2 Samɩɛl 8:2 - A SƐB-SÕW

² Ʋ mɩ̀ tɩ zɛb'a tʋ̃ɔ́ a Mowab tẽw dem. Ʋ tɩ fɛr bɛ na ƴãw bɛ gã pɩɛrɩ tẽw, ʋʋ bʋ́r bʋ́r bɛ nɩ miw-máná. Ʋ tɩ kʋ n ziir ayi nɩbɛ, ɛ́ bɛr a ziir ata sob dem. Lɛ n'a a Mowab tẽw dem tɩ lɩɛbɩ a Daviir tõ-tõ-biir, a fɛr kɛ́ bɛ mɩ́ ya zu-yar.

2 Samɩɛl 8:2 ပူးပေါင်းရင်းမြစ်များ

2 Samɩɛl 12:31

A Daviir tɩ diw nɩ a tẽw nɩbɛ cen nɩ tɩ ƴãw bɛ tone tõ-kpɛn: dàar fɔwfʋ, kʋsɛbɛ pɛnʋ, tɩɩr cɛb, birkiri ŋmab. Lɛ n'a ʋ mɩ̀ tɩ ɩ a Amɔ̃ tẽw dem tẽ-bɛrɛ za. Al pùorí, a Daviir nɩ a ʋ zɛbr-nɩbɛ za tɩ lɛb'a kul a Zerizalɛm.

2 Samɩɛl 8:6

A Daviir tɩ zɩɩl'ɩ na-kpɛ̃ɛ-lɩɛrbɛ a Siiri tẽw dem ƴãw, bɛ lɩɛbɩ a Daviir tõ-tõ-biir, a fɛr kɛ́ bɛ yarɛ zu-yar. Zie nɛ za a Daviir na mɩ́ tɩ cen a zɛbr a, a Sore mɩ́ tɩ ɩ na ʋ zɛb tʋ̃ɔ́.

2 Na-mɩnɛ 1:1

A nãà Akab kũu pùorí a, a Mowab tẽw dem bɛ tɩ cãà sàw a Ɩsɩrayɛl tẽw naalʋ-dɩb a bɛ zu ɛ.

2 Na-mɩnɛ 17:3

A Asiiri tẽw nãà, Salmanasaar, tɩ wa na wa zɛb'ɩ a Oze. A tɩ fɛr'a a Oze sàw ʋ na tʋ̃ɔ́ ʋ a, ɛ́ yarɛ yar kʋ̀rɛ ʋ yũon za.

1 Bibie za yel-manɩ 18:2

Ʋ mɩ̀ tɩ zɛb'a tʋ̃ɔ́ a Mowab tẽw. Lɛ n'a a Mowab tẽw dem tɩ lɩɛbɩ a Daviir gbãgbaar, a fɛr kɛ́ bɛ mɩ́ ya zu-yar.

2 Bibie za yel-manɩ 26:8

A Meunitɩ mɩnɛ tɩ ya n zɛbr zu-yar kʋ̀ a Ozɩasɩ. A Ozɩasɩ tɩ kpɛmɛ na, a ʋ yúor yi tɩ tɔ a Eziptɩ tẽw tʋr-bɔwrɩ.

Sɛb-sõw yielu 108:9

Mãa so a Galaadɩ tẽw nɩ a Manase tẽw za. Efarayim n'ɩ a ɩ̃ kpawɔ-kpow, ɛ́ Zuda ɩ a ɩ̃ naalʋ-dabɔl.

Sɛb-sõw yielu 18:45

mãa wa ƴɛ̀rɛ lɛ pɛ, bɛ mɩ́ sàw nɩ a ɩ̃ nʋɔr. Zawlbɛ waar'a wa ƴɛ̀rɛ nɔ-kãá a ɩ̃ zie,

Sɛb-sõw yielu 60:10

Mowab n'ɩ a ɩ̃ kʋ̃ɔ-so-laa, ɩ̃ lɔb'ɩ a ɩ̃ nafaga dɔwlɩ a Edɔm tẽw zu. Ɩ̃ ŋmɩɛr'ɩ a zɛbr cɛl a Filisɩtɛ̃ tẽw ƴãw.»

Sɛb-sõw yielu 60:8

Naaŋmɩn ƴɛ̀r'ɩ a ʋ yir-sõw pʋɔ yel: «Ɩ̃ cɩlɛ na, ɩ̃ póne nɩ a Sɩsɛm tẽw! Ɩ̃ manɛ nɩ a Sukotɩ bà-fʋɔla.

Sɛb-sõw yielu 83:6

Bɛ sɔwlɛ na ɓanɛ taa, bɛ za sàw na kɛ́ bɛ maalɩ wõ-taa a fʋ ƴãw.

Ɩzayi 36:16

Nyɩ ta bɛrɛ wone a Ezekɩasɩ ƴɛ̀rʋ ɛ, nyɩ nɩ̃ɛ bɛrɛ wone a lɛ a Asiiri tẽw nãà na yere kʋ̀rɛ nyɩ a: Nyɩ nyɔw nɩ mɛ̃ báalʋ, nyɩ bɛr nyɩ tʋɔra kʋ̀ m. Lɛ n'a a nyɩ kãw za na mɩ́ dɩrɛ a ʋ divɛ̃ tɩɛ nɩ a ʋ kãkã-tɩɛ wɔmɛ, ɛ́ nyúur a ʋ sa-bie-kʋ̃ɔ-bɔw kʋ̃ɔ

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

1 Samɩɛl 10:27

Ɛcɛ nɩbɛ kãw na bɛ tɛr pɛr towtow a, tɩ yel'a: «Ŋmɩŋmɩn n'a a nɩr ŋa na tʋ̃ɔ́ faa tɩ?» Bɛ tɩ jewr'ʋ na, ɛ́ bɛ wa n bom za wa kʋ̀ ʋ ɛ. Ɛcɛ a bɛ tɩ ɩ a Sawul bom za ɩ.

1 Samɩɛl 14:47

A Sawul na tɩ dɩ a naalʋ a Ɩsɩrayɛl zu baarɩ a, ʋ tɩ zɛb'ɩ nɩ a ʋ dɔ̃ dem na tɩ jil koli ʋ a: a Mowab tẽw dem, a Amɔ̃ tẽw dem, a Edɔm tẽw dem, a Sova naalʋ-ten nɩ a Filisɩtɛ̃ mɩnɛ, ɛ́ zie za ʋ na mɩ́ tɩ lɩɛbɩ a, ʋ mɩ́ tɩ zɛb'a tʋ̃ɔ́.

1 Samɩɛl 22:3

A Daviir tɩ yi n a Adulam, ɛ́ cen Mowab tẽw Misɩpe. Ʋ tɩ yel'ɩ a Mowab tẽw nãà: «Sàw a ɩ̃ sãà nɩ a ɩ̃ mã wa kpɩɛr a fʋ zie, ɛ́ gù ɩ̃ tɩ bãw bom nɛ a Naaŋmɩn na bɔbr k'ʋʋ ɩ m a.»

1 Samɩɛl 22:4

Ʋ tɩ tɛr bɛ na cen nɩ a Mowab tẽw nãà zie, bɛ tɩ kpɩɛr a ʋ zie, a lɛn daar za a Daviir na tɩ be a ʋ sɔwlʋ zie a.