2 Samɩɛl 7:9 - A SƐB-SÕW

⁹ Mãa nɩ fʋ̃ʋ tɩ nɛbɛ, zie nɛ za fʋ na tɩ cere a, ɩ̃ kʋ n a fʋ dɔ̃ dem za, a fʋ niŋé. Ɩ̃ na ɩ na a fʋ yúor yi, man a tẽw ŋa zu nɩ-yée yée.

2 Samɩɛl 7:9 ပူးပေါင်းရင်းမြစ်များ

Yele-za-pɛr-tib 12:2

Ɩ̃ na ɩ na fʋ yɛ̀r ɩ nɩ-bʋʋrɛ na ta nɩ-bʋʋrɛ a. Ɩ̃ na maalɩ fʋ na, ɛ́ ɩ a fʋ yúor ʋ yi. Fʋ na ɩ n maalʋ a nɩbɛ zie.

2 Samɩɛl 22:1

A Daviir tɩ yiel'ɩ yielu ŋa a Sore ƴãw, a ʋlɩ bibir a Sore na tɩ faa ʋ a ʋ dɔ̃ dem nɩ a Sawul nuru pʋɔ a:

2 Samɩɛl 22:30

Fʋ̃ʋ n'ʋ ɩ̃ mɩ́ lãw nɩ ƴaw gãw a bɔw, a fʋ̃ʋ ɩ̃ Naaŋmɩn zũú n'a ɩ̃ na tʋ̃ɔ́ ƴaw gãw a dacĩ-kpɛ̃ɛ.

2 Samɩɛl 22:43

Ɩ̃ nɛb bɛ na ŋmɛr ŋmɛr, ɩ̃ ɩ na bɛ lɩɛbɩ uuru, ɩ̃ nɛb nɛb bɛ na, mɛ̃ sɛ́ɛ zu mɛ̃mɛrɛ a.

2 Samɩɛl 23:1

Nyɛ̃ a Daviir ƴɛ̀r-pɛ-baara: Nyɩ bɛrɛ wone a Zese bidɛb Daviir ƴɛ̀rʋ, a nɩr nɛ bɛ na zɛw ʋ do saa bɛ dɩ vuo a ƴɛ̀rʋ, a Zakɔb Naaŋmɩn nɩ-kabra, nɩ a sob ʋl a Ɩsɩrayɛl nɩbɛ na nɔnɛ a bɛ yielu pʋɔ a:

2 Samɩɛl 5:10

À ŋá n'a a Daviir tɩ tɛrɛ fãw dɔwlɛ, a Sore, a Kpɛnʋ-za-sob na tɩ be a ʋ zie a ƴãw.

2 Samɩɛl 8:13

A Daviir tɩ ɩ na a ʋ yúor yi a lɛn daar ʋ na tɩ zɛb tʋ̃ɔ́ a Siiri tẽw dem, a Nyaarʋ-fʋɔla pʋɔ, kʋ a bɛ nɩbɛ tùr-pie nɩ ani (18 000), ɛ́ lɛb wa a.

2 Samɩɛl 8:14

Ʋ tɩ zɩɩl'ɩ na-kpɛ̃ɛ-lɩɛrbɛ a Edɔm tẽw. A Edɔm tẽw za pʋɔ n'a ʋ tɩ zɩɩl'ɩ na-kpɛ̃ɛ-lɩɛrbɛ, ɛ́ a Edɔm tẽw dem za lɩɛbɩ a Daviir tõ-tõ-biir. À ŋá n'a a Sore mɩ́ tɩ ɩ a Daviir zɛb tʋ̃ɔ́, zie nɛ za ʋ na mɩ́ cen a zɛbr a.

2 Samɩɛl 8:6

A Daviir tɩ zɩɩl'ɩ na-kpɛ̃ɛ-lɩɛrbɛ a Siiri tẽw dem ƴãw, bɛ lɩɛbɩ a Daviir tõ-tõ-biir, a fɛr kɛ́ bɛ yarɛ zu-yar. Zie nɛ za a Daviir na mɩ́ tɩ cen a zɛbr a, a Sore mɩ́ tɩ ɩ na ʋ zɛb tʋ̃ɔ́.

1 Bibie za yel-manɩ 17:8

Mãa nɩ fʋ̃ʋ tɩ nɛbɛ, zie nɛ za fʋ na tɩ cere a. Ɩ̃ kʋ n a fʋ dɔ̃ dem za a fʋ niŋé. Ɩ̃ na ɩ na a fʋ yúor yi man a tẽw zu nɩ-tɩbr yée.

Sɛb-sõw yielu 21:6

A fʋ sõwfʋ zũú a, a ʋ yúor yi na bɛ dɩ vuo ɩ, vɩɛlʋ nɩ dɛpaalʋ n'a fʋ kʋ̀ ʋ.

Sɛb-sõw yielu 89:23

A dɔ̃ sob kʋ̃ tʋ̃ɔ́ bɛlɩ ʋ nyɔw ɛ, a nɩ-faa kʋ̃ tʋ̃ɔ́ ɩ k'ʋ nyɛ̃ vĩ ɛ.

Luka 1:52

Ʋ cã n a kpɛnʋ dem lɔb a bɛ naalʋ-dà-kɔwr zuru, ɛ́ zɛw a bãbàalbɛ.

Zozue 6:27

A Sore tɩ be n a Zozue zie, ɛ́ a Zozue yúor yi a tẽw za pʋɔ.

1 Samɩɛl 18:14

ɛ́ kʋralɛ ʋ na mɩ́ tɩ yi a zɛbr a, ʋ mɩ́ zɛb'a tʋ̃ɔ́, bʋ̃ʋ n'ʋ vɛ̃, a Sore tɩ be n a ʋ zie.

1 Samɩɛl 18:30

A lɛn daar a, a Filisɩtɛ̃ mɩnɛ nɩ-bɛrɛ tɩ yi na kɛ́ bɛ zɛb'ɩ a Ɩsɩrayɛl nɩbɛ. Zɩ̃ k'aa zɛbr za pʋɔ a, a Daviir mɩ́ tɩ zɛb'a tʋ̃ɔ́ zuo a Sawul sojarɩ nɩ-bɛrɛ za na cɛ a, lɛ n'a a Daviir yúor tɩ yi yaga za.

1 Samɩɛl 2:8

Ʋ mɩ́ nyɔw nɩ a bãbàal a tanɛ pʋɔ ʋ lɛb ìr, ɛ́ ír a nã́w sob a sagɛ pʋɔ, k'ʋʋ zɩɩlɩ bɛ na-mɩnɛ dà-kɔwr zu, bɛlɛ nɩ a nɩ-yée. A Sore so a tẽw za, ʋlɛ n'ʋ dɔwl'ʋ a ʋ kpule zu.

1 Samɩɛl 31:6

À ŋá n'a a Sawul nɩ a ʋ bidɛbr ata, nɩ a ʋ zɛbr bʋ̃-tɛrɛ nɩ a ʋ sojarɩ za tɩ lãw kpi bibi-been.

1 Samɩɛl 5:10

Daadaalɛ, bɛ tɩ ƴãw na bɛ tuo a Naaŋmɩn wõ-taa daga cen nɩ Ekiron. A Naaŋmɩn wõ-taa daga na dɛ wa tarɛ a Ekiron a, a Ekiron tẽw dem tɩ ŋmɛ n cɛl yel: «Bɛ tuo nɩ a Ɩsɩrayɛl Naaŋmɩn wõ-taa daga wa n a tɩ zie, kɛ́ bɛ wa ɩ tɩ kpi, tɩɩm nɩ a tɩ nɩbɛ!»