2 Timote 1:10 - A SƐB-SÕW

¹⁰ Ƴɛrɛŋa a, a maalʋ ŋa pãa sãá na, a tɩ Faarɛ Kɩrɩta Yeezu na wul ʋ tʋɔra a zũú. Ʋlɛ n'ʋ ɩ a kũu kpɛnʋ baarɩ, ɛ́ ɩ a nyɔ-vʋʋrʋ na bɛ tɛr kũu a, ʋ sãá a Yel-nʋ̃ɔ̀ manʋ pʋɔ.

2 Timote 1:10 ပူးပေါင်းရင်းမြစ်များ

Ɩzayi 43:3

Bʋ̃ʋ n'ʋ vɛ̃, a mãa, a Sore, ɩ̃ ɩ n a fʋ Naaŋmɩn. A mãa, a Ɩsɩrayɛl Naaŋmɩn na ɩ sõw a, ɩ̃ ɩ n a fʋ faarɛ. A Eziptɩ tẽw n'ʋ ɩ̃ tɩrɛ a fʋ ya-deb ƴãw, Etiopi nɩ Seva ten n'a ɩ̃ dier tɛwr'ɩ fʋ.

Ɩzayi 45:15

Ɩsɩrayɛl Naaŋmɩn i, fʋ̃ʋ na faarɛ a, fʋ sɩrɩ na ɩ Naaŋmɩn na sɔwlɩ a!

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

Luka 11:36

Lɛ so a fʋ ƴã-gan za wa be a cãà pʋɔ a, ɛ́ a ʋ zie kãw za bɛ be lige pʋɔ a, ʋ za na be n a cãà pʋɔ mɛ̃ a lɛ a fɩ̃tɩlɛ cãà na mɩ́ caalɩ fʋ nɩ a ʋ cãà na nyɩwrɛ a.»

Luka 13:7

Lɛ n'a ʋ tɩ yel a divɛ̃ tɩɩr po-kʋ́ɔrɛ: “Nyɛ̃! yome ata n'ɩ yũona, ɩ̃ na mɩ́ wa k'ɩ̃ɩ wa pɔr kãkamɛ a tɩɛ ŋa zu, ɛ́ bɛ mɩ́ wa nyɛ̃ a a. Cɛ ʋ bɛr, bʋ̃ʋ ƴãw n'a ʋ sãwnɛ a tẽsɔw bɛrɛ?”

Luka 2:11

Faarɛ dɔw nɩ a nyɩ ƴãw a dɩ̃a, a Daviir tẽw pʋɔ, ʋlɛ n'ɩ a Kɩrɩta, a Sore.

Zã 1:9

A Ƴɛ̀rʋ tɩ n'ɩ a cãà mɩŋa na waar a tẽ-daa zu ɛ́ caalɛ nɩsaal za a.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Zã 20:31

À á ŋá bɛ na sɛb ƴãw a, bɛ sɛb'a ƴãw kɛ́ nyɩ sàw de kɛ́ a Yeezu sɩrɩ na ɩ a Kɩrɩta, a Naaŋmɩn Bie, ɛ́ a nyɩ sàwfʋ zũú n'a nyɩ na páw a nyɔ-vʋʋrʋ a ʋ yúor ƴãw.

Zã 4:42

Bɛ tɩ yere nɩ a pɔw zie: «Ƴɛrɛŋa a, fʋ̃ʋ na yel a bɛ cãà n'a so tɩ sàw ɛ. Tɩ mɩ̀ wõ n a ʋ ƴɛ̀rʋ, ɛ́ tɩ bãw na kɛ́ ʋlɛ sɩrɩ n'ɩ a tẽ-daa Faarɛ.»

Zã 5:40

Ɛ́ nyɩ bɛ bɔbr kɛ́ nyɩ wa a ɩ̃ zie wa páw a nyɔ-vʋʋrʋ na be kʋralɛ a ɩ.

Nɩ-toni 13:23

Ɛcɛ mɛ̃ a lɛ a Naaŋmɩn na tɩ ƴãw a nʋɔr a, ʋ ɩ na faarɛ yi a Daviir bʋʋrɛ pʋɔ a Ɩsɩrayɛl nɩbɛ ƴãw, ʋlɛ n'ɩ a Yeezu.

Nɩ-toni 5:31

Ʋlɛ n'ʋ a Naaŋmɩn zɛw nɩ a ʋ dʋrʋ nũu, ɩ k'ʋ ɩ nɩ-kpɛ̃ɛ nɩ faarɛ, k'ʋʋ tʋ̃ɔ́ ɩ a Ɩsɩrayɛl bibiir lɩɛbɩ a bɛ ɩb ɛ́ páw a bɛ yel-bebe suur.

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 3:31

A pãa ɩ lɛ, a sàw-deb zũú, tɩ yel k'aa Wulu bɛ cãà tɛr pɛr towtow ʋ? Lɛ bɛ n'a ɩ, tɩ nɩ̃ɛ na ɩ a Wulu pɛr sɩza ʋ sãá.

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

1 Korɛ̃tɩ 15:26

A dɔ̃ sob pɛ-baara bɛ na na sãw bɛr a n'ɩ a kũu.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

2 Korɛ̃tɩ 5:4

Sɩza n'a, a tɩɩm na be a pɛn-sɛw ŋa pʋɔ a, tɩ kone na mɛ̃ nɩbɛ na tuo tuor ìre nɩ guur a. Tɩ bɛ bɔbr kɛ́ tɩ yaa a tẽw zu ka kpɛb zie bɛr ɛ, tɩ bɔbr'a kɛ́ tɩ su a tẽ-vla pʋɔ dem dɔwlɩ, k'aa nyɔ-vʋʋrʋ vɔl a ʋlɩ bom nɛ na ɩ bʋ̃-kpiira.

Galasi 5:4

Nyɩɩm na bɔbr k'aa Wulu ɩ nyɩ ɩ nɩ-mɩn a, a baar'a nyɩɩm nɩ a Kɩrɩta cara pʋɔ, ɛ́ nyɩ mɩ̀ kʋ̃ lɛb páw a Naaŋmɩn maalʋ ɛ.

Efɛɛzɩ 1:18

Ʋ sàw caalɩ a nyɩ socie nɩ a ʋ cãà, nyɩ tʋ̃ɔ́ bãw a tɩɛrʋ ʋl a ʋ bʋɔlʋ na ɩ kɛ́ nyɩ tɛr a, nɩ a ʋ gbã-dɩ-bom na vɩɛl bɛ tɛr tɔ, ʋ na cɔbrɩ cɛlɛ nɩ a ʋ nɩ-sori a.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

2 Tesalonikɩ 2:8

Lɛ n'a a Faalʋ nɩr na sãá, a Sore Yeezu pɛbl'ʋ kʋ, ɛ́ ɩ ʋ bɔr nɩ a ʋ waa cãà.

2 Timote 1:1

A mãa Pol Naaŋmɩn na nɔ̃w yã ƴãw ɩ̃ ɩ a Kɩrɩta Yeezu nɩ-tona a, a tu a lɛ ʋ na yel k'ʋʋ na kʋ̀ tɩ nɩ a nyɔ-vʋʋrʋ a Kɩrɩta Yeezu ƴãw a,

2 Timote 1:8

Lɛ so, ta zɔrɛ vĩ a tɩ Sore dãsɩɛ dɩb ƴãw ɛ. A mãa mɩ̀ na be a gaso pʋɔ a ʋ yúor ƴãw a, a ta ɩrɛ fʋ vĩ ɛ. Nɩ̃ɛ vɛ̃ kɛ́ sàw lãw nɩ mɛ̃ wone a tuo nɩ Naaŋmɩn fãw, a Yel-nʋ̃ɔ̀ ƴãw.

2 Timote 4:1

Ɩ̃ zɛlɛ na kpaalɛ nɩ fʋ, a Naaŋmɩn niŋé nɩ a Kɩrɩta Yeezu niŋé, ʋl na na lɛb wa wa maal'ɩ a nɩ-vʋʋrɩ nɩ a nɩ-kũuni ƴɛ̀rʋ a, a ʋ lɛb-waa nɩ a ʋ naalʋ zũú,

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Títɩ̀ 2:11

Bʋ̃ʋ n'ʋ vɛ̃, Naaŋmɩn ɩ n a ʋ maalʋ na ɩ a nɩsaalbɛ za faafʋ yib zie a, ʋ sãá.

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

Títɩ̀ 3:4

Ɛcɛ a lɛn daar a Naaŋmɩn tɩ Faarɛ na wa wul a ʋ socir vɩɛlʋ nɩ a ʋ nɔ̃wfʋ a sãá a nɩsaalbɛ za ƴãw a,

Ebre 10:32

Nyɩ lɛb tɩɛrɩ a lɛ a na tɩ ŋmɛ̃ nyɩ a pɛr-tib daar a: nyɩ na tɩ nyɛrɛ a cãà wa báarɛ a, nyɩ wõ n tuo yaga, nyɩ mɔ̃ nɩ mɔb na kpɛmɛ a.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

2 Pɩɛr 1:3

A ʋ naaŋmɩnʋ fãw zũú, a Sore kʋ̀ tɩ nɩ bom za a na sɛw kɛ́ tɩ tɛr tʋ̃ɔ́ vʋʋrɛ nyɔ-vʋʋr-vla ɛ́ ƴãwnɛ a Naaŋmɩn a. Ʋ ɩ na tɩ bãw a Sob nɛ na ƴãw tɩ pʋɔ a ʋl mɩŋa yúor-vɩɛlʋ-danʋ pʋɔ, ɛ́ tɛr a ʋ fãw ʋ na tone nɩ tõ-vɩɛlɩ a.

2 Pɩɛr 2:20

Yel-mɩŋa n'a, a bɛlɩ dem na faa bɛ tʋɔra a tẽ-daa dɛwr ƴãw, a tɩ Sore nɩ a tɩ Faarɛ Yeezu Kɩrɩta bãwfʋ zũú a, bɛlɛ wa lɛb bɛr a dɛwr á ŋá lɛb páw bɛ ɛ́ tʋ̃ɔ́ bɛ a, bɛ nɩ̃ɛ na mɩ́ lɛb kpɛ faa zuo a dãwdãw.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

2 Pɩɛr 3:2

Nyɩ lɛb tɩɛrɩ a ƴɛ̀rʋ al a naaŋmɩn-ƴɛ̀r-man-son na tɩ dãw ƴɛ̀r a, nɩ a Sore nɩ a Faarɛ nɔ-ƴãwna a nyɩ nɩ-toni na lʋɔrɩ kʋ̀ nyɩ a.

1 Zã 1:2

Bʋ̃ʋ n'ʋ vɛ̃, a nyɔ-vʋʋrʋ ŋa sãá na, tɩ nyɛ̃ ʋ na, tɩ dɩrɛ nɩ a ʋ dãsɩɛ, tɩ manɛ nɩ a nyɔ-vʋʋrʋ na be kʋralɛ a yele kʋ̀rɛ nyɩ, a nyɔ-vʋʋrʋ ŋa na tɩ be a Naaŋmɩn Sãà zie ɛ́ wa sãá tɩ nyɛ̃ a.

1 Zã 4:14

Tɩ nyɛ̃ na ɛ́ dɩrɛ a dãsɩɛ k'aa Sãà tõ n a ʋ Bie k'ʋʋ wa ɩ a tẽ-daa faarɛ.

Yel-wula 18:1

Al pùorí, ɩ̃ tɩ nyɛ̃ nɩ malkɩ yũo ʋ yi a salom zu siwr waar. Ʋ tɩ tɛr'ɩ fãw kpɛ̃ɛ, ɛ́ a ʋ vɩɛlʋ cãà caalɩ a tẽw za.

Yel-wula 2:7

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

Yel-wula 20:14

Bɛ tɩ lɔb'ɩ a kũu nɩ a kpɩmɛ tẽw ƴãw a gbãtar-kpɛ̃ɛ vũumí. A gbãtar-kpɛ̃ɛ vũu ɩ n a kũu-gb'a ayi sob.

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.

Yel-wula 22:17

A Naaŋmɩn Vʋʋrʋ nɩ a Pɔw-sãan yere na: «Wa!» Sob nɛ na wone à à ŋá a, ʋ mɩ̀ yel: «Wa!» Sob nɛ kʋ̃ɔ-nyúur na kpɩɛr a, ʋ wa. Sob nɛ na bɔbr a, ʋ páw a nyɔ-vʋʋrʋ kʋ̃ɔ, mɔlɛ.