2 Timote 1:13 - A SƐB-SÕW

¹³ Tuur a yel-mɩŋa ƴɛ̀r-bie al ɩ̃ na ƴɛ̀r kʋ̀ b a Kɩrɩta Yeezu sàw-deb nɩ a ʋ nɔ̃wfʋ pʋɔ a.

2 Timote 1:13 ပူးပေါင်းရင်းမြစ်များ

Zʋkpaɩ 23:23

Zanɩ a yel-mɩŋa yelu, a tɩ́ɛrʋ tɛrʋ ɛ́ nɔnɛ a wulu na vɩɛl a nɩ a yã. Ɛ́ fʋ̃ʋ wa tɛr a yel-vɩɛlɩ á ŋá baar'a, fʋ̃ʋ taa sãwnɛ a bɛrɛ ɩ.

Zʋkpaɩ 3:18

A yã-bãwfʋ ɩ n nyɔ-vʋʋrʋ tɩɛ a bɛlɩ dem na nyɔw ʋ a zie, ɛ́ zu-nʋ̃ɔ̀ dem n'ɩ a bɛlɩ dem na nyɔw ʋ tɛr a.

Zʋkpaɩ 3:21

Ɩ̃ bie e, a maal-ɩrɛ nɩ a yele-jielu a, a taa wa zãánɛ nɩ fʋ ɛ: tuur a.

Zʋkpaɩ 4:13

Tɛr a wulu bɛ na wul fʋ a kpɛ̃w kpɛ̃w za, taa zawrɛ ʋ bɛrɛ ɩ. Maal tɛr ʋ, ʋ ɩ n a fʋ nyɔ-vʋʋrʋ.

Zʋkpaɩ 8:14

A ɩ̃ ton n'ɩ k'ɩ̃ɩ wule a nɩsaalbɛ a yã, ɛ́ wule bɛ bɛ mɩ́ dãw bãwnɩ a yel cɔbrɩ. Mãa n'ɩ a yã, ɛ́ mãa so a kpɛnʋ.

Ʋrɔm 2:20

a bɛlɩ dem na bɛ bãw bom za a wul-wule, a bɛlɩ dem na bɛ bãw bom sɛr a wul-wule, fʋ na bãw k'aa Naaŋmɩn wulu ɩ n a bãwfʋ nɩ a yel-mɩŋa ŋmɛ̃a tɔr za a ƴãw.

Ʋrɔm 6:17

Ɛcɛ Naaŋmɩn so puoru: nyɩ tɩ dãw na ɩ a yel-bier gbãgbaar, ƴɛrɛŋa a, a wulu bɛ na wul nyɩ a sɛw kɛ́ nɩbɛ za tuur a, nyɩ sàw na de ʋ nɩ nyɩ pʋɔ za.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 4:9

Bom nɛ nyɩ na zànɩ ɛ́ páw a ɩ̃ zie a, bom nɛ nyɩ na nyɛ̃ a ɩ̃ zie ɛ́ wõ a, nyɩ tɛr a ɩrɛ, ɛ́ a ƴã-ɓaarʋ Naaŋmɩn na be n a nyɩ zie.

Kɔlɔsɩ 1:4

Tɩ wõ n a lɛ nyɩ na sàw de a Yeezu Kɩrɩta a, nɩ a nɔ̃wfʋ nyɩ na tɛr a kɩrɩta-biir za ƴãw a,

1 Tesalonikɩ 5:21

Ɛcɛ, nyɩ mɩ́ jɛl bom za kaa ɛ́ kaa ír a ʋl na vɩɛl a tɛr,

1 Timote 1:10

pɩ̃ɔ-yel-maalbɛ, dɛb-bɛrɛ na gánɛ nɩ dɛbli a, nɩbɛ na kʋɔrɛ gbãgbaar a, zir-ŋmarbɛ ƴãw n'a, nɩbɛ na mɩ́ pɔ ɛ́ bɛ ír a bɛ pɔɛ a ƴãw n'a, nɩ bom za na bɛ tu a wul-vla a.

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

1 Timote 6:3

Nɩr wa wule wul-yũo a, ʋlɛ bɛ wa tu a tɩ Sore Yeezu Kɩrɩta ƴɛ̀r-bi-vɩɛlɩ nɩ a wulu na tu a tɩ Naaŋmɩn ƴãwfʋ a,

2 Timote 1:1

A mãa Pol Naaŋmɩn na nɔ̃w yã ƴãw ɩ̃ ɩ a Kɩrɩta Yeezu nɩ-tona a, a tu a lɛ ʋ na yel k'ʋʋ na kʋ̀ tɩ nɩ a nyɔ-vʋʋrʋ a Kɩrɩta Yeezu ƴãw a,

2 Timote 1:14

Maal tɛr a bʋ̃-vla ŋa bɛ na kʋ̀ b a, nɩ a Vʋʋrʋ Sõw fãw, ʋl na kpɩɛr a tɩ pʋɔ a.

2 Timote 2:2

A bom nɛ fʋ na wõ a ɩ̃ zie, dãsɩɛ dem yaga niŋé a, man ʋ kʋ̀ nɩbɛ bɛl ƴãw fʋ na bɛr tɩɛrʋ, ɛ́ bɛ mɩ̀ na tʋ̃ɔ́ wul ʋ nɩ-yoru a.

2 Timote 3:14

Ɛcɛ a fʋ̃ʋ a, a yele al fʋ na zànɩ ɛ́ nyɛ̃ a ɩ sɩza a, maal tɛr a kpɛ̃w za. Fʋ bãw nɩ a bɛlɩ dem zie fʋ na zànɩ a yele á ŋá a.

2 Timote 4:3

Daar kãw sɩrɩ na waar na ta, bɛ mɩnɛ kʋ̃ cãà sàwr a wul-vla ɩ, ɛcɛ mɛ̃ a lɛ bɛ na bɔbr a, bɛ na tɛr'ɩ wul-wulbɛ yaga yaga bɛ manɛ yele na nʋmɛ a bɛ tobe wob ƴãw a.

Títɩ̀ 1:9

A fɛr'a k'ʋʋ tu a ƴɛ̀rʋ na sɛwnɩ sàw deb a pùor sɩza, mɛ̃ a lɛ a wulu na bin a. À ŋá n'a ʋ na tʋ̃ɔ́ kpaalɛ a nɩbɛ a wul-vla pʋɔ, ɛ́ wule a bɛ tulu a bɛlɩ dem na ŋmɩɛr a ʋ ƴɛ̀rʋ lɔbr a.

Títɩ̀ 2:1

Ɛ́ a fʋ̃ʋ a, wule a nɩbɛ a lɛ na tu a wul-vla a.

Títɩ̀ 2:8

A fʋ ƴɛ̀rʋ, a vɩɛl, nɩr ta tʋ̃ɔ́ nyɛ̃ yel-faa a pʋɔ ɩ, lɛ n'a a dɔ̃ sob na nyɛ̃ vĩ, ʋ na kʋ̃ nyɛ̃ yel-faa kãw za ƴɛ̀rʋ ƴɛ̀r a tɩ ƴãw a.

Ebre 10:23

Tɩ na yere kɛ́ tɩ ƴãw nɩ a tɩ tɩɛrʋ a Naaŋmɩn ƴãw a, tɩ tɛr ʋ kpɛ̃w za, bʋ̃ʋ n'ʋ vɛ̃, a Naaŋmɩn na ƴãw a nʋɔr a ŋmɛ̃ n ʋ ŋmɛ̃a.

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.

Yel-wula 2:25

Ɛcɛ, a ʋlɩ bom nɛ nyɩ na tɛr a, nyɩ ƴãw fãw fɩɩr'ʋ tɛr ɛ́ gù ɩ̃ wa wa.

Yel-wula 3:11

Ɩ̃ kʋ̃ yaa kɛ́ wa ɩ. A ʋlɩ bom nɛ fʋ na tɛr a, fɩɩr'ʋ tɛr kpɛ̃w za nɩr za taa faarɛ a fʋ zɛb-tʋ̃ɔ́fʋ kpawʋɔ ɩ.

Yel-wula 3:3

A na ɩ lɛ a, lɛb tɩɛrɩ a lɛ fʋ na de a wulu ɛ́ wõ ʋ a. Tuur a wulu ŋa ɛ́ lɩɛbɩ a fʋ ɩb. Fʋ̃ʋ bɛ wa cɛlɛ be a, ɩ̃ na wa na wa ur fʋ mɛ̃ nyãnyuge a, ɛ́ fʋ kʋ̃ bãw a tɛm ɛ.