩ mɛ na dɔwlɩ kʋsɛbɛ pie nɩ ayi zu bɛ na sʋ̃ɔ́ nɩ a pɛr a, ɛ́ a Pele nɩ-toni pie nɩ ayi yée sɛb a kʋsɛbɛ zu.

Yel-wula 22:4

Bɛ na nyɛ̃ nɩ a ʋ niwn, ɛ́ a ʋ yúor sɛb a bɛ gbẽé.

Yel-wula 3:8

ɩ̃ bãw nɩ a fʋ tome. Nyɛ̃, ɩ̃ yuo nɩ pan a fʋ niŋé nɩr na kʋ̃ tʋ̃ɔ́ pàw a. Fʋ bɛ tɛr fãw yaga ɩ, ɛcɛ fʋ tɛr'ɩ a ɩ̃ ƴɛ̀rʋ vla ɛ́ bɛ jɛ m bɛr ɛ.