2 Timote 2:12 - A SƐB-SÕW

¹² Tɩmɛ wa dɩ kanyir a, tɩ mɩ̀ na lãw nɩ ʋ na dɩ naalʋ. Tɩmɛ wa zawr'ʋ bɛr a, ʋ mɩ̀ na zawrɩ tɩ na bɛr.

2 Timote 2:12 ပူးပေါင်းရင်းမြစ်များ

Zʋkpaɩ 30:9

Bʋ̃ʋ n'ʋ vɛ̃, mãa wa tɛr a zuo a, ɩ̃ na tʋ̃ɔ́ na zawrɩ fʋ bɛr, yere nɩ: «Ãa n'ɩ a Sore?», bɩɩ mãa wa ɩ nã́w sob zuo a, ɩ̃ na tʋ̃ɔ́ na lɩɛbɩ nyãnyuwe sãw a ɩ̃ Naaŋmɩn yúor.

Matie 10:33

Ɛcɛ sob nɛ za na yel a nɩbɛ niŋé k'ʋʋ bɛ bãw mɛ̃ a, ɩ̃ mɩ̀ na yel'ɩ a ɩ̃ Sãà na be a tẽ-vla pʋɔ a niŋé k'ɩ̃ɩ bɛ bãw ʋ ɛ.»

Matie 26:35

A Pɩɛr tɩ yel ʋ na: «Ɩ̃ bɛ be za na ciiri k'ɩ̃ɩ bɛ bãw fʋ ɛ, alɛ saa na fɛr kɛ́ mãa nɩ fʋ̃ʋ za lãw kpi a.» A po-tuurbɛ za mɩ̀ tɩ yere nɩ a lɛn tɔr za.

Matie 26:75

A Pɩɛr tɩ lɛb'a tɩɛrɩ bãwnɩ a ƴɛ̀rʋ ŋa a Yeezu na tɩ ƴɛ̀r kʋ̀ ʋ a: «Nʋra kʋ̃ kõ sɛr ɛ, ɛ́ fʋ ciiri gb'a ata kɛ́ fʋ bɛ bãw mɛ̃ ɩ.» Ʋ tɩ yi na tɩ kõ cir mʋta-zɩ̃ɩ.

Markɩ 10:33

Ʋ tɩ yel'a kʋ̀ bɛ: «Nyɩ nyɛ̃, tɩ dúor'ɩ a Zerizalɛm, bɛ na tɩ nyɔw nɩ a Nɩsaal Bie ƴãw a bàwr-maal-nɩ-bɛrɛ nɩ a Naaŋmɩn wulu sɛ-sɛbrbɛ nuru pʋɔ. Bɛ na ŋmãa nɩ kũu dɔwrʋ ƴãw ʋ, ɛ́ de ʋ kʋ̀ nɩ-bʋʋr-yoru.

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Luka 12:9

Ɛcɛ sob nɛ za mɩ̀ nãà bɛ wa sàw a nɩbɛ za niŋé k'ʋʋ ɩ n a ɩ̃ po-tuure a, a Nɩsaal Bie mɩ̀ na yel'ɩ a Naaŋmɩn malkɩ mɩnɛ niŋé k'ʋʋ bɛ bãw ʋ ɛ.

Luka 22:29

Ɛ́ a mãa a, ɩ̃ so nɩ a naalʋ na kʋ̀ nyɩ, mɛ̃ a lɛ a ɩ̃ Sãà na so ʋ kʋ̀ m a:

Luka 22:30

nyɩ na dɩ na ɛ́ nyũ a ɩ̃ bʋ̃-dɩrɩ dɩb zie, a ɩ̃ naalʋ-dɩb daar, ɛ́ nyɩ na zɩ̃ n naalʋ-dà-kɔwr zuru maal'ɩ a Ɩsɩrayɛl dɔwlʋ pie nɩ ayi a ƴɛ̀rʋ.»

Luka 9:26

Nɩr wa nyɛ̃ mãa nɩ a ɩ̃ ƴɛ̀rʋ ɩrɛ ʋ vĩ a, a Nɩsaal Bie mɩ̀ na nyɛ̃ na ʋ ɩrɛ ʋ vĩ, a lɛn daar ʋ nãà wa wa a ʋ yúor-vɩɛlʋ-danʋ pʋɔ a, a ʋ Sãà nɩ a malkɩ son yúor-vɩɛlʋ-danʋ pʋɔ a.

Nɩ-toni 14:22

Bɛ tɩ ɩ na a po-tuurbɛ kpɛ socie ɛ́ bɛr dɛ̃bɩ̃ɛ. Bɛ tɩ kanɛ nɩ bɛ na yere kɛ́ bɛ ƴãw fãw tɛr a naaŋmɩn-sàwfʋ kʋralɛ, bɛ mɩ̀ tɩ yere nɩ à ŋá kʋ̀rɛ bɛ: «A fɛr'a kɛ́ tɩ nyɛ̃ dɔwrʋ yaga a Naaŋmɩn Naalʋ pʋɔ kpɛb ƴãw.»

Ʋrɔm 5:17

Nɩ-been yõ ƴãw sɩrɩ n'a, nɩ-been yõ sãwna n'a so a kũu dɩ naalʋ, ɛcɛ a Yeezu Kɩrɩta, ʋ yõ ƴãw a, a bɛlɩ dem na páwr a Naaŋmɩn maalʋ yaga za a, nɩ a maalʋ na ɩ kɛ́ bɛ lɩɛbɩ nɩ-mɩn a, na vʋʋrɛ na ɛ́ dɩrɛ naalʋ zuo lɛ.

Ʋrɔm 8:17

Tɩ na ɩ a ʋ bibiir a, tɩ mɩ̀ pʋɔ nɩ a maalʋ a Naaŋmɩn na yel k'ʋʋ na kʋ̀ n a ʋ nɩ-bʋʋrɛ a pʋɔ, tɩ pʋɔ na lãw nɩ a Kɩrɩta, bʋ̃ʋ n'ʋ vɛ̃, tɩmɛ wa ɩ mɛ̃ tɩ lãw nɩ nɩ a Kɩrɩta wone a tuo a, tɩ mɩ̀ nãà lãw nɩ ʋ na a ʋ yúor-vɩɛlʋ-danʋ pʋɔ.

Filib 1:28

ɛ́ bɛ sàw a nyɩ dɔ̃ dem vʋ̃ɔ nyɩ pʋ̀lá zaa pʋrɩ ɛ, lɛ n'a a na wul bɛ kɛ́ bɛ bɔrɛ na, ɛcɛ a nyɩɩm be a faafʋ sɔ́r zu, ɛ́ a za yi a Naaŋmɩn zie.

1 Timote 5:8

Nɩr bɛ wa kaarɛ a ʋ nɩbɛ zie a, baa zuo a za a bɛl na kpɩɛr a ʋ yir pʋɔ a, ʋ zawr'ɩ a naaŋmɩn-sàw-deb bɛr, ʋ kpɛ n faa zuo sob nɛ na bɛ tɛr a naaŋmɩn-sàw-deb a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.

Yel-wula 1:6

Ʋ ɩ na tɩ ɩ na-mɩnɛ nɩ-bʋʋrɛ, bàwr-maalbɛ a Naaŋmɩn ʋ Sãà ƴãw. Ʋlɛ so yúor-vɩɛlʋ-danʋ nɩ kpɛnʋ a yome yome za. Amɛn.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Yel-wula 20:6

Bɛlɩ dem na pʋɔ a kũu-pʋɔ-lɛb-yibu dãw-niwn sob ŋa pʋɔ a, bɛ ɩ n zu-nʋ̃ɔ̀ dem ɛ́ ɩ Naaŋmɩn nɩ-sori. A kũu-gb'a ayi sob bɛ ɩrɛ bɛ bom za ɩ: bɛ na ɩ n a Naaŋmɩn nɩ a Kɩrɩta bàwr-maalbɛ, ɛ́ bɛ na lãw nɩ nɩ a Kɩrɩta dɩ naalʋ yome túr (1 000).

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.

Yel-wula 3:8

ɩ̃ bãw nɩ a fʋ tome. Nyɛ̃, ɩ̃ yuo nɩ pan a fʋ niŋé nɩr na kʋ̃ tʋ̃ɔ́ pàw a. Fʋ bɛ tɛr fãw yaga ɩ, ɛcɛ fʋ tɛr'ɩ a ɩ̃ ƴɛ̀rʋ vla ɛ́ bɛ jɛ m bɛr ɛ.

Yel-wula 5:10

Fʋ ɩ na bɛ ɩ na-mɩnɛ nɩ-bʋʋrɛ nɩ bàwr-maalbɛ a tɩ Naaŋmɩn ƴãw, ɛ́ bɛ na dɩrɛ nɩ naalʋ a tẽw zu.»