2 Timote 2:15 - A SƐB-SÕW

¹⁵ Ɩ fãw àr a Naaŋmɩn niŋé mɛ̃ nɩr bɛ na ɩ kaa a, mɛ̃ tõ-tõ-bie na bɛ zɔrɛ a ʋ tome vĩ a, ɩ mɛ̃ tõ-tõ-bie na manɛ a yel-mɩŋa ƴɛ̀rʋ vla vla za a.

2 Timote 2:15 ပူးပေါင်းရင်းမြစ်များ

Matie 13:52

Ʋ lɛb yel bɛ: «A na ŋmɛ̃ à ŋá a, Naaŋmɩn wulu sɛ-sɛbrɛ za na bãw a tẽ-vla Naalʋ yele a, ŋmɛ̃ na taa nɩ yir sob na mɩ́ ír bʋ̃-paalɛ nɩ bʋ̃-kore a ʋ na-bome pʋɔ a.»

Markɩ 4:33

A zʋkpa-yaga á ŋá taabɛ n'a a Yeezu mɩ́ tɩ lɔbr hiere nɩ a Naaŋmɩn ƴɛ̀rʋ kʋ̀rɛ a nɩbɛ, mɛ̃ a lɛ bɛ na na tʋ̃ɔ́ bãw a pɛr a.

Luka 12:42

A Sore tɩ sɔw na: «Bʋ̃-kaarɛ vla buor sob'ʋ, bãw yã, a zu-sob na ƴãw k'ʋ dɩ nɩ-kpɛ̃ɛnʋ a ʋ yir nɩbɛ zu, kɛ́ a daar mɩ́ wa ta a, ʋ̃ʋ manɩ a ble kʋ̀ bɛ?

Nɩ-toni 2:22

«Ɩsɩrayɛl biir i, nyɩ ƴãw tobr a ɩ̃ ƴɛ̀rʋ ƴãw: a Nazarɛtɩ tẽw Yeezu, a dɛb ŋa a Naaŋmɩn na de a yele, ɛ́ ƴãw k'ʋ maalɩ nɔ-ɓãa-yele a nyɩ sɔgɔ, lãwnɩ yel-bãw-guuri nɩ yele na ɩ bãwfʋ sãá a, mɛ̃ a lɛ nyɩɩm mɩŋa na bãw a,

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Ʋrɔm 14:18

Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.

Ʋrɔm 16:10

Nyɩ puori Apɛl na wul a sãá ʋ na sàw de a Kɩrɩta a. Nyɩ mɩ̀ puori a Arɩsɩtobul yir dem.

Ʋrɔm 6:13

Nyɩ ta cãà dier a nyɩ ƴã-gã-ɓɛrmɛ a lɩɛbɩ yel-bier tõ-tõ-bome, nyɩ ɩrɛ nɩ a lɛ na bɛ tu sɔ́r a ɩ. Nyɩ nɩ̃ɛ vɛ̃ kɛ́ de nyɩ mɩŋa kʋ̀ a Naaŋmɩn, mɛ̃ nɩbɛ na tɩ kpi ɛ́ lɛb wa vʋʋrɛ a, ɛ́ nyɩ tone a ʋ tome, ɩ mɛ̃ tõ-tõ-bome a yel-vla maalʋ ƴãw a.

1 Korɛ̃tɩ 2:6

Yã-bãwfʋ ƴɛ̀rʋ n'a tɩ sɩrɩ ƴɛ̀rɛ a kɩrɩta-nɩbɛ bɛl na bɩ nɩbɛ a bɛ naaŋmɩn-sàw-deb pʋɔ a sɔgɔ, yã-bãwfʋ na bɛ ɩ tẽw ŋa zu dem, bɛ lɛb ɩ tẽw ŋa zu na-mɩnɛ dem a n'ʋ, bɛl be n kũu ƴãw.

2 Korɛ̃tɩ 10:18

A sob nɛ na nyɛ̃ ʋ tʋɔra ʋ ɩ nɩ-vla a, a ʋ yele bɛ n'a bɛ mɩ́ de ɩ, sob nɛ a Sore na yel k'ʋʋ ɩ n nɩ-vla a n'ʋ.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

2 Korɛ̃tɩ 5:9

Ɛcɛ bom nɛ tɩ na bɔbr zuo a za a n'ɩ kɛ́ tɩ pɛlɩ a ʋ pʋɔ, tɩmɛ saa na be a ƴã-gan ŋa pʋɔ bɩɩ yi kɛ́ bɛr ʋ a.

Galasi 1:10

A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.

Efɛɛzɩ 1:13

A Kɩrɩta nyɩ na lãw nɩ a ƴãw n'a nyɩ wõ a yel-mɩŋa ƴɛ̀rʋ, a Yel-nʋ̃ɔ̀ na faarɛ nyɩ a. A ʋl nyɩ na lãw nɩ a ƴãw mɩ̀ cãà n'a nyɩ sàw de, ɛ́ bɛ ŋmãa a Vʋʋrʋ a Naaŋmɩn na tɩr a bãwfʋ ƴãw nyɩ, a Vʋʋrʋ Sõw na ɩ

1 Tesalonikɩ 2:4

Tɩ nɩ̃ɛ na mɩ́ ƴɛ̀rɛ kʋralɛ mɛ̃ a lɛ a Naaŋmɩn na bɔbr a, bʋ̃ʋ n'ʋ vɛ̃, ʋ ɩ tɩ na kaa ɛ́ de a Yel-nʋ̃ɔ̀ kʋ̀ tɩ. Nɩsaalbɛ bɛ nɛbɛ tɩ bɔbr kɛ́ tɩ ɩrɛ nʋ̃ɔ̀ kpɩɛr ɛ, Naaŋmɩn n'ʋ tɩ bɔbr kɛ́ tɩ ɩrɛ nʋ̃ɔ̀ kpɩɛr, ʋlɛ na n'ʋ mɩ́ ɩ a tɩ socie kaa bãw a ŋmɛ̃a a.

1 Tesalonikɩ 5:14

Yɛbr i, tɩ kpaalɛ nyɩ na: nyɩ kpãanɛ a ƴã-to-dem, nyɩ mɩ́ yel a bɛlɩ dem na zɔrɛ dɛ̃bɩ̃ɛ a, kɛ́ bɛ ƴãw fãw bɛr a dɛ̃bɩ̃ɛ, nyɩ sõwne a bãbàalbɛ, nyɩ tɛr su-nyɔwra a nɩbɛ za zie.

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

Ebre 4:11

A na ɩ à ŋá a, nyɩ ɩ tɩ ƴãw fãw ta a pɩ̃ɛnʋ ŋa zie, a tɩ sãàkʋm-kore bɛ-wonu taa ɩrɛ tɩ kãw za ʋ lore ɩ.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

Zakɩ 1:18

Ʋ nɔnɛ na dɔw tɩ nɩ a ʋ ƴɛ̀rʋ na ɩ a yel-mɩŋa a, kɛ́ tɩ tʋ̃ɔ́ ɩ niw-dierbɛ a ʋ bʋ̃-íri za pʋɔ.

2 Pɩɛr 1:10

Alɛ n'a so, yɛbr i, nyɩ lɛb bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ́ kaa ír nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ.

2 Pɩɛr 1:15

Ɛcɛ ɩ̃ na ƴãw nɩ fãw kɛ̀ mãa bɛ wa ka be a, nyɩɩm tʋ̃ɔ́ tɛr a ɩ̃ wulu á ŋá kʋralɛ nɩ ziir za, taa wa yiire a bɛrɛ ɩ.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.